Thupuak: Naum
Naum in kum 7 a phak a kipan Pasian
thu um hi. Yugoslavia gam ah Sabbath ni-in sangkah uh hi. Ahi zongin Naum in
Sabbath ni-in sangkah lo hi. A kizom in a sangkah loh siate in a theih uh
ciangin thusitna thuak hi.
Ni khat palik nih, a siate thum hong
pai-in Naum simloh a pusuak sak khit uhteh Naum thu dong uh hi. “ Bang hangin
Saturday ni-in sangkah lo na hiam? ci-in va dong uh hi. Naum in zong laulo-in
amaute kiangah “ Pasian’ thupiak bangin Saturday ni sangkah nuam lo hing. Bang
hang hiam cihleh Thupiak 4 na ah nisim nasepte panin khawl kul hi, ci-in pulaak
hi. Tua bang ahih leh sang pan hong kihawl khia ding hi,” ci-in tua uliante in
dawng kik uh hi. Naum in bang bang hi taleh Saturday ni-in sangkah kei ning;
biakinn ah kikhawm veve ning. Pasian sangin a thupi zaw om lo hi,” ci-in dawng
kik hi.
Tua uliante in Naum kiangah Saturday
ni-in biakinn ah bang hih na hiam? ci-in a dot uh takteh lasa- thungen, hi ung,
ci-in dawng kik hi. Tua ahih leh la khat sa in” ci-in a sawl uhteh Naum in zong
lasa-in, a sakkhitteh thungen hi.
Tua uliante in Naum kiangah “ na pa
in Saturday ni-in sang pai lo ding, hong phal lo hiam, ci-in a kidot takteh Naum
in “ gen kei’ ci-in dawng kik hi. Sabbath ni-in sangkah kei leh thongkhia thei
hi. Tham lo-in a pa in sangkahsak nawn lo kha thei hi. Ahi zongin Pasian in
lampi honsak ahih manin Naum in Sabbath ni simloh sangkah suak thei hi. Naum in
Tan 4 a man khitteh sangzom thei nawn lo hi. Bang hang hiam cihleh sang zom
suak to lai leh Sabbath ni kikhawm thei lo ding hi. Sangkah ding sangin Sabbath
hoihtak zang nuam zaw ahih manin tua bangin sangkah lo ding khensat phot hi.
Tua hi-in Naum in kum 15 a phak a kipan nasep kipan hi. Ahi zongin Pasian in
Naum aa ding lampi khat honsak hi. Yugoslavian gam ah SDA sangkah theih nading
thu hong thei kha hi.
Marusevec SDA sanginn in 1969 kumin
sangnaupang 45 tawh a kipan khia sang khat ahi hi. Sangsia khempeuh in Ellen G
White’ gelh laibu Education sim loh pha mawh hi. Marusevec SDA sanginn in kumpi
theihpih sang hi lo hi. Sangnaupangte in subjects 17 bang nei hi. Ahi zongin
kumpi sanga kah sangnaupangte sangin laitheihna kikhai mahmah hi. Yugoslava
gama sang hoih pen hi kha thei hi. Tan 10 a man khitteh Naum in University of
Zagreb ah sang zom kik hi. Hih sangpi pan sangkah a man khitteh kumpi nasem
ding le SDA sangah nasem dingin sapna ngah hi. Kumpi nasem ding hi leh Sabbath nisial in nasem kuan khia thei lo ding cih thei napi kumpi nasem dingin
sapna a ngah pen lamdangsa hi.
Naum in
kumpi nasem dingin Marusevec SDA sangah nasem dingin hong teel zaw hi. Hih
sanginn ah French le Latin banah nuntak manneihna tawh kisai thute hilh hi.
Sangnaupangte in Pasian le gupkhiatna thu a theih ding uh kisam masa pen hi.
Marusevec SDA sanga sangnaupang a tamzaw SDA hi lo uh hi. 200 val bang pha uh
hi. Tua hi-in SDA sanginn in manpha mahmah hi. Nisim in hih sangnaupang 200
valte in thuman thutak sinna nei thei uh hi.
Croatian
Conference pen Adriatic Adventist Conference sungah om hi.Croatia gamah SDA
biakinn 84 om hi; pawlpi mi 2796 om hi. Marusevec SDA sanginn in 1931 kumin
kiphuah hi.Tu quarter 13 Sabbath School sumpi in Marusevec sanginn dingin
kipuak ding hi.
MUC in
Laibung khuathak a pawlpi huhna dingin kipuak ding hi.
Mai
Sabbath pen Sabbath 13-na ahih manin sumpi i khiat ngei ii zah thum khia ciat
ding hi hang.
Mai
Sabbath ah Mission News gen ding mi nih sawl in.
