Thupuak: Maja
Europe nisuahna lamah om Yugoslavia
gam ah teng Maja in Pasian thu za ngei lo hi. Ni khat a pi le a pi’ nu in a nungta
Pasian thu kikupna thu hong za kha hi. A pi in Jesuh pen mi hoih khat hi, ci-in
pulaak hi. A pi’ nu in hi lo hi; Jesuh pen Pasian hi, ci-in kisel uh hi. Maja
in tua bangin
a pite gel kihona limtak ngai hi. Maja in Jesuh in Pasian hi, cih pen sangthei hi. Tua zawh kum 6 khitteh Maja in Roman Catholic biakinn khatah va kikhawm kha hi. RC pawlpi thu upnate a sin khitteh RC sung ah om hi. Tua zawh a sawt lo-in Crotian gam khua neu khat ah sang va kah hi. Tua a sangkahna panin SDA thu hong za kha hi. SDA sangsia khat in Maja sangkahna ah Manglai hilh hi.
a pite gel kihona limtak ngai hi. Maja in Jesuh in Pasian hi, cih pen sangthei hi. Tua zawh kum 6 khitteh Maja in Roman Catholic biakinn khatah va kikhawm kha hi. RC pawlpi thu upnate a sin khitteh RC sung ah om hi. Tua zawh a sawt lo-in Crotian gam khua neu khat ah sang va kah hi. Tua a sangkahna panin SDA thu hong za kha hi. SDA sangsia khat in Maja sangkahna ah Manglai hilh hi.
Maja’ nu le pa in SDA sangah sangkah
ding va sawl uh hi. Maja zong SDA sangah hong kah hi. Tua hun laitakin Maja in
kum 14 pha pan hi. A sangkahna ah lawm le gual nei-in tuate lakah SDA khangnote
zong kihel hi. Hih sangah a kah sangnaupangte in Lai Siangtho a muh ciangin
Maja in lamdangsa hi. Bang hang hiam cihleh a sangkahna lui RC sangah
sangnaupangte in Late le Paul’ laikhakte bek sim uh a, tua lote sim ngei lo uh
hi.
Sabbath niteh kikhawmin a lawmte la
pawlsaknate cihte ah zong va kihel hi. Maja in Isaiah 58: 13 sim kha hi. Tua a
kipan Sabbath pen zuih ding mah hi, cih lungsim hong nei hi. Lai Siangtho sim
zong hanciam zaw semsem hi. Late in thungetzia ding hong hilh hi, ci-in khat
khit khat sim tawntung hi. Maja in a sangkahna panin Jesuh Khrih hong mu
thei-in Pasian thuman thei semsem nuam hi. Lai Siangtho a simna tungtawnin mi
tawh kizopzia cihte dongin thei toto hi. Sabbath School lessonte zong sim toto
hi. Thunget kikhop cihte zong hong kihel hi. Tua bang teng tawh SDA pawlpi
sungah tui kiphum hi.
Maja in a beisa hunte a ngaihsut kik
ciangin Pasian’ makaihzia phawk semsem hi. SDA sangkah kha keileh, Pasian
thuman thei kha lo ding hi, cih hong phawk kik hi. Tua banah SDA sang a kahna
panin a pasal Daniel tawh kiteng thei uh hi. Maja in University of Cakovec ah
sangkahin a man khitteh sang khat ah Crotia pau hilh hi. Tawl khat Cakovec ah
Crotia pau a hilh khitteh Marusevec ah SDA sangah laihilh hi. Tu-in Maja in a
pasal Daniel tawh tapa nih nei uh hi. Marusevec SDA sangah numei boarder uk hi.
Sangnaupangte pumpi, lungsim, upna
thu ah a khantoh nadingin limtak pantah hi. Hih sangah sangnaupang 230 val hi.
A tamzaw sangnaupangte in SDA hi lo uh hi. Sangkhan kicing lo, sangnaupangte
giah nading mun kicing lo hi.
Marusevec SDA sanginn in 1974 kumin
kilam hi. Kum tampi sung innsapin sangkah uh hi. Tu quarter 13 Sabbath School
sumpi in Marusevec sanginn aa dingin kipuak ding hi.
MUC in Laibung khuathak a pawlpi
huhna dingin kipuak ding hi.
