MAY 27
Nung Sabbath gamdang tangthu ah Ndubuisi in a thungetna tungtawni Pasian in lampi honsakin SDA thuman a thei nailo Babcock University sangnaupangte kiangah thuman pulaak thei hi, cih thu i za khin hi.
Sangnaupangte bawlung suihna ah a makaih dingin hong kisawl hi. Bawlungsuih bel nuam ka sak mahmah kimawlna khat hi. Ahi zongin sangnaupangte makaih ding cih thu ka ngaihsutteh tawm khat ka lunghimawh pian hi. Bang hang hiam cihleh khangnote’n ka thu hong mang mawk uh diam cih ka lunghimawh hi.
“Ko kimawl lo”
Thungetna khat nei-in tua khitteh kimawl kipan ding le makaih dingin ka khensat hi. Ka makaih ding hih khangnote a lang bang pen SDA khangno hi lo hi. Amau kiangah Friday nitak le Saturday ni kimawl lo ding cih ka zasak hi. Midangte’n Saturday ni kimawl ding hong vaihawm uhteh “ ko, Saturday ni kimawl lo hi ung. Ka tawlngak ni hi,” ci-in ka hilh hi. Babcock University sangnaupang tampi in Sabbath thu za ngei lo uh hi. Hih bang thute hangin kei aa dingin tualpi pen khuamial nasep mun hong suak hi.
Lamdang ka sak ah ka kituahpihte kiangah Jesuh thu ka gen ciangin za nuam thei mahmah uh hi. A gitlohnate panun hong migi zaw uh hi. Khat le khat hong kihuh thei zaw uh hi. Kam hoihlo cihte zong zang nawn lo uh hi. Sangpuan nei lote aa dingin sangpuan leisak cihte a kipan khat le khat kihuhna hong tam semsem hi.
Hih bawlungsui mite lakah Pasian hong puak hi kha ding hi, ci-in ka ngaihsut mi khat om hi. Tua in kua hiam cihleh Jamiyu hi. Ka hopihsial in hoih tak hong dawng kik den hi. A innkuanpih nunzia cihte a kipan a khuasak nuntakzia ka dotte hong lim gen mahmah hi.
Nuntak Hamsa
Ka pa in a hong nusiat sawt nai lo hi. Ka pa in hong nusiat khitteh ka nu in ka sanggamte sam a, a vekun ka om khawm uh hi. Jamiyu in a inn ah om theih nading ngah nawn lo ahih manin kapkawmsa-in paikhia hi. Jamiyu in a sangkah khawl phot dingin khentat hi. Nisim nuntak zonna ah hamsatna tampi phu-kha ahih manin a lungneu hun zong tam mahmah hi.
Jamiyu in nop a sak pen ahih leh bawlungsuih ahi hi. A siam zawk semsem nadingin pantah, hilh kul hi. Annek tuidawn, silh le teen a kipan, a kitangsapte huh, panpih kul hi. Jesu in hong it hi, ci-in Jamiyu ka hilh hi. Adventist Khangno Nasepna ah zong kihel dingin ka gen ciangin Jamiyu zong hong kihel thei hi. Jamiyu in Khrih nungzui dingin hong khentat hi. Jamiyu khentatna hangin Topa tungah zong ka lungdam hi.
Mazang Zaw Semsem
Bawlungsui-zia ka hilh khangnote in hong zahtakna hangin ka nasepna ah kimuanna ka ngah hi. Khangno nasepna ah kihel dingin ka khentat hi. Hih Khangno Nasepna ah kihel thei hileng khangnote lakah Pasian nasem dingin ka lamen hi. Khangno tampi in zong hih nasepna ah kihel uh hi. Sabbath kikhop, cihte a kipan biakpiakna tuamtuamte ah nuamsa mahmah uh hi.
Khangno hong kibehlapna hangin mun le nate hong kicing nawn lo hi. Khangno kipawlna hong gol zaw semsem hi. Babcock University ah hih khangno nasepna a taizai zawk nadingin tu quarter Sabbath 13 sumpi kipuak ding hi. Hall/innpi, auditorium cihte lambeh nadingin kizang ding hi.
MUC zum i puakte zat nading mun hong zasak kik ding hi
