Thugen Masa: Tu quarter sungin Trans-European Division sunga Pasian nasepzia i za hi.
Thugen Nihna: Hih Division sungah Aland Tuikulh, Albania, Bosnia, Herzegovina, Crotia, Denmark, Greenland, Guernsey, Hungary, Iceland, Lithuania, Montenegro, Netherlands, Norway, Poland, Serbia, Slovenia, Svalbard, Jan Mayen Tuikulh, Sweden, Yugoslav, Macedonia, United Kingdom, Northern Ireland, Cyprus cihte kihel hi.
Thugen Masa: Tu quarter 13 Sabbath School sumpi in Ireland, Poland, Norway, Croatia gamte ah kipuak ding hi.
Thugen Nihna: Trans-European Division sunga SDA pawlpi nasepziate i za ding hi.
Thugen Masa: Ireland gam, Dublin khuapi-a om Theda nupi in kum tampi sung zu tawh kidiah, pasal tawh kikhen hi. Ahi zongin a nu’ thungetna hangin a nunzia hong kikhel a, Theda in Cuisle Center ah
Thugen Nihna: Ireland gam pan Tatiana khangno numei no khat in hamsa takin Moldova pan hong pai hi-in, Ireland gam ah gambeel mi khat hi. A lamdang takin SDA thu-um tangval khat tawh hong kimu kha uh ahih manin hong kiteeng uh a, tu-in a pasal tawh tat hum nei uh hi.
Thugen Masa: Elizabeth le a pasal Mercha nunzia zong lamdang mahmah hi. Mercha in motor cycle tawh tuahsia ngei khat hi. Elizabeth in Mercha’ nu le pa tungtawnin Lai Siangtho thuman hong mu khia hi. A nihun nupa hong suak thei uh hi.
Thugen Nihna: Dublin khuapi ah SDA pawlpi’ neih biakinn khat bek om hi. Kikhawm mi kibehlap ahih manin biakinn kisam hi. Sanginn, hotel, mun awng khat peuh sap uh hi.
Thugen Masa: Tu quarter Sabbath 13 sumpi in Dublin khuapi a SDA thu-um kikhp nading biakinn dingin kipuak ding hi.
Thugen Nihna: Pasian in lampi tuamtuam tawh nasem hi. Paakhuan sung panin Poland gam mi thum in thuman thutak hong mu khia uh hi. Tua panin hih Poland mi thum tui kiphum uh hi.
Thugen Masa: Nowa khuapi panin Hope Channel, TV tawh cidamna le thuman tangko-na tungtawnin mi tampi tui kiphum uh hi.
Thugen Nihna: Norway gam Olso khuapi ah Bethel SDA pawlpi in laihawp nasep, sanginn, zato tuamtuamte cihte tawh nasem uh hi.
Thugen Masa: Tu-in Bethel SDA pawlpi in Norway gam ah a lian penpen SDA pawlpi hi. Hih pawlpi sungah gam tuamtuam pan gambeek mite le a tengsuak tampi om hi.
Thugen Nihna: Gambeel a om Moalign in Ethiopia gam pan hi. Gam dang pan peemta khat ahih manin simmawh bawlsiatna thuak hi. A upna hangin thongkia hi. Tu-in Norway gam Bethel SDA pawlpi ah makai khatin om hi.
Thugen Masa: Tu quarter Sabbath 13-na in Bethel SDA pawlpi nasep nadingin kipuak ding hi. Biakinn puah kul, 1879 kum a kipanin a kizang laikhetna zong kipuahpha ding hi.
MUC in Laibung khuathak pawlpi huhna dingin kipuak ding hi. Sumpi khiat ngei zah thum khia cit ni.
