VAN PAU MAW MIHING PAU (nung quarter azom)
By: Pr Kham Khen Pau
Pawlpi sungah Kamphen/Paulet omlo-in akitello Paudang Zanglo ding:
Paute pen thu-umlote adingin nalamdang, lim hi. Thu-um sate ading hilo hi. Kamsanna ahih leh athu-umnailote adinga kigeel hilo hi. (Tua manin thu umsate lakah theih ngaploh PAUTE zang dah lel un, aci ahi hi). Pawlpi sungah, la, thu, hilhkholhna khat peuh a gen nuamte in kamphen zang henla, mipi kiphungvuhna hisak zaw un. Mi khatpeuh in PAU azat leh PAULET mi 2 le atampen 3 dong zang hen.PAULET a omkei leh(agenpa theih kampau atel a om kei leh), thugenlo-in om lel hen. Amah-le-amah Pasian tungah apau hisak zaw un( amah le amah in Pasian ahopih na-in zang lel hen, mipi lakah zangnuam hamtang dah hen (26-28).
Kamsang 2 le 3 a om lezong gensak unla, mipi in ngaisak un. Kamsangte omzia pen kamsanna kha(Khasiangtho) in amakaih ding kisam hi—KST makaih kamsangte pen khat le khat kitukkalh cih omlo ding hi, aci ahi hi(29-32). Pasian pen tua banga akitukalhziazua-a nasem hilo hi.
Numeite Pau Sedah hen:
Numeite pen biakinn/pawlpi sungte ah dai om lel uh hen. Theihnop aneih uhleh inn ah apasalte dong zaw mai uh leh hoih ding hi. Amau tungtawn beka PS thu ong pai sa kha ngel mawk uh hiam?
Mikhat peuh in kamsangin akingaihsut leh tu-a kong gelhte hoihtakin na tel unla, kuama theihpihloh ahihleh na pom se keilel un(37-38).
Tua manin, ute naute aw, kamsanna na nak lunggulh mahmah unla, PAU TUAMTUAM PAUNA zong na khambit sam kei un. Na khempeuh hi dimdiam leh akituak akilawmin na hisak un(39-40).
Tomkaihna:
Kawrin pawlpi ah, KST letsong ahi Kamsanna le PAU-TE zatna vai-ah Paul awiloh mahbangin zangkhial uh hi. Hih buaina pen pawlpi sunga Kamtuam letsong ngah numei pawlkhat-te hanga buaina ahihlam, “numeite dai uh hen” acihna pan ong dawk hi. Paul in tua azatkhialh uh KST Letsong pen zahtakin, mawk gensiatlo-a, azatdan Pasian ngimdan a zuih ding uh bek deihsak hi.
PAU-Te pen Leitunga om PAU namte veve mah ahihna, KAM/PAULET ding mi 2 le 3 koih hamtang un acihna le Isaih sunga Assyriante vai agenkikna pan ong dawk hi.
Alian 14 sunga paute/kampaute(tongues/languages) acih kammal pen alian 12:4, 6, 10 sunga “geno”(various kinds of) cih bulphuh-in, nasep nam tuamtuam(varieties of effects) sep nadingin KST piak letsong namtuamtuamte(varieties of gifts) lakah kampau nam tuamtuam(various kinds of tongues) zng kihela, tuate pen leitunga om minam tuamtuamte pau nam tuamtuamte cihna bek hi, ci-in khiat ding ong suak hi.
I. KAWRIN MASA 14:6 LE VERSION TUAMTUAMTE KAMMALZAT
Hih ithubul sunga kammal PAU, PAUTE, KAMPAUTE leTHEIHLOH PAU(KJV/Authorized Version) cih te pen Greek kam “Glossa” le “Glosalalein” pan vive ahi hi. Tua kammalte in bang kawk pen hiam cih 1 Kaw 14:6 bulphuhin LST Version tuamtuam pawl khat le a kammal khiatna anuai-a bang ahi hi:
LST Versionte in (1Kaw 14:6) sungaGLOSSA le GLOSALALEIN akhiat dan uh:2
Version
|
English
|
Zokam
|
tongues
|
Kampaute
|
|
speak languages
|
Paunam tuamtuam pau
|
|
Speaking in tongues
|
Paunam tuamtuam-in pau
|
|
Speaking with tongues
|
Pau tuamttuam tawh pau
|
|
speaking with tongues
|
Pau tuamtuam tawh pau
|
|
speaking in tongues
|
Paunam tuamtuam in
|
|
other languages
|
Kampau dangte tawh pau
|
|
other languages
|
Kampau dangte tawh pau
|
|
foreign languages
|
gamdang pautnamte
|
|
speaking in tongues
|
Paunam tuamtuam in pau
|
|
tongues
|
Pau tuamtuamte
|
|
King James Version (KJV) 1611AD
|
Unknowntongue
|
Theihloh pau in pau
|
New American Standard Bible(NASB)
|
speaking in tongues
|
Paunam tuamtuam in pau
|
New American Standard 1977
|
Speaking in tongues
|
Paunam tuamtuam in pau
|
tongues
|
paunam tuamtuamte
|
|
New Living Translation
|
unknown language
|
Theihloh kampau
|
New World Translation(NW)
|
tongues
|
Paunam tuamtuamte
|
speaking in languages
|
Kampau tuamtuam-in pau
|
|
ယုဒသန္ - ျမန္မာျပန္သမာက်မ္းစာ
|
အျခား ေသာ ဘာသာ3စကားမ်ား
|
kampau namdangte
|
Hih atunga version teng en lehang, atamzaw in “PAU’ ‘KAMPAU’ “NAMDANG PAU” cih khiatna adawkdingin English “tongues”, “languages” in letkhia uh hi. Greek kam “Glossa” pan ahi hi. Ahizongin King James Version(KJV/AV 1611 AD) in a tuamzekin let hi—“unknown tongue” cihi. “Unknown” cih kammal pen Greek Codex le MSS-te sungah omlo-a, “tongue” cihna “glossa” bek om hi. Tua “tongue” pen akitelzaw ding deihna-in KJV teite-in “tongue” mai ah “unknown” behlap-in, asawi(italic) in gelh uh hi. 4
“Unknown” cih pen akitheilo cihna hia, Kawrin khua-a pawlpite in atheihloh uh kampau genna hinapi, tuhun tawh abulhte in leitungbup ah “kuamah theihloh” kampau cihna suah uh hi. Tua in leitungbupa kitheizolo/a omlo kampautuamdangpi khat cihna dingin ngaihsun laizang uh hi. Tuapen, Satan telloh dinga, Pasian le mite kihosimna, vanpau dingin angaihsun uh hi. Ahizongin Paul gennop bulpi ah, PAU NAM TUAMKHAT akizat ciangin,a paupa in atel hangin aza angaite in atelkei leh, tua pau pen KST letsong tawh angah ahi-a, theihna tawh apautheih ahiphial zongin akizatna muna om pawlpi sunga dingin phattuamna omlo hi, aci ahi hi. Amah in telin Pasian in zong tel ahihmanin amah le PS akihona ah zang lel hen—atel le atel nih kikala zat pen asiatna omlo hi, cihna ahi hi.
Apaupa in Pasian piak ahilam le akhiatna tel ahihmanin, Pasian tawh akizopna ah, ama adingbekin sia samlo aihmanin, vasimmawh sak dingzong hisamlo ahihlam agennuam ahi hi. Ahizongin mipi lakah thugenna in ong zang dah lel zaw hen aci ahi hi( 14:)
II. COMMENTARY-TE HILHCIANNA
14:6-14 ahilhcianna ah: Paul in thungaite telloh kam tawh ka hilh hangin, kiphungvuhna piangsaklo aihmanin, huihlaka pau bangin manneilo hi, a paupa le angaite pen barbarian(mihai) abang hi lel hi. Thu-um midik khat ahihnakleh midang phattuam nadingin kampau zang ding hi, cihna hi.
Aneu 6 Mangmuhna ahia, genkholhna ahia, upna thugui le thutheihna khatpeuh ka gen ciangin, mitel ding kam tawh ka gen kei leh, lungpilna tawh ka theih thu a hia, kha pulaakna tawh ka theih thu ahiphial zongin amawkna suak lel ding hi, cin hilhcianna pia hi.(1 Kaw 12:28).
Paul in amah Gentile-te laka dinga sawltak ahihzahin kha letsong pau tampi zang thei hi. Tua bangin apautheih hangin thuhilhna ah kuaman atelkei leh a paukhiat pen amawkna hi aci nuam ahi hi, cin hilhcian hi.
I. SAWLTAK 2 SUNGA KHASIANGTHO NASEP LE KAMPAU ZATNA
Sawltak 2 sung ah, Pentecost Pawi Ni in Peter in thugen hi. Ama pau-in thugen ahi hi(2:6, 7). Thungai mite in amau pianna pau ciatin za uh hi(2:8-11).Thungaite lakah pau namtuam ciat azang nam 17 bang kihel hi—(1)Parthian le (2)Medes le(3) Elamite le (4)Mesopotania lampan ate; (5)Judea, (6)Cappadocia, (7)Pontus le (8)Asia lampan; (9)Phrygia le (10)Pamphylia, (11)Egypt le (12)Lybia gam pan le (13)Cyrene pan, le (14)Rome pan lengla pawlkhat, (15)Crete tuikulh pan le (16)Arab mite banah (17)Jews le midangte kihel uh hi(2:8-11 NASB).8
Tuhun gamlim tawh gen leng, Africa, Europe, Asia le Middle East pan minam tuamtuam in Galile pau-a thukigen pen amau pianna kampau ciatin za uh hi, cihna ahi hi(2:8).
Peter in Nazaret mi Jesu pen Messiah le honpa hi cih thu gen hi. Peter kampau zat pen thungaite-in tello uh hi. Tel kei le uh amawkna mah hi veve ding hi. Lungdamna thu genkhiat nading le teltheih nadingin kampau kitellohna pen haksatna lianpi ong suak hi. Ahizongin KST in tua haksatna phisian saka, thungai minam 17-te in Peter thugen pen amau pianna pauciat- in tel uh hi. Tua kampaute pen vanpau khat zong omlo hi. Amau munciat ah akitel hangin midangin teltuanlo hi. Tua kimlai Kha Siangtho in kamlet-a, thungaite in amaupau ciatin za uh hi bek hi hi(2:2-4; 2:14-21 NASB).
Greek kammal “Glossa” pen Mang 13:7; 17:15 ah zong John in zanga, “mite, mihonpi, le minamte, le kampaute” cihna in zang hi.
Tua manin Sawltak, Kawrinth, le Mangbu sunga kampau tawh kisai pen, leitunga om minam tuamtuamte zat kampau namte cihna simloh adang omlo hi. Tua kamnamte pen Glossa, cih namte vive hi a, leitunga om ngeilo kamnam kihel lo hi.
Thukhupna
Atunga thuteng itom kaih ciangin
1. Kawrin Masa 14 sunga pawlpi buaina pen Kha Siangtho letsong ahi Kamsanna le Kampau zatna vai ahi hi. Tua kampau pen Greek pau-in Glossahi-a, mikang in language/tongue ci hi.Leitunga kizang paunam tuamtuamte cihna ahi hi.
2. LST Thak sungah KST piak “Kampau” tawh kisai genna Sawltak, Kawrin Masa le Mangmuhna munte ah “glossa” kammal veve kizang hi. Tua in leitunga om minam le kampau nam tuamtuamte kawkna bek ahi hi.
3. Lungdamna thu genkhiat nading le pawlpi phungvuh nadinga Pasian piak Kha Siangtho letsong namtampi lakah pau nam tuamtuam pau theihna letsong pen Kawrin pawlpi in azatloh nading munah zanguha, abuai uh ahi hi. Tua abuaipih pen uh vanpau hilo hi.
4. King James Version in Lai Siangtho Manuscript le Codex sunga omlo, “Unknown” cih kammal kampau cihna “tongue” mai ah abehlap ciangin, tuhuna Christian pawlkhat in telkhialhna in nei uh hi.
5. Tulai huna pawlkhatte ngaihsut vanpau cih tawh LST pawlpi masate na buailo uh hi. Amau buaina pen, pawlpi sunga mite’ telloh paunam Kha Siangtho ong piak hitah ci-a azatkhialhna uh tawh buai uh ahi hi.
6. Tua pau pen leitunga om pau nam(genos) ahihkei-a, minam khat peuh in azat ngeihloh, akhiatna kilet theilo, paunam ahikeih leh, thu-umlote adingin nalamdang ahih keia, kuama telloh ahiha, pawlpi phungvuhna ahikei leh, tua pau pen phuahtawm hi
a,“maizumhuaina” ahi hi.
Endnotes
1. James Strong, The Exhaustive Concordance of the Bible: Comparative Concordance, Dictionaries of the Hebrews and Greek Words of the Original with References to the English Word. New York: Abingdon Press. Sv. # 1100 “Glossa”
2. http://biblehub.com/akjv/1_corinthians/14.htm.
3. Adonirum Jodson,ျမန္မာက်မ္းစာ(Kawllai Lai Siangtho), 1 Kaw 14:6.
4. http://www.logos.com/demo
8. NASB: New American Standard Bible, The NASB Text Edition. La Habra, California: The Lockman Foundation, 1995.
