Pr.Nangno Pahtawina Kipia
28/8/2017 ni-in MUC leh MMCC Innkuan in
Pr.Daniel Nangno Pahtawina kipia hi. Hih
pahtawina pen Pr. Nangno in Mission pan pension a lak khit ciang MMCC sangah
2015-2016 dong College ah laihilhin ma hong panpihna lungdamkohna ahihi.
MMCC pan nasep hong khawl ciangin pension zong
kipia zo lo hi. Tua bang hi-a, leitung pilna leh khalam pilna tawh hong makaih
Pr. Nangno tungah lungdamna lahna in MMCC sangpi panin dangka Ks. 200000 tawh
pahtawina kipia hi. MUC in zong Ks.
300000 tawh pahtawina pia hi. Elder Gin
Khen Kham Birthday ni kituak ahih manin nekna tawh kisai a bei khempeuh hong
sik hi.
MUC leh MMCC in pahtawina lai ," A Plaque
of Honour" pahtawina lai leh dangka Ks.500000 tawh lungdamkohna leh
pahtawina Pr.Daniel Nangno kipia hi. Hanthotna Pr Kai dal in hong nei hi. Amah
aman khitteh MUC officerste a banbanin mimal thugenna kinei hi. Tua khit
ciangin MMCC sia tengin a banban in pahtawina kam gen leuleu uh hi. Tua ciang
Kum 4 na teng leh Boader pasal tengin Pr. Nangno letsong piakna nei hi.
Tua teng aman leuleu ciangin Pr.Nangno hun
kipia in lungdam kohna hong neih banah UMM sunga omlai in a kipahtawina medal
te mipi hong lak in ama thu tomkim cingin hong gen hi. Hun man siang ciangin
Siamah Don, siamah Dalvung leh Sangnaupangte tanukna tawh Mohhenga lim mahmah a
huanuh itna ankuang kinei hi.
Pr.Nangno Topan cidamna khansauna hong piaksak
hen la, ama nungzui ding MMCC panin Topan khangthak tuailaite hong khansuaksak
ta hen.
Thupuak,
Sia Kap Do
MMCCollege
