Vara Prasad Jacob
Thusin nading le zum innpi ding a kilamsan laitak hi. Hih
innpi in thaat thum ding hi.Zatcing mahmah dingin kilamen hi. Naupangten hih
inn kiman leh SDA hi lo ka lawmte uh zawnin biakpiakna inn ding hi ci uh hi.
Hih innpi in tu quarter Sabbath School 13 sumpi tawh kilam ding hi. Hih innpi
min in Pioneer Memorial Discipleship Training Center ci-in kimin vawh hi.
Tu-ma kum 100 lai-a Pasian nasemte bulphuhin amau phawk
nadingin kimin vawh hi. Hih Pasian nasemte in USA, Europe gam cihte pan hong
pai hi lo-in, India gam sung pan Pasian nasem masate hi. Pioneer Memorial
Discipleship Training Center innpi sungah hall golpi nih, annekna hall, giah
theih nading kicing takin kikoih ding hi. South Andra Section zumpi huang
sungah kilam hi. Southern Asia Divi-sion sunga SDA pawlpi nasem khempeuh in hih
innpi zang thei ding hi.
South Andra Section makaipi Vara Prasad Jacob in hih innpi
kizawhsiang ding ngaklah mahmah hi. Southern Asia Division sungah college tampi
om a, ahi zongin training cen-ter om nai lo ahih manin, hih training center
kizo siang leh pawlpi neih masak pen training center hong suak ding hi
Hih training center sungah mi 1000 val bang ta zo ding hi.
Tu-in pawlpi makai, pawlpi mite thusinna a kineih ciang, hotel cihte ah giak uh
hi. Ahi zongin hih training cen-
ter hong man leh hih center sungah kigiak thei pah ding ahih
manin hun bei, sum bei tampi phatuam pah ding hi. Hih train-ing center thaat
thum ding hi-in, thaat nih ciang pen pawlpi mite khat ii kipiakna tawh kilam
hi. A cian laiteng tu quarter Sabbath School 13 sumpi kipuak ding hi. Hih
training center kizawh nadingin dollar 730, 000 bei ding hi.
Pawlpi makaiten hih training center a omna mun South Andra
Section huang in mun hoih mahmah khat hi, ci-in pulaak uh hi. Bang hang hiam
cihleh hih Section zumpi huang in acres 60 bang gol hi. Mun dangte bang lo-in
Andra sungah Pasian nasepna khang mahmah hi. Motor, meileng, vanleng tawh kipai
thei ahih manin khuapi tuamtuam tawh kizop nading zong baih hi. Hih training
center in khak hun cih bang om lo-in a tawntungin kihong suak dingin geelna
kinei hi.
Sangnaupangten zong phattuampih ding
Hih huang sung le a kim a om naupang tampi in zong hih
training center phattuampih ding uh hi. Sangnaupang 700 val bang om ding a,
kikhop nading biakinn nei lo uh hi. Hih center kiman leh sangnaupangten zong
kikhop nading biakinnin zong zang thei ding uh hi. Tu laitak a sangnaupangte
kikhopna mun in mi 250 bek kita hi. A ta lo a dang 250 teng in anbuk ah kikhawm
uh hi. Training center kimansiang leh sangnaupang khempeuh kikhawm khawm thei
ding uh hi. SDA hi lo sangnaupang dangte zong kikhawm dingin zawn thei ding uh
hi.
John, amah pen kum 16 hi-in, kikhawm ding ka lawmte ka zawn
ding hi, ci-in pulaak hi.Amah pen SDA hi lo hi. SDA sang a kahna panin Sabbath
le Pasian thuman hong
sin thei hi. Sangnaupang boarder om 450 lakah amah zong
kihel hi. John in sangkhakteh inn ciah a, tua bangin inn a va ciahteh sang
panin a sin thute, a pa kiang pulaak hi. Kum khat khitteh John le a pa SDA
pawlpi sungah tui kiphum uh hi. John bek hi lo, Vinutna, kum 17 pha-in, amah
zong lasak nuamsa mahmah hi. Amah zong tu laitaka a kikhopna mun uh neu lua sa
hi.
Kikhopna mun neu ahih manin la pawl sa ding mi ciangtan uh
hi. Sabbath niteh mi 35 ciang bekin lasakna ah kihel thei uh hi. Lapawl ah
kihel nuam sangnaupang tampi kihel kha lo uh hi. Lasakna mun neu ahih manin, la
sa nuam mahmah napi, sa kha lo uh hi. Ahi zongin hih training center kizo leh
la sa nuam khempeuh in sa thei ding uh hi. Aman bang gen hiam cihleh hih
training center kizo mengmeng ding ngaklah hi.
India gam in leitungah gam golpen 7-na hi. US gam ii sehthum
suah sehkhat bang hi ding hi. Ahi zongin Sen gam sangin mi tam zaw uh hi. India
ah mi 1,300,000,000 val om hi. India gam ah khuapi lian 10,000 bang om hi.
Mihing 1,000,000 omna khuapi 50 bang om ding hi. Khuata 600,000 om hi. Gam
khangto ahih hangun mi tampi nuntak hamsa mahmah lai uh hi. Gambup mi a lang
phialin laisim thei lo, laigelh thei lo hi. Natna nei tampi om uh hi. An gina
ne zo lo tampi om hi.
Tu quarter Sabbath 13-na sumpi in South Andra Sec-tion ah
training center innpi lam nadingin kipuak ding hi.
MUC in Qr 2 na sunga te Valpavungh biakinn aa dingin kipuak
a, tu quarter aa pen Saihkhen biakinn puah nadingin kipuak ding hi.
