Yeptho, 16
Kum 16 a pha Ghukato in ni khat niteh Pasian nasem
evangelist khat suak nuam hi. A sangkah kawmmahin mite kiangah Pasian thuman
gen kawikawi hi. Khrih hong kum kik ding upna thute le Zeisu a itna thu pulaak
hi. A lawmte tawh Lai Siangtho sinkhawm uh hi. Kum 13 a phakin tui kiphum a,
tua a kipan a upna pulaak tawntung hi.
A Khangno Khuavak Tangsak
Ghukato in kum 9 a phakin Pasian thugenna khat panin a nu le
pa in Adventist pawlpi sungah hong lut uh hi. Amah le a sanggam pa in Nagaland
Adventist sangah laisin uh hi. Hih sanginn ah sangnaupang 204 bang om hi.
Sangnaupang a tam zaw in SDA hi lo uh hi.
Ghukato in a sangkah nuamsa hi. Zingsangsialin biakpiakna
nei uh hi. Lasa, Lai Siangtho sim, thungen cihte nuamsa mahmah hi. Lai zolo a
lawmte huhin, laisim khawm uh hi. Tua bangte a siate un zong pakta mahmah hi.
A lawmte tungah tua bangin thuman a gen hangin Ghukato in
baihsa lo hi. A lawmte pawl khat in Saturday ni-in kikhawm ding a nu le pate un
phal lo uh hi. Tua hita leh Ghukato in a lawmte zawn veve hi. Tua bangin
Ghukato in kiphal kei taleh kikhawm ding a zawt tawntungdet manin a lawmte khat
in kitui phum ding khensat hi. Ahi zongin a nu la pa in tui kiphum ding phal lo
hi. A nu le pa in biakinn ah kikhawm a muh uhteh biakinn sung panin samkhia uh
hi.
Mihuh
Sangnaupangte kikhawm ding a nu le pate un a phal loh uh
hangun Ghukato in khuasung, vanzuakna cihte ah a lawmte tawh kimu-in Lai
Siangtho sinpih tangh tangh hi. Tua bangin a nasepna panin Albert tawh hong
kilawmta thei uh hi. Albert in Sabbath ni kikhawm thei lo hi. Ahi zongin
Adventist World magazine cihte le Ghukato piak laite sim den hi.
Ghukato nu in biakinn phiat dingin kiseh hi. A cina ahih
manin biakinn puah zo lo hi. Ghukato in na dam mateng inn ah om in, ci-in
Ghukato in biakinn phiat hi.
A Sang aa dingin nasem
Ghukato sangkahna ah naupangte giah nading inn kisam hi. Hih
sangah inn panin sangkah uh hi. Inn panin a kah zo lote om nading boarder khat
kisam hi.
Tu quarter Sabbath School 13 na sumpi in Nagaland
Seventh-day Adventist Sanginn ah kipuak ding hi.SDA sanginnte in tatkhiatna
nasepna ah kihel hi. SDA sang panin sangnaupang tampi in Khrih Honpa le Topa-in
sangin tuikiphum uh hi.
MUC in Sabbath sumpite quarter 2na pen Valpavungh biakinn
puah nadingin kipuak a, tu quarter aa pen Saihkhen biakinn puah nadingin kipuak
ding hi.
