NATA TE
THU HILH DAN SIAM IN
Nu leh Pa te pen tate ading ahoih
pen leh a manpha pen hong pia nuam ahi hi. Tua mah bangin Nu leh Pa pen nisimin
sep leh bawl ding tawh a buai mahmah te uh ahi hi. Tua bang kawmkal panin Nu
leh Pa te in tate tungah a zat khak phapah kammal pawlkhat ahi hi. Hih kammalte
in naupangte mailam ding a susia ahi hi.
Na tate tungah hih
bangin kam na pau ngei hiam?
1. Mihai ki manna
neilo
Khuak ahoih mahmah naupang khat pen
mihai ki manna nei lo ci a na pau uh ciang naupangte lungsim ah kei pen kimanna
a neilo, a hai mahmah ka hiam ci-in amah leh amah kingaihsun kikkik a, tua lungsim a neih khit uh leh tua in
naupangte lungsim susia in kimuanna nei zo nawnlo uh hi.
2. Hong dawng nawn
kei o. Bang hang a thu mang lo na hia?
Nu leh Pa lam pan ngaihsun lehang i
gen khempeuh hon gkizuih ding pen ahoih mahmah khat leh Lai Siangtho tawh zong
a kituak mahmah khat ahi hi. A hihhangin tate pen na gen khempeuh na zuih sak
nop ciangin muh khiatna neilo a, a lawm
agual sangin tei lo zaw uh hi. Hong dawn kik ciangin (na kammal hong nial ahih
kei nak leh ) ama hoih sak thu hong gen ahih leh a tawp dong hoih takin ngaih
sak inla suakta takin na deihna gen khuan pia in, tua bang a na pi bawl na in
leitungah ama thugen a kiza nuam a kingai nuam leh amah a om ahih lam kiphawk
sak hi.
3. Kul kei ka cih teh
kul kei. Nang thuneihna om kei.
Nu leh Pa pen tate muhna ah itna
anei leh hehpihna anei mahmah te ci-in hong mu uh hi. Tua ahih manin Naupante
ngaihsutna pen thupi ngaihsut sak ding akisam ahi hi. Tua nang ngaihsut khawng
hoih kei kong sawl bangin sem lel in cih ding hilo hi. Tua bang a ama
ngaihsutna uh na thusim loh uh ciangin
naupangte paikhial thei hi. Tua bang a aki-uk naupang te pen Nu leh Pa om loh na-ah a utut in a gamta
theite ahi uh hi. Nu leh Pa kiangha om nuam lo uh a, mundangah nuam sazaw uh hi.
4. Bangmah hong hilh
nawn kei ning ei. Na ut bangin om ta o.
Hih kammal pen Nu leh Pa leh Tate
kikal ah bangmah kisai nawlo cihna kammal ahi hi. Tua bang kammal na zat
ciangin tate in Nu leh Pa in hong it nawnlo hi ci thei uh hi. Tua bang khit
ciangin itna kammal na gengen zongin a up loh ding uh a tam zaw ahi hi.
5. A siam pen a
pilpen na hih ding hanciam ding.
Laihuanna (exam) ah mat 100 na ngah
leh / akhatna na ngah leh na deih khat hong leisak ding. Laipilin hi leteh
midangte in hong pimuh ding uh hi. Hih pen ahoih mahmah tawh akibat hangin,
hoih kim lo hi. A siampen te bek mite lakah agualzo ding samawk uh hi. Mat 98
bang hong ngah uh leh a lungsim uh nak suk khak mahmah hi, Akhatna
ngahlo-in anihna na ngah leh zong tua
bangmah ahi hi. Tua bang khit ciangin a deih na leisak veve aa leh hanciam
nopna nei nawnlo uh hi. Banghang hiam
cih leh mat 100 ngah lo a, akhatna
ngah lo napi'n a deih
na lei sak veve pen a khem na hih manin hong muang nawnlo ding uh hi.
6. Khial kik leuleu,
gina kei si cia....
Sep khialh khat peuh a neih uh
ciangin a kigen thei kammal khat ahi hi. Tua bang kam na pau ciang naupangte in
leitungah gamtat akikhial thei lo ding in ngaihsun uh a, Nu leh Pa khialhna
khat peuh hong muh kik uh ciangin hong zahpih kik thei uh hi. A khialhna uh
panin pilna alak theih dingin ki zol leh deihsakna tawh thu hilh zaw in.
7. Bang hang a na
lawmna gual ban lo na hia?
Na lawmpa nang sangin pilzaw siamzaw
hi. Naupangte in tuate pen zadah mahmah uh hi. Naupangte pen khat veivei ahih
na bang uh i sansiam ding uh zong a kisam ahi hi. Pawlkhatte in alawm agual
aphak zawh nading uh hanciam pah uh a, a tamzaw in lungkiatna in nei uh hi.
Job.
cinpi
Credit:
Sayar Aung Ko Latt.
Src: Zomi Laisim Nuam te ( FB)
CIMENGTE/
SKIN TAGS BAWL DAM DAN DING
Lothangsan le ci tawm helin gawi zan
ding in thawl siangtho sungah zan khat koih/diah ding, tua khit ciang' tua
cimengte pen phim tawh sun keh dingin tua khit teh Lothangsan leh ci na diah
pen nuh ding. Meima tuamna tawh nai 7
sung bang tuam ding tua danin zingsang leh nitak hih den ding hi.
Tua ciang' lothangsan gawizanin a
tui suuk ding, tua a tui leh ci hel ding nuh le hang zong hoih hi. Lothangkang
a bullam at tan ding tua tawh nawtnawt lehang hoih a Tampaza/Lemon tui nuh le
hang zong hoih hi. Tua ciang' cimeng gol lua khinte pen a bul pan phim khau neu
tawh khih/ gakcip le hang ni tawmno sungin bei siang thei hi. ci hi. na sin
ciat vo........
Src: CIDAMNA FB pan
