A Kimawl Mawkmawk Bek Hi Lo
Ndubuisi
Ka khuk na lua mahmah a hih manin maizum takin ka thuksuk hi. SDA
innkuan sung pan khangkhia khat ka hi hi. Ka nasepna ah zong ka pu kiangah
Saturday ni,
nasep tawlnga ding ka ngen den hi. Tawl ngak ni ka ngah loh ciangin Topa tungah thu ka ngen a, Sabbath ni tawlngak ngah nading, nangma min hong thangsak ding nasep khat hong pia in, ci-in thu ka ngen hi.
nasep tawlnga ding ka ngen den hi. Tawl ngak ni ka ngah loh ciangin Topa tungah thu ka ngen a, Sabbath ni tawlngak ngah nading, nangma min hong thangsak ding nasep khat hong pia in, ci-in thu ka ngen hi.
Tu-in pai khia in
Tua bangin ka thunget khit Nipi khat khitteh ka innsapna inn nei pa in
na van teng tawh pai khia in, ci-in hong hawlkhia hi. Tawm vei om lai ding ka
ngen hi. Zan khat nangawn om thei nawn lo dingin hong hawlkhia mawk hi. Kei
zong ka vanteng tawh pusuak khia-in pai nading thei lo-in inn nungah ka om hi.
Tua zan, kongzing ah ka giak hi. “ Nasep khat ka muh nading, Topa tungah ka
ngen hi. Ka thunget ding hong tam semsem hi. A zingciang Sabbath niteh ka
lawmte tawh ka kimu thei hi.
Pawlpi mite kiangah a thupiang teng ka pulaak ciangin, ka inn ah hong om
in, ci-in om sam ngeingai uh hi. Kei zong pawlpi mi khat inn ah ka om hi. Ka
inntekpa pen nidangin Babcock University sang ah sangkah ngei hi. Ka inntekpa
in mawtaw hawl theih khat ka hihlam a theih takteh hih sanginnpi ah nasep khat
peuh na ngen lecin ngah thei dingin hong gen hi.
Pasian in hong pia
A sawt lo khat ciangin Babcock University sang panin sapna lai ka ngah
hi. Pasian in nasep hong musak bek hi lo, ka sep nop mahmah nasep ka ngah hi.
Topa in hong piak thupha khempeuh hangin ka lungdam hi. Topa aa ding a nungta
dingin ka khentat hi.
Babcock Univerity
sangah sangnaupang tampi in SDA thu-um mi hi lo cih ka thei hi. Hih
sangnaupangte tungah bangci bangin Pasian thuman pulaak thei ding ka hiam,
ci-in ka ngaihsun tawntung hi. Ni khat mawtaw bawlin ka om na mun ah khedap gol
mahmah khat ka mu hi. Tua leh “Mr. Sylvanus aw, nong thei lai hiam? cih hong
hopih aw ka za hi. Ka dingto a, a tungsang mahmah mi khat in hong hopih na hi
hi. Ahi zongin hong hopih tua mipa ka thei nawn kei hi. Kei hong thei mi khat,
ken ka theih loh pen ka maizum mahmah hi. “ Hong thei nawn kei sing, ee,” ci-in
ka dawng kik hi. Tua mipa in “ tu ma kum 3 lai-in ka sangkah ka zawh nadingin
sep ding khat ka nei a, ka pai nading mun ah na mawtaw tawh nong paipih hi,”
ci-in hong gen hi. Tua bangin hong gen ciangin ka phawk thei kik hi.
