SABBATH NITAK
TU KAAL SUNG SIM DING: 1Pet. 2: 1-3; 2: 4-8;
2: 5, 9, 10; Heb. 4: 12; Isa. 28: 16; Pai. 19: 3 -6.
KAMNGAH: “Ahi zongin note pen Pasian ina hong teelkhiat
minam, Kumpi siampi bawl, a siangtho minam, Pasian’ mite na hi uh a, khuamial
sung panin a lamdang mahmah ama khuavak sungah a hong samkhia pa’ nasepna a
lamdangte a genkhia dingin Pasian in a hong teel mite na hi uh hi.” 1 Peter 2:
9.
Jew ngeina, biakna lak pan a
khangkhia Peter in Khristian thu-umte pen “siangtho minam, Pasian’ teel mite
hi,” ci hi. Peter in Thuciam Lui sunga Israel mite tawh Pasian in a kamciam
siksanin Thuciam Thak ah pawlpi tungah tua kamciam tangtung hi. Gentile mite in
Pasian’mite ngah ding hamphatna ngah thei uh hi. “ A kicing Oliv kung a hiangte
kisatkhia-in gamlak oliv hiangte tawh kipeh hi. No Gentail-te pen tua gamlak
oliv hiangte tawh a kibang na hi uh a, Jew mite’ hamphatna teng a ngahkhawm na
hi uh hi. Tua ahih manin oliv hiang a kisatkhia tawh a kibang Jew mite
simmawhbawl kha kei un. Note na kiphatsak theih nading uh a thu om lo hi. Note
pen a hiang tawh a kibang lel na hi uh a, note in a zungpi a hingsak hi loin, a
zungpi in note a hong hingsak ahi zaw hi” Rom 11: 17, 18.
Pasian tawh thuciam a bawl
mi in Pasian’ piak nasep a sem dingin sapna ngah ahi hi. Paul in hih thu oliv
kung tawh genteh hi. Tua nasep in tanglai Israel mite’ nasep – Topa sungah hong
kipia hotkhiatna thu tangko ding nasep a pulaak ding i hi hi.
SUNDAY APRIL 9
KHRISTIAN BANGIN NUNGTA
1Pet. 2: 1 ah ‘tua ahih
manin’ cih kammal tawh kipan hi. Peter in a gensa thute siksanin thuhilh hi.
Khrih in mawhnei mite a’dingin na khempeuh hong sem ahih manin Ama nungzuite in
Khrih’deih bangin nungta ding uh hi.
1Pet. 2: 1-3 sim in. Peter in
nunzia ding bang pulaak hiam?
______________________________________________________________
______________________________________________________________
Peter in limciinna nih
zangin Khristian masuan hong hilh hi. Pelh ding le zuih ding thute hong hilh
hi. Gitlohna, zuauna, kineihkhemna, huaihamna, kigensiatnate hemkhia ding ci hi
(1Pet. 2:1) Tua hileh thu-um lo mite tawh kilamdanna kimu ding hi. Bang hang
hiam cihleh gitlohna om kei leh mite a’ding na hoih kisem ding hi. Khristiante
in zuau gen kei leh mikhem cihte om lo ding hi. Thuman thutak ding uh hi. A
neih zah uh tawh lungkim ding uh a, mi’ neihsa eng lo, haza lo ding uh hi. Mi
khat ii minsiat nading zong kampau lo ding uh hi.
Limciinna nihna ah - naungek
in nawizu a duh bangin nuntak picing lunggulh ding hong hilh hi (1Pet. 2:2).
Khristian nunzia in siatna pelh ding bek hi lo hi. Siatna bawl lo napi, na hoih
bangmah sem kei leh nuntakna in a hawmpi hi. Naungek in nawizu dawnin a khan
mah bangin thu-um mite in zong Lai Siangtho – Pasian kammal tawh kivak den ding
ahi hi (Heb. 4: 12;
Matt. 22: 29; 2Tim. 3: 15-
17). Lai Siangtho in gamtat hoih hong neisak-in upna kipsak hi. Bang hang hiam
cihleh eite theih ding a kisam Khrih thu khempeuh hong hilh hi. Jesuh in a
siangtho Pasian’ nunzia, Ama zia hong hilh hi. Tua Pasian a it ding le Ama na
sem ding i hi hi.
A cidam upna i neih
nadingin Lai Siangtho kisam hi. Lai Siangtho tungtawnin gamtat hoih lo kinusia
hi. Koi bangin hih thunih in kizopna nei hiam?
MONDAY APRIL 10
A NUNGTA SUANGPI
1Pet. 2: 4 – 8; Isa.
8: 14, 15; 28: 16; Late 118: 22 sim in. Peter in bang thupi pulaak hiam? Jesuh
tawh kizopzia ding bang hong hilh hiam?
__________________________________________________________________
__________________________________________________________________
Peter in thu-um mite
hanthotna a neih khitteh Jerusalem biakinnpi a suangpi limcingin a Nungta
Suangpi – Jesuh mitsuan ding pulaak hi. Peter in kamsangte’ pulaak innkiu suang
thum vei pulaak kik hi (1Pet. 2: 4-8). Tua Suangpi in pawlpi kipatna hi. Peter
le sawltak dangte in zong Suangpi le pawlpi kizopna pulaak uh hi. Jesuh mahmah
in zong thugentehna-in zang hi (Late 118: 22; Matt. 21: 42). Paul in zong Isaiah
siksanin gen hi (Isa. 28: 16; Rom 9: 33).
Jesuh in nawlkhinna,
kikhailupna a thuak hangin Pasian in a pawlpi Innkiu Suangpi dingin teel hi.
Khristiante in tua Suangpi tungah kinga a nungta suang i hi hi. Innkiu suang le
innpi in pawlpi limciinna hi-a, pawlpi in Jesuh Suangpi tungah kilam hi. Pawlpi
cih in Jesuh nungzui mite hi.
Khristian suak cih ciangin
Khristian kipawlna sungah kihel, pawlpi sungah om cihna hi. Singkhuam khat bek
tawh inn a kilam loh mah bangin Jesuh nungzui mi khat in amah kia om tuam thei
lo hi. Khrih nungzui dangte tawh kipawl kul hi. A Khristian mipihte tawh Pasian
bia khawm lo mi in Pasian gam tawh kituak lo hi. Khristiante in Khrih a’dingin
tui kiphum uh hi-in, tui kiphum mi in Jesuh pawlpi sungah tui kiphum ahi hi.
Peter in pawlpi in ‘ a
siangtho siampi hi,’ ci-in pawlpi’ nasep pulaak hi
(1Pet.
2:5). Pawlpi in Pasian’ santheih biakpiakna a piak kul hi. Siampi in
Pasian le mite kikaal ah
palaai sem hi. Biakbuk le siampite’ nasep siksanin Peter in pawlpi’ masuan hong
hilh hi. Pawlpi in a nungta Pasian biakbuk hi-in, thu-um mite in biakbuk
siampite i hi hi. Peter in Thuciam Lui biakbuk siksanin tuhuna i nunzia ding
hong hilh hi.
1Pet. 2: 5 sim in.
“Pasian in a santheih biakpiakna” in bang hi ding hiam?Koi bangin i biakpiakzia
Pasian’ santheih hi thei ding hiam?
TUESDAY APRIL 11
PASIAN THUCIAM MITE
Peter in Thuciam Lui siksanin
thu-um mite laikhak hi. Jew mite le Khristian sungah ‘thuciam’ cih thu in
thulaigil mahmah hi.
‘Thuciam’ in bang hiam?
Hebrew kammal ah ‘berit’ in kamciam cihna hi. Nih kithukimna pulaak kammal hi.
Mi nih kikaal zong hi thei hi. Gentehna-in Laban le Jacob kithukimna (Pian. 31:
44), ahih kei leh kumpi nih kithukimna zong hi thei hi (Solomon le Hiram
kithukimna – 1Kum. 5: 12). Mun khat khatte ah ‘berit’ kammal a khiatna in
‘kipawlna’ pulaak hi. Tua banah kumpi khat le gam sung mite kithukimna ah zong
tua kammal kizang hi (David le Israel upa makaite kithukimna – 2Sam. 5:3).
Tuate lak pan a kician mahmah thuciamna- Pasian le Ama teel Abraham kikal ah
thukimna hi.
Pian. 17: 1-4; Pai. 2:
24; 24: 3-8 sim in. Pasian le Israel kikaal ah thuciam bang hong hilh hiam?
___________________________________________________________________
___________________________________________________________________
Piancil sungah Pasian in
Abraham tawh a bawl thuciam a bawlzia kimu thei hi (Pian. 15: 9- 21; 17: 1-26).
Egypt gam salin omna pan Pasian in a hotkhiat in Pasian in ‘ a thuciam’ phawk
hi (Pai. 2: 24). Pasian in Abraham tawh a bawl a thuciam mah Moses tawh bawl
kik hi. Tua bangin thuciam bawlna ah Thukham Sawm le thukham tuamtuam pia hi
(Pai. 19: 1- 24: 8;
24: 3-8). Ahi zongin tua
thuciamte a tangtun nadingin mihing tungah kinga hi. “A thupiak a kizuih
laiteng Topa in amaute thupha pia hi. A sepna khempeuh uh tuahpha uh hi.” Ellen
G. White, 2T. 574.
Kamsangte in Pasian
thupiakna panin Israel mite lam a phial khak loh nading uh hilh tawntung hi;
Topa tawh a thuciam uh hilh tawntung hi. Daniel le Mangmuhna sunga genkholhnate
simloh genkholhna kamciam dangte a tangtun nadingin mite’ citakna tungah kinga
hi. Thuciam tangtun nadingin zong tua bang mah hi. Pasian’ thupiakte tungah
citakna a om ciang bekin thuciam bangin tangtung bek hi. Thumanglote tungah
siatna tung ding hi.
Pasian tawh kizopna
thuciam i cih in bang hi ding hiam? Tua kizopna thuciam in bang hong sawl hiam?
WEDNESDAY
APRIL 12
KUMPI SIAMPI PAWL
“Jacob’ suanlekhak Israel mite tungah hih
bangin na gen ding hi: Egypt mite tungah ka bawlna le muvanlai in a kha tawh a
note a puak bangin note hong pua-in keima kiangah kong paipihna na mu khin uh
hi. Tua ahih ciangin tu-in note in ka thu mangin ka thuciamna na zuih uhleh
mite khempeuh lak panin note pen keima mi na hi ding uh hi. Bang hang hiam
cihleh leitung khempeuh keima a’ hi a, note pen keima siampi nasep a sem minam,
le minam siangtho na hi ding uh hi. Israel mite tungah hih thute na gen ding
ahi hi,” a ci hi (Pai. 19: 3-6).
Singlamteh tungah Khrih hong sihma kum tul
tampi ma-in hotkhiatna thu hih bangin kipulaak khin hi. Pasian in a mite mawhna
le mawhna saltanna panin honkhia hi. Honkhia ahih manin minam tungah teci
dingin Amah itin a thupiakte a zui dingin thupia hi.
1Pet. 2: 5, 9, 10; Pai. 19: 6 sim in. Peter
in Khristiante ‘a siangtho minam’ ‘kumpi siampi nam’ a cihteh bang khiatna nei
hiam? 1Pet. 2: 9.
SDA
thu-um mi na hihna tawh kizui-in bang masuan hong hilh hiam?
__________________________________________________________________
__________________________________________________________________
‘Biakbuk,’ ‘teeltuam mite,’ ‘kumpi siampi
nam,’ ‘Pasian mi’ cihte in Pasian in Abraham le a suanlekhak tungah a thuciam pulaak
kammal hi. Thuciam Thak sungah Peter in tua thuciam siksanin Jesuh le
Singlamteh siksanin, pawlpi- thu-um mite le Pasian kizopna pulaak hi. Israel
tungah kipia kamciam in tu-in Jew mite bek hi lo-in Gentile thu-um mite dongin
huam hi. Jesuh hangin Gentile mite in Abraham’ suanlekhakin ciaptehna ngah uh
hi. Khrih sungah a om mi khempeuh in Abraham’ suanlekhak hi-in, Pasian’ khap
kamciam khempeuh ngah ding hi (Gal. 3: 29). Khrih hangin mi khempeuh in kumpi
siampi pawl ahi uh hi.
A siangtho minam, kumpi siampi nam ahi mi in
mimalin hi taleh mihonin in hi taleh koi bangin nungta hiam? Koi bangin Pasian’
hong sapna tawh kituakin nungta ding i hiam?
THURSDAY APRIL 13
PASIAN MIN THANGSAK
Thuciam
Lui sunga Pasian thuzui mite in pawlpi hi. Hotkhiat ngah
|
|
ding bekin Pasian’ sap
|
hi
lo hi. Bang dingin sapna ngaha, teelna
|
ngah uh hiam? Peter in tua
thu hong hilh hi. Ngimna khat om a tua dingin a kisam, a kiteel ahi hi.
Khristian thu-um mi in Pasian min a thangsak dingin khuamial sung pan khuavakna
ah sapna ngah mite hi (1Pet. 2:9). Israel mite zong tua dingin sapna ngah uh
hi. Minam khempeuhte a’ding teci dingin sapna ngah uh hi. Pasian’ deihna ah
Amah tawh thuciam a bawl Israel mite tungtawnin minam khempeuh in thupha ngah
ding ahi hi.
Thkna. 4:6; 26: 18,
19; Isa. 60: 1-3; Zech. 8: 23 sim in. Bang thu pulaak uh hiam?
_____________________________________________________________
______________________________________________________________
Pasian tawh thuciam bawl
Israel mite tungah Topa’ hong piak hotkhiatna thu mun khempeuh ah kizelsak ding
masuan kipia hi. Khristiante in zong tua masuan i nei hi. Pasian thuman thutak,
Ama hong piak thuphate, Khrih’ hong itna le a nunzia mite a theisak ding i hi
hi.
1Pet. 2: 10 sim in.
Bang hangin Khristian nasep masuan a’dingin thupi hiam?
____________________________________________________________
_____________________________________________________________
Mawhna le sihna tawh kidim
leitung in a kisia ding hi ta hi. Ahi zong kuamah in kisia lo-in suahtakna a
ngah nadingun Khrih in a nunna hong pia hi. Teeltuam ngah Israel mite mah
bangin hamphatna ngah mi in nasep masuan zong nei hi. Khristiante in Pasian’
mite hi-a a manpha mite hi. Tua hamphatna ngah dingin midangte zong a zon ding
masuan nei i hi hi. Khristiante in nidang bangin a nungta ding uh hi nawn lo-in
hehpihna ngahin a siangtho ding mite ahi uh hi (Hosea 1, 2). Siangtho cih thu
in biakpiakna dingin a kituamkoih cihna hi.Tua hi-in a siangtho minam –
Khristian khempeuh in thu-um lo mite bang lo-in, a kilamdang ding uh hi. Khuadam
huna khuavak le khualumsak ding a kuang singkhuah tawh kibang ding uh hi. A
ngah uh hotkhiatna thu mite tungah a pulaak ding masuan nei uh hi.
FRIDAY APRIL 14
NGAIHSUTBEH DING: “
Pawlpi i cih in Pasian mai-ah manpha mahmah hi. A ngah hamphatna hangin
Pasian in manpha-sa hi lo-in, leitung mite tawh a kibatloh manin manpha hi zaw
hi. Tua banah Khrih a theitel mi kibehlapin upna sungah a khangto mi a tam zaw
semsem manin Pasian in manpha-sa hi. Khrih’ sianthona gah le nunna pia itna an
le tui duh bangin a lunggulh mi dingin hong deih hi. Itna le hoihna nei dingin
hong deih hi. Khrih a kilangsak zia le tong hoihna tehpih ding om lo hi. Tua
bang mi in hehpihna in tuam ding a, Kha Siangtho in a lungsim ngaihsutna a
nunna khempeuh makaih ahih manin Pasian in a gamtatna khempeuh mite a’dingin
thupha pia-a, a mangthang nunna honkhia hi.” Ellen G. White, Christ’s Object
Lesson, 298.
KIKUP DING DOTNATE:
1. Khuamial
sung pan khuavak ah a kisamkhia nunzia in koi bang hi ding hiam? Bang a cihna
hi ding hiam? Koi bangin Jesuh a thei nai lo mi khat tungah na hilh diam, bang
na gen diam? Bang in khuamial hi-a, bang in khuavak hi ding hiam? Peter’ thugen
siksanin khuamial le khuavak kilamdanna bang hi ding hiam?
2. “En
un, note in a luah dingin na lutna uh gam sungah na zuih dingun Topa ka Pasian
in kei hong thupiak bangin thukhamte le ngeina kipte kong hilh khinzo hi. Tuate
zui unla, sem un; bang hang hiam cihleh hih thukhamte khempeuh a zak uh
ciangin, “ Hih minam liante pen a pil thuthei taktak hi,” a ci ding uh mite’
muhna-ah hih thu pen nomau’pilna le nomau theihna hi ding hi. Bang hang hiam
cihleh eite in Topa i sap hun simin eite’ kiangah i Pasian hong nai zahin tua
bang pasian a nei minam lian koi-ah om ahi hiam? Tuni-in note kong hilh thute
bangin thukham le ngeina kip a man a nei minam lian koi-ah om ahi hiam?(Thkna.
4: 5-8)
SDA thu zui mi khat na hihna tawh kizui-in na nunzia ding bang hong hilh hiam?
Pasian in a thupha hong pia ahih manin bang a sem dingin Pasian in nang hong
sam hiam?
3. 1Pet.
2:3 sim in. “Topa’ hong hehpihna thu na theitel khin uh hi” cih thu in bang
pulaak hiam?Koi bangin tua hehpihna na theitel hiam?
4. Na
omna pawlpi ngaihsun in. Koi bangin SDA thu a thei nai lo mi khat in na pawlpi
lunggulh thei ding hiam?
