MUC

Print Friendly and PDF

Saturday, January 14, 2017

YAHWEH LEH YAHSHUA VAI PR DAL LEH SIA SUAN KI DAWNNA



Sia Suan:        : Sia Dal aw Late 138:2, Isaiah 43:22,42:17, Sawltak 4:12, Paunak 30:4, cih te leh Christian up dan aki tuak mah hiam ci ing a. I phuah tawm peuh sang Yahweh leh Yahshua min original mah zang leng hoih sa lo maw?

Pr Dal :           : Pau khempeuh Pasian ong phuah tawm sak hi cih na thei hia Sia. Piancil 11:1 ah leitung bup ah paukhat bek tuiciin tun khitin om lai hi.  V 7,8  ah Pasian in pau kaa sakin tausang zolo-in kithehthang uh hi. Tua paute a piangsak leh anei piangsak Pa hi.  Late 138:2, ah a min bek na ci a, Hebia pau tawh lawh ding na ci tuan lo hi. Piancil bup ah Yahweh kidawk vet lo hi. Elohim bek zang hi. Paikhiatna 3:14 ah Mawsi a sawl, ateel pa min pen Hebia kamin YHWH hin ki lawhdan kuamah a thei omlo hi. Zahtak lua in vowel kibehlap hi a, min neu sap danin hong kivawh hi. Akhiatna in "I am" Keimah cihna hi a, Keimah in Keimah ka hihi na ci hi.
            Lai Siangtho thak ah Immanuel, Jesus (issos), Christ - Messiah, Amen in " Keimah"  cin hong zangin apatna leh atawpna hong kici hi. Keimah in Lampi, Kongpi, Thuman, Thucing cih te hong zang hi. Lungdamnathu in pau khempeuh  nam khempeuh tungah ki tangko ding acih teh, i suahpih pau tek tawh piangsak Pa i lawhna na om hi. Mate 6:9-13 ah thunget leh "Vantung a om kote Pa aw" na ci sak a "YHWH" na ci sak lo hi. Mang.14:6 Pasian kihta uh la, Vanpi... Piangsak Pa bia un, na ci. Piangsak Pa cih pen pau khempeuhah kinei tek hi. Hebia pau bek tawh Pasian neuseh khaken. Pasian in Hebia pau bek a thei sa kha kei in. Hai bawl kei in. Sia aw.
                        Rom 1:25 ah piangsak pa bia lo in piansak nate bia uh a cihna ah zong Yahweh cihte  dawk se lo hi. Mate 16:16 ah Nang in Christ, a nungta Pasian tapa hi teh a cihna ah zong Yahwehtapa hi teh na ci tuan lo hi.  Na text dang te khempeuh ah min genna hi. Min in khiatna nei hi. Ei pau in na deih Hebia min pen khiatna neilo hi. e.g Daniel.." El" Pasian in thukhen pa, Bethel.... "El"  Pasian inn, Joshua (Yashua) Jah Pasian in Honpa... Zeisu na ci zaw hi.  Zeisu zong Arabic pau a, Singlamteh ah Pasian asapin "Eloi, Eloi" na ci hi. Isaiah 9:6 ah Lamdang Thuhilh Pa, Vanglian Pasian, Tawntung Pa, Kilemna kumpi acihna ah zong Yahweh, Yashua cih dawk vet lo hi. Pau khat bek a thei Pa bek in ngaihsun kha kei ni. Toi lua hi. Pau khempeuh te Pa bia ni. Tua ahih manin pasiante' Pasian, topate' Topa, kumpite' Kumpi cih min hi zaw hi. Sawltak 4:12 ah Honkhia min khat bek agen pen v 8 ah akhailup uh Zeisu Christ min na ci sinsen hi. Yahweh, Yashua min bek tawh na ci tuan lo hi.Mate 7:21 ah Topa, Topa hong ci khempeuh vantung gam a tung kei ding hi. Ka Pa deihna bang a zuite bek tung ding hi acihna ah zong, Yahweh, Yashua cihte bek tung ding na ci lo hi ven. Pa deihna  mah tawh na ci zaw. Muk tawh zahtakin lungtang tawh kigamla ding Honpa in deih vet lo zaw hi. Mate 15:8 Pau khempeuh Pa Yahweh pen manglai leh mangpau tawh YHWH ci-in na ki langhlo a, Hebia pau leh Hebia pau tawh ( ya-wa-we-wa) hi a, Hebia pau in aw suak in Yahweh hi. Late 105:1- Mang Lai Siangtho bupah Yahweh pen aminin sam ta un. Late 83:18 Leitung mi khempeuh tung Yahweh ahihna gen ding. Mate 7:21-23 Zeisu, Jesu, Jesuh, Jesua leh Jesus acih pen Topa asa mite YAHSHUA in nolh ding hi.
            Bang hang hiam cih leh (Cope Topa a phuah pen Zisu, St HauGo phuah pen Zeisu, Rev. Kam Khaw Thang phuah pen Jesu leh tulam phuak ten Jesuh) hi. Isaiah 42:17. YHWH pen tetragametan kici consonent mal li hi . Kei ipad ah Hebia script omlo se taleh tua na at mal li te... yodh, he,waw,he... cih Hebia alphabet min te bek hi a, vowel na ki guanglo na  teci pang ve leh. ie. PSHH pen Pasian Hoih Hi? Pau Suan Hau Hi cih bangin zong kikhia thei hi. Ya-wa-we-wa hilo. Tua hileh yodh, he, he, waw hi zaw ding Tua hin vowel thuahna kibang keh, yihwah, yoweh, yahwih cihte thuat zel hi.  A thupi pen ah piangsakpa ii min pen pau khempeuh in i lawhdan hizaw. ... Pasian, Pathian, phaya, Angdeo, Deo, God ici zongin lungsim lungtang puak thupi zaw hi. Mate 7 pen kuros hi a, Topa cihna hi. Kuros, Joshua, aci  khempeuh in angah cilo in vantunga ka padeihna azuite cizaw hiven. Pa deihna bang a zuilote Honpa in nolh ding cizaw, amin pen ei pau in akhiatna Mate 1:21 ah gen hi. Hebia pau, Grik pau, Mangpau, Zo pau in na sam zongin Abel dan a biakna thupi zaw hi. Aw leh Lai pen aw om masa zaw a, aw pen aki ciapteh nadingin Lai kibawl hi. nn pen Hebia ten amuh uh ciangun Yahweh hi ci-in thei uh hi. Paikhiatna 23:13 ah mi namdangte pasian min na lo kei ding uh a, na kam panun zong tua bang pasiante min na ging khia sak kei ding uh. Yahweh ahi lo pasian cih min neite zat loh ding acihna hi pah hi. Jeremiah 10:25 ah na min hong lo nuam lo gamte tungah na hehna hai bua suk in . Isaiah 52:6 Ka mite in ka min thei ding uh hi. Amin thupi isak kei bel ami hi nailo cihna a hi tam aw.
            Vowel omlo-in tua tawh kikip sak hi bek hi. Piangsak Pa longal bang pau hita leh tua avawh kammal tawh biak ding hi a, lungtang tawh deih masa hi. Hebia pau bek tawh amin lo-in, adang thute ah Hebia pau hi kei leh ee, thei veve ding hi a atuat leh akhiatna om tuan lo hi. Mangmuhna  14:6 ah "every nation and tribe, and tounge, and people" acihna ah Pasian "Theos" na ci zong theih kul hi. Pentetuch ah YHWH min thei acih teh "thei" pen nuntakpih gamtang cihna hi. i.e Adam in azi thei-in gai na ci hi. Tua hin kizopna -itna- nei cihna hi. Kam tawh Yahweh, lalpa,bawipa, topa, takhin, kuros i cih bek hilo-in lungtang tawh na thupi sak zaw hi. Galati 5:22 , Mate 5:18,19 ah tel lah hi. Grik a Issos pen ipau in Jesu, Zeisu, Zisu, mihing Tapa, Pasian tapa, yashua, Isua, Iswar na ci zongin Honpa, Thu, siampi, palai, advocate, thukhen mangpa, Pasian hi cin theihna pen thupi zaw hi. LST ah gen hi Hebia kam Yahweh bek tawh paute pianna Pa pen tuk teh ding pen piangsakpa tuk cing theilo hi. Nang upna nangthu, nang khensat hi. Mate 7:21-23 pen na cih danin lai at pan cilo hi. Kuros ahi (Topa, Lalpa, Bawipa, thakhin, Yashua etc) Lord, Topa min aw suah pronounce dan kibat loh man hi kilkel lo hi. "Pa deihna bang zuilote " thu zanpi azuilote" v.6, gah hoih gah lo te ci'n na tel lah zaw hi.
            Pasian leh Pasian min zakna, theihna tawh diksakna kingah hilo-in, tua upna leh theihna pen sepna tawh dik hihsakna (doers of the law be justified)kipia hi zaw. Rom 2:13, Pasian leh amin atheilo (gentiles) te nangawn thukhen niteh mawhsakna apen theih nadingin Topa in pianpih (nature) leh lungsim theihna (conscience)tawh athu tanna kilangh dingin thu khen ding (vs. 14-16) acihna ah zong Pasian min theilote nangawn zaitakin lampi, thuman koih hi.

Sia Suan:        :
Sia Dal aw, Zo Lai Siangtho pawl khatte ah Sabbath cilo-in nipi ni peuh ci hi. Piancil 4:26 ah Yahweh min lawh kipan ta uh hi. Tua ahih manin leitung buppi akhem Satan in mipilte laisiamte zangin Leitung mite hong khem khin hi. Mangmuhna 12:9. Jeremiah 23:26-27.Paunak 30:4 ah Ama min bang hi a, atapa min bang ahi hiam? Late 72:17 ah van ah Ni atan laiteng amin kip ding. Late 48:10 Yahweh min leitung bupah zel ding.  Gupnaleh mawh maisakna ding Mate 1:21 Vantungmi Gabriel in hong puak mun pen Yahweh min tawh hong pai Yashua hi a, John 5:43 A min kipsakna aneih un zong kikhel lo-in YASHUA mah ahi hi. Luka 2:21. Tua min bek hi hong hon  Sawltak 4:12. Gup ngah ding mite pen Yahweh leh Yahshua min tawh kiciamteh hi. Mangmuhna 14:1

Pr Dal :           : Akiseelcip thusim ci-in Lai Siangtho in a gengen pen min siangtho Yahweh leh  Yahshua min hi. Sabbath pen akizuilo bek hi a, kiselcip lo hi. Pasian tam mahmah in kawl lutlo pawl khat zong pasian ci uh hi. Isai 42:8 ah Kei pen Yaweh ka hi a, Yahweh pen Kei mamin hi, Keima vangliatna kamin pasian dangte kapia kei hi. Akikhello amin pen Jawker i suah sak ding ahoih mah hiam? Paul Damascus khua apai lai bangin min siangtho apom sa in inn lam tung kik lecin lunggulh hang ei. Min siangtho pen Hebia pau bek tawh hilo hi. Piangsakpa min pau khempeuh ah omin Hebia in Elohim hin,"Keimah" kici YHWH pen pau khempeuh ah na nei hi. Mun khempeuh ah om, vangliatna khempeuh anei leh na khempeuh athei pa pen piangsak pa hin tuapa bek biak ding hi. Tua min nei pasiante' Pasian,topate' Topa, kumpite' Kumpi i biak ding bek thupi hi. Tua pen min siangtho hi.

Sia Suan:        : Sia Dal aw tua ahih leh Laipian ten zong piangsakpa pen Pasian hi ci-in bia keei uh hi ven. Amau zong gup angah uh dia? Elohim pen Canaan mite Pasian te alawhna uh hi a, akhiatna pen Pasiante acihna hi. Lai Siangtho sungah ka min ci-in aki sialhpih den amin thu donlo-in adang bang athupi zaw om ahi hiam? Min pen translation aki bawl thei mah hiam? Gtn Gabriel, Machiel, Lucifer cihte zong bangin amin uh ki translate sak lo hia?

Pr Dal:            : Keimah Pasian kiang pan pusuak khempeuh min ngaihsutna, gamtat khuahek, kampau thupiakte khempeuh siangtho hi. Min bek hi lo hi. Nang zat Bible pen no bawltawm min siangtho Lai Siangtho akici pen hin original tawh kibang lo-in thu gengen mawk teh. Laipiante omma in Pasian kilo khin. Gupna pen min lawh man nang sasa lai maw.  Elohim pen Mawsi lai at na Piancil ah agen hi. Piangsakpa min hin YHWH pen Piancil 2:4 ah a dawk masa pen hi pan hi. Ken Hebia leh Grik original inn ah nei ing. Canaan te biak min - Astorah, Chemos, Baal etc, hi. Upmawh gen pen lauhuai hi. Min dang te pen zailo, tawi lel in nam khat bek kawkin, piangsak pa min pen pau khempeuh tangthu khempeuh mun khempeuh, na khempeuh vantungnate dongin kisai hi a, pau khat bek tawh sangin pau vekpi in azat, khiatna nei "Kei mah" kawk hi lam tel leng avangliatna leh munkhempeuh ah a omna kilanghsak pah hi. Sia Suan Pu aw, Zo Lai Siangtho in sabbath cilo-in nipi a cih leh Pasian nipi leh mihing nipi cih tel kul pah hi. Piancil 4:26 in YHWH min lawh kipan ci a na quote pen tuiciin tun ma hin pau khat bek kizang hi. Piancil 11:1 ah kimu piangsakpa creator min Yahweh/ Eloihim/Keimah Pasian min kipdan, siantho dan, mite na khempeuh ah kizel dingin ama kat/ khentawm pau tawh kithei pan dinghi.
                        Lai Siangtho thak pen akigelh masa pen nungzuipite, Paul hi a, coine Greek tawh ki at hi. Na kheltawm uh min siangtho
laibu bek bulphuh theih hilo hi.  Mate 1:21 ah Honpa min pen Greek bek in ki at ah Lessos/ Jesus/Zisu/Isua/Zeshuh ( Kawlpau) hin Hebia in LXX ah hong let uh teh Joshua/Yashua hin v 23 ah Immanuel na ci ngiat hi. El pen Canaan min sa lailai maw? Mate 1:21 Yahweh na cih zong original in Theos ci hi. Mawk guan kei in Jesus min nei tampi om ta se leh piangsakpa/honpa/tanpa/ gumpa Jesus/Zisu/Zeisu min nei pen bek in hong gum khia a ci hi. Mangmuhna 14:1 ah gupna ngah te a ciamteh pen "tuuno" na ci hi ven. Tuuno min ahi Zeisu khazih min leh Pa min neite na ci zaw.

Sia Suan:        : Sia Dal, Tua leh Pau akikhen a, i omna a kibat loh ciangin amin pen kikhel kawikawi ding hiam? Theo pen Greek ten pasian acih na hi a,  min hilo hi. Elohim zong pasiante acihna mah hi a, min hi lo hi. Hih Elohim pen Google sungah original of Elohim ah ka et hi ven . Late 83:18, Luka 24:47 ah Yahweh min pen Minam dang ten zong thei ding sam ding. Ei hong kihilhna pen akiphuak tawm peuh tawh ahih ciang a.


Pr Dal :           : Sia Suan aw,  min kikhel hi lo hi. Omnipresent neipa in nam khempeuh, pau khempeuh ah min nei hizaw hi.Burma pen Myanmar/ Kawlgam akibang hi. Kawlgam min leh UN min cin min nih hiah US ah nei ta leh ami kibang hi cih in hong musak thei hia? Theos pen Pasian acihna hi, piangsak pa kilawhna min hi. Hebia 1:8 ah Pasian in Tapa tungah Oh, Theos/ Pasian aw na ci hi. Mangmuhna 14:6 Theon? Pasian kihta unla bia un Pasian/ Theos in kha hi a, lungsim leh thuman thutak tawh bia ding John 4:24 Chirsto/Khazih/Christa/ Kharitdaw/Meshias in na ci hi. Amin kibia lo in person, anungta Pasian pen hi kibia. Amin bia hi leh cult kici ding. Peter honpa min a gen a dawn kikna ah "Nang in Chirsto, anungta Pasian tap" na ci . Mate 11:14-16 Mate 27:46 ka Pasian, Ka Pasian/Theos mah gum pan na ci .Saul tawh Honpa a kihona record ah "Keimah, Zesu/Lessos"Sawltak 9:5 ah naci, Yahshua cih dawk tuan lo hi. Elohim pen piangsak Pasian te min hi. Hih kammal pen Piancil 1:1 ah vantung leh leitung Elohim in bawl na ci ngeu hi.  Min mawk khel sak ding hilo v 27 "Eite"  " Ih mel sun" na ci in 3:22 ah pukhitteh mi in "like one of us" eite lakah khat bangin na ci ahih manin Elohim pen Pasiante cin amal in  agenna ah kilangh hi. Gum pan Mate 27:46 "Eli, Eli, lamasabachtani" acihna ah zong YHWH na ciselo cih i mu hi. El/Elohim/Theos/ God/ Pasian/ Phayaa cihte Pasian min hi. Pasian athu, akhem, kineih atam ciangin pasiante Pasian, topate Topa Thulilh kikna 10:17 ah na tawisang hi. Isaiah 9:6 his NAME shall be Wonderful, Counsellor, Mighty God. Everlasting Father, Prince of Peace.
            Sia Suan aw, Laipiante gupna ngah/ngahlo ding cih sangin ken kangah diam cih mimal buaipih zawk ding hi. Pasian in lungtang mu hi.  Kampau leh gamtatna tawh thukhen hi. Mate 12:36; Mangmuhna 22:14; Thuhilhsia 12:13,14 Min siangtho lawh bek tawh hilo, kumpi Sawluh tungah gangawh biakpiakna sangin thungaihna leh thumanna kadeih zaw hi. acih thupi, Yashua, Yashua aci khempeuh hilo, Pa deihna bang azuite vantung tung ding na ci. Mate 7:21 Tua hin gupna pen muk pulak bek hilo, min theih bek tawh hilo, honpa leh gumpa asanna uhpan John 3:16; Pa deihna bang a tatna Mate 7:21 pianthakna I Corin. 5:9-11; Col 3:9-15 te ah hong lak . Mate 5:3-12 ah zong kimu. Tui leh kha tawh pianthakna John 3:5-8 ci leh sa deihna nial. Galalti 5:19 kha gah neihna 5:22; Thukham zui a Christ si tawh puan sawp siangna, Mangmuhna  22:14 ; Pasian grace itna in upna tungtawnin hong guma, mihing pen nahoih sepna bu hihna Ephet 2:8-11 lungsim khempeuh thatang khempeuh, nuntakna (kha) khempeuh tawh Topa itna i pumpi i it bang amidangte itna Thuhilhkna 6:4-6; Mate 22:37-40; pumpi kep siamna ICorin. 6:9-12; 19,20 sepna bawlna khempeuh ah Topa min thansakna ICorin. 10:31. 

To get the latest update of me and my works

>> <<