SEP. 16 A gina lo ka pa in Zeisu um

A gina lo ka pa in Zeisu um

Vaishali in kum 15 cingkhin hi. James Adventist Sangah sangkah hi.

Ka neulai-in ka pa in ka nu vua-in ka nu a kahnate ka mitkha ah hong suak thei zel hi. Ka pa in anteh, singgah tuamtuam zuak hi. Ka pa pen zu haai mahmah khat hi.
Kum 8 ka phakin ka vengte in SDA thu hong gen uh hi. Ka innkuan aa ding thu hong ngetsak hi. Zeisu in mawhna pan hong honkhia hi. A lungkham mite lungnopna hong pia thei hi, ci-in hong hilh hi.

Tua bang thute ka zah uhteh lamdang kasa uh hi. Ka nuntakna uh Zeisu ka pia uh hi. Mawhmai-na a piak ka sang uh hi.SDA pawlpi sungah ka om uh hi. Ka pa in hong zui nuam lo hi. Zu dawndawm mai hi. Tua banah ka nu sat pahpah hi. Zeisu nung ka zuih manin ka pa in ka tungah hong heh mahmah hi.

Lauhuai-na pan Paikhia

Ka pa hehna hangin nuntak hamsa mahmah hi. Ka sanglai ka sim theikei hi. Kha 3 sung bang sangkah lo-in ka om hi. Ka pa kiang pan paikhia dingin ka ngaihsun hi. Ka nu in mundang khat ah hong paipih hi. Ka nuta-un hih munah ka om uh hi.

Ka nu tawh ka omna uh ka pa in hong thei a, amah zong ko kiangah hong pai hi. Ko tawh ni 3 hong omzawh, ka pa in mi na va guksak hi. A vangukte zuakin zu lei nadingin zang hi. Ka nu in ka pa hong theih loh nading mun khat ah va om dingin hong sawl hi. Kei zong ka pite tawh ka om hi. Ka pi in James Adventist sang ah kah dingin hong gen hi. Ka pi in hih sangah hong kha hi. Ka sangsap dingin ka pi in hih sangah nasep tuamtuam, innphiat a kipan sem hi. Hih sangin ka nuntakna man hong neisak hi. Ka lungmuanna mun khat hong suak hi. Tu-in kum 15 ka pha hi.

Ka pa aa ding thungetna

Ka pa ka mangngilh kei hi. Ka pa in a zu dawnlo-in gamtat hoih a neih nadingin nisimin ka pa aa ding thu ka ngen hi. Nungkum in ka pa in a mawhnate kisikin zu dawnnawn lo hi. Guta nawn lo hi. Tui kiphum ding khensat hi. Tu-in ka pa in SDA thu-um mi khat hong suak hi.

Ka pa in zu a dawn kik nawn lo nadingin nisim mahin thu ka ngen hi. Mailam ah bangci ding cih ka thei kei hi. Ahi zongin Zeisu lo-in nuntakna in mannei lo hi. Amah lo-in lungmuanna om lo hi. James Adventist Sang ka it hi. Hih sangkah nuam kasa hi. Sangnaupang pawlkhat SDA thu-um mi hi lo uh hi. Zeisu thu za ngei lo uh hi. Ahi zongin hih sang hong kahna panun Zeisu thuman thutak thei uh hi.

Sunday sianthosakna ding om lo hi. Tua manin Adventist biakinn ah hong kikhawm hi. Tawl khat khitteh tui kiphum ding khensat a, tui kiphum khitteh Adventist sangah kah dingin hong paikhia hi.

Nasepna Thak

A kituiphum khit kum 1 khitteh a pa in nusia hi. A nu kem dingin inn hong ciah hi. Inn hong ciah inah a veng a paamte kiangah Zeisu thuman hong gen kawikawi hi. Lai hawm tuamtuam nei hi. Khangnote kaikhawm in ni 3 sung vantungmi thumte thupuak hilhcianna nei uh hi. Tua thusinna ah mi tampi hong pai uh hi. Dotna tuamtuam zong nei uh hi. Sunday nipi a zat pen Lai Siangtho tawh kituak lo hi, cih hong mu thei uh hi.

A kikhopna uah Janeesh le a lawmte in Sabbath tawh kisai Lai Siangtho munte hong simkhia uh hi. Mipi in lamdangsa uh hi. Pastor dong dingin hong kithawi uh hi.

Lamhaksa

Tua bang laitak in Janeesh in cancer hong nei hi. Mi tampi in Sabbath nipi zangin Adventist a suah manin Pasian in awilo-a cancer nei hi, ci-in kigen kawikawi hi. Pastor khawng a nial gawp manin hi, ci uh hi. Janeesh in ze-etna lianpi hong tuak hi. A upna a khahloh ding a lawmte in hanthawn hi. Pawlpi miten zong thungetsak den uh hi. 36 vei (chemotheraphy) bang meitawh kibawl hi. Tua bang teng tawh a kibawl zawhteh Janeesh in midangte tawh Lai Siangtho sinpih veve hi. Sunday pastorten Sabbath thu gen nawn ken, na natna suk zaw semsem ding hi, cita leh Janeesh khawltuan lo hi. Pasian thugenna nei uh a, mi 8 tui kiphum hi. Janeesh in inn khat sap a, tua inn ah Lai Siangtho thusinna-in zang hi. Tua inn ah mi 20 bang kikhawm thei uh hi.

A nungta teci

Siavuanten kha 6 bek nungta thei lai ding ci-in a gen uh Janeesh in cidamin, khua kim khua pam ah pai kawikawi a, Pasian thuman tangko hi. Kei pen a nungta teci hing, ci-in a pai paina-ah pulaak hi. Kha 6 valkhin a, Janeesh in Pasian nasem lai hi. A khua ah SDA thu-um mi hong kibellap toto hi. Naupang zong kibehlap zaw-in a sawtlo-in biakinn le sanginn a om zo dingin kilamen hi.

Janeesh teenna khua panin mawtaw tawh minutes 90 bang kipai-na ah Vellarada Adventist Sang om hi. Hih sang in Tan 10 sang hi. 1982 kum a kiphuan hi-in sangnaupang 300 bang pha hi. Hih sanginn in laisinna sanginn, boarder cihte kisam hi. Tu quarter Sabbath 13 sumpi in Vellarada Adventist sang behlap nading in kipuak ding hi.Tu quarter Sabbath 13 sumpi in James Adventist Sang ah kipuak ding a, numei boarder lam nadingin kizang ding hi.

MUC in Qr 2 na sunga te Valpavungh biakinn aa dingin kipuak a, tu quarter aa pen Saihkhen biakinn puah nadingin kipuak ding hi.