MUC

Print Friendly and PDF

Tuesday, December 20, 2016

LESSON 4 JAN. 21 – 27 KHA SIANGTHO GAMTAT ZIA LE TONG



SABBATH NITAK:

TU KAAL SUNG SIM DING: John 14: 6; 16: 13, 14; 17: 17; Rom. 5: 5; 8: 14 – 16; 15: 13.

KAMNGAH: “Ahi zongin Pa in keima tangin a hong sawl ding Huhpa Kha Siangtho a hong tun ciangin note tungah thu khempeuh hong hilh ding a, note tungah ka hong gensa thu khempeuh zong hong phawksakkik ding hi.” John 14: 26.

Mun khat khat ah Kha Siangtho nasepzia huih, mei cihte tawh kigenteh hi. Mi kim khat in Kha Siangtho in lungsim, pumpi nei lo hi, ci-in ngaihsun uh hi. Tua bang mite in Kha Siangtho pen vangliatna, hatna ciang bekin ngaihsun uh hi. Ahi zongin Kha Siangtho in tua sangin lianzaw hi. Lai Siangtho sungah Kha Siangtho in pumpi mal, lungsim ngaihsutna nei ahihzia hong hilh hi. I nuntakna ah Kha Siangtho Pasian’ nasepzia, Kha Siangtho’ gamtat zia le tong a thuk zaw-in hong theitelsak ding hi. Amah theihtelna in Ama ngah ding kilawm itna, zahtakna, muanna, Ama tungah ki-apna hong neisak ding hi.

SUNDAY       JAN. 22
JESUH IN A PULAAK KHA SIANGTHO’ THU

John 16: 13, 14; 15: 26, 27; 14: 17, 26 sim in. Kha Siangtho’ gamtat, zia le tong bang pulaak hiam? Koi bangin na nuntakna ah Kha Siangtho in Huhpa, Hehnempa cih thu in mannei hiam? __________________________________________________________
___________________________________________________________________

Kha Siangtho in hong makaih, hong hopih, i thuumna hong za, thuman hong lak, Jesuh a minthangsak hi (John 16: 13, 14). Kha Siangtho in thuman thutak hong hilh, hong phawksak hi ( John 14: 26). Kha Siangtho in i sungah hong teng hi (John 14: 17); thuman pulaak hi (John 15: 24, 26); mawhna hong phawksak hi ( John 16: 8). Kha Siangtho in lungsim neilo, pumpi mal neilo hi leh tua bangin nasem thei lo ding hi.

John 14: 16 – 18 sim in. Koi bangin Jesuh’ kamciam tangtung hiam? Bangci bangin nungzuite ompih hiam?

_____________________________________________________________________
_____________________________________________________________________

Jesuh in a nungzuite cingin kem hi. Amaute nusia lo hi. Khrih in a mite Kha Siangtho pia dingin kamciam hi. Jesuh in Kha Siangtho pen ‘A Dang Huhpa’ ‘Hehnempa’ ci-in pulaak hi. Hih lai-mun “A Dang Huhpa” cih kammal in Greek ‘allos’ kammal kizang hi. A khiatna in “Khrih tawh kidang lo,” Amah tawh a kibang tektek pulaak kammal hi. Khrih in amah bang tektek khat hong pai ding hi, ci-in kamciam hi. Khrih nasep a zomsuak ding, Khrih nun bangin a nungta ding, pumpi malin kibehlap hi-in a nasep, gamtat zia le tong ahih leh Jesuh tawh kilamdanna om lo hi.
Kha Siangtho’nasep in mihuh, hehnem hi. Greek laimal ah “parakletos” kammal kizang hi ( John 14: 16). Kisapna a huh, a panpih cih pulaak kammalin kizang hi. Jesuh in pumpi, lungsim ngaihsutna a neih mah bangin Kha Siangtho in zong pumpi, lungsim ngaihsutna nei hi. Kha Siangtho in pumpi, lungsim ngaihsutna nei ahihzia John 14: 26; 15: 26; Sawl. 15: 28; Rom. 8: 26;1Kor. 12: 11; 1Tim. 4: 1 in hong hilh hi.


Bang hangin Kha Siangtho in huih bang hi lo-in pumpi, lungsim ngaihsutna nei hi, cih thu in lungnop khamuanna hong ngahsak hiam?


MONDAY       JAN. 23
KHA SIANGTHO IN PUMPI NEI: KHAWK KHATNA

A nuai-a Lai Siangtho munte in Kha Siangtho in pumpi mal a neih le neih loh bang pulaak hiam? Rom. 8: 14- 16, 27; 15: 30; 1Kor. 2: 10; Sawl. 8: 29; 10: 19, 20; 28: 25.

__________________________________________________________

________________________________________________________________________

Pumpi mal nei lo, lungsim nei lo khat in mite aitangin thuumna nei thei ding hiam? Pasian hong hilh thei ding hiam? Hong hopih thei ding hiam? Kha Siangtho in huih bangin pumpi nei lo, lungsim nei lo hi lo hi. Lai Siangtho in pumpi mal, lungsim ngaihsutna nei hi, cih pulaak hi.

Eph. 4: 30; Sawl. 5: 3, 9; 1Kor. 12: 11; Rom. 15: 30 sim in. Kha Siangtho gamtat nunzia bang pulaak hiam? ___________________________________________________________
___________________________________________________________________________

Pumpi mal nei, ngaihsutna nei ahihlam a kilangsak pipen in theihna, telna, phawktheihna, utna lungsim cihte hi. Hih bang hihna a neite bek dah thei, nuam thei hi. Pumpi mal nei-in ngaihsutna nei khat in ama ut bangin gamtang thei hi. Utna lungsim neihtheihna in pumpi mal nei ahihna pulaak hi. Itna man i cih pen pumpi mal nei lo, ngaihsutna nei lo khat in nei thei lo hi. Itna in pumpi mal kizopna pan bekin kingah thei hi. Hih thute siksanin Kha Siangtho zong pumpi mal nei, ngaihsutna nei ahih mah bangin Amah le Amah kiphawktheihna, kitheihna, utna, Amah le Amahin nuntakna, it theihna nei hi. Nilim, huih bangin pumpi mal nei lo ahi kei hi. Kha Siangtho in pumpi mal nei-in kipulaak hi. Bang hang hiam cihleh Pasian mahmah zong pumpi mal nei hi.

“Kha Siangtho in pumpi mal neilo, lungsim nei lo hi leh Pasian’ tate i hihlam zong Kha Siangtho in pulaak thei lo ding hi. Kha Siangtho in Pasian ahih kul hi. Bang hang hiam cihleh Pasian hi kei leh mihing’ ngaihsutna thei lo ding hi.” Ellen G. White, Evangelism, 617.

Koi bangin Kha Siangtho’ gamtat nunzia in Amah tawh i kizopzia huzaap thei hiam? Pasian mahmah tawh kilehbulh in Kha Siangtho in pumpi mal nei lo, lungsim nei lo hileh Amah tawh i kizopzia bang teng kilamdang ding hiam?


TUESDAY         JAN. 24.
KHA SIANGTHO IN PUMPI NEI: KHAWK NIHNA

Pasian pen Pa bangin i ngaihsun thei hi. Thuciam Thak Gospel sungah Jesuh tawh kisai mitmuh theihin tampi kipulaak hi. Amah in mihing in hong piangin, mihing mahin hong nungta hi. Ahi zongin Kha Siangtho nunzia a tuamtuamin kipulaak hi. Kha Siangtho in Pa, Tapa cihte bangin hong kipulaak lo ahih manin telhak hi. Tua hangin mi kimkhat in Kha Siangtho pen pumpi mal nei lo, lungsim nei lo vangliatna bekin ngaihsun uh hi. Kha Siangtho in pumpi mal neilo vangliatna bek hi leh, Kha Siangtho tawh kisai Lai Siangtho’ pulaak thute in mannei lo suak ding hi.

A nuai- Lai Siangtho mun sim inla, Kha Siangtho cih kammal munah vangliatna cih kammal tawh khek lecin khiatna a nei ding hiam? Bang hangin Kha Siangtho in pumpi mal nei, lungsim nei hi,cih thu in manpha hiam?

Rom. 15: 13 __________________________________________

1Kor. 2: 4 _____________________________________________

‘ Kha Siangtho le kote in hoih ka sa uh hi,’ (Sawl. 15: 28) cih thu in Kha Siangtho in lungsim nei lo hi leh tua bangin kipulaak lo ding hi. Kha Siangtho in Pa le Tapa bang mahin pumpi mal nei, lungsim nei ahihlam kilang hi. Tua banah thu-um mite in Pa, Tapa le Kha Siangtho min tawh tui kiphum ding thupiak in (Matt. 28: 19) mal thum hi napi min khat sungah tui kiphum i hi hi. Hih munah Kha Siangtho in Pa Pasian le Tapa Pasian tawh kibangin Pasian ahihna kilang hi.

Ellen G. White in zong a nungta mal thum Pa, Tapa le Kha Siangtho vantungah om hi, ci-in pulaak hi. Ellen G. White, Evangelism, 615.

WEDNESDAY            JAN. 25
THUMAN KHA SIANGTHO

John 14: 6; 17: 17 sim in. Hih munte in thuman a khiatna bang pulaak uh hiam?

_________________________________________________________________

________________________________________________________________________

Lungdamna Thu John sungah a thupaipi in ‘thuman’ cih kammal hi. Leitung pilna in thuman cih pen a ki mu thei lo a thu bekin kingaihsun hi. Greek mipilte in zong tua bangin ngaihsun uh hi. Ahi zongin Lai Siangtho, a diakin John thuman a gen ciangin mimal a genna hi-in, Jesuh Khrih a cihnopna ahi hi (John 14: 6). Pasian’ kammal Lai Siangtho in thuman thutak hi (John 17: 17; Late 119: 142). Tua thuman kicingtakin Jesuh Khrih nunzia in pulaak hi. Jesuh in Pasian’ thuman thutak tawh kidimin, Bang hang hiam cihleh Pasian in Jesuh tungtawnin Amah mah hong kipulaak hi. Lai Siangtho in zong tua mah pulaak hi.

John 15: 26; 16: 13 sim in. Koi bangin Kha Siangtho in thuman thutak pulaak hiam?

__________________________________________________________

_______________________________________________________________________

Thuman Thutak Kha Siangtho in thuman khempeuh ah hong makaih hi (John 16: 13). Khrist hong makaihzia hong musakin, a hong hilh thute hong phawksak hi (John 15: 26). Kha Siangtho in thuman lampi ah a hong paipihin Jesuh kiang hong tunpih hi. Kha Siangtho in Jesuh lamsangin, Jesuh tawh hong nungta-khawmsak hi. Jesuh in Samaritan numei kiangah Kha Siangtho le thuman tawh Pasian kibia ding hi, ci-in hilh hi (John 4: 24). Kha Siangtho in a hong makaih ding i nget ciangin thuman thutak, lampi le nunna a hi Jesuh kiang hong tun ding hi (John 14: 6).

Leitung pilna in a pulaak thuman tawh kibang lo-in Lai Siangtho in a pulaak thuman in a thu-in theihna hi lo hi. Thuman in Piangsak Pa le Honpa tawh mimal kizopna hi. Tua Pasian in thuman tak khempeuhte’ Pasian hi (Thkna. 32: 4; Late 31: 5). Tua hi-in Kha Siangtho in Thuman Thutak Kha Siangtho hi (John 14: 17; 16: 13). Tua Kha Siangtho in Pa Pasian kiang pan hong pai hi (John 15: 26). Kha Siangtho in a zia le tong pulaak bek hi lo-in Pasian ahihna zong hong lak hi.

Mi kimkhat in, “thuman cih pen a taktak le a taktak hi lo kitel lo hi; kimu thei lo, kitel thei lo hi,” ci uh hi. Thuman pen ngaihsutna tawh kisai mah hi. Ahi zongin koi bangin thuman in pumpi mal nei Pasian ahihzia na ngaihsun hiam?

THURSDAY            JAN. 26
BANG HANGIN THUPI HIAM?

Kha Siangtho in pumpi mal nei-in gamtat zia le tong tawh kidim hi. Hih thu in bang pulaak hiam cihleh, “Kha Siangtho in Pasian hi napi-in mihingte in tua bangin ngaihsun kei leh, Kha Siangtho in a ngah ding itna, zahtakna, pahtawina a ngah lo suak ding hi.” LeRoy Edwin Froom, The Coming of the Comforter, 40.

Kha Siangtho in pumpi mal nei lo vangliatna nei khatin ngaihsun hi lehang bangci bangin Kha Siangtho in ka ukna sungah om ding hiam cih hi ding hi. Ahi zongin Kha Siangtho in Pasian hi ci-in ngaihsun lehang, koici bangin Kha Siangtho in kei hong nei ding hiam, cih thu hong hilh hi.

“ Kha Siangtho nei nuam zaw na hiam, ahih kei leh Kha Siangtho in nang hong neih ding na ut zaw hiam? Ama hong makaihna na zui ding? Lungdam kipakin Ama hong sawl na sem nuam hiam? ( Rom. 8: 12 – 14; Gal. 5: 18 – 24). Nangma deih bangin Kha Siangtho zang nuam na hiam? Ahi kei leh Khrih tawh kisuun ding, Ama deih bangin nungta dingin Kha Siangtho ki-uksak zaw ding na hiam? Na pumpi in Kha Siangtho tenna biakinn hi, cih na um takpi hiam? ( 1Kor. 6: 19). Na nunzia tawh Pasian min a thang ding na ut hiam?

Rom. 5: 5; Eph. 2: 18, 19 sim in. Bangci bangin Kha Siangtho le Pasian’ itna kizom hiam? Hih thu in na nunzia le pawlpi bangci huzaap hiam?

__________________________________________________________

________________________________________________________________________

Pumpi mal nei lo khat in pumpi mal nei khat tawh kizopna, ngaihsutna nei thei lo hi. Kha Siangtho tawh nungta khawm dingin thu hong kipia hi. Ama hong makaihna khempeuh ah zui-in, hong bawlpha-in thu-um mite pumkhat hong suaksak hi. Kha Siangtho in Pasian hi lo hi, ci-in ngaihsun hi lehang Kha Siangtho thudon kul lo ding, Amah tawh nuntak kul lo ding hi. Ahi zongin mawhnei mi ihih manin a hong bawlpha ding Pasian’ hehpihna i kisam hi. Kha Siangtho in tua hehpihna thu hong hilh tawntung hi. Ama tungah a ki-ap tawntung ding i hi hi. Kha Siangtho hong makaihna i kisam den hi. Kha Siangtho in hong zang nuam tawntung hi. I nuntakna ah Amah bulphuh ding kisam hi.

“I deih bangin Kha Siangtho i zang thei kei hi. Kha Siangtho in eite a hong zang ding hi zaw hi.” The Desire of Ages, 672. Ellen G. White in bang a ci nuam hi ding hiam? Koi bangin Kha Siangtho in hong zang thei ding hiam? (Phil. 2: 13).


FRIDAY           JAN. 27
NGAIHSUTBEH DING: Ellen G. White, The Desire of Ages, 669 – 672; Evangelism, 613 – 617.

“Tua ciangin amaute mai-ah Jesuh hong pai a, “ leitungah ahi a, vantungah ahi zongin vangliatna khempeuh kei tungah hong kipia khinta hi. Tua ahih ciangin note pai unla, midang khempeuh, keima nungzui mi suaksakin, Pa min, Tapa min, le Kha Siangtho min tawh tui sungah nap hum un. Tua ciangin note tungah ka hong gen thute khempeuh a zuih nadingun na hilh un. Hun bei dongin note a hong ompih tawntung ding ka hihna thu phawk ta un,” a ci hi (Matt. 28: 18 – 20).

Jesuh in nasem dingin a hong sawlna-ah mite Nungzui suak dingin Ama min tawh tuiphum ding thu hong pia hi. Min khat bek kipulaak hi. Pumpi mal thum – Pa, Tapa le Kha Siangtho, pum khat Pasian ahihna hong hilh hi. “Topa note Pasian in khat hi”(Thkna. 6: 4). Pa le Tapa in pumpi mal nei hi. Kha Siangtho zong Pasian ahih manin pumpi mal nei hi. Pasian mahmah in i sung ah na hong sem hi. I nuntakna tungtawn in zong nasem hi. Hih thu in Kha Siangtho in kua hi-a, Ama nasep zong hong hilhna hi pah hi. Pa, Tapa bang mahin Kha Siangtho in zong eite tawh hong omkhawm hi. Ahi zongin Kha Siangtho omzia in eite telzawhloh thuthuk hi. Huih, khuavak i telkhin zo kei a, Kha Siangtho telhak zaw lai hi.

KIKUP DING DOTNATE:

1.       Sangkahni thum ni-a Jesuh Khrih tawh kisai dotna ngaihsut kik in. Bang hangin Jesuh in Thuman kici hiam? Koi bangin a thu in theihna bek in thuman theihna hi lo a, nuntakna tawh Thuman theihna na tel thei hiam?

2.       Ellen G. White in hih bangin gelh hi: “ Pa Pasian in pumpi mal a neih bang mahin Kha Siangtho in zong pumpi mal nei hi, cih thu theih ding kisam hi.” Ellen G. White, Evangelism, 616. Kha Siangtho omtakpi ahihna le a hong ompihzia bangin pulaak hiam?

3.       Kha Siangtho omzia, zia le tong ngaihsun in. Koi in na lungsim hong nuamsak pen hiam? Koi in manpha penin na ngaihsun hiam?

4.       Pumpi mal nei lo le pumpi mal nei, koi zaw-in kizopna nuamsak zaw ding hiam? Na dawnna in bang pulaak hiam?


To get the latest update of me and my works

>> <<