MUC

Print Friendly and PDF

Monday, June 26, 2017

AUGUST 26 Amunang Gonmei, 77



Khua khat in Adventist thu-umte tawh a tenkhopzia uh Nung Sabbath i zaksa mundang pan innkuan 6 a

galtai-na khua ah a upna uh hangin langpanna, bawlsiatna, thongkiatna thuak mah ta le-uh, a upna uh khahsuah lo-in SDA biakna sungah a om tinten manun tu-in a khua zang bup 30% in SDA thuman hong thei uh hi.


Adventist makai papi 3 thongkiat a kipan khua sungah buaina bei lo hi. Hausa makai khat in SDA hong suah manin langpanna tam semsem hi. SDA pawlpi a khan ding deih lo uh ahih manin SDA upna in dawi biakna tawh kipawl hi, ci mawk uh hi. SDA innte ah pai uh a, inn tung kahto-in simmawh bawl gawpgawp uh hi. A innte uh phialkhiatsak, ansalte uh susia gawpgawp uh hi. A lo-te uh ah pai-in a ante uh laksak uh hi.

Khua sungah Sihna hongtung


Tua bangin SDA thu-um mi a bawlsiate khat si vat mawk hi. A dangte natna kithei lo-in cina khin uh hi. Ngakvang pan si luang khia-in, lampi ah si ziau hi. Deacon Amunang in bang gen hiam cihleh tua bangin SDA thu-um mi a bawlsiate cina cih bang hi lo, hun sawt lo sungin si khin uh hi, ci-in pulaak hi.

Galkapte Thupiak

A lamdang mahmah khat hong piang leuleu hi. Tua khua ah galkapten vanpua dingin khua sung mite sam uh hi. Van puak ni ding pen Sabbath ni tawh kituak hi. SDA thu-um miten thunei-te kiangah va pai uh a, Sabbath ni-in vanpua-in pai thei lo ding, Sunday ni-ah laihto dingin a gen uhteh galkap makaiten zong Sabbath panin Sunday ni-ah khel uh hi. Upa makaiten zong lamdangsa mahmah uh hi. Hih SDA thu-um mite thungetna Pasian in sang hi ding hi, ci-in pulaak uh hi. Sunday niteh vanpua-in a pai lampi ah lei khat om a, tua lei tung pan kia suk uh hi. Sunday tang khempeuh si khin uh, SDA thu-um mite ahih leh a si khat zong om lo hi.

Hih thu khua kim kua paamah kizel hi. Tua a kipan SDA thu-um mite kuamah in bawlsia nawn lo uh hi. Khua sung upaten Pasian um lo uh hi. Bang hang hiam cihleh siatna le sihna hong tung hi, ci uh hi. Ahi zongin SDA thu-um miten a hih leh Pasian a muang mite, Pasian in kem tawntung hi, ci-in pulaak hi.

A Khangto Pawlpi

Tu-in hih khua ah 30% in SDA thu-um mi suak uh hi. Pawlpi in Topa tungah citak uh ahih manin khua sung miten SDA pawlpi belhtakcingsa uh hi. Dimapur khua pan mawtaw tawh nai 2 bang kipai-na mun ah hih khua om hi.

Nagaland Adventist Sang in 2007 kumin kiphuan hi. Plus Two ciang kikah thei hi. Sangnaupang vekpi 205 bang pha hi. Hih sanginn ah boarder om lo hi. Gamla pan hong kahte siate inn ah om uh hi. Tu quarter Sabbath 13 sumpi in Nagaland Adventist Sang ah boarder lam nadingin kipuak ding hi.

MUC in Qr 2 na sunga te Valpavungh biakinn aa dingin kipuak a, tu quarter aa pen Saihkhen biakinn puah nadingin kipuak ding hi.




To get the latest update of me and my works

>> <<