SABBATH NITAK:
TU KAAL SUNG SIM
DING: Sawl. 5: 1-4; 1Kor. 2: 10, 11; Isa. 63: 10-14; Titus 3:
4-6; Rom. 8: 11; 1Pet. 1:2.
KAMNGAH: “Topa Jesuh Khrih hong
hehpihna thupha le Pasian’ hong itna, le Kha Siangtho tawh kikholh theihna,
note khempeuh tungah hong tung tahen” (2Kor. 13: 14).
Lai Siangtho Thuciam Lui leh Thuciam
Thak in Pa Pasian khat om hi, ci-in ciamteh hi. Hih in Pasian kammal Lai
Siangtho pulaak thu bulpi khat hi. Tua banah Thuciam Thak in Jesuh in Pasian
ahihna limgen hi. Ahi zongin Kha Siangtho in Pasian ahihna a dangte bangin
limgen lua lo hi. Lai Siangtho mun khat le mun khat enkakin Kha Siangtho tawh
kisai bang kipulaak hiam, ci-in kantel kisam hi. Limtakin Lai Siangtho sim kul
hi.
Lai Siangtho in a pulaak loh thu i
up leh thuman hi lo a, Lai Siangtho’ pulaak thu khat up lohna zong thuman lo hi
(1Kor. 4:6). Hih thu i tel nadingin kiniamkhiatin, thuman theihnopna lungsim
kisam hi. Mihing ngaihsutna bulphuhin Lai Siangtho sim ding hi lo hi. Kha
Siangtho in a hong makaih ding kisam hi. Mihing ngaihsutna tawh a kituak kei
zongin Lai Siangtho hong hilh bangbang i san ding ahi hi.
SUNDAY JAN. 15
KHA
SIANGTHO LEH PASIAN
Lai
Siangtho sungah Kha Siangtho in Pasian ahihna a tel zo lo om hi. Kiciamtakin a
kipulaak lohman hi thei hi. Ahi zongin Lai Siangtho gelhte in Kha Siangtho le
Pasian kiza kim hi, ci-in pulaak uh hi. Lai Siangtho mun tampi ah Kha Siangtho
le Pasian kikim ahihna pulaak hi.
Sawl. 5: 1-4 sim in. Peter in Ananias tungah a
pulaak kammalte in Kha Siangtho in Pasian ahihna bang pulaak hiam?
____________________________________________________________________
Kha
Siangtho in Pasian hi lo hi leh Peter in zuau thugen hi. Ahi zongin Peter in
Kha Siangtho le Pasian kikim ahihlam pulaak hi. Ananias in Kha Siangtho a khem
pen Pasian a khem suak hi (Sawl.
3, 4).
Mihing ahi sawltakte tungah zuau gen hi lo-in Pasian tungah zuau gen hi, ci-in
Peter in pulaak hi. Kha Siangtho tungah zuau genna in Pasian tungah zuau genna
mah hi. Kha Siangtho in Pasian hi.
Bang
hangin Annanias le a zi gamtatna hangin tua zahin sihna thuak uh hi ding hiam?
Bang hang hi ding hi hiam cihleh, Sawltakte hun lai-a thu-um mite’ lungsim
ngaihsutna khempeuh kikhat uh a, (Sawl. 4: 32) tua kipumkhatna in Kha Siangtho’
nasep ahi hi. Tua bangin a kipumkhatna tungtawnun khat le khat kihuh diamdiam
uh hi. Piakna ah zuaugenna in thu-um mite kipumkhatna susia hi. Kha Siangtho
tungah zuau genna in tua kipumkhatna susia hi. Tua hi-in Ananias le a zi in
zuau a gen uhteh Kha Siangtho nial uh hong suak hi. Tua bangin thuman lohna
Pasian mai-ah siahuai mahmah hi. Tua bang zuau in Kha Siangtho nasep khaktan
hi. Pasian in Ama tungah thutak ding hong deih hi. Thu-um mite in Kha Siangtho’
makaihna deihin thuman sungah kipumkhatin, Topa tungah citak ding kisam hi.
Ananias
le Sapphira in a gamtatzia uh khial kisa lo uh hi. Van khat peuhpeuh i zuak teh
a vekin pawlpi pia i hiam?Tawmno khat sitin khialhna hiam? Thuman lo gamtatna
khat khial kisak khakloh ding Ananias le a zi tungtawnin kidophuai bang thu na
mu hiam?
MONDAY JAN. 16
KHA
SIANGTHO PASIAN’ A HIHNA
Lai
Siangtho mun tampi in Kha Siangtho in Pasian ahihna pulaak hi. A nuai-a Lai
Siangtho munte in Kha Siangtho in Pasian ahihna bang pulaak uh hiam?
1Kor.
2: 10, 11 le Isa. 40: 13, 14 enkek in: ________________________
Late
139: 7 _________________________________________________
Heb.
9: 14 le 1Tim. 6: 16 enkak in: _______________________________
Luke
1: 35; Rom. 15:19 le Late 104: 30 enkak in: __________________
_________________________________________________
Paul in
Pasian pilna tawh kisai-in Kha Siangtho in tua pilna hong theisak hi, ci-in
pulaak hi. Pasian tawh kikim vangliatna a nei Kha Siangtho bek in Pasian
thuthukte theitel hi (1Kor. 2: 10, 11). Kha Siangtho in Pasian a theihtel
bangin a thei kuamah om lo hi. Bang hang hiam cihleh Kha Siangtho in Pasian
tawh a tawntungin om den hi. Kha Siangtho in na khempeuh theihna nei hi. Tua
theihna in thuthuk ahi hi.
Kha
Siangtho ompihna in Pasian hong ompihna mah hi. Kha Siangtho omlohna mun ah
kuamah taimang thei lo hi. Bang hang hiam cihleh Kha Siangtho in mun khempeuh
ah om hi (Late 139: 7).
Kha
Siangtho in kipatna le mongnei lo hi (Heb. 9: 14) Pasian simloh a tawntung a om
kuamah om lo hi. Pasian in a tawntungin om den hi ( 1Tim. 6: 16). Kha Siangtho
in a tawntungin om den ahihleh Kha Siangtho in Pasian hi, cih kithei thei hi.
Kha
Siangtho in vangliatna khempeuh nei hi. Luke 1: 35 ah Kha Siangtho le a
vangbelna-a vangliatna cih in a kibang ahi hi. Mary in Jesuh a paaitheihzia
zong Kha Siangtho’ sep ahi hi. Paul in Romans 15: 19 ah Kha Siangtho’
vangliatna in lim le nalamdang piangsak hi. Kha Siangtho in a piangthei lo ding
na tampi piangsak hi. Jesuh mahmah in zong Kha Siangtho gensiat mawhna kimaisak
thei lo hi, pulaak hi (Matt. 12: 31, 32; Mark 3: 28, 29). Tuate lak panin a
lian mahmah nalamdang Kha Siangtho nasep in mihing lungsim le nunna hong khel
hi. Nunna thak a piangsak, nihvei suahkikna a piangsak in Kha Siangtho hi (John
3: 5 -8). Pasian bek ii sep theih khempeuh Kha Siangtho in sem thei hi.
TUESDAY JAN. 17
LAI
SIANGTHO’ HONG HILHTE
Kha
Siangtho leh Pasian cih kammal Isaiah 63: 10- 14 le Gam.
11;
Thkna. 32: 12 cihte enkak in. Kua a genna hi-a, Kha Siangtho in Pasian ahihna
bangci kipulaak hiam?
_____________________________________________________________________
Israelte
in Kha Siangtho langpanin dahsak uh hi (Isaiah 63: 10). Tua bangin Gam. 14:11
“Topa in Moses kiangah, “ Hih mite in bang tanvei kei hong simmawh ding ahi uh
hiam? Amaute’lakah ka hihsa limte om napi-in, amaute in bang tanvei hong um lo
lailai ding ahi uh hiam? ci-in Pasian in a langpanna uh pulaak hi. Tua bang
mahin “Topa bek mahin amaute makaih a, amaute kiangah gamdang pasian om lo hi”
(Thkna. 32: 12).“Topa’ Kha in kei tungtawnin thu hong gen a, ka kam sungah ama
thugente om hi. Israel Pasian kampau khin a, Israel a hupa in kei kiangah hong
ci khin hi” (2Sam. 23: 2, 3). Hihte in Kha Siangtho le Pa Pasian in kizakim
ahihna pulaak hi.
1Kor.
3: 16, 17 le 1Kor. 6: 19, 20; 1Kor. 12: 11 le 1Kor. 12: 28 enkak in. Koi bangin
Kha Siangtho le Pasian, a nihin a kizangkhawm ahihzia pulaak hiam? Pa Pasian in
Pasian ahihna, Kha Siangtho in Pasian ahihna bang kimu thei hiam?
_____________________________________________________________________
Paul
kammal zat 1Kor. 3: 16, 17, 1Kor. 6: 19, 20 sungah zong kimu kik hi. Kha
Siangtho tawh kidim cih ciangin i sungah Pasian hong teng cihna hi. Pasian’
biakinn le Kha Siangtho tenna biakinn a kibang hi. Kha Siangtho in Pasian hi,
cih kilang hi.
Kha
Siangtho in thu-um mimal khat ciat siamna hong guan hi (1Kor. 12: 11). Tua pen
Pa Pasian hong piak mah hi (1Kor. 12: 28) Pa Pasian sep bangbang Kha Siangtho
in zong sem hi. Hih in Kha Siangtho in Pasian hi, cih a kilatna ahi hi.
Pai.
14: 11 sim in. Koi bangin tuhunin kimu hiam? Topa in a lamdangtakin pawl sungah
a nasepzia ngaihsun in. Amah i up theih nading a hong lah thute ngaihsun in.
Koi bangin Israel mite’ khialhna i khialh khak loh ding pilvang thei ding i
hiam?
WEDNESDAY
JAN. 18
KHA
SIANGTHO’ NASEP
Pasian
bek in a sep nate Kha Siangtho in sem hi. Pasian in Kha Siangtho tawh kopin
nate bawl hi. Pasian in mawhnei mite a hong bawlphatkikna ah zong Kha Siangtho
in zong nasem hi.
Titus
3: 4 – 6 sim in. Koi bangin Paul in Kha Siangtho’ nasep suahkikna pulaak hiam?
_____________________________________________________________________
Tui
kiphumna, suahkikna, (Titus 3: 4, 5) ah Kha Siangtho le Pasian in nasem khawm
hi. Kha Siangtho in hong thaksuaksak, lungsim hong khel hi. Khrih nung hong zui
nuamsak hi. Kha Siangtho in Nuntakna Kha hi (Romans 8: 2). Mawhneite hong
siangthosak, gamtat luheek hong khel hi. Honpa’ thu a mang dingin hong huh hi.
Pasian bek in tua bangin piangsak thei hi.
Isaiah
6: 8 – 10 le Sawl. 28: 25 – 27 enkak in. Lai Siangtho gelhte in kua tungah
pulaak uh hiam?
_____________________________________________________
____________________________________________________________________
Lai
Siangtho gelhte in a pulaak uh thute Pasian in a gen hi, ci-in a pulaak uh
bangin mun khat khat ah Kha Siangtho in pulaak h, ci-in hong hilh hi. Kha
Siangtho in a lamdangtakin nasem ahih manin Lai Siangtho hong piang thei ahi hi
(2Pet. 1: 21). Lai Siangtho in Pasian’ humopna tawh kigelh ahi hi (2Tim. 3:
16). Tua humopna tawh kigelh Lai Siangtho in Kha Siangtho nasepna mah ahi hi.
Romans
8: 11 in Kha Siangtho in Pasian ahihna bang pulaak hiam?
_____________________________________________________
_____________________________________________________________________
Kha
Siangtho in sihna panin Jesuh thokiksak hi. Eite zong i si zongin hong
thokiksak ding hi. Sihna pan nuntakkik theihna vangliatna Kha Siangtho bek mah
in nei hi. Tua Kha Siangtho in Pasian ahihna kilang hi.
Kha
Siangtho in a hong makaih nadingin bangci bangin na lungsim kongkhak hon ding
na hiam? Na nunna ah bang in Kha Siangtho khaktan hiam?
THURSDAY
JAN. 19
KHA
SIANGTHO IN PASIAN AHIH THUPITNA
Kha
Siangtho in Pasian hi kei leh bang supna om ding diam? Kha Siangtho in Pasian
hi kei leh i biakna in mannei lo-in, tatkhiatna om lo ding hi. Suahthak kikna
in Kha Siangtho’ nasep hi. A suakthak mi sungah Kha Siangtho nungta-in tua bang
mi in Kha Siangtho tawh a kidim mi hi. Kha Siangtho in i ngaihsutna, gamtat
luheek khempeuh puahpha-in a thakin bawlpha hi. Sihna pan a hong thokiksak thei
vangliatna nei hi. Kha Siangtho in Pasian a siantho bangin Khrih nungzuite zong
hong siangthosak hi. Kha Siangtho in Pasian hi lo hi leh, bangci bangin
siangtho thei-in Pasian santheih nunzia nei ding i hiam?
1Pet.
1: 2; 2Kor. 13: 14; Matt. 28: 18, 19 sim in. Bangci bangin tuiphumna le Pasian
biakna, thupha piaknate ah Kha Siangtho, Pa Pasian le Tapa Jesuh tawh kipulaak
khawm hiam?
_____________________________________________________________________
_____________________________________________________________________
Kha
Siangtho in Pasian ahih manin Kha Siangtho theihtelna le Amah tawh kizopna hoih
i neih nadingin hong huh hi. Pasian bulphuhin Kha Siangtho in Pasian hi, ci-in
a um i hi hi. Thuciam Thak in zong Kha Siangtho in Pa le Tapa tawh Pasian
ahihna kibang hi. Tuiphumna ah Kha Siangtho in Pa, Tapa mah bangin vangliatna
kikim nei hi. Tuiphumna in upna thu mannei khat hi-in biakna ah zong a kisam
khat hi. Tuiphumna mah bangin sawltak thupha piakna in zong mannei hi. Pa le
Tapa min a kipahtawi mah bangin Kha Siangtho zong a kibangin kipahtawi hi. Pa,
Tapa le Kha Siangtho in a kibangin vangliatna nei hi, cih kimu hi.
Kha
Siangtho in Thuciam Thak sungah tuiphumna, sawltak thupha piaknate kihel banah
eite hong siangthosak Pa, Makai le Lamlak Pa le Thuhilh Pa ahih manin a thu i
man ding kisam hi. Kha Siangtho in Pasian hi, cih thu in a kisam thu mah a
hiam? Kisam mah hi. Kha Siangtho in kua hi, cih i theih ciangin Pasian ahihna
zong i phawk thei ding a, a nasepte thupisa-in i pahtawi ding a, i khantoh
nading le siantho nadingin Ama tungah i kinga thei pan ding hi.
Kha
Siangtho in Pasian hi, cih thu in bang pulaak a, na nunna ah tua thu in bang
sem hiam? Pasian tapa tanu suah nadingin Pasian in na nunzia hong khel hi, cih
kamciam in lametna lianpi hong neisak hi lo hiam? Bang hangin hih thu in hong
lamsang thei a, thuman thutak hi, ci-in pulaak thei i hiam?
FRIDAY JAN. 20
NGAIHSUTBEH
DING: Ellen G. White, “ Misinterpretations of the Godhead,” 613 – 617 in
Evangelism.
Kha
Siangtho in Pasian hi. Hih thu in thuthuk hi. Pasian in Pasian ahihna zah
mihing in i telzo kei hi. Pasian in Pasian ahihna mihing in ciangtan theih hi
lo hi. Mihing batzawh hi lo hi. Thuman thutak Pasian in mihing sangin lian zaw
hi.
Kha
Siangtho in Pasian hi, ci-in upna in Pa, Tapa le Kha Siangtho upna bek hi lo
hi. Eite a hong kitatkhiatzia in Pa Pasian in a geel khempeuh Kha Siangtho
vangliatna tawh Tapa Jesuh in semkhia hi. Kha Siangtho tawh kisai i telkhin zo
kei ding hi. Bang hang hiam cihleh Lai Siangtho in hong hilhkhin lo hi. Mi
kimkhat Lai Siangtho amau deihna mun kaikhawm uh a, up huai thu hi napi Lai
Siangtho tawh kituak lo thu pulaak uh hi. Kha Siangtho tawh kisai a kitelzo lo
thu tampi om ahih manin i theihtel loh thu gen sangin gen loh manpha zaw hi. “
Ellen G. White, The Acts of the Apostles, 51, 52.
KIKUP
DING DOTNATE:
Austrian
gammi mipil Ludwig Wittenstein in hih bangin pulaak hi: “ Kam tawh a kipulaak
thei lo thu genloh ding hi,” ci hi. A dinmun kibat loh hangin Ellen G. White in
zong tua bang mahin hong hilh hi. Mihing in Pasian’ zia thuthuk a theih loh
thu, Lai Siangtho hong hilh loh thute a hong kipulaak loh bangin om ding hoih
zaw hi.
Khat
veivei ciangin dotna in theihna hong guan hi. “ Khrih in Pasian hi kei leh,
bang i tuak ding hiam? Kha Siangtho in Pasian hi kei leh bang i ngah ding hiam?
I sungah
a om ding Kha Siangtho in a kimu theih loh hangin Kha Siangtho in a om takpi
mah hi. Amah in Pasian hi-in, kiniamkhiatna, a thu i man ding le biak ding ahi
hi. Tua hi-in amah i neih cih thu sangin Kha Siangtho in eite a hong neih ding
i kisam zaw hi. Ama hong neih manin na khempeuh eima aa ahi hi.” LeRoy Edwin
Froom, The Coming of the Comforter, 159.
