Thu tuamtuam

1. Nu Man Lun Niang leh Pa Nang Cin Khen  Lawkahtye ten tanu tapa 6 aneihna lakah a tum lam panin a 3 na Tg Zam Suan Langh @ langhboih in 7.7.2017 sun 12:50 p.m in leitungah kum 26 sung a khual zitna pan khawl mun nuam hong zuat san ta hi.

By : Sia Thang ( Tahan Church Pastor)

Lungdampihna

1. MMCC sang pan sang man khin khat in Thai ah sm sem
MMCC pan a graduate khin a hi Sm Hau Za Huai ( Huai Hoih) in " Prachupt Wittayalai" ( Thai) sang ah lai va hilh hi. Anasepna sangah sang naupang 2500 pha in, Sia 150 pha hi. Topa in sm nu ong zat sak semsem hen.

2.  Biakinn Tutphah ding Pia Khia
Tonzang pawlpi a dingin  Pr Langh Suan ii ngetsakna tawh Pa Thang Khat Lian te innkuan in Pasian gam leh lei a dingin a neihsa te it siik het lo-in Tonzang pawlpi a ding tutphah 70 piakhia hi. A piakhia a tate tungah i biak Pasian in thupha namcin hong piak sak hen.

Thupuak: Pr Langh Suan ( Treasurer)

3. Biakinn puahna ding Piakhia
Vangteh biakinn puah na dingin USA a om Tg Donghno in 150,000 piakhia ahih manin nuam mahmah hang. Topa in a piakhia a tapa tungah a zah 100 in ong thuh kik sak ta hen.

Thupuak : Sia Sangneu ( Vangteh Church Pastor)

3. Tuiphumna Nei:

1. Mi 7 tuiphum
Pr Langh Suan in Tonzang pawlpi ah April 18 panin April 28 dong nitak sialin effort subject a genna tungtawnin April 29, Sabbath ni ciangin 1. Tg Cin En Mung  2. Tg Thang Kim Khai
3. Tg Hau Zam Lian  4. Pa Pau Za Mung  5. Nu Lun Sian Huai
6. Tg Nang Sawm Piang leh 7. Nu Cing Khan Huai te tui kiphum uh hi. 

Thupuak : Pr Langh Suan ( Treasurer)

2. Mi 3 tui kiphum

Teinkaya Pawlpi ah Pr Gin, Sya Khup leh Sia Thang te in Home effort a bawlna uh panin Topa makaihna tawh 1. Nu Niang Dim  2. Nu Hat Lhing  3. Nu Cing Sian Nuam te Tuiphum pawlpi panin Pasian thuman sangin tuiphumna ong nei thei hi. 

Thupuak: Sia Thang ( Tamu Circle Leader)

3. Nupa in tui kiphum
Anlangh pawlpi ah RC pawlpi panin Pu Suan Khaw Thang te nupa in  innphiat beklo-in a nupa un tuiphumna  nei thei ahih manin i lungdam hi. Tedim Circle Leader Sia Neu in tui ong phum sak hi.  

Thupuak: Sia NaaMung

4. Siangtho kiteenna nei
Tg Sing Cin Mang leh Lia Dim San Ciinte in June 3/ 2017 ni-in Mandaria SDA Church (USA) ah Siangtho kiteenna nei uh ahih manin MUC gambup in Conference Thu kizakna laihawm panin i lungdampihna i pulaak hi.

5.Seventh-day Adventist World Church Membership phazah
- 2014 kumin 18,143,745
- 2015 kumin 18,478, 982
- 2016 kumin 19,126,438

6. Mawtawthak nei:

Zampi pawlpi sung panin Pa  Thang Sawm Langh te innkuan in June 14/2017ni-in Haimual mawtaw thak khat ong nei a hih manin khua sung mite leh pawlpi mite in nop tuamna lianpi nei ka hih manun lungdamna kong pulak uh hi.

Thupuak: Sia Thangpu