MUC

Print Friendly and PDF

Wednesday, June 14, 2017

LESSON 7 AUGUST 5 – 11 UPNA LAMPI-AH KALSUAN




LESSON  7               AUGUST 5 – 11


UPNA LAMPI-AH KALSUAN


SABBATH NITAK: TU KAAL SUNG SIM DING: Gal. 3: 21 – 25; Siam. 18:5; Rom. 3: 1, 2; 8: 1 -4, 9 – 19. 1Kor. 9: 20.


KAMNGAH“Ahi zongin Jesuh Khazih upna tungtawn a kibawl kamciamna a um mite a ngah theih nadingin Lai Siangtho in mawhna sungah mi khempeuh a khumcip hi.” Gal. 3: 22.


Vakhu in tai tampi a len zo dingin hatna nei hi. A lenna uh lampi tawnin inn ciah kik thei uh hi. Ahi zongin a lampi uh khial kha leh ciah kik thei nawn lo uh hi. England gama vakhu 20000 bang inn ciah thei nawnlo-in kisia mang uh hi. Mihingte zong thuman lampi panin lampial leh lau-na, lungkhamna tawh kidimin nuntakna in gimna tawh kidim hi. Khrih a sang khin mi khat in Topa kiang zuatnopna lungsim nei nawnlo zah dongin mangthang kha thei hi.

Ahi zongin a lungdamhuai thu in Pasian in hong nusia lo hi. A kammal Lai Siangtho in Ama kiang i tun kik nading upna lampi hong lak tawntung hi. Mi tampi in thukham le hotkhiatna thu tuamkhen uh a, kilangdo uh hi, ci-in ngaihsun uh hi. Hih bang ngaihsutna in khial hi bek lo-in siatna lianpi hong tun thei ding hi. Thukham lo-in hotkhiatna thu om lo hi. Thukham lo-in hotkhiatna kitel thei lo hi.

SUNDAY      AUGUST 6

THUKHAM LE KAMCIAM

Tua ahih leh thukham in Pasian hong kamciamte langpan ahi hiam? (Gal. 3: 21).

Paul in upna tawh dikna kingah hi, cih thu a pulaak manin Paul a langpangte’n Pasian kamciam in thukham hemkhia hiam ci-in a dot uhteh Paul in “ Thukham in Pasian’ kamciam tawh kilangdo hiam” ci-in dong hi. Hem lo hi. Bang hang hiam cihleh Pasian kikhel ngei lo hi. Pasian in kamciam le thukham hong pia hi. Thukham le kamciam in hotkhiatna-ah nasep a tuamciat nei hi-in khat le khat kilangdo lo uh hi.

Paul a langpangte in thukham nasep bang telkhia uh hiam? Gal. 3: 21; Siam. 18: 5 le Thkna. 6: 24.

____________________________________________________________________

____________________________________________________________________

Paul langpangte’n thukham in nunna pia thei dingin ngaihsun uh hi. Siam. 18: 5; Thuhilhkikna 6: 24 siksanin tua bangin ngaihsun khial uh hi. Pasian in thuciam a bawlpih mite’n thukham kimakaihsak ding hi, cih thu hangin thukham in nunna pia dingin ngaihsun uh hi. Thukham in thuciam sunga nunna makaih mah hi. Ahi zongin Paul langpangte’n a nungta Pasian tawh kizopna bulpi in thukham hi, ci-in ngaihsun khial uh hi. Ahih hang Lai Siangtho in a hongin ah nunna, Pasian tawh kizopna in Kha Siangtho vangliatna,

Pasian vangliatna hi, ci-in hong hilh hi (2Kum. 5:7; Neh. 9:6; John 5:21; Rom. 4:17). Thukham in nuntakna pia thei lo hi. Hih in Pasian’ kamciam tawh kilehbulh hi lo hi.

Thukham in nuntakna a hong piak theihlohzia Galatia 3:22 in hong hilh hi: “thukham in mawhna in mi khempeuh hong khumcip hi.” Thuciam Lui siksanin Paul in mimawh i hihzia hong hilh hi (Romans 3: 9 – 19). Paul in tua bangin mawhna kipatkhiatna, mihing lungsim a hong cipzia, mawhna siatzia le na khempeuh kisiatzia cih bangin hong hilh hi. Tua in bang deihna nei hiam cihleh mawhna a siatzia, thukham in ciangtan nei ahihna, tawntung nuntakna i cih in Khrih in i dinmun ah luahin Ama siangtho-na upna tawh i ngah thei hi, cihte i theih nading ahi hi. Hih thute in pawlpi kipuahphatna lianpi ( Protestant Reformation) piangsak hi.

Thukham in mawhna pan hong hon thei lo hi mah taleh thukham bangin gamtatna panin bang thupha kingah hiam? Pasian’ thukham zuihna tungtawnin bang thuhoih na mu hiam?

MONDAY         AUGUST 7

“THUKHAM NUAI-AH”

Paul in Galatia pawlpi sunga om Jew thu-um mite tungah “ Upna thu hong tun mateng thukham tawh thongkia bangin hong kicing hi” (Gal. 3: 23) ci hi. Jew mite pen thukham zui mite hi. Gal. 2: 15 le Gal. 3: 23, 26 sungah upna ma le upna khit nunzia pulaak hi. Tua munah ‘eite’ ‘note’ cih kammal kizang hi. Greek laimal ah Gal. 3: 23 in thukham tawh kisai-in Khrih sihma le sihkhit enkak hi. Tua munah ‘upna’ cih kammal in Khrih mahmah a pulaak kammal hi; a huampi-in upna khempeuh a pulaak hi lo hi.

Khrih hong sihma-in Jew mite in thukham nuai-ah om hi, cih thu in bang a gennuam hi ding hiam? Gal. 3: 22, 23 le Rom. 6: 14, 15; 1Kor. 9: 20; Gal. 4:4, 5, 21; 5: 18 enkak in.

__________________________________________________________________

__________________________________________________________________

Paul in ‘thukham nuai-ah’ cih kammal 12 vei bang pulaak hi. A gennop mun khat le mun khat kibang lo kha ding hi.

(1). Hotkhiat ngah nading lampi: Paul langpangte’n thukham bangin gamtatna tawh diktanna ngah dingin kilamen uh hi (Gal. 4: 21). Ahi zongin

Paul in thukham bangin gamtatna tawh diktanna a kingah theihlohna pulaak hi

(Gal. 3: 21, 22). Thukham kimakaihsak nopna lungsim in Khrih nial hi (Gal. 5:

2-4).

(2). Mawhsakna sungah nungta (Rom. 6: 14, 15). Thukham in mawhmai-sak thei lo ahih manin thukham palsatna in mawhna hi. Mi khempeuh in thukham palsat ahih manin mi mawh hi. Thukham in hong cing hi. Hong ukcip hi. Tua ukcipna pan kuamah suakta lo hi. Sihna nangawn hong tun hi.

Greek laimal ah ‘thukham nuai-ah’ cih kammal in ‘thukham sungah’ cih pulaak zaw hi; Khrih tawh kipawlin thukham deihna bangin nunzia pulaak hi (1Kor.

9: 21). Khrih lo-in thukham bangin gamtatna in diktanna hong ngahsak thei lo hi (Gal. 3: 11). Hih thu in thukham beisak lo hi. Tawntung nunna a hong piak theihlohzia hong hilh hi zaw hi.

TUESDAY       AUGUST 8
THUKHAM IN EITE HONG CING

Paul in thukham tawh kisai thu bulpi nih pulaak hi: (1). Thukham in Abraham tungah Pasian’ kamciamte beisak lo hi (Gal. 3: 15 – 20); (2). Thukham in kamciam tawh kilangdo lo hi (Gal. 3: 21, 22).

Tua ahih leh thukham in bang sem hiam? Thupalsatna a om manin thukham kipia kik hi (Gal. 3: 19). Paul in thukham tawh kisai kammal thum zangin pulaak hi. ‘Cingsak’ (aneu 23) ‘khumcip’ (aneu 23) ‘makai’ (aneu 24) ci-in gen hi.

Gal. 3: 19 – 24 limtak ngaihsun kawmsa-in sim in. Paul in thukham thu bang pulaak hiam?

______________________________________________________________

______________________________________________________________

Tulai mi tampi in Gal. 3: 19 sunga thukham thu, a hoihlo lamin pulaak uh hi. Greek laimal ah tua bang hi lo hi. Greek laimal ah ‘cingsak’ cih kammal in hong dal, hong hu cihna hi. Thu hoihlo lamin kizang thei taleh Lai Siangtho mundangte a cing a kem, thu hoihin pulaak hi (2Kor. 11: 32; Phil. 4:7; 1Pet.

1:5). ‘Khumcip’ cih kammal zong ‘kikhak’ (Pian. 20;18); “kikhakcip’ (Pai. 14:3; Josh. 6:1; Jer. 13: 19); ‘khuh’ (Luke 5:6; ) ‘kikhumcip’ (Rom. 11: 32) ci-in kiciamteh hi. Hihte’n bang hong hilh hiam cihleh kammal khat in a mun le mual zui-in, a hoih, a hoih lo khiatna nei hi, cih hong hilh hi.

Thukham Sawm le biakpiakna thukhamte’n Israel mite tungah bang phattuamna pia hiam? Rom. 3:1, 2; Thkna. 7: 12 – 24; Siam. 18: 20 – 30.
____________________________________________________________

___________________________________________________________

Mun khat khat ah thukham in deihhuai lo a batloh hangin (Rom. 7:6;

Gal. 2:19), thukham a deihhuai-na zong kipulaak hi ( Rom. 7: 12, 14; 8:3, 4;

13:8). Pasian in Israel mite tuahsiatna dingin thukham a piak hi lo hi. Thupha a ngah nadingun a piak hi zaw hi. Ganhing tawh biakpiakna in mawhmaisak ahih loh hangin, tua biaknate in Messiah pulaak hi. Tua biakna thukhamte in namdangte nunzia a zuih loh nadingin amaute gamtat nunzia ding lamlak hi. Paul in thukham a deihhuai-na pulaak ahih manin thukham in a deihhuai lo takpi hi lo hi,cih hong hilh hi.

A hoih kimlai a hoih lo-in a kizangkhial a om hiam? Gentehna-in natna dam nading zatui khat pen mi khat in guihtheih zatui-in zang hi. Hih thu in bang thugil hong hilh hiam? Koi bangin na khat a sia lamin kizang kha thei hi, cih thu in, thukham tawh kisai Paul’ gen hong telsak hiam?

WEDNESDAY        AUGUST 9

THUKHAM IN EITE HONG UK


Gal. 3: 23, 24 sungah thukham in siatna pan hong dal, hong kem hi, ci-in kipulaak hi. Paul in bang tawh gentehin ama hong theihsaknop bang thu om hiam?

______________________________________________________________

________________________________________________________________

“Ukpa” cih kammal in Greek ‘paidagogos’ kammal pan hi-in ‘laihilh’ ‘hong cing hong kem’ cih khiatna nei hi. A khiatna taktak pulaak ding kammal om lo hi. “Paidagogos” cih pen Roman uk sungah sila khat hi-in, a topa innsungah naukem za nei khat hi. A topa tate kum 6, 7 pan amau le amau a ki-uk zawh ciang uh makaih hi. A topa tate sil, anpia, puansilhsak uh hi. Tua banah a lauhuai khat peuh in a sukkhak loh nadingin cingin kem uh hi. Sang ah paipih, sanglaite bawlpih uh hi. Hih teng banah laihilh uh hi. A topa tate’n zia le tong hoih a neih dong uh pantah uh hi.

Pedagogos (sila nasemte) pawl khat in pu hoih nei a, pawl khatte a pu-te uh gilo hi. A tawmzaw pu gilo hi zaw hi. Sat, vuak thuak zong tampi om hi. Tua bangte in lau pipi-in nasem uh hi. Paul in thukham a telzia sila (pedagogos) tawh a genteh hi. Mawhna phawk nading le lam hong lak dingin thukham hong kipia hi. Thukham in mawhna pulaak ahih manin mi tampi in deihhuai dingin ngaihsun lo uh hi. Bang hang hiam cihleh thukham mawkna kilangsak, mimawh hong suaksak hi. Ahi zongin thukham in deihhuai kei mah taleh Pasian in eite phattuam nadingin a hong piak ahi hi. Bang hang hiam cihleh mawhna hong phawksak a, tua in Khrih hong tunpih hi. Tua hi-in thukham le Lungdamna Thu in kilangdo lo hi. Pasian in eite a hong kihotkhiat nadingin thukham le Lungdamna Thu a tonkhawm dingin a geelsa ahi hi.

Gal. 3: 24 sung a bang mahin sawltak Kha Siangtho in Paul tungtawnin a pulaak inah Gal. 3: 24 sunga thukham in Thukham 10 ahihna thu Paul in zong pulaak hi. Thukham in mawhna hong hilh hi. Khrih i kitangsaplam hong hilhin mawhmai-na le lungnopna ngah dingin, mawh kisikna le upna hong neithei sak hi.” Ellen G. White, 1SM., 234.

Thukham tawh na gamtat, na kampaute na sittel nunung pen ciklai hiam? Tu-in sittel in. A puatham, laimal hi lo-in thukham deihna tawh sittel in (Matt. 5: 28; Rom. 7:6). Picing na kisa hiam? Na nunzia in Paul’ laikhak bang pulaak hiam?

THURSDAY      AUGUST 10

THUKHAM LE THU-UM MI (Gal. 3: 25).


Mi tampi in Gal. 3: 25 in thukham kisam nawn lo hi, ci-in pulaak uh hi. Paul in thukham a deihhuai-zia Lai Siangtho mundangte-ah a pulaakte siksan lehang thukham bei hi, cih pen thuman hi lo hi. Tua ahih leh Gal. 3: 25 bang pulaak hi ding hiam?

(1). Thukham hong mawhsakna panin i suakta hi (Rom. 8:3). Thu-um mi ihih manin eite in Khrih sungah omin, a hong hehpihna sungah i om a, tua in i hamphatna hi (Rom. 6: 14, 15). Tua thu in kisuanna om nawn lo, suakta tak le lungsim khempeuh tawh Ama na hong semzo sak hi. Hih in hotkhiat pan kingah suahtakna man le na hoih septheihna hong neisak hi.

Hih suahtakna Khrih sungah omin suakta ci-in a thupiak a awlmawhlo suahtakna tawh kibang lo hi. Thukham awlmawh lohna in mawhna hi. Suakta takin ut bang sepna zong mawhna hi (John 8: 34).

Romans 8: 1-3 sim in. Thukham in hong mawksak nawn lo hi, cih a khiatna bang hiam? Koi bangin hih thu in i hong huzaap hiam?

________________________________________________________________________

________________________________________________________________________

Khrih tungtawnin mawhmai-na hangin thukham tawh i kizopzia kilamdang hi. Tu-in Amah a lungkimsak nunzia tawh i nungta hi (1Thess. 4:1). Paul in hih pen Kha Siangtho tawh nuntakna hi, ci hi (Gal. 5: 18). Kha Siangtho tawh a kidim mi in thukham nawlkhin lo hi. Bang hang hiam cihleh thukham mawhna hong lak hi. Thukham in Pasian’ zia le tong pulaak laimal hi. Thukham a neite’ nunzia in Pasian’ nunzia kilangsak uh hi. Thukham a zui mawkmawk bek hi lo-in, eite a hong honkhia Khrih’ khekhap zui uh hi. Khrih in i lungtangah a thukham hong gelh hi (Heb. 8: 10) Tua i nuntakna ah thukham deihna kicingsak hi (Rom. 8:4). Khrih tawh kizopna hangin i nuntakna ah thukham deihna hong kicing hi.

Romans 8:4 sim in. Paul in bang gen hiam? Koi bangin na nuntakna ah tua kamciam na mu thei hiam? Kikhelna lianpi nei mah lecin bang hangin hotkhiatna in eite aa dingin Khrih’ sepna bek ah kinga hiam?

FRIDAY      AUGUST  11

NGAIHSUTBEH DING: “Galatia sung thukham tawh kisai hong kidong hi. Bang thukham in Khrih kiang hong tunpih ding hiam? Hih bangin ka dawng hi: “biakbuk thukhamte le thukham sawm hi.”

“Jew biakpiakna tawh kisai khempeuh in Khrih bulphuh hi. Pasian in sisan tawh biakna pia dingin geelkhol hi. Tua sisan in Khrih sihna limcing khol hi. Cain in sisan tawh Pasian a biakloh manin thupiak bangin a nungta Abel in thahna thuak hi. Pasian in sisan tawh biakpiakna a sehkholhsa hi. Tua biakpiakna in Khrih bulphuh hi. Khrih kiang tun theih nading thukham in hong hilh hi.”

“Biakpiakna sungah kihel mi khempeuh in mihingte aitangin hong ding Khrih nasep a sem, hotkhiat nasep tawh kizopna nei uh hi. Biakpiakna khempeuh in Vantung ki-ukna thukham - Pasian thukham a it lungtang hong neisak ding ngimna nei hi.” Ellen G. White, 1SM., 233.

“Hehpihna siksanin thukham sawm i ngaihsut ciangin ‘…….kei in’ cih beka ngaihsut ding hi lo hi. Tua bangin ‘……kei in’ cih thupiak in mihingte nuamsak nading hi zaw hi. Khrih a siantho mah bangin tua siantho-na in a tawntung nuamna sung hong tunpih ding hi. Thukham in siat theihna ding panin hong dal hi.” Ellen G. White, 1SM., 235.

KIKUP DING DOTNATE

1.     Koi bangin siatna zozo thei ding cih thu buaipih mahmah hi hang. Tua bang zawhna dingin Lai Siangtho sungah bang kamciam i nei hiam? Koi bangin tua kamciamte tawh nungta ding i hiam? Bang hangin zawhna khempeuh mihing hoihna hang hi lo, eite aa ding Khrih in hong zawksakna hang hi, cih thu phawk ding kisam hiam?

2.   “Thukham bei ta hi” ci-in kigen za nuam mahmah hi hang. Thukham bei hi, ci-in a pulaak mite in mawhna langpan uh hi. Mawhna langpan uh ahih leh thukham lo hi, cih kilang hi. Thukham bei hi, a ci takpi uh ahi diam? Tua bangin thukham bei hi leh bang hong piang ding?

TOMLAKNA

Mawhnei mi in Khrih kitangsaplam a phawk nadingin thukham hong kipia hi. Thukham in hong cing hong kem bek hi lo, siatna pan hong dal, Pasian zia le tong zong hong hilh hi. Ahi zongin i mawhna hong lak, hong mawhsak hi. Khrih in tua mawhsakna pan hong honkhia hi. Tua thukhamte i lungtang ah hong gelh hi.



To get the latest update of me and my works

>> <<