MUC

Print Friendly and PDF

Tuesday, April 4, 2017

June 3, 2017 KA NGIMNA



KA NGIMNA

Jeremiah

Babcock University sangah Law tawh kisai sinin sangkah ka hi hi. Babcock University sangnaupang tampi in SDA hi lo hi. Amaute kiangah Pasian thuman SDA thupuak va hilh ding pen manpha kasa mahmah hi. Amau tawh thungetkhop hunte manpha ka sa hi.

Annekna mun zuanin ka pai leh ka nung panin ka lawmte khat in hong delhin Adventist khangno khat na hihna nuamsa luateh hongci hi. Ken zong Adventist khat ka hih nuamsa mah ing, ci-in ka dawng kik hi. Bang hangin nuamsa na hiam, ci-in hong dong kik hi. Ken zong Sabbath ni kikhop nuamsa ing. Tua hangin ka nuntakna zong hong nuam hi, ci-in ka pulaak hi.

Bang hangin Sabbath nuamsa na hiam, ci-in hong dong kik hi. Lai Siangtho in Sabbath ni-in nasepna pan tawlngak ding hong hilh hi. Khristian thu-um mi khat in Jesuh khekhap a zuih ding kisam hi, ci-in ka dawng kik hi. Tua bangin ka dawn kik ciangin ka lawm in zong lamdangsa mahmah hi. Ni khat sangkahna ah ka tu khawm uh hi. Jesuh thu tawh kisai thute ka sin uh hi. Tua bang in thu kikupnate ah ka lawm zong kihel in nuamsa mahmah hi. Pasian in ni 6 sungin na khempeuh piangsakin, ahi zongin a ni 7 ni pen siangtho sakin, bang mah sem lo hi. A mite zong ni 7 ni-in nasepna khempeuh panin tawlnga dingin thu hong pia hi, cih ka pulaak hi.

Lai Siangtho thuman sinna nipi nih sung ka neih khit uhteh ka lawm in tui kiphum ding hong pulaak hi. Ka zak tungin ka nuihza hi. Bang hang hiam cihleh Sabbath thuman sang thei dingin lamen lo hing. Ahi zongin Pasian in hong zang ahih manin ka thusinpihna panun ka lawm in zong Sabbath thuman hong tel thei hi.

Adventist innkuan sung pan khangkhia ka hih hangin Jesuh tawh kizopna kician ka nei kei hi. Ahi zongin Adventist Youth Ministry (Adventist Khangno Nasep Kipawlna) ah ka kihel a kipan ka upna zong hong khang semsem hi, cih ka phawk hi.

Ni kumin Nipi Kaal Thunget Kikhopna-a thu kigen in ka nuntakzia hong khel hi. Tu-in zong siatna nusia-in gamtat zia le tong hoih a nei nuam i om leh Jesuh in hong khel thei hi. Na nuntakna Amah ap in.

Babcock University sanginn ah laisinna sanginn kicing lo hi. Innnuai cihte zangin laisinin, biakpiakna zong kinei hi. Tu quarter Sabbath 13 sumpi in Babcock University sanginn ah kipuak ding a, Nigeria gam sunga khangno pantahna tampi kibehlap ding hi.

SDA conference in Sabbath 13 na sumpi zatna hong zasak ding hi.

To get the latest update of me and my works

>> <<