Pasian nasem Siate Innkuan
By :Pr Langh Suan
Pasian nasem seh sawm
suah seh khat ane, Lai Siangtho hilh siate pawlpi kem siate pen ama innkuan in
a kep, ahilhte aa dingin etteh ding ahi hi. Mi khat in thu a gengen sangin
amazia, a innkuan om zia in muibun zaw hi.
Siate'n a tate amakaih a thulhilhna leh attate thumanna in
sangnaupangte pawlpite aa dingin mit a muh theih lim hoih a suak hi. Tua lo
siate innkuan gamtatzia leh tong in a khial thuhilhna a suah leh Pasian' nasem
sia ding a ki lawm nailo hi a, a innkuan limtakin kihilh masa in a mahmah zong
kisek masa leh hoih ding hi. Banghanghiam cih leh thukhen ni ciangin Pasian in
" Na tate koici thuhilh na hi hiam? ci-in thu hong khen ding hi.
Mi kimkhat te in a zi atate makaihlo, thuhilh lo-in om cip
hi. Tua pen amawhna lian mahmah hi. Tua pen amawhna lian mahmah hi, Azi atate,
a innkuan vai ding a khensat thukhen mangpipa ahi hi. Puansilh, kampau, gamtat
te in sangnaupang/ pawlpi mi ta dingin limpha hi dinga, pawlpite sangnaupangte
hih bangin gamta leh hoih ding hi a cih bangin amahmah gamta pah ding, sihna
lampi hi lo-in nuntakna lamman makaih hilh ding hi. Hih nasepte lunglut melmel
lopi a sep pen Pasian in deih het lo hi. Lungsim takpi tawh za ah za mah
lungluttak asep bek Pasian in deih hi. Pawlpi mite leh nomau pumpi mahmah
limtakin na kem un. Sawltak 20:28
Pasian in note' khut sungah a hong piak tuuhonte hoihtakin
na cing unla, ut lopipi hilo-in,Pasian' hong deih bangin utna lungsim takpi
tawh na cing un. Sum ngahnopna bek tawh a sem hi lo-in utna lungsim tawh asem
te na hi un. Note' kep dingin a hong kipia tuute aana neihna tawh a cing
hilo-in tuute' etteh dingin agamtate na hi un. IPeter 5:2-3.
............ Satan in siate thanem na ding
lampial na ding a tawntungin hanciam tawntungin om hi.
