Chadamla zi in
Hindu Pasian biakna sungah tualbial mahmah hi. Biakna a piakteh dawi lut in
khuaphawklo liangin laam, diang pahpah hi. Tua bang hangin a pasal Chadamla in
sat pahpah hi. Hi taleh a zi-in a biakna nusia tuanlo hi. Chadamla in tua
bangin a zi a sat hangin amah le amah khial kisa veve hi. Nupa kikhen khak ding
patau veve hi. Tua bangteng tawh Sabbath ni khat Chadamla in SDA biakinn
sungpan Jacob thu kigen lampi pan za-in theibeh nuam ahihman in biakinn sung va
lut hi. Pastor tawh kimu in a theihnop thute hong sinkhawm uh hi.
Hong Genbehlai in Chadamla in pastor
piak lesson bu sim khatin zoziau hi. Pasian thu thei beh toto nuam hi. Pastor
tawh lai Siangtho thusinna ah “note pumpi in Kha Siangtho teenna biakinnpi
ahihlam phawklo na hi uh hiam,” 1Kor 3:16 hong sim hi. Pumpi in Pasian biakbuk
ahih leh kuamah in pumpi bawlsiat na ding thu neilo hi cih hong ngaihsun hi.
Azi satsat leh Pasian biakbuk bawlsia hi ci-in hong ngaihsun hi. Tua hi-in a zi
sat nawnloh ding hong khensat hi.
Nuntakna Thak, Min
thak
Chadamla in tui
kiphum a, amin zong khel hi. Chadamla ci nawnlo in Samuel ci hi. A zi kiangah
zong kikhawm ding hong zawn hi. A cilin a zi-in nial hi. Ahizongin a zi-in a
pasal nunzia kikhel a muh ciangin a pasal zawtna nial nawnlo hi. Dawi biakna ah
a va pai ciangin a gilo mahmah a pasal in tu in lungduai mahmah hi. A zi
satnawnlo hi. Apasal in lai siangtho sim in nisim in thungen a muh ciangin a
zi-in lamdangsa mahmah hi. Azi zong a lungsim hong khelin laisaingtho simding
hong kipan hi.
Tuabangin a zi-in
zong laisiangtho hongsim ciangin dawibiakna pen ahohlo ahihlam hong phawk hi.
Pasian thuman hong theizaw deuh hi. Dawibiaknate ah kihel nawnlo dingin hong
khensat hi. Ahizongin akhuapihte in dawi biakna ah kihel dingin zawn den
uh hi. Dawi biakna ah kihel nawnlo in
tua bangte ah a va painawnloh ding a gen ciangin a khuapihten hamsiat uh hi.
Tua bang hi mah ta leh dawibiakna ah kihel nawnlo ding khensat khin ahihman in
dawi tungsangin Pasian tungah kipia zaw dingin khensat hi.
AKIPUM KHAT INNKUAN
Samuel a kituiphum
khit kum 2 ciangin a zizong kituiphum hi. Aman zong amin Ruth ci-in khel hi. Ni
khat Samuel in laisiangtho hilhsia kisam hi cih thu hong za hi. A lungsim sukha
ahih manin taxi hawl nusia-in Lai Siangtho thuhilhsia sem dingin hong gensat
hi. Ahi zongin Lai Siangtho sinbeh nuam hi. Tua hi-in pastor in kha 4 sung Lai
Siangtho thusinna nei dingin geelsak hi. Amazing Facts India nasemte kiangah
Lai Siangtho sinna hong nei hi. A train-ing mankhitteh pastor nasem dingin
kithawi hi.
Tu-in Samuel in kum
42 cingkhin hi. A khua gei mun khat ah pastor sem hi. Dawi biakna sungah nau
nih vei sia ahih hang, tu-in tapa nih, a u zaw kum 10, a nau zaw kum 8 hi.
Samuel in a khua sungah Sabbath School lesson bu hawm kawikawi hi. Amah bangin
mi khat in Jesuh a sang dingin lamen hi.
Tu quarter Sabbath
13-na sumpi in South Andra Sec-tion ah kipuak ding a, training center innpi lam
nadingin kizang ding hi. Hih center in Samuel omna khua panin tai 20 gamla hi.
Hih center in Samuel le a zi Ruth bangin nasem dingte thusinna innpi-in kizang
ding hi.
MUC in Sabbath
sumpi Qr 2 na sunga te Valpavungh biakinn aa dingin kipuak a, tu quarter aa pen
Saihkhen biakinn puah nadingin kipuak ding hi.
