Lauhuaina tuamtuamna, bawlsiatna, kimatna om taleh India
nisuahna lama om innkuan 6 in Topa a upna uh khahsuah lo uh hi. Tua bangin hih
innkuan 6 in Topa tungah a cihtak manun a khua sung uha 30% in SDA pawlpi
sungah hong lut uh hi.
1966 kumin a pianna khua uah gamsung buaina hong omin hih innkuan 6 in mundang khat ah galtai uh hi. A masa kum 4 sung bang mah buaina om lo hi. Papa kim khat tui hong kiphum uh a kipan buaina kipan hi. A khuapihte un SDA panin tawp un, ci-in gen den uh hi. Tua bangin SDA a hong suah tak uhteh khua sung mite lungkim lo uh, a innte uh suksiat sak, a biakinn uh lakkhiatsak uh hi. Teen nading bekin zang thei ding, biakinn in zang lo ding ci-in thupia uh hi.
1966 kumin a pianna khua uah gamsung buaina hong omin hih innkuan 6 in mundang khat ah galtai uh hi. A masa kum 4 sung bang mah buaina om lo hi. Papa kim khat tui hong kiphum uh a kipan buaina kipan hi. A khuapihte un SDA panin tawp un, ci-in gen den uh hi. Tua bangin SDA a hong suah tak uhteh khua sung mite lungkim lo uh, a innte uh suksiat sak, a biakinn uh lakkhiatsak uh hi. Teen nading bekin zang thei ding, biakinn in zang lo ding ci-in thupia uh hi.
Adventist pawlpi sungah a om manun langpanna, bawlsiatna
tuamtuam pukha uh hi. Tua bangin khua sung hausa upaten a zawh loh uh teh palik
sam uh a, Adventist a suah veve uh leh thongkia dingin thubawl uh hi
Thongkia
Sabbath kikhop kik ciangin palikte in inn ah na ngak uh hi.
Palikte in papi 3 kiman khin hi, thongkia ding hi, ci-in nupite kiangah pulaak
hi. Tua bangin palikten a gen uhteh papi khat in ko bang mah siatna bawl kei
ung. Ka upna uh hangin nong thah nop uh leh zong hong that un” ci-in palikte
kiangah gen hi.
Palikten hong that kei nung. Khua sung miten hih tengah na
om ding uh hong deih lo ahih manin hong paikhiatpih ding hi ung, ci-in dawng
kik hi. Palikten Amunang, Pan le papi khat kol bulhin kaikhia uh hi. Pan zi in
a pasal Pan palikten a kaikhiat uh a muhteh dah mahmah hi. Zeisu genkholh “
thuman thutak hangin bawlsiatna na thuak uh leh thupha na ngah ding uh hi, cih
phawk kha hi (Matt. 5: 10).
Dimapur panin nai 2 bang mawtaw tawh pai-in palik len ah kikoih
hi.
Tua bangin palik len ah a pai-na lamkal ah a kibulh kolte
kisuut mawk hi. Palikten zong lamdangsa mahmah uh hi. Tua a kiman papiten bang
hangin hong man na hi uh hiam, thusitna lah om lo, hih bangin nong mat uh pen
thuman lo hi, ci uh hi. Palikten bang mah dawng thei lo uh hi.
Inn a omten thuneite kiangah thuumna lai pia uh hi. Tua khua
ah nuamtakin a teen suak theih nadingun ngen uh hi. Kha 3 khitteh thuneiten
laipia uh a, bang mah lungkham kei un. Nuamtakin om un, ci-in zasak uh hi.
Hih khua sungah a cilin SDA innkuan 6 mun dang pan hong
kituah uh hi-a, tu-in innkuan 84 pha uh hi. Panmeichung in bangci bangin a
kibulh kolte kisuut hiam, cih thei lo hi. Pasian nasep simloh a dang om lo ding
hi, ci-in pulaak hi.
Mai Sabbath ah zopkik ding
Tu quarter Sabbath School 13 sumpi in Dimapur khua-a om
Nagaland Adventist Sanginn ah kipuak ding hi. Nagaland in Kawlgam tawh kinai
hi. Nagaland ah Khristian thuzui vive hi. Mangpau vive zang zaw uh hi.
MUC in Qr 2 na sunga te Valpavungh biakinn aa dingin kipuak
a, tu quarter aa pen Saihkhen biakinn puah nadingin kipuak ding hi.
