APRIL 1
GABON
Pastor Medou Eyi
Gabon khua in 13th Sabbath School sumpi huhna ngah ding ahih manin ka
nuam mahmah uh hi. Gabon gam mi 100 ah 62 in kum 25 nuai vive hi. 1975 kumin
Equatorial African Union Mission ( Tu-in Central African Union Mission kici)
in laibu zuak Raymond Ondoua le a zi tawh Gabon gamah SDA thuman puak dingin paisak uh hi. 1976 ciangin General Conferencepanin Daniel Cordas kipaisak leuleu a, pawlpi mi 40 val bang hong om thei hi. 1978 kumin Gabon Mission ci-in kipsakna kinei hi.
in laibu zuak Raymond Ondoua le a zi tawh Gabon gamah SDA thuman puak dingin paisak uh hi. 1976 ciangin General Conferencepanin Daniel Cordas kipaisak leuleu a, pawlpi mi 40 val bang hong om thei hi. 1978 kumin Gabon Mission ci-in kipsakna kinei hi.
Ka min pastor Georges Medou Eyi hi. Gabon Mission of Seventh-day
Adventist president ka hi hi. Gabon gam Libreville khuapi ah ka om hi. Hih
khuapi ah Tan 10 sanginn khat, Primary sanginn khat leh zum inn tuamtuam,
biakinn kinei hi. Tu quarter 13Sabbath School sumpi tawh Libreville khuapi pan
in tai 310 bang gamlatna mun ah Tan 10 sanginnpi khat kilam ding hi. Gabon gam
ah sanginn tungtawnin thuman kitangko hi. Gabon gammi 1,750,000 bang kipha hi.
Ahi zongin Tan 4 sanginn khat le Tan 10 sanginn khat kibek kinei hi. Tu-a a
kilambeh ding sanginn thak in Gabon gam a Pasian nasepna tangzai sak ding hi.
SDA hi lo sangnaupangte tungah Nasepna
Libreville khuapi a pawlsang ah 100 ah 75 in SDA hi lo uh hi. Pawl
khatte Christian hi lo uh hi. Sanginn neu-in, sangnaupang 120 val ta zo nawn lo
hi. Tan 4 sang ahih leh sangnaupang 300 val bang ta thei hi. Tan 10 sang ah
sangnaupang hong tam ahih manin mundang sangah kah dingin ka sawl uh hi. Ahi
zongin tua bangin ka sawl uhteh sangnaupangte in Sabbath ni-in laivuan tawh
kipelh thei lo uh hi. Sangnaupang tampi in Sabbath ni-in sangkah lo-in, laivuan
loh ding khensat uh hi. Sangnaupang kimkhat in “SDA sang ah sangkah ding ka ut
uh hangin sanginn kicing lo ahih manin ka kah theihna sang khat peuh ah va
kahin, sangkah khitteh SDA hong suak nung” a cih uhteh, hih thu in makaite
lungsim sukha hi.
Libreville khua mite in SDA pawl sang mannei mahmah khatin ciamteh uh
hi. SDA hi lo nu le pa tampi in a tate uh hih pawl sangah kahsak uh hi. Bang
hang hiam cihleh pawl sang in naupang, khangnote hoih takin pantah uh hi.
Ahi zongin nu le pa tampi in a tate uh pawl sang ah kah ding hong paipih
uh hi napi, mun dangah sangkah ding kilehkik sak cih pen ngaihsun lecin
kha-siat huai mahmah hi. Naupang, khangnote tungtawnin a nu le a pate un thuman
hong theih nading uh a daltan hong suak hi. Hamphatna lianpi khat a sumh hong
suak hi. Mihonpi in thuman za nuamin na kiangah hong kikhawm mipi, kilehkik sak
lecin hoih ding hiam?
Khua Sung Mite Tungah Thupuak
Hih Tan 10 sanginn in khua sung mite tungah thuman tangko hi. Khangnote
tungtawnin mi tampi in hong thei uh hi. Sangnaupangte in cinate koi-in, kem uh
hi. Makaih ding kisamte makaih uh hi. Thungetsakin, Jesuh thu gen uh hi.
Puansilh neilote puan pia-in, nek ding nei lote zong anvak uh hi. Tua bang
nasepna tungtawnin mi tampi in thuman thei-in pawlpi mi zong kibehlap hi.
Pawlpi Muanhuai Hi Ding Lametna:
Gabon gamah SDA thu-um mi 3041 val bang om hi. 100 ah 79 pen pawl
sangkah sangnaupang vive hi. Hih sangnaupang a tam zawte pawl sangah kah thei
lo uh ahih manin sang dangah kahin Sabbath ni-in tawlnga thei lo-in sangkah uh
hi. SDA pawl sang lote ah sang a va kah uhteh a upna uh zong sukha hi. Sabbath
ni sang kikah lohna sangah sangkah theih nading kisam uh hi. Pawlpi a Ding A
Manpha Nasepna
Gabon gamah Tan 4 sang le Tan 10 sang panin sangnaupang tampi in SDA
sung hong lut uh hi. Sangnaupang 450 val bang a ta thei ding sanginn khat kipan
khin hi. Sangnaupang 900 bang a kah theih nading sanginn khat kisam hi. Hih
sangnaupangte in sang panin inn a ciah uhteh a nu le pate tungah SDA thuman va
puak khia thei uh hi.
Tu quarter 13 Sabbath School sumpi Gabon gamah sanginn lam nadingin
kipuak ding hi. SDA conference in hong nung zaksak ding hi.
