Leo hong nusiat thupha
Bienvevu
Ka sanggampa Leo in tuikhia-in hong nusia hi. A hong nusiat in kum 12
pha pan hi. A hong nusiatna hangin ka dah mahmah a, na khempeuh a mawkna bangin
ka ngaihsun hi. Ka lungnop nadingin guihtheih khamtheih, zu le za tawh ka
kidiah hi.
Leo a sihin Khristian thu-um ka hi nai kei hi. Ahi zongin ka u Rene le
Leo in, Adventist thu-um mi khat in Lai Siangtho sinkhopna neihpih thei zel hi.
Anihun tuikiphum ding geel khin uh hi.
Leo hong nusiatna hangin na lungsim na mahmah hi. Leo hong nusiatin Adventist
pawlpite in si hong gal uh a, ko innkuan hong hehnem uh hi. Tua bangin
Adventist pawlpi in hong hehnepna tungtawnin ka dahnate uh tampi hong kiam hi.
Tuahsiatna Lianpi
Leo hong nusiat khit a sawt lo-in Rene in tuikiphum hi. Rene in ka upna
tawh kisai bang mah hong dawng ngei lo hi. Ama upna tawh kalsuan hi. Khamtheih
guihtheih nam tuamtuam ka zang hi. A sawt ciangin lungkiatna tawh ka kidim hi. Nitak
khat ka lawm Rachidy tawh zusai club khat ah ka pai uh a, zukhamsa-in ka ciah
uh hi. Lampi ah accident ka tuak uh hi. Koici bangci suakta cih ka genthei kei
hi. Kaal khat khitteh ka lawm Rachidy tawh ka tuahsiatna uh ka kikum uh hi. Ka
pu in “ nang hangin ka nungta hi hi,” hongci hi. “ Kei hangin maw, nang nungta”
ci-in ka pu ka dong kik hi. Ka pu in “Bangci bang hiam ka thei kei, kong
thatkha dektak” hongci hi.
Ka pu in dawi bia hi. A biakdawite in ka sih ding uh deih lo ahih manin
tuahsia mahta leng sihna tawh a kipelh ka hi uh hi. Ka pu hong gente ka
ngaihsun uh hi. Rachidy kiangah ka ciah loh phamawh ding hi. Inn ah hih ding
khat nei ing, ci-in inn ka ciah hi. Inn ka tun ciangin Lai Siangtho ka sim hi.
Sihna tawh a kipelh ka hih manin Topa tungah lungdam ka ko hi. Leo bangin ka
nuntakna Topa tungah ka kipia nuam hi, ci-in thu ka ngen hi. Kha 3 kha 4
khitteh Sabbath thuman ka pom thei a, SDA pawl lut ding ka khensat hi.
“Tuikiphum ding khensat”
Sabbath ni hong tung a, biakinn ah kikhawmin tui kiphum ding ka pulaak
hi. Upa khat in tui kiphum ding na hih leh SDA pawlpi upna bulpite na theih kul
hi, hongci hi. Zingciang a kipan Lai Siangtho sinna ah hong kihel in,” ci-in
hong zawn hi. Nitaksial Lai Siangtho sinna ah ka kihel hi. Ka innkuanpite
kiangah tui kiphum ding ka gen hi. Ka innkuanpihte in Khristian ka suah ding
hong um lo uh hi. “nang maw, Khristian na suah ding” ci-in hong zahpih uh hi.
Sabbath ni hong tungin tui kiphumte hong kidingsak a, kei zong ka din leh, ka
innkuanpihte ka mu hi. Ka nu in “Rene aw, thuman na pulaak tu-in ka thei hi.
Khristian thu-um mi khat nong suah theih pen ka kipak mahmah hi. Nang aa dingin
thu ka ngen den hi,” hong ci hi.
Sangkah Kik
Zu tawh kidiahin ka om ciangin siatna namcin tawh a kidim mi khat ka hi
hi. Sangkah ding zong ka thei nawn kei hi. Ka innkuan phattuampih ding khat
nasem ding ka zon hangin, pilna nei lo ka hih manin, kuamah in nasep hong pia
nuam lo hi.
Sabbath ni khat “ Topa aw, ka mawh ka siatna nong thei hi. Na tampi hong
ngen keng, ka kivak zawh nading nasep khat hong guan in,” ci-in thu ka ngen hi.
A nitak ciangin ansai nei pawlpi mi khat in a sai-ah nasem dingin hong gen hi.
Hih ansai ah hahkatin na ka sem, sangkah zawh kik nading sum ka khol hi. Ka
sumkholte tawh sangkahin, ka sangman ciangin, nasep hoih khat ka mu hi. Ka
innkuanpihte zong SDA sungah lutin tui kiphum uh h. Ken zong nasep hoih ka ngah
hi. Tua leh upmawhlohin ka pa in hong nusia hi.
Mai Sabbath ah zom kik ding!
