MUC

Print Friendly and PDF

Monday, September 18, 2017

SABBATH SCHOOL LESSON (4th Quarter 2017)



Lungdam Kohna: Hih bangin Zokam Sabbath School  Lesson kician takleh simnop tak in Kam ongletsak, deihsakna takleh Pasian itna bulphuh  leh ahunlap denden in ong vaihawm ahi Dr. Gin Lian Mung (Dr. Mungpi) tungah Nakpi tak in Zomi SDA te aitangin Lungdam ih ko nuam hi.

Dr. Mungpi pen asang kahlimlim akipan in ahanciam mahmah tupna sangpi anei ahih mah bangin ei Zomi te lakah Mipil Mimuanhuai  mahmah khat ahi hi. Thumaan deih in amaan bangin asem nuam Pasian azahtak mahmah khat ahi hi. Ama pilnate amah bekin nei-in kembek hilo in Pasian adingin a hihtheihtawp in mapangin MMCC College pilsinna sangpi ah President asep laitak ahi hi.

Pasian in ih sepbangbang ong en in ongciapteh sak ahihmah bangin Amah leh ama naseppih Sia/Sianu khempeuh ah ong makaihsak henla mailam hun ah Pasian thupha sangin adaupai anuamsa innkuan te ong hisak ta hen! Amen.

Tu Quarter Sabbath School Lesson
ROMANS: Upna bek tawh Gupna kingah

I dinmun: Luther in kum 33 a phakin Romans a muhzia tuma kum 500 val

September kha sungin pulaak khiat 95 nei hi. Tuate'n Papal’ kimakaihzia hoih a sakloh pulaak hi a, ahi zongin mawhmai-na letmat kizuakna hangin pawlpi sungah kipuahphatna lianpi hong piang hi. Tua a kipan pawlp in a ngei bang nawn lo hi. Ahi zongin Pasian Kammal le Lai Siangtho thuman thutak kikhel ngei lo hi. Hih thu siksanin Luther in Rome’ upna langdo hi. LaiSiangtho siksanin upna tawh gupna kingah hi, ci-in tangko hi. Tu quarter sungin hih thu i kikum ding hi.

Thuciam Thak sung pan Romans in bul mahmah hi. Romans in tatkhiatna thu taktak pulaak hi. Hih thu a thei hi bek lo-in Khristian kici mimal khat ciat in a nuntak pih ding thu hi,” ci-in Luther in gen hi. Martin Luther, Commentary on Romans.

Romans sungah Luther in upna bek tawh diktanna kingah cih thu hong mukhia hi. Luther in hotkhiatna tawh kisai a buaipih tawntung hi, Romans sung bek hi lo Thuciam Thak in zong upna tawh diktanna kingahna thu pulaak hi. Hih hotkhiatna in na khempeuh a pianma-in kigeel khin zo hi. (2Tim. 1: 9). Tua hotkhiatna in Khrih dikna sung bek ah om hi. Thukham zuihna tungtawnin hong kipia hi lo-in upna tungtawnin Khrih' dikna hong kipia hi. "Bang hang hiam cihleh mi khat peuh in Pasian tawh a kipawl theihna pen Thukham zuihzawhna hang hi lo-in upna hang hi. (Romans 3: 28). Hih thu siksanin Luther in zuau thuhilhte Roman kumpi' thuneihna a langpan manin fadiet of Worms makaite mai-ah thusttna thuakin “ka nungkik kei ding hi. Bang hang hiam cihleh Khristian khat in ama ngaihsutna kantanin na a sep leh lauhuai hi. Hih laimunah thuman ka tangko hi. Tua simloh ka hih theih bang mah om lo hi” ci-in pulaak hi (J.H. Mede D, History of Reformation.

Tu-in zong a citak thu-um mi khat in Pasian kammal tungah kinga-in LaiSiangtho tawh kituak lo ngeina, thuzuihna, upna khempeuh langpan hi. Luther hun sungin Khristian biakna sungah kikhelna lianpi hong om hi. Kum za tampi sung thuman lo upkhialhna tuamtuamte sunga om Khristian biakna in suahtakna hong ngah hi. Ahi zongin pawlpi kipuahphat zawh tawlkhat khitteh mi tampi in Rome makaih biakna sung tung kik uh hi.

“Biakna khempeuh kibang hi,” ‘Khristian biakna khempeuh kipawl khawm ding (Ecumenism) cih thute hangin, Luther nuntaklai, Pawlpi Kipuahphat (Reformation) hun lai-a thute tu-in kithei kha nawn lo hi. Daniel 7: 23 – 25; 8: 9 – 12; Mang. 13:14 in a genkholh mah bangin upna tawh dikna kingah hi, cih thu a tangko mite’n bawlsiatna, sihna thuak uh hi. SDA thu-um mite’n Lai Siangtho bek mah i siksan lianbel ahi hi. Tua hi-in Rome makaih biakna le thuzuihna a langpang i hi hi. Lai Siangtho hong thupiak bangin tuma kum 500 hunlai-a Luther tangko thu ‘tawntung Lungdamna thu’ a tangko i hi hi ( Mang. 18:4; 14:6).


To get the latest update of me and my works

>> <<