51
LESSON 8 NOV.18 – 24
ROMAN 7 IN KUA-MI GEN HIAM?
SABABTH NITAK
TU KAAL SUNG SIM DING: Romans 7.
KAMNGAH: “ Ahi zongin tu-in laimal a kigelh ngeina lui
bang hilo-in Kha Siangtho-a nuntakna thak tawh na i sep theih nadingin eite
hong khihcip ngei thukham sihsan khinta i hih manin tua thukham panin hong
kisuaktasak khinzo hi.” Romans 7: 6.
Romans 7
a kibuaipih zahin Lai Siangtho a kibuaipih tam lo hi. Hih tawh kisai-in The SDA
Bible Commentary in “Paul laikhak khempeuh lak pan Romans 7: 14- 25 telhak pen
hi” ci hi. Nunzia tawh kisai hi-in Paul in ama kikhelma a nunzia pulaak maw,
ahih kei leh a kikhel khit a nunzia maw, cih pen telhak hi. Paul in mawhna tawh
kisai a buaipihzia telham hi. Ellen G.
White,Steps to
Christ, 19; 3T.,475. “Tua banah Paul in mimal khat ciat phutkhak thu le Pasian
thukham siangtho theihtelna cihte zong pulaak hi.”
The SDA Bible Commentary,vol. 6.,553.
Lai
Siangtho thuthukkan tampi in Romans 7 muhzia tuamtuam pulaak uh hi. Bang bang
hi taleh a thupi pen in Khrih dikna hong kipia hi-in, tua dikna tawh Pasian
mai-ah mawhnei lo-in i om theih nadingin kamciam hong pia, hong siangthosak,
mawhna hong zosak, a Tapa nunzia hong neisak hi(Rom.8:29). Hih thu minam
khempeuh, pau nam khempeuh, gam khempeuh ah a pulaak ding i hi hi (Mang.14: 6).
SUNDAY NOV. 19
THUKHAM AH MISI BANGIN
Romans 7:1-6 sim in. Paul in thukham tawh kizopna thu gentehna bang
pulaak hiam? Bang deihna pipen hiam?
__________________________________________________________________
__________________________________________________________________
Paul in Sinai panin a kipan biakpiakna thu pulaak hi. Jew tampi in hih
biakpiaknate Zeisu Messiah hong pai khit ciangin kisam nawn lo hi, cih thu um
lo uh hi. Jew thu-umte’n hih thu a tel nadingin Paul in nupa tawh genteh hi.
Numei in a pasal nuntak laiteng a pasal ukna sungah om hi. Midang tenpih lo
ding hi. Ahi zongin a pasal a sihteh tua hencip pasal dang nei thei lo ding
panin a suakta hi (Rom.7:3).
Bangci bangin Paul in nupa thu le Judaism genteh hiam? Rom.7:4,5.
_____________________________________________________________________
____________________________________________________________________
A pasal si nupi in pasal dang thei dingin a suahtak mah bangin Zeisu
tungtawnin ci le sa deihna a sih ciangin, Messiah limcing khol thukham khempeuh
panin Jew mite’n suahtakna ngah uh hi.Tu-in Jew mite’n Messiah tawh nupa suah
theihna ngah uh hi.Tua in Pasian mai-ah nuntakna gah a nei suak hi. Jew mite’
biakbuk thukhamte panin kisuakta-sak khin hi. Thukham 10 zuihna kul nawn lo hi,
cihna hi lo hi. Thukham 10 kibeisak hi, a ci mite’n ni sagih ni Sabbath bei hi,
a ci nuam uh hi a, tua lo teng bei hi, ci tuan lo uh hi. Romans 7: 4,5 siksanin
Thukham 4 na thupiak bei hi; Sunday tawh kilaih hi, cih pen Paul hong hilh thu
tawh kituak lo hi.
MONDAY
NOV. 20
MAWHNA
LE THUKHAM
Paul in Sinai Mual a kipia thukham a gen hi leh Romans 7:7 in Thukham 10
lak pan khat a gen ahi hiam? Thukham 10 bei hi, ci a hi diam? Tua bang hi lo
hi. Paul in thukham cih kammal a zatnate ah Sinai Muala kipia thukham pulaak
hi-in, tua-ah Thukham 10 zong huam hi. Tua hi-in Paul in thukham a gen ciangin
Jew tawh kipawl thukham hi. Ahi zongin Khrih hong sihteh a bei thukham in
Thukham 10 hi lo hi.Bang hang hiam cihleh tua thukham in Sinai mapekin om khin,
Khrih hong sih khitteh zong a om lai thukham hi.
Romans 7: 8-11 ah Paul in mawhna le thukham kizopzia bang pulaak hiam?
____________________________________________________________
____________________________________________________________________
Pasian in Jew mite tungah a sia le a pha, gamtat luheek zia ding,
biakpiakna tawh kisai zuih dingte, gam sung ki-uk kimakaihzia ding le cidamna
thukham a kisam khempeuh a piakkhitsa hi. Hih thupiakte palsat a om leh a thuak
ding gimnate zong kihilh hi.Pasian’ deihna tawh kituak lo peuhmah mawhna hi.
"Haza kei in" cih thukhun om lo hi leh hazatna in mawhna hi lo ding
hi. Mawhna i cih in Pasian’ deihna pan lampialna hi. Pasian in Ama’deihna hong
hilh lo hileh mawhna om lo ding hi. Ama deihna hong hilh ciangin mihing in
mimawh mi ahihlam kiphawk hi. Mawhsakna thuakin sihna nuai-ah om ahihlam
kilangh hi. Paul in thukham thupi takin a ngaihsun Jew mite a theihsak nop thu
in Khrih in tua ‘thukham’ tangtungsak hi. Thukham kisam hi. Ahi zongin thukham
in ciangtan nei hi. Thukham in hotkhiatna kitangsaplam hong hilh hi. Thukham in
sihna pan hong honkhia thei lo hi; hotkhiat ngah nading hi lo hi.
“Sawltak Paul in a beisa huna a tuah thute siksanin nunzia a khel thute
pulaak hi. “Hun khat lai-in thukham nei lo bangin ka om hi. Mawh kisa lo hi;
ahi zongin mawhsakna hong tung ciangin Pasian thukham in a mawhlam kiphawksak
hi. “Mawhna hing kikin ka si hi,” ci hi. Tua khitteh amah le amah mimawh,
Pasian thukham tawh thukhenna thuak ding ahihlam kiphawk hi. Singlamteh tungah
a si (a bei) pen Thukham hi lo-in Paul hi zaw hi.” Ellen G. White Comments, The SDA Bible Commentary, vol.6.,
1076.
Koi bangin thukham mai-ah misi bang na hiam?Singlamteh bulphuhin Khrih'
hong piak nunna thak koi bangin na tel hiam?
TUESDAY NOV. 21
THUKHAM IN SIANGTHO HI
Romans 7: 12 sim in. Koi bangin Paul’ gen thu na tel hiam?
_____________________________________________________________________
___________________________________________________________________
Jew mite’n thukham kiptakin len ahih manun Paul in thukham a hoihna thu
hoihtakin gen hi. Thukham in mawhna pulaak ahih manin thukham in hoih hi. Ahi
zongin mawhna pan hong honkhia thei lo ahihteh Zeisu kisam hi. Biakna thukham
hi taleh Thukham 10 hi taleh, hong hon thei thukham om lo hi. Zeisu le upna
tawh i ngah Ama dikna bek in hotkhiatna lampi hi.
Paul in sihna hong tunpih kua ngawh hiam? Bang thu-ah kipengsak hiam?
Bang hangin hih thu nih kilamdanna thupi hiam? Romans 7: 13.
_____________________________________________________________________
____________________________________________________________________
Romans 7: 13 in thukham a deihhuai thei pen dingin pulaak hi. Paul in
mawhna hangin hehpihhuai a nunna pulaak hi; thukham hangin tua dinmun
ahihlohlam pulaak hi. Ci le sa deihna in sihna hong tun hi (Rom. 7:8). Thukham
in hoih hi. Bang hang hiam cihleh Pasian in thukham tawh mite nunzia sittel hi.
Ahi zongin thukham mai-ah Paul in mimawh hi.
Bang
hangin mawhna in mawhnei mi hong suaksak hiam? Rom. 7: 14, 15.
___________________________________________________________________
___________________________________________________________________
Mihing in ci le sa tawh kidim hi. Tua hangin Paul in Zeisu kisam hi.
Zeisu Khrih bek in mawhsakna hong paihkhiatsak thei hi (Rom. 8:1). Zeisu bek in
mawhna sila pan hong honkhia hi. Paul in amah le amah ‘mawhna sila’ ahihzia
pulaak hi. Amah le amahin mawhna sila pan suakta zo lo hi. Ama nuntaknop bangin
nungta thei lo hi. Thukham in a hilh nuntak hoih dingin hanciam napi mawhna in
khaktan hi. Hih thu siksanin Paul in Jew mite’n Messiah a kitangsaplam uh a tel
nadingun hilh hi. Paul in hehpihna bek in mawhna hong zo-sak hi, ci-in hilh
tawntung hi (Romans 6: 14). Hih thu mah Romans 7 in gen kik hi. Thukham nuai-ah
nungta cih thu in hehpihna nei lo mawhna' sila cihna hi.
Mawhna' sila na hiam? Nangma’ tha tawh mawhna zo ding na hanciam hiam?
Bang hangin nisimin mawhna-ah misi bangin, Zeisu tungah ki-ap a a nungta ding
kisam hiam?
WEDNESDAY NOV. 22
ROMANS 7 SUNGA MIPA
“Ka
sepnop lohteng mah sem ka hih leh thukham hoih hi, ci-in ka thukim hi. Ahih
hangin tua banga a semsem pen kei hi nawn lo-in ka sunga a teeng mawhna ahi
hi.” Romans 7: 16, 17. A kilangdo bang hong hilh hiam?
_________________________________________________________________
____________________________________________________________________
Thukham
in limlang bang hi, ci-in a genteh khitteh Kha Siangtho in thukham' deihna i
cinsak zawhlohlam a hong phawksakzia Paul in hong hilh hi. Thukham deihna zui
ding a hanciam mi in thukham hoih hi, ci-in mu hi.
Romans
7: 18 – 20 ah Paul in a pulaaksa thu bang genpha kik hiam?
________________________________________________________________
_____________________________________________________________________
Gamtat
siksanin dikna ngah ding hanciamna panin Khrih kitangsam ihihlam kiphawk
nadingin Kha Siangtho in hong makaih hi. “Israel mite in mawhna tawh kidimin a
nuntaklam uh kiphawk lo uh hi. Pasian tawh thuciam bawl khin uh hi napi, Khrih
lo-in Pasian' thukham kizui zo lo hi, cih phawk lo uh hi. Amau le amau-in dikna
ngah dingin kilamen uh hi. Topa’ hong sawl khempeuh ka sem ding uh hi, ci
sawnsawn uh hi (Pai. 24:7). Israel mite in
Pasian tawh thuciam
a bawl khit a sawt lo-in tua thuciam pan lampialpah uh hi. Milim bia uh hi.
Thuciam pelh uh ahih manin Pasian' maipha ngah dingin kilamen lo uh hi. Ahi
zongin tu-in a lampialna uh kiphawkin, mawhmai kisam ahihlam hong phawk uh hi.
Abraham tunga thuciam phawk kik uh a,Honpa hong phawk uh hi.”Ellen G. White,
Patriachs and Prophets, 371.
Nisimin
Khrih tungah ki-ap loh manin Khritian tampi in mawhna’ sila suak uh hi. Tua hi
mah amau le amau siantho-na tawh a nungta-in kingaihsun uh hi. Khrih kiang pan
mawhmai nading le siatna zawh nading ngen lo uh hi.
Pasian’ deihna
bangin nungta ding piang zo lo hi, ci uh hi. Roman 7 sunga thute’n ama nunzia
pulaak ahihlam phawk lo hi. Mawhna’ sila khat in Pasian’deihna bangin nungta
thei lo hi. Ahi zongin Khrih sungah a om mi in mawhna zo hi.
Khrih’
hong kamciam bangin mawhna le siatna tungah zawhna na ngah hiam? Na ngah kei
leh, bang hang hiam? Lampi manlo zui na hiam?
THURSDAY NOV. 23
SIHNA PAN KIHONKHIA
Romans 7: 21 – 23 sim in. Koi bangin Khristian hi napi i sep nop loh
semin, i sepnop kisem lo hiam?
___________________________________________________________________
___________________________________________________________________
Paul in ama pumpi’ deihna le mawhna a piangsak thu (mawhna thukham)
tuamkoih lo hi. Ci le sa in mawhna zui hi (Rom. 7: 25). Mawhna pumpi si ding
hi; ci le sa deihna a zui mi si ding hi. Paul in a lungsung a om Pasian’
thupiak bangin nungta nuam hi. Thukham in Pasian’ deihna pulaak hi. Kha
Siangtho a kimakaihsak Paul’lungsim in Pasian’ thukham pom hi napi thu
hoih sem ding a hanciam ciangin siatna bawl kha zel hi.
I lungsim in thu hoih sem nuam napi i pumpi in siatna bawl kha zel hi lo
hiam? Hih thu nih kido den hi lo hiam? Koi bangin hih bang kido-na pan suakta
ding i hiam? Rom. 7: 24, 25.
___________________________________________________________________
___________________________________________________________________
Paul in “Zeisu Khrih hangin Topa Pasian tungah ka lungdam hi,” ci
napi-in mi kimkhat in bang hangin Paul in thu hoih le thusia kido nawkkha den
hiam? ci-in lamdangsa uh hi. Vangliatna tawh kidim hotkhiatna thu tawh kizui-in
Paul in Topa Pasian tungah lungdam a koh khitteh ‘kua in a si ding pumpi panin
honkhia ding hiam? ci-in pulaak hi, ci uh hi (Romans 8). Paul in mawhna le
dikna kido tawntung hi, ci-in hong hilh hi. Mi kimkhat in Romans
7 in Khrih tawh a nungta lo mi’ nunzia a pulaak hi, ci uh hi. Hi mah hi.
Khrih lo-in mawhna zo kuamah a om kei hi (Romans 7: 24, 25). Khrih tawh a
nungta mi in nunna thak tawh a nungta mi hi-in Pasian’ kamciam khempeuh ngah
ding hi. Midang khat aa dingin huih na diksak theih loh bangin mi khat in nang
aitangin Khrih tungah ki-ap thei lo hi. Mimal khensat ding kisam hi.
Nang mahmah in Khrih hong kamciamte na ngah thei
hi.
FRIDAY NOV. 24
NGAIHSUTBEH
DING: “Thukham palsatna ah
diktanna, tawldamna le lungmuanna om thei lo hi. Mawhna sungah a nungta
mi in Khrih’ diktanna siksanin Pasian’ mai-ah mawhnei lo dingin lamet om lo
hi.” Ellen G. White, 1SM. 213.
“Paul in
a mipih Jew mite’n Honpa hong piak mawhmai-na thei le-uh deihsak hi. Khrih in
leitungah mihingin hong nungta-in mawhnei mi’ sih ding sangin hong si hi;
limciinna khempeuh tangtung hi, cih a theih ding uh deih hi. Khrih a hong sih a
kipan ganhing tawh biakpiakna thukhamte in kimanna nei lo hi. Ahi zongin tua
thukhamte in Thukham 10 tawh kizopna nei hi. Biakpiakna thukham hi taleh
Thukham 10 in Pasian’ siantho-na, a thumanna, a dikna pulaak uh hi. Khrih a
limcing biakpiakna thukhamte in siangtho, vanglian ahihleh Khrih hong pai
ciangin ama siantho-sak mite’n bangzahin vangliatna tawh kidim ding hiam?”
Ellen G. White, The SDA Bible Commentary, vol. 6. 1095.
KIKUP DING DOTNATE
1. “Ka lungsim
tawngah Pasian’ thukham nuai ah sila ka hi a, ka ci ka sa panin lah
mawhna thukham nuai-a sila ka hi zel hi” (Romans 7: 25). Thu-um mi khat sungah
hih thu nih, Pasian’ thukham le mawhna thukham om den hi. Diktanna ngah mi hi
mah taleh mi mawh hi vive hi. Bang hang hiam cihleh Paul in Pasian’ deihteng ka
sem hi. Ahih kei leh mawhna sungah nuam ka sa hi,” ci tuan lo hi. Ahi zongin
amah mah in hih thu nih tawh kido den hi, cih kilang hi.
Paul in Pasian thukham bangin nungta ahih manin lungdamko hi.
2. Hehpihna
ngen tawntung hi. A kikhel lo mi in Pasian’ thukham nuntakpih lo hi. Paul’
pulaaknop thu in “thu-um mi (mi siangtho) in mimawh hi mah taleh dikna ngah mi
hi. Bang hang hiam cihleh amah in Khrih sungah nungta hi. Khrih’dikna in amah
tuam a, Khrih’ dikna in ama dikna suak hi. Ahi zongin midik kici taleh mawhnei
mi hi; mawhna tawh nungta lai hi; thukham’ deihna ciin zo lo hi. Tua bang mi in
zatui kisam cina mi tawh kibang hi. Natna dam ding lamen a siavuante' kepna
panin tha le ngal hat kik hi. Ahi zongin a natna kidon kei leh natna liantektek
thei hi.” Martin Luther, Commentary on Romans, 114, 115.
Hih Luther’ pulaak na thukim hiam? Na lawmte tawh
kikum in.
