DEC. 2
Nasep
hoih khat Septaak mah hiam?
Roman Prodanyuk
Toma in Georgia gamah sumbawl khualzin mi khat hi. Mawtaw khat a lei
nadingin $ 15,000 bang sumkhol khin hi. Ahi zongin mawtaw lei ding sangin a
sanggam cimawhte huh zawk ding ngaihsun hi.
Zanteh ihmu thei lo, na sanggamte huh in,’ cih hopihna aw dank hat a bil ah gingden hi. Toma in zong mawtaw lei ding ngaihsun nawn lo-in a sanggamte huh ding ngaihsun hi. Netherland gam ah a sanggamte nasep pai nading vanleng letmat lei-sak hi. Tua bangin a huhteh a sanggamte’n lamdangsa uh hi. Kong huhna hi. Nasem unla, sum na ngah uhteh sum hong khak kik unla, tua-teh mawtaw lei ding,ci-in Toma in pulaak hi.
Zanteh ihmu thei lo, na sanggamte huh in,’ cih hopihna aw dank hat a bil ah gingden hi. Toma in zong mawtaw lei ding ngaihsun nawn lo-in a sanggamte huh ding ngaihsun hi. Netherland gam ah a sanggamte nasep pai nading vanleng letmat lei-sak hi. Tua bangin a huhteh a sanggamte’n lamdangsa uh hi. Kong huhna hi. Nasem unla, sum na ngah uhteh sum hong khak kik unla, tua-teh mawtaw lei ding,ci-in Toma in pulaak hi.
Leitawi piakik lo
Toma’ sanggamte’n Netherland ah a nasepna panun sum ngah hi taleh Toma
in sum a piak kik ding uh a gen hangin a sanggamte’n pia kik nuam lo uh hi.
Toma zong heh mahmah ahih manin Netherland ah va pai hi. A sanggamte’ nasepna
ah va pai-in, a nasepna pa uh tawh va kimu hi. A kha sum panun tawmta dawh
dingin Toma in pulaak hi. Tua bang hi leh $ 15000 tawh innlam ciah ding geelna
nei hi. Tua tawh mawtaw lei dingin ngaihsun hi. Ahi zongin tua bangin hong
tangtung lo hi. Gutate’n a sum a lang phial bel guksak uh hi.
Ni khat Toma in Ukraine khuapi Kieve ah va zin hi. Khua sung lamgei ah
kimawl naupang hon khat mu-a, tua naupangte kiangah SDA biakinn koi ah om hiam
ci’n va dong hi. Tua gei mahah SDA biakinn om na hi gige hi.
Toma in a sanggamte ngaihsun sun lai hi. Huaihamna in supna hong tun
thei ahihziate ngaihsun sun hi. Pastor tawh kimu-in a tuahkhak thute pastor
kiangah hong pulaak hi. Pastor Roman in Toma kiangah “ na sanggamte na huh
ma-in a nuntak hamsat uh Pasian ngawh uh hi. “ Cihmahin Pasian zuau ngei lo hi.
I gamtatna tungtawnin Pasian in thu hong khen ding hi (Romans 3:4). Ahi zongin nangma
huhna tawh a nuntakzia uh tampi kikhel hi. Ahi zongin na sanggamte in Georgia a
tun uhteh a sumteng uh bei-in a cihmawhnate uh Pasian ngawh uh hi. Lai Siangtho
in ‘thuman lopi-in hauhna in hun tomno sungin bei mang ding hi, ci hi (Paunak
13:11). Tua bangin pastor Roman tawh hong kiho uh hi.
Pastor pa’ gen bangin tangtung
Pastor Roman in Toma kiangah nong gen nai loh thu khat om lai hi.
Netherland panin Georgia na tunkikteh na hehsuak mahmah hi. Ahi zongin na nasep
lawhcing zaw semsem hi, a cih leh Toma in, pastor aw, tua pen bangci theih na
hiam? ci-in dong kik hi. Pastor Roman in thei mah ing. Bang hang hiam cihleh
Lai Siangtho in tua bangin hong hilh hi, ci-in dawng kik hi. “ Mizawng a huhte
cimawh ngei lo ding hi (Paunak 19: 17).Toma in tua thu a zakteh lamdangsa hi.
Ahi zongin a telloh thu pawl khat pastor Roman tawh hong kikum toto uh hi.
Pastor Roman in Toma kiangah “ na sanggamte a cihmawhna uh Pasian ngawh uh hi.
Thukhen Ni ciangin mawhsakna tawh a kipelh nadingun Pasian in amaute cihtheihna
thupha pia hi. Kha Siangtho in nangma tungtawnin tua thupha na sanggamte tungah
pia hi. Ahi zongin na sanggamte thumanin gamta tuanlo uh ahih manin Thukhen Ni
ciangin mawhsakna tawh kipelh lo ding uh hi. Thukhen Ni ciangin Pasian i
mawhsaktheih nading om lo hi. Pasian in zong nang thupha hong pia-in, na
sanggamte tungah na piak thuphate, hong kipia kik hi.
Tua bangin pastor Roman in a pulaakteh Tomo in, “ Pasian in ka neihsa
zah thum bangin hong din kik hi,” ci-in dawng kik hi.
Ukraine gam in leitung mun tuamtuam ah mangbuh a zuakkhia hat gam khat
hi. 1986 kumin Chernobyl nuclear a puakkhap hangin mi tampi in cancer, awm
natna ngah hi.
Tu quarter Sabbath School 13 sumpi in Kiev gam ah nasep nadingin kipuak
ding hi. MUC SDA conference in Kimlai biakinn puah nadingin kipuak ding hi.
