SABBATH NITAK:
TU KAAL SUNG SIM DING: Luke
5: 1 -11; 22: 31 – 33, 54 – 62; Matt. 16: 13 – 17; 14: 22 – 23; Gal. 2:
11 – 14
KAMNGAH: “Ahi zongin huihpi nung a muh ciangin lau
a, tui sungah tum dektak ahih manin, “Topa aw, hong hon in,” a ci hi.
Jesuh in zong a khut tawh Peter zamin len a, “Upna cingtaak lopa aw, bang
ci-a
hong tuaci muanlah na hi hiam? a ci hi” (Matt. 14: 30).
Peter in Khrih nungzui 12 lakah kihel hi.
Khrih tawh nasem khawm hi. Hankhuk pan Jesuh a thawhin Nungzuite lak pan Khrih
a mu masa lakah kihel hi. Peter in thu tampi tuakkha hi. A tuahkhak thute Kha
Siangtho makaihna tawh hong gelh hi: “Topa Jesuh Khrih a vangliatna le a hong
paikik nading thute note kiangah ka hong gen uh ciangin mihingte’ phuahtawm
tuanthute siksanin a hong gen hi lo-in, ka mit mahmah uh tawh ka muh uh a
vangliatnate a hong gen ka hi uh hi” (2Pet. 1: 16).
Lungdamna Thubu sungah Peter’ thanemna hi
taleh a kipiaknate kimu thei hi. Peter in Nungzui-te lakah lungsim manlang khat
hi. Thu khat peuhpeuh a lawmte sangin pulaak masa den hi. Jesuh sihna pan
tho-in van a kah khitteh Peter in pawlpi makai khat hong suak hi. Sawltakte
Tangthu le
Galatia in Peter nunzia pulaak hi. Peter in khial taleh
mawhmai-na ngah ahih manin mawhmai-na thute tawh kisai limtak hong hilh hi.
Pasian hehpihna ngah ahih manin mi tungah zong hehpihna nei hi.
SUNDAY MARCH 26
“KA KIANG PAN KIHEM KHIA IN”
Jesuh in Peter a muhtungin
Peter in Galilee gundungah ngabeng hi (Matt. 4: 18; Mark 1: 16; Luke 5: 1 -11).
Peter in zan tawntung nga a siah hangin khat beek man lo hi. Ahi zongin Jesuh’
sawl bangin a sep takteh ngasa tampi man a, gunkuang dimletin kibung dektak
ahih manin bangzahin Peter le a lawmte in lamdangsa uh hiam? Bang a ngaihsun uh
diam?
Luke 5: 1 -9 sim in.
Jesuh a hopihna kammalte in Peter’ nunzia bang pulaak hiam?
_________________________________________________________________
_________________________________________________________________
Peter in Jesuh a theihna
hangin a nunzia kikhel hi. Um takpi khollo hi mah taleh Topa thupiakna bangin
Peter in a ngeen a khuh hi. Peter in Jesuh thu za ngei kha ding hi. Tua banah
Jesuh nungzui mihonpi lakah kihel ngei hi ding hi. Nga tampi a mat ma-un “Tua
gunkuangte sung panin Simon’gunkuang sungah Jesuh tuang a, lei tawh tawm a
kigamla zek dingin a gunkuang tawm a hawh nadingin Simon kiangah a gen hi. Tua
ciangin gunkuang sungah tu a, tua lai panin thu a hilh hi. (Luke 3:5).
Peter in nalamdang sangin
Jesuh sungah a muhkhiat thu khat om hi. Mimawh ahihna le Jesuh siantho-na
phawkthak hi. Mimawh ahihlam kiphawk ahih manin Topa mai-ah a selzawh ding
bangmah om lo ahihlam phawk hi. Bang bangin mawhin khial taleh Peter in upna
tawh nungta-in bang bang thuak taleh Topa nungzui dingin ki-ap hi.
Luke 5: 11 sim in.
Bang thulaigil hong hilh hiam? Koi bangin Jesuh in ki-ap ding hong deih hiam?
Jesuh thupiak bangin nga-sa tampi a mat nadingun Nungzuite in bang kisam hiam?
Hih thu in nang le kei bang hong hilh hiam?
MONDAY
MARCH 27
“KHRIH IN TOPA HI”
Jesuh le Peter kihona in Jesuh nasepna sungah
thupi mahmah khat hi. Laithei-te le Pharisees kimkhat in Jesuh kiangah “nang
kua na hiam? ci-in uplohna tawh Jesuh a sittel hun sung a thupiang hi (Matt.
16:1-7) Tham lo-in Jesuh in ngasa le moh tawmno tawh mi tul tampi anvakin a
Nungzui 12 tawh kikhawlin Laitheite, Sadducees le Pharise mite’ silngo na pelh
un, ci-in a thuhilhteh tua bangin thudong hi.
Matt. 16: 13 – 17 sim in. Bang thupiang
kigelh hiam? Peter in Jesuh a dawnkikna kammalte in bang manpha hiam?
____________________________________________________________
____________________________________________________________________
Peter in Jesuh a upzia hangsantakin pulaak
hi. Peter in “Khrih in Messiah hi,”ci-in a pulaak mah bangin Nungzuite in zong
tua bang mahin pulaak uh hi (Matt. 16: 20). Tua bangin a pulaak uh a kipan
Khrih le Nungzuite in nasep kipan uh hi. Khrih in Messiah hi, cih thu tawh
kisai a tel zawh loh thute Nungzuite in Khrih tawh a kikholhna tungtawnun tel
zaw semsem uh hi.
“Nungzuite in Khrih in leitung kumpi ding hi,
ci-in lamen uh hi. Khrih in a sep ding thute Nungzuite kiangah a pulaak loh
hangin Khrih in genthei-in gimna tawh kidim den dingin ngaihsun lo uh hi. A
kumpi Gam kipan ta ding hi, ci-in lamen uh hi. Siampite, laithei-te in
langpanin, Jew mite in nawlkhinin, ‘zuauphuak pa’ ci-in mawhsakin gilo pa ci-in
singlamteh tungah khailupna thuak ding cihte amaute in ngaihsun lo uh hi” Ellen
G. White, The Desire of Ages, 415.
Nungzuite’n Jesuh in Messiah hi, ci-in a up
uh a kipan Jesuh in a thuak ding gimna le sihna thute amaute tungah pulaak hi
(Matt. 16: 21 – 23). Ahi zongin Peter in tua thute um lo hi. “Tua bang piang
ngei kenteh” ci-in Jesuh thuhilh hi. Tua bangin Peter in Jesuh a tai manin
Jesuh in Peter kiangah “ kihem khia in, Satan aw” ci-in dawng hi (Matt. 16:
23). Jesuh in tua bangin khauhpau ngei lo hi. Ahi zongin tua kammal in Peter
kikhel ding deihna hi zaw hi. Peter’ kammal in ama lungsim; ama deihna, cilesa
lungsim pulaak hi. Jesuh in Satan tungah a pulaak kammal hi mah taleh Peter in
Jesuh’ deihna tel thei hi. Jesuh in Peter’ deihna khaktan hi. Topa nungzui
khempeuh in gimna thuak hamtang ding hi, cih thu Peter in a tel kul hi. Tua
bang mahin Peter in a nasepna ah hamsat, bawlsiatna thuak takpi hi (1Pet. 4:
12).
Nangma lungsim in Topa’ deihna tawh a
kitukalh pahpah hiam? Koi bangin Topa’ deihna tawh kituak lo-in na gamta zel
hiam?
TUESDAY
MARCH 28
TUI TUNGAH PAI
Jesuh tawh a kikholhna uah
nungzuite in nalamdang tampi mu uh hi. Tua nalamdangte in Matt. 14: 13 – 33;
Mark 6: 30 – 52; John 6: 1-21 sung a kigelh nalamdangte tawh zong kibatna nei
hi. Jesuh in mohlum 5 le ngasa nih tawh mihing 5000 val vak hi. Tua bang
nalamdang a muh khit uhteh nungzuite in bang a ngaihsun uh diam?
Matt. 14: 22 – 23 sim
in. Topa tawh a nungta khawm dingin bang thu hong hilh hiam?
____________________________________________________________________
____________________________________________________________________
Tua bangin mi honpi in
gilvahin a om uhteh nungzuite in Jesuh vangliatna lamdangsa uh hi. Jesuh in
nate tungah ukna nei ahihlam phawk uh hi. Tua thu hangin Peter in Jesuh kiangah
“ Kei zong, tui tungah pai nuam ing,” ci-in hangtakin ngen hi ding hi (Matt. 14:
28). Upna pulaak kammal hi lo hiam? Jesuh in tua bang upna amuh teh Peter
kiangah “ hong pai in” ci-in thupia hi. Tui-hual tungah lampai le huihpi nungin
tuihual tungah lampai kibang lo ding hi. Peter in huihpi nung tui-hual tungah
lampai hi.
Hih thupiang in Jesuh tawh
kigamlat ding a lauhuai-zia hong hilh hi.
Peter in Jesuh muang mahmah
hi. A muan manin Jesuh mah bangin tuihual tungah lampai dingin ngena, a nget
bangin lampai hi. Ahi zongin tua bangin a lampai laitak lau ahih manin tui sung
tumsuk hi. Bang hang? Peter in lau mahmah taleh tui tungah a pai thei dingin
Jesuh in paisak thei lo hiam? Ahi zongin Jesuh in tua bangin a cimawh ding
phamawhsa lo-in, cimawhin “ Topa aw, hong hon in” ci-in a kiko ding deih zaw hi
(Matt. 14: 30). Tua bangin a kiko manin Jesuh in a khut zaam phei-in Peter
honkhia hi (Matt.
14: 31). Jesuh in a khutzaam
phei lo-in thupia ziau leh honkhia zo lo ding hi lo hi. Ahi zongin Peter in
Jesuh tungah kingak ding kisam ahihlam a tel nadingin Jesuh in a khut khak
tektek hi zaw hi.
Upna tawh kalsuan kipat ding
kisam hi. Topa’ vangliatna muan kul hi. Ahi zongin hamsat gentheihna hong
tunteh Jesuh in Peter tungah a pulaak
“upna cingtaak lo mi pa aw,
bang ci-a hong tuaci muanlah na hi hiam” cih phawk ding kisam hi (Matt. 14:
31).
WEDNESDAY MARCH 29
A TOPA NIAL
Luke 22: 31 – 34, 54 – 62 sim in. Peter’
muanlahna in bang thuman hong hilh hiam?
___________________________________________________________________
___________________________________________________________________
Peter’ ngimna in thu hoih hi. Nungzui dangte
sangin muanna nei zaw hi. Jesuh thuak ding thute a theihnop manin a nungzui zui
hi. Ahi zongin a nungzuihna ah ama hihna nial kha hi. Thuman nuntakpih lo-in, a
hoih thute pan lamphialin a Topa genkholh bangin Jesuh thumvei nial takpi hi.
Thuman a nial mi in Peter bangin a nuntakna-ah lamet bei cimawh hi.
Khristian
tangthu sungah zong thuman panin lampial thu-um mite in siatna ngah uh hi. I
nuntakna ah nial ding thu om a, up ding thu zong om hi. Thuman sung kip ding kisam
hi. Bang bang hong tung taleh i up, i zuih tawntung ding thu om hi. (Mang. 14:
12). Peter in Gethsemane huan ah a om lai-in thungen lo-in ihmu ahih manin a
upna neu-in a phut khak ding ze-etna nangzo lo hi. Peter in hoihtak thungen hi
leh a Topa nial lo ding hi. Ellen G. White, The Desire of Ages, 714.
Peter in a upna taisan kha hi. Siatna lianpi
sungah kia hi. Ahi zongin Pasian’ hehpihna in ama mawhna sangin lianzaw ahih
manin mawhna a tamna ah hehpihna lianzaw hi (Rom. 5: 20). Tua mawhmai-na in
Peter pen pawlpi makai lianpi khat suaksak hi. Pasian’ hehpihna in vanglian hi.
Upna thanem mah taleh upna tawh kalsuan ding kisam mahmah hi. Peter in
mawhmai-na thu tel mahmah hi. Bang hang hiam cihleh amah mah in mawhmai-na ngah
hi. Mawhna tawh kidim mihing ahihlam a kitel banah mimawhte tungah Pasian’ itna
le a hong hehpihna thu theitel hi.
Peter in Jesuh tungah a ciampel bangin na
tungah a hong ciampel mite’ mawhna koi bangin na maisak hiam?
THURSDAY
MARCH 30
PAWLPI MAKAI PETER
Peter in Nungzui 12 lakah
makai khat hi. Amaute aitangin thugen pa hi. Matthew in Nungzui 12 a pulaaknah
Peter pulaak masak pen hi (Matt. 10:2). Peter in Pawlpi masa hun sungin makai
nasem khat hi. Jesuh a lehheek Judah Iscariot munah nungzui tel ding a pulaak
masa pen Peter hi (Sawl. 1: 15 – 25). Peter in Pentecost Ni-in mi honpite Kha
Siangtho letsong kamciam tangtung hi, ci-in hilh hi (Sawl. 2: 14 – 36).
Thawhkikna thu a hilh manin kimatna a thuak, siampi lianpa le Jew makaite a
thuhilh Peter mah hi (Sawl. 10: 1- 48). Paul a kikhel khit Jerusalem ah ni 15
sungah om in a va muh sawltak Peter mah hi (Gal. 1: 18). Tua hun lai-in
Jerusalem ah om Jesuh’ nungzui makai pi thumte lakah Peter, Jesuh sanggam pa
James le Jesuh it nungzui John hi, ci-in kiciamteh hi (Gal. 2:9).
Gal. 1: 18, 19; 2: 9,
11 – 14 sim in. Pawlpi masate a makaih Peter’ thu bang hong hilh hiam?
_____________________________________________________________________
_____________________________________________________________________
Pawlpi makai, Topa’ sap ngah
Peter tungah Jesuh in “ Ka tuute na vaak in” ci-in thupia hi (John 21: 17). Tua
bang hi napi mangmuhna tawh a kilaak mah bangin Peter in Jew mi le Gentile mi,
a siang le a sianglo mi, khentuam hi (Sawl. 10: 28). Tua hi-in Peter in upna
thu ah khangcing nai lo hi.
Pawlpi masate hun lai-in
Khristian thu-um Jew mi tampi in “thukham zuih hahkat mahmah uh hi” (Sawl. 21:
20). Thukham hilhciannate ah Gentile mite tawh an nekkhopna pen mawhna hi, ci
uh hi. Bang hang hiam cihleh Gentile mite pen mi sianglo hi. Jerusalem panin
Jew Khristian pawl khat Antioh hong pai uhteh Peter in Gentile mite tawh an
nekhawm nawn lo hi. Paul in tua bangin Peter a gamtat pen hotkhiatna thu
langpan hi, ci-in pulaak hi. Paul in puatham bek tawh thu zui, a kineihkhem
Peter thuhilh hi. Tua munah Paul in thuman laigil “ Upna tawh dikna kingah hi”
cih thu hilh hi. ( Gal. 2: 14 – 16).
Pasian’ sapna ngah hi
napi Peter in kipuahphat ding thanemna tampi nei hi. Kipuahphat ding na
thanemnte a hong kipulaak ciang bang lungsim na nei hiam?
FRIDAY MARCH 31
NGAIHSUTBEH DING: Ellen
G.White, The Desire of Ages, ‘ The Call by the Sea”, 244 – 251, “ A
Night on the Lake,” 377 – 382.
Peter in ngabeng mi ahih hangin a
kicinlohnate kiphawkin Jesuh kiangah “Nang in Khrih Messiah, Pasian Tapa na hi
hi,” (Matt. 16: 16) ci-in a pulaak mi pa in Jesuh nial ngei khat hi taleh
pawlpi makai lianpi khat hong suak hi. Pasian in Peter tungah a pulaak thute hi
taleh ama tuahkhak thute Kha Siangtho’ makaihna tawh Peter in hong gelh khia
hi. Tua a laigelhte in a man lo thu a om kei hi. Peter in tatkhiat hehpihna a
thu-in a thei hi bek lo-in, tua hehpihna in ama nuntakna mah mah zong
kilamdangsak hi, ci-in pulaak hi. “ A kikhel ma-in Peter in a gilo, a lungtom
mi, mite’ mawhna bek muhin ama mawhna phawk kha lo mipa hi. Ahi zongin Peter a
kikhel khit nungah a nunzia kilamdang hi. Khrih’ hehpihna in a nunzia hong uk
hi. A lungtom, amah le amah hi a kisa, a kiliansak Peter in kiniamkhiatin
thuman a kan makai hi. Tuu-te a kem ding, a khoi, a vaak ding makai hoih khat
hong suak hi.” Ellen G. White, 5T., 334, 335.
I nunzia in Peter nunlui bang hi lo hiam?
Hangsan takin a upna pulaak napi khat vei vei ciangin uplohna tawh kidim kha
zel hi lo i hiam?
KIKUP
DING DOTNATE
1. Peter
in Jesuh nial taleh koi bangin Pasian’hehpihna ngah hiam? Koi bangin Topa tawh
kigamla mite Topa kiang hong tung kik thei ding uh hiam? Koi bangin Topa tawh
kigamla mi khat in Topa kiang zuan kik thei ding hiam?
2. Thuman
le zuau thu helhzau pen lauhuai mahmah hi. Koi bangin i pelh ding thu le i zuih
ding thu theithei ding i hiam? Ahi zongin thuman le zuau thu a kopkhop manin
buai-na piang hi lo hiam? Tua buai-nate tungtawnin bang thuman na theithei
hiam?
3. Peter
in hamsa takin thuman mu thei hi. Koi bangin a pulaak thute pom thei ding i
hiam?
