NU’ THUNGETNA
Michale Nathalie
Ka tanu Juana in SDA sangah sangkah thei nawn lo ding cih thu ka zak
ciangin ka dah mahmah hi.
Gabon Mission in zong a hanciam theihzahin hanciam mah taleh sanginn ding kicing nai lo hi. Juan in a sang uhah a lawmte tawh Lai Siangtho sinna nei-in, thu zong ngenkhawm uh hi. Hih bang hunte ngah thei nawn lo ding hong suak hi.
Gabon Mission in zong a hanciam theihzahin hanciam mah taleh sanginn ding kicing nai lo hi. Juan in a sang uhah a lawmte tawh Lai Siangtho sinna nei-in, thu zong ngenkhawm uh hi. Hih bang hunte ngah thei nawn lo ding hong suak hi.
Lungkhamna tampi
Juana in mun dangah sang va kah leh a upna bang a suak diam? Jesuh tawh
a kinai thei veve ding hiam? Kumpi sanga kah khangno tampi in zu le khamtheih
tuamtuam zang uh hi, cih ka za hi. Tua banah Friday ni le Saturday ni pen
gualnopna le kimawlna ni dingin zang uh hi. Lai hilh siate zong amau ut hun
hunin sangkah uh a, a tam zaw sangkah lo uh hi. Sang a kah loh uh ciangin
sangnaupangte’n amau le amau-in lai en uh hi. Tua banah laivuan ni pen Sabbath
ni tawh kituak thei ding hi, cih zong ka lungkham khol hi.
Juana in SDA sang panin mundangah a vakah a kipan biakna lamah
kilamdanna kimu pah hi. Lai Siangtho simna le thunget hun cihte a neih ngei
bangin nei thei lo hi. Ni khat Juana tawh ka kimu a, “bangci ci na hiam, hong
lunghimawh ing. Na kimang thei hiam” ci-in ka dot leh, hong etdan dahmel pua-in
“ka nunzia kilamdang lua, ni dang bang nawn lo. Jesuh tawh kigam mahmah ing.
Satan ukna sungah a nungta tawh kibang ing,” ci-in hong dawng hi. Ken zong
“Jesuh tawh na ki gamlat hangin Jesuh in nang hong it hi,” ka ci hi. “ Nang a
ding thu hong ngetsak hing, kong huh theih bang bang hong huh ding hing. Na
kisap hun hunin hong gen in,” ci-in ka hanthawn hi.
Nuamsa semsem
Juana a dingin thu ka ngen hi. Midangte kiangah zong Juana a ding
thungen dingin ka pulaak hi. Kha khat khitteh Juana tawh ka kimu-a, maitai
mahmah hi. “Jesuh Khrih tawh ka kinai zaw hi. Khrih in kei aa dingin Lawmhoih
pen hi. Ka lawmte kiangah Jesuh hoihnate ka pulaak hi,” ci-in hong gen hi. Tua
bangin Juana in a lawmte kiangah a upna thu a pulaak ka zak ciangin ka nuam
mahmah hi. Laivuan hunnai ciangin a lawmte tawh thungen khawm uh hi. Hamsatna
khat peuh a tuah uhteh thungen khawm uh hi. Tua bangin Juana in a sangkahna ah
Pasian aa dingin teci hoih khat hong suak hi.
Lamet lohpi-in Lungdamna
Gabon khua-ah Adventist thupuak a tun sawt nai lo ahih manin Gabon khua
mite in upna thu ah picing nai lo uh hi. Gabon khua-a kilam ding sanginn in
Pasian thuman tangko-na phualpi khatin kizang ding hi. Naupangte in mailam ah
makai dingte hi. Gabon khua mite in Jesuh hong kum kik ding thu a theih ding
kisam hi. Juana in a nuntakna a ki-ap
hi, cih thei ka hih manin ka nuam mahmah hi. Tu quarter leitungbup Sabbath School
sumpi in Juana omna khua Gabon a naupang pantahna sanginn thak lam nadingin
kipuak ding hi, cih thu ka zak ciangin ka nuam zaw semsem hi. Juanna in hih
sangah laisin thei ding hi.
SDA conference in Sabbath School zatna hong nung zaksak ding hi.
