MUC

Print Friendly and PDF

Tuesday, April 4, 2017

JUNE 10, 2017 OM NADING MUN KHAT BEK MAH



JUNE 10
OM NADING MUN KHAT BEK MAH

Chiemela

Bang hangin hih Adventist Youth Ministry (Adventist Khangno Nasep Kipawlna) ah kihel ka hiam? Bang hangin kihel ka hiam cihleh hih mun sangin mun hoih zaw om tuan lo hi.
Ka min in Chiemela Ogu hi. Adventist Youth Ministry ah Pathfinder Makai khat ka hi hi. Hih sanghuang sung panin khangkhia khat ka hi hi. Path Finders sunga kihel khangno tampi in Khristian thu-um khangno hi lo uh hi. Pasian in hih khangnote Ama thuman hilh dingin hong koih ahih manin hampha ka kisa hi.

Babcock University ah ka om sungin Makai khat ka nei a, ama hangin Pasian nasepna ah kihel nuam ka sa hi. Ka lawm khat in Pasian tungah mawhna, khialhna hau lua ka hih manin thungen thei keng,” hongci hi. Ka mawhna tam lua ahihteh Pasian in ka thunget hong ngai lo ding hi, ci-in pulaak hi. Ka lawm kiangah tua bang hi lo hi. Pasian tungah na mawhna thuum inla, mawhmai nading na nget leh, mawhmai-na na ngah ding hi, ci-in tha ka pia hi.

Ka lawm pawl khatte in kipha-sak in amau le amau kipi muh uh a, Pasian mai pha ngah dingin zong kilamen lo uh hi. Kim khatte pen maizum uh hi. Kuamah tawh kikhawl nuam lo uh hi. Mawh kisa, khial kisa uh hi. Amau le amau a kineu muh zong tampi om hi. Tua bang mite mah thapia-in mawhna kisik a, mawhmai ding ngenin, Topa tungah ki-ap ding ka pulaak den hi.

Sabbath ni khat kikhop khitteh mutpuak tungah Lai Siangtho munte gelh in, ka khahkhia uh hi. Babcock University in kim le paam mite tungah thuman pulaak uh hi. Nasepna un khan ding geelna nei uh hi. Nasepna zia tuamtuam zong vaihawm uh hi.

Nigeria gam nasep nei lo tampi om hi. Siamna nei lo zong mi tampi om hi. Ahi zongin pawlpi in nasep nei lote sep theih ding geelna nei uh hi. Puankhui nasep, van tuamtuam bawlna cihte a kipan khangno pantahna zong nei dingin vaihawm uh hi.

Tu quarter Sabbath 13 sumpi in Babcock University kipuak ding hi. Hih sanginnpi in pawlpi nasep ah tangzai takin na a sep zawh nadingin Topa in hih sanginnpi thupha pia ta hen.


SDA conference in Sabbath 13 na sumpi kipuakna hong zasak ding hi.

To get the latest update of me and my works

>> <<