MUC

Print Friendly and PDF

Thursday, March 16, 2017

SABBATH SCHOOL LESSON 2Q, 2017




KA TUUTE NA VAAK IN: 1 & 2 PETER



Tu quarter sung i sin ding thute a gelh Peter in Jesuh tawh kikhol sawltak khat hi. Pawlpi masate makai khat hi. Thu-um mite’n bawlsiatna a thuak laitak, pawl sungah thu hilhzuau kipatin a gelh ahih manin Peter’ laikhak in simhuai mahmah hi. Jesuh hong pai madeuhin zuau thuhilhsiate in upna pan lampial nading thu hilh ding uh hi, ci-in Peter in pulaak hi. “Amah a hong paikik nading a thuciamna a bangci ahi hiam? I pu i pate zong si khinta uh a, leitung piancil a kipanin tu dong na khempeuh a kibang mahin omom lai hi,” ( 2Pet. 3: 4) ci-in lungkiat nadingin thu hilh uh hi. Peter khit tu-in kum 2000 val bang cingkhin ahih manin lungkiathuai mah hi.


Pawl sungah zuau thuhilh a om banah pawlpi in bawlsiatna thuak ding hi, ci-in tam veipi hilhkhol hi. Tua bawlsiatnate in amau mawhna hangin singlamteh tungah a pumpi kibawlsiat thuak Jesuh’ thuak gimna limcing hi, ci-in zong hilh hi (1Pet. 2: 24). Ahi zongin lungdamhuai thu in Jesuh sihna in mawhna hangin tawntung sih pan eite hong honkhia-in, Amah a muangte dikna hong ngahsak hi (1Pet. 2: 24).


Jesuh in eite mawhna hangin hong si hi. Tua banah hong pai kik ding a thu hong khen ding hi (2Pet. 3: 10 – 12). Tua thukhenna in thu-um mite a’dingin manpha hi. Jesuh hong pai kik ciangin Jesuh in mawhna, siatna khempeuh beisak ding a, hih leitung mei tawh hahsiang ding hi (2Pet. 3:7).


Peter in thu-um mite nunzia ding kiteltakin hong hilh hi. Khristian thu-um mite khat le khat ki-it ding thupi pen hi ( 1Pet. 4:8). Tua itna in “lungsim le ngaihsutna kikhat nei-in unau ki-itna lungsim nei unla, migi-in kiniamkhiat un” ci-in hong hilh hi (1Pet. 3:8).


Peter’ laikhakte in Lai Siangtho’ thuguipi tatkhiatna thu pulaak hi. Topa hehpihna tawh hotkhiatna kingah cih thu Peter in zong pulaak hi. Peter in “ Jesuh ka thei ngei kei hi,” ci-in nial ngei hi taleh Topa in A tuute vaak dingin sawl hi. Tuute vaakna-ah upna tawh Khrih sungah hotkhiat ngahna kihel hi. Paul in zong hih thu hilh hi. Peter in hih thu a thei hi bek lo-in a nuntakna mahmah tawh thei hi.


Martin Luther in Peter tawh kisai-in hih bangin pulaak hi: “ Peter’ laikhak in Thuciam Thak sungah thupi ka sak mahmah khat hi. Peter laikhakte in lungdamna thutak hi. Paul le Peter in Jesuh- i mawhna puakhia, mawh hong maisak hi, ci-in pulaak uh hi.” Commentary on the Epistles of Peter and Jude, 2, 3.


Jesuh in a tuute vaak dingin Peter thupia hi. Tua tuute lakah ei i kihel hi. Gilvahsak ni.


           
                

Principal Controbutor

Editorial Office
Robert McIver

12501 Old Columbia Pike 5
Arts and Design

Silver Spring, MD 20904

Lars Justinen

            

                             


SABBATH SCHOOL LAPI



Manpha Sabbath School manpha, 
Thusinna hun siangtho

Lungdamin kong pai uh Topa
Na thute sin dingin


Hong pai un. Sabbath Sang, 
Thumanpha sinna Sang 
Lungdamin kong pai uh Topa
Na thute sin dingin


Lai Siangtho simin ngaihsun leng
Nuntakna lam hong lak 
Thuman thutak Jesuh thute
sinna hun manpha hi.


Itna aw tawh Jesuh hong sam
Ama kiangah pai ni
Jesuh lungsim bang neih nading
Sinna hun manpha hi.

To get the latest update of me and my works

>> <<