June 24
Tu quarter sunga i zak mission news in West-Central Africa Division
sunga pawlpi nasepnate hi. A diakdiakin ah Gabon le Nigeria gam a nasepnate i
za hi.
Thugen Masa:
Joseph le a sanggamte tangthu koi lai pan za na
hiam, ci-in ka lawm khat ka dong hi. Ka lawm in Lai Siangtho in hong hilh hi,
ci-in hong dawng hi. Adventist Youth Ministry ah hong kihel khempeuh in Lai
Siangtho sung thute thei uh hi. Joshua a kipan Pasian aa dingin nasemte thu
kimu thei hi.
Gift min nei ka lawm in Babcock University sanghuangah
om hi. Hih sanginn in ka inn pan gamla lo hi. Ka lawm ii Lai Siangtho thu a
theihzia ka pakta mahmah hi. Khaal Sung Lai Siangtho sinna (VBS) ka nei uh hi.
Nang zong nong kihel diam ci-in ka lawm in hong zawn hi.
Kei pen bawlung uk mahmah khat ka hih manin
Adventist Youth Ministry ah khangnote tawh Sunday simin bawlung ka sui den uh
hi. Kimawlma-in biakpiakna ka nei uh hi.
Kei zong VBS ah kihel dingin ka ngaihsun hi. VBS ah
ka va kihel leh, ka lawm Gift hong gen bang mahin Lai Siangtho tangthu banah
theih huai thu tuamtuam ka thei hi. Na tuamtuam bawlzia cihte zong hong kihilh
hi. Pasian in hong it a, ken zong ka it hi.
Thugen Masa:
VBS ka man uhteh SDA pawlpi ah lut ding ka khensat
hi. Tu-in ka kituiphum zawh kum khat cingkhin hi. Ka lawm Gift bang mahin ka
upna thuman thute mite kiangah pulaak nuam ka sa hi. Lai Siangtho tangthu
genna, na tuamtuam bawlna cihte nuam ka sa hi. Ka lawm Gift in Jesuh thu
tamthei nai lo hi. Ahi zongin tu-in Jesuh thu thei-in amah it ding zong tel
semsem hi.
Thugen Nihna:
SDA ka suah manin ka lawmte in hong zahpih mahmah
uh hi. Hong gensia uh hi. Tua pen na ka sa hi. Jesuh thu gen ding hong phal lo
uh hi. Kam tawh pulaak ding hong phal nawn lo uh ahih manin, Jesuh hong itna le
hong hehpihnate ka gamtat zia le tong tawh amaute tungah ka pulaak hi. Ahi
zongin Khrish thu-um mi khempeuh in Jesuh zia le tong nei lo uh hi. Ka lawm
pawl khatte biakinn ah kikhawm hong pai uhteh ka lungdam mahmah hi.
Thugen Masa:
Adventist Youth Ministry kihelna hangin hamphatna
tampi ka ngah hi. Ka zia le tong hong kikhel hi. Ka kim ka paam mite ka huh
nuam hi. Tua bang mi huhnate nuam ka sa hi. A van puakte uh dawnin, u ham, piteek,
puteek cihte huh ding ka thadah kei hi.
Adventist Khangno Nasep Kipawlna in ka nunzia hong
kheel hi. Khrih it ding hong hilh hi. Tua bangin mite zong it, huh dingin tha
hong pia hi.
Thugen Nihna:
Tu quarter Sabbath 13 sumpi in Babcock University
sanginnpi ah kipuak ding hi. Hih sanginn in Adventist Youth Ministry nei-in,
SDA hi lo khangno hi ta leh Khristian hi lo khangnote thuman sungah pantahna
ahih manin hih thusinna ah a kihel mi khempeuh in nuntak hoih tawh nungta thei
uh hi.
Topa in Gabon gam le Nigeria gam a khangno
kipantahte thupha hong pia hen.
MUC in a kul le a kisam bangin Sabbath School Sumpi le Sabbath 13 na
sumpite puak nading hong zasak ding hi.
