DEC. 16 Thungen Mi Thum (Nadezhda Raya, 54)

DEC. 16

Thungen Mi Thum  (Nadezhda Raya, 54)

Ka innkuan un SDA biakinn gei khat ah ka teng uh hi. Kikhawm pai ding Lai Siangtho tawi-in biakinn zuan mite ka mu den hi. Ka nuntakna-ah kisap khat om hi, cih ka phawk hi. Soviet Union kikhenma hi-in Lai Siangtho ka mu ngei kei hi.
Lai Siangtho in bang thu pulaak cih zong ka thei kha kei hi. Lai Siangtho sung thute thei nuam ka hih manin kuama theih lohin SDA innkuante kiangah ka hawh zel hi. Tua bangin ka pai kuama theih ding ka deih kei hi. Bang hang hiam cihleh ka omna-ah SDAte pen kineu muh hi.

Mi Khempeuh aa ding Lai Siangtho

Hih SDA innkuante kiang pan Lai Siangtho bu khat ka ngen hi. Laimai khempeuhah Sabbath thu pulaak hi, ci’in ka ngaihsun hi. Orthodox’ Lai Siangtho tawh kibat lohlam ka mu hi. Bang ni-in biakna pia ding,cih ka lunghimawh hi.Lai Siangtho in ni sagih ci napi ka pawlpi in Sunday ni-a biak ding hi. Ka nu in ko tawh kinai pen siampi khat va dong dingin hong sawl hi.

Siampi pa tawh kiho-na

Siampi pa tawh kimu-in, ama kiangah hih Lai Siangtho bu khat deih ing, ci-in ka gen a, Orthodoxte’ zat Lai Siangtho tawh enkak dingin ka pulaak hi. Siampi pa in Lai Siangtho hong paipih dingin a nasemte khat sawl hi. A nasemte’n Lai Siangtho hong pia uh hi. Rubles 30 ka pia hi. Tua hun lai-in a tamman hi ding hi.

Siampi pa in ‘Lai Siangtho in koi ni-in biakna pia ding hiam? ci-in hong dong hi. Hi lo hi. Nang kiang pan ka thei nuam hi, ci-in ka dawng kik hi. Hong gen in, ci’n ka kut hangin siampi pa in hong gen nuam lo hi. Nangma’n Lai Siangtho sung zongtawm in, ci’n hong sawl hi.

Orthodox biakinn panin lau pipi-in innlam ka zuan hi. Ka pasal in hong thei leh, bang hong gen tammaw, ci’n ka lunghimawh hi. Inn ciah pah dingin ka sawm kei hi. Meltheihte kiang khat ah hawh phot dingin ka ngaihsun hi. Tua ka pai-na lampi ah ka sanggam khat tawh ka kituak kha uh hi. A thupiangte khempeuh ama kiangah ka gen hi. Orthodox zat Lai Siangtho le ka khut a ka tawi Lai Siangtho ka enkak khawm uh hi. Bang mah kilamdanna ka om kei uh a, bang dingin hih zahin tampi man Lai Siangtho lei hi ding ka hiam, ci’n ka lungmang mahmah hi. Tawl khat khitlamteh ka sanggam numei khat in Lai Siangtho bu thak khat deih ahih manin ka Lai Siangtho lei pen ka zuak kik hi.

Ka Pasal in Um ngam lo

SDA suah ding ka pasal in hong phal lo hi. Koi mah ah kikhawm lo, ka pasa aa ding thu ka nget sak hi. Tua leh tui ka kiphum a kipan ka pasal in awmnatna le nungzang natna khat hong nei hi. A mei-ma ka puahsak sialin Topa tungah thu ka ngen hi. Khitui luang kawmkawm in thu ka ngen hi. Ni khat mei-ma puah ding ka kithawi uh leh a mei-ma damsiang hi. Lamdangsa-in ka pasal khat hangin aman bang mah thei kha lo hi.

Tua a kipan ka pasal in biakinn ah hong zui zel hi. Zan khat mangman a, tua a mang sungah Zeisu hong pai mu hi. Zingling dan khat hangin khanglo a, tui kiphum nuam ing, ci-in zan pi-in hong dong hi. Pasian in ka thungetna hong za hi. Ka kitui phum zawh kum 10 khitteh amah zong tui kiphum hi.

Ka Lawm Khat

Ka sangkahpih ka lawm nu khat aa dingin thu ka ngen hi. Ka kimuh loh uh kum 20 bang val khin hi. Khrih Honpa-in a san ding thu ka gen hi. Ni khat ka pasal tawh Moldova’ khuapi ah biakna pawipi khat siim dingin ka pai uh hi. Hih pawi ah thu ka ngetsak ka lawm nu tawh ka kimu kha uh hi. “Nang hih lai-ah bang vai hiam? ka dot leh “kei zong SDA suak ing,” hong ci hi. Tuma kum 20 lai-in pawlpi man ci-in kigen, tu’n kei zong SDA sungah om ing,” ci hong dawng hi. “Tua hun lai-in ken SDA cih bang peuhmah za kha ngei lo hing. Pasian in ka lawmnu aa ding kum 20 sung bang ka thunget hong dawng hi. Thungetna in vanglian hi.

Soviet-era aa dingin tu-in thu ka ngen hi. Tu quarter 13 Sabbath School sumpi in Moldova gam a SDA pawlpi nasep nadingin kipuak ding hi.

MUC SDA conference in Kimlai biakinn puah nadingin kizang ding hi.