Siyon, Snehal, David le Abhishek
Siyon:
Siyon in kum 10 a phakin Adventist pastor khat tawh hong
kimu hi.Pastor in Siyon inn ah kaal khatin khat vei-ta hong pai-in a innkuan un
Lai Siangtho sinna neihpih hi. Pas-tor in a nu le a pa tawh thungen khawmin tua
bangin a sep zawh tawlkhat khitteh mun dang pan pastor khat hong pai-in Lai
Siangtho sinpihin thungetna neihpih hi. Tua bangin Lai Siangtho sinna panin
Siyon in ni sagih Sabbath tawlnga ding hong khensat hi.Pastor tungah a pulaak
zawsan ding kikhiat uh hi.
Siyon in koi ah sangkah ding cih a kipan a nu le pa in a
khensat dinguh thu pawl khat hong om hi. Pastor in a gamla lo minutes 40 bang
kipai na mun khat ah SDA sang om hi. Tua sangah Siyon sangkah thei ding hi,
ci-in pulaak hi. Siyon zong sangkah dingin inn pan hong pai khia hi. Sang a tun
ciangin a theih kuamah om lo hi. Lawm le gual nei lo ahih manin amah kia ciim
kici hi. Ahi zongin Siyon in Mangpau theih ding hanciam mahmahin, lawm le gual
zong hong nei ta hi. Tu-in Mangpau hoihtak pau thei hi. La makai dingin kiseh
thei zel a, makaihzia zong hong siam tektek hi. Thunget kikhop le Sabbath
School cihte ah chairman zong sem hi. A innkuanpihten Siyon kikhelzia hong mu
thei uh hi. Sangkhak innciah ciangin Siyon in a innkuanpihte tawh biakpiakna
neipih zel hi. Midangten zong Siyon sangkahna ah a tate uh sangkahsak ding hong
lunggulh uh hi. Siyon kikhelna haning a midang naupang 5 zong Siyon kahna ah
hong kah uh hi.
Snehal Leh David
Snehal in kum 15 cingkhin a, Alate sangah sangkah hi.
Sabbath School ah makai-in kiseh hi. Hih sang a kah a kipan Lai Siangtho sim
ding le biakpiaknate kihel ding nuam hongsa hi.
David zong kum 13 phakhin hi. A pastor pahanthotna hangin
David in Alate sang hong kah hi. A pa in lei-sek nasem hi. Ahi zong tawl pi
khat sung nasep ding nei lo hi. Nek ding nei nawn lo uh hi. Tua leh a theih
ngei loh uh mi khat hong hawhin laihawm khat hong pia hi. David pa in tua
laihawm lunglut takin hong sim hi.
Tawl khat khitteh mi hon khat inn kilamna mun khat ah hong
pai uh Davidpa in va mu kha hi. Davidpa in zong nasep a ngah khak leh ci-in tua
mihonte kiangah va pai hi. Tua mihon lakah hun khat lai-a laihawm a pia pa zong
na kihel hi. Davidpa in zong tua laihawm pia pa hopih pah hi. A laihawm piak a
simna panin a theih thute zong hong kikum uh hi. Davidpa in SDA a lutziate zong
hong pulaak hi.
Davidpa in pastor tawh Lai Siangtho thusinna hong nei uh hi.
Davidpa in tu-in SDA pawlpi sungah tui kiphum khin hi. A innkuanun SDA upna
sung hong om uh hi.
Abhishek
Abhishek nu in a tapa SDA sangah a kahtheih pen na lamdang
hi, ci-in pulaak hi. Kial tunga nek ding bangmah om lo hi. Abishek le a nu in
bangci nuntak ding thei nawn lo uh hi. Tua leh ni khat pastor khat thungen
dingin Abishekteinn ah hong hawh hi. Abishekte innkuan in Christian hi lo ahih
manun thunget ding phal lo hi. Tua hi taleh pastor in ni khat khit ni khat hong
pai thi-the den hi. A sawtteh Abishek nu in thungen ding hong phal hi.
Pastor in amau nek ding an vaihawmsak hi. Pastor in
Abishekte innkuan Lai Siangtho sinpih hi. Tu-in Abishekte innkuan in SDA upna
sungah om uh hi. Tua banah Abishek in SDA sangah sang va kah thei hi.
Alate khua in India gam nitumna lamah om khua khat hi. Alate
SDA sang in India n 1943 kumin a kihong hi. Kum tampi sung hih sang kikhak hi.
Ahi zongin 1981 kumteh kihong kik hi. Tu-in sangnaupang 260 pha hi. Boarder ah
a om 35 bang pha uh hi. Tu quarter Sabbath 13 sumpi in Alate sangpuah nadingin
kizang ding hi.
MUC in Sabbath Sumpi quarter 2na pen Valpavungh biakinn puah
nadingin kipuak a, tu quarter pen Saihkhen biakinn puah nadingin kipuak ding
hi.
