Nung sung teng e-mail pusuak kizen to ahih
manin, ngah kei kha leu ci-in ong khak kik ingh. MYUM/UMM sung thupiangte kong
zaksak zel pen lam dang asa, a deihlo, leh a lungdam zong om ding hi. Thute ong
hawm sawn hi zaw ingh. Response ong om ciangin a lang nih pan ki saikak thei
pan hi. Tua manin skeptically, negatively, or affirmatively in response ong
neite tungah lung dam hi.
1. SAKOLAM PAWI VAI-A PR. KHAI MENG LAI
Pr. Khai Meng laikhiat pen, Section sawl, Sia
Yang Kho Mang leh Sia Ngo Beam in laigeel, UMM President Min Lwin-in endik, Rih
Camp pai ding siapite thukim in circle leader-in ama min tawh khia ahihna Pr.
Khai Meng in ong Confirm sak manin ama tungah lung dam. A tom-in en le'ng:
Conference lehdo nadinga sia nautaangte sep khiat khempeuh ah makai siapite
sawl vive ahih lamtak PULAAKNA (Revelation) ong suak zaw sop hi.
2. UMM-EC (May 2005)
MYUM pan Sia Memory ong pai. Isaih, Kanglo, Khen
Go, leh Solomonte invite. Ordination dingin Hla Myoe Win, Ngo Beam, Khen Go
cite ki list. Hla Myoe Wir lah Peingan nangawn vaanlo, Ngo Beam lah sumbawl hat
lua, Khen Go lah Conf.te tawh ki sawh lua cih paulap in khat zong kipsaklo.
3. LEAD SEMINAR YANGOON (April / May)
Conference vai mipi kikupna no khat nei uh.
Conferencete kiang kikhawm thei/lo, hawh thei ding maw? Nekkhawm pia thei ding
maw? cihte dong uh. SSD makaite' dawnna ah, zol un, lengla un, nuak kei un,
kiteelna vai ah ei khial mah mah hi hang ci. Tua ciang Pr. Muller in Pr. Tin
Tun sep hi ci'n khiat. Lampi lo-in sumpite ki sang theilo ding dan agen ciangin
mipite lung dam in khut beng zaw zen uh ci. Hun pen SSD makaiten khak ziau in
tam kikumlo uh.
4. ZAW CHANG, KHAM MIN, THANG HLIM
UMM-EC in Conf vai thusit dingin sam. Kham Min
pailo. Nasep tawp sak. Thang Hlim in, MUAS kah lai-in Sia Yan Aye, Sia Tin
Tunte-in Budhish sung ih om zongin Vantungmi 3 thu pom peuh leng gup ki ngah
ding ci napi, ei SDA leh SDA, deih kibanglo lel, ih ki dawi muh dik sa keng cih
pulaak.
5. ZAANGNGOPHAI (May 15, 2005)
A khuabup in Conf deih uh hi. Tua huhau-in
Circle Pastor Chhawnna-in Tamu Policete cial in Pawlpikem siapa hawlkhia. Tua
thu akizak ciangin Conf. upa Pa Khual Nang leh Sia Dal in va vaan uh. Tamu
Township ah hih thu pen Criminal nature hilo, khuatual vante khuatual tawh
kisai hi, Mission in a gal lak theih nading omlo hi, cih lai khia. Teinkayah
zong na buai sal leuleu. Pr Let Pau-in a sang hon ding uh kahn-kuat.
6. MAYAN, KACHIN STATE (May 18, 2005 Wed. 3:00
pm)
MoNeilus huhna tawh kilam inn tum khat sanginn,
alang kikhopna in Mayan Pawlpi in sangh. Conference gawtna-in tungsiah sawlna
ci-in Pr. Samuel Thein in Sept. 2004 in tawh kalh dingin Police leh hausa tawh
kuan. Sang-inn lam pen Police in phallo. Kikhopna Lam honkik ding Mayante
ngetna zui-in Mahyahkah-in anih un sam. Conf. te aki hawlkhia sa, ko vante akem
hi ung ci. Mayahkah-in biakin cihte mihon neihsa hi, nanga sa na hiam, bang
hang kalh na hiam, gamsung buaina behlap nuam na hiam ci-in tai leh thuhilh
thuah in lem. Mayante-in amauthu in hong kik cih phone ong set uh.
7. KEI OBSERVATION:
China-ah pawl tuamtuam-in biakinn khat zangin
biakpiak hun kikhel uh. Tua biakinn pen SDAte' lam hilo napi SDA in zong
Saturday nin zang thei. Ei-a bel alam lai-a tha le ngaal a pai ciat, khatin
ko-a hi ci-a buplak sawm sangin deih ki banglo ahih man hun kikheel thei
diamdiam le hang Christian vai mah mah zaw ding hi. Pasian ngiimna "For My
house will be called a house of prayer for all people." Iaa 56:6-7 (NASB)
"Foreigner" ih seh Conferencete/Missionte zong Pasian in a inn sunga
ah thunget ding phal hi. Tua bang lung sim makaite'n zong a neih na ding thu
ngen ciat ni.
Agelh Pr. Khamkhen
