MUC

Print Friendly and PDF

Wednesday, September 6, 2017

CHRISTIAN SUNG AA OM ZAWMAH NGEINA TE



CHRISTIAN SUNG AA OM ZAWMAH NGEINA TE

          Meh khawng an khawng ih huan ciangin aki lawmpih ding teng mah kihel ciangin lim kisa mahmah hi. Khat veivei sathau lim ci-in tampi hel leng lim hetlo mawk thei hi. A ki lawm ciang mah a lim pen ahi hi. Tua mah bangin Zawmah ngeina le Christian upnate pen aki lawm teng a lim ding teng, a up huai ding teng mah deihtakin kitokin kihel zau hi.

1.Khuaimei vak
Lai Siangtho sung Zeisu pen leitung khuavak cih limla in khuai meivak kilim zat mahmah hi. Ahi zongin aki tuak ding kibulh bek hi-in Zawmah ngeina mah ahi hi. Ni pasian pawi ni ni khuavak limla in Ni pasian tau ahizong a biak inn vuah tampi tak vak zihziah uh hi. Tua lai-in electric bulb (meitui) ki zang thei nailo ahih manin khuai meivak mah vak zihziah uh hi. Tuhun ciang bel khuai meivak biakinn sungah aki zatna mun a om hangin, a tam zaw in lungdam bawl kuan ciangin electric bulb a tuamtuam in ki zang zihziah hi.

1.     Carol singing
December hong tun kuan ciangin akuamah peuh (Christian khempeuh) Carol lasa dingin kiging kibuai mahmah hi. Carol lasak hong pian khiatna a tangthu a bulpi pen in Zaw mah ngeina sungpan mah hi aa, December 17-23 ki kal aa Saturnalia pawi sung aa mi apawlpawlin a guaktangin inn khat khit inn khat pai-in Saturn (khuamial pasian) pasian phatna sa in a vak kawikawi na pan kila in Zeisu hong suah lungdamna thu tangko na in kinei ahi hi. Lai Siangtho sung vantung mite in tuu cing te kiang Zeisu suahna va tangko khit teh phatna la a sak ziahziahna thu tawh bulhin kituak mahmah hi. A hizongin ngaihsutna hong pian khiatna bulpi pen Zawmah ngeina pan hi zaw ahi hi.

2.     Lungdam bawl tak kung
Lungdam bawl hong tun kuan ciangin tak kung sat ding in khangno a tangzangte kisehin tak kung omna mun lam kipai ngeingai-in nuam bang kisa mahmah hi. Hih tak kung pen a koi pan hiam? Lai Siangtho sung lah omlo aa, ahi zong Zawmahte ngeina mah aki zangto ahi hi. December 17-23 (Saturnalia festival) kikal pawilakah khawi, khawi le vulh, mehteh mehgah pasian pawi zong kihel ahih manin, tua pasian pahtawina un singkung hing lai tuahin inntek aa zemin pasian biakna a neih uh ahi hi. Tuhun ciangin Christmas limciingin kituatin, tak kung ngah zawh kei le nahtang kung peuh kizang hi.

3.Lungdam bawl letsong
Mipilte in Topa Zeisu letsong piakna lim ciingin kibulh in ahih hangin a bul kan le hang Zawmah ngeina Christian hong lut ahi zaw ahi hi. Saturnalia pawi sungin hih minam lian te a zawhthawh minam neute letsong kipuak sak thei uh hi. Kumpi hoihlo kum a hih le sal te in inn lungsung lutang hih pawi sung in sem thei uh aa, tua te thu vaihawmna tawh letsong kikhai-in, a nei lote in nop tuam pih uh hi. Saturnalia pawi hun sung pen a hoih dingin kikhelna pawi sung a hih man zongin, thupha bawl dan mah bangin letsong naupang ta dingin muamkhum cih khawng pia uh hi. Hih zong Zawmah ngeina Christian sung hong thuklut mahmah khat ahi hi.

3.     Lim le mi lim
Lai Siangtho sungah Pasian in biakbuk sungah mi lim le lim pawlkhat zat dingin thu na pia mah hi, ahi zong tuate Limcing (Symbols) bek hi-in, aitaang(represent) hilo hi. Ahi zongin tulai Christiante in biakinn sungah lim le mel ih zat khempeuh aitangin tuat ih hihi. Hih pen Zawmah ngeina mah a hi hi. Kumpi khat hong hat le tua kumpi pen Ni pasian aitang hi ci uh hi. Biakinn sung ahi zongin biakinn mai ahi zongin pasian khat ii aitang(represent) koihin tua pen aitang ngiat mah hi cih upna nei uh hi. Zawmahte Christian hong suah ciangun Pasian aitang ding khat omlo pen lungkim thei lo uh ahih manin, Lai Siangtho sungah Pasian in lim na zang hi cih khut matin khat peuh aitang dingin min vawh, lim bawlin tua mai ah thu ngen leng lungkim zaw deuh cih dan hong nei toto hi.
Hih December 25 thu ka gelhna hangin langdo cih sang in a tangthu a tomin hiau theih leng cihna hi zaw hi. A tangthu pianzia thei lehang Christmas tawh kisai bang ci lungsim puak theih ding ka deih hi. Christmas vai bek hilo-in Christian sung ih zat Lai Siangtho tawh akihel zau Zawmah ngeina tampi tak om cih a kan nuam ta dingin a kipatna ahi hi. A thei sa ta ding in mangngilh kha leng, a thei nailo ta ding muh zia khat ki behlap na ding ahi hi.

Etkak laibute:
1.     Addison G. Wright, F. Murphy, Joseph A Fitzmyer “ A history of Israel” In Jerom Bibilcal Commentary (preton Hall: Egle wood cliffs, NJ, 1990), p. 1247
2.     Collins, Ace (4 May 2010). Stories Behind the Great Traditions of Christmas. Harper Collins. p. 17. 
3.     Trexler, Richard (23 May 1997). The Journey of the Magi: Meanings in History of a Christian Story. Princeton University Press. p. 17.
4.     Encyclopaedia Britannica, “Constantine I.”
5.     Baynes, Norman H. (1930). Constantine the Great and the Christian Church. London: Milford.
6.     See S. E. Hijmans, "The sun that did not rise in the east", Babesch 71 (1996) p.115–150
7.     John F. Miller, "Roman Festivals," in The Oxford Encyclopedia of Ancient Greece and Rome (Oxford University Press, 2010), p. 172.
  
" Tanglai pek pan pawlpi  nunzia hoihte  khat khit khat hong tuktuk ding a mi pawlkhat ten kigen sasa thuman lui te hong cimtaak ding uh hi. Mi tampi te lungkim sak thei ding ih doctrine te puahphat huai cih hong deih ding uh hi. Amau te in pawlpi sungah a lamdang mahmahin kikheel kul hi ci'n ngaihsun uh hi."


7BC 958 ( MS 34,1905)

To get the latest update of me and my works

>> <<