JUNE 17
KA IT KA SANGGAMPA
Goa
Adventist Youth Ministry ah ka kihel hi. Path Finders ah zong ka kihel
hi. Tu-in Master Guide a zo khin khat ka hi hi.
Ka min in Pastor Goa Adeniran hi. Babcock University ah sangnaupang
khantohna lam ah nasemin ka om hi.
Mustapha min nei khangno khat kum 15 pha-in amah zong Path Finders ah
kihel hi. Lagos khuapi ah leisek bawlna khat ah nasem hi. Hih khuapi ah
meltheih khat nei ka hih manin ka va hawh zelzelna panin Mustapha tawh a kimu
kha ka hi hi.
Ni khat “ na sanggam pa Mustapha maw, ci-in hong kidong hi. Ken zong hi
mah eei, ci-in ka dawng kik hi. Mustapha bang a ci hiam ci-in ka et leh amah
zong nui pempaam hi.
A kimuhpih peuhpeuh tungah Mustapha in sanggam bangin hong nei hi. Kei
tawh a kikholh nuam sa mahmah, sanggam takpi bangin hong ngaihsun pah hi, cih
kimu hi. Ahi zongin Mustapha in guihtheih khamtheih tuamtuam zang hi. Hih bang
gamtatnate in siatna hi. Nang bek hi lo, na innkuan sung, khua sung aa dingin
siatna lianpi piang hi. Tua hi-in hih bang gamtatna panin kikhel in, ci-in ka
hanthawn den hi. Ka thu hong mang zel, hong ngai nuam lo zel cih bangin om hi.
Mustapha in Khristian thu-um hi lo hi. Jesuh thu theihsak nuam hing. Khrih a
theih mateng amah tawh ka kikholhna uh kisia sak nuam lo hing. A cidamna susia
thei nate a khawl ding ka deihsak masa phot hi.
Mustapha’pa hong sih takteh Mustapha in inn sung makaipi hong suak hi. A
innkuan sung kitangsap tuamtuamte ama vaan ding hong suak hi. Nasep hahkat hong
kulta hi. Ama aa dingin thu ka ngen hi. A pa in a nusiat khitteh a pa aitangin
a ding ding hong suak ahih manin bank ah ama min tawh laih kul, a pa dinmun ah
om hi ta ahih manin gamtat hoih a neih ding a kisap zia ka pulaak den hi
Mustapha, biakinn ah kikhawm ding ka paipih nai kei hi. Ahi zongin Jesuh
thu bel tam veipi genpih khin hing. Khrih in mawhnei mite aa dingin a nuntakna
hong pia hi. Amah i it ding, a thupiak zuih ding cihte a kipan thuman pha tampi
ka hilh hi. Tua bang teng khitteh Mustapha in Lai Siangtho sinna khat nei nuam
ing. Pastor khat om leh hoih ding hi, ci-in hong gen hi.
Hih bangin zu le sa tawh kidiah mi tampite makaih ding kisam hi. Babcock
University in hih bangin nasem dingte pantah, thusinna sang hi.
Tu quarter Sabbath 13 na sumpi in Babcock University ah kipuak ding hi.
SDA conference in Sabbath 13 na sumpi zatna hong zasak ding hi.
Mai
Sabbath ah sumpi i khiat ngei zah thum khia dingin kiging ciat ni.
Mai
Sabbath ah mission news pulaak ding mi nih sawl in.
