TU
KAAL SUNG SIM DING: Ezek. 37: 5, 9; Pian. 1: 2; Job 26: 13; Pai. 31: 1-5; John 16:13; Gal. 5: 16 – 23.
KAMNGAH:
Amah in keima gen ding thute note tungah hong gen ding ahih manin Pasian’
pianzia ka neihna hong kilangsak ding hi (John 16: 14).
Lai
Siangtho sungah Pa Tapa a kigen zahin Kha Siangtho thu kigen lo hi. Ahi zongin
Kha Siangtho in kipatna le mong nei lo hi. A kipatcil, Pasian in na khempeuh a
piansakin zong Kha Siangtho in nasem hi. Pasian kamsangte in Pasian kiang pan a
ngah uh thute Kha Siangtho makaihna tawh pulaak uh hi. Mary in Jesuh naungek a
paai theihzia zong Kha Siangtho nasep hi. Ahi zongin Lai Siangtho mungtup in
Kha Siangtho hi lo hi. Kha Siangtho thu tam i thei kei hi. Ahi zongin Kha
Siangtho kihel lo-in bang mah a piang kei hi. Kha Siangtho tungtawnin Pa Pasian,
Tapa Jesuh a minthangsak thei i hi hi. Tawntung sihna pan a hong honkhia
vangliatna zong Kha Siangtho vangliatna mah ahi hi.
Kha
Siangtho in thu-um mite hong huh, hong nungtasak hi. Nuntakna lampi ah hong kha
hi. Nate piansakna a kipan tatkhiat nasepnate ah Kha Siangtho kihel lo-in a om
kei hi.
SUNDAY
JAN. 8
KHA
SIANGTHO A KITELHAKNA
John
3: 3 – 8 le Ezek. 37: 5, 9 sim in. Bang hangin Kha Siangtho’ nasep le huih
kigenteh hiam?
_____________________________________________________________________
_____________________________________________________________________
Kha
Siangtho nasepzia kuama telzawh hi lo ahih manin, tua hangin huihnunzia tawh
kigenteh hi. Huih in a ut utna ah nungin, koi pan hong nungin, koi lam zuan
ding kithei lo hi. Upmawh loh laitak le lamet lohna mun panin huih hong nung
zel hi lo hiam? Ahi zongin huihnunna i theithei hi. Tua bang mahin Kha Siangtho
in zong ama deihna bangin nasem hi. Kuamah ukna nuai-ah om lo hi. Ahi zongin
Ama nasepnate i thei thei hi. Huih a kimuh theihloh mah bangin Kha Siangtho
zong i mu thei kei hi. Ahi zongin Kha Siangtho in vanglian mahmah hi. A kimu
thei lo ahih hangin huih nunnunna mun, a nawkkhak singteh a kipan huihpi lauhuai-in
na tampi susia thei hatna neihlam i thei hi.
Huih in
nunna a piak mah bangin Kha Siangtho in zong a si nuntakna panin nunna piangsak
hi. Nunna a piangsak pen Pasian bek mah hi-in, Kha Siangtho in tua nunna hong
pia hi. Bangci bangin Kha Siangtho in nasem cih i telzo kei hi. Mihing in
leitung thu tuamtuam, vantung thu a theih tampi om taleh mihing ngaihsutna in
Pa Pasian in Kha Siangtho tawntungin a nasepte a telzawh ding hi lo hi. Ahi
zongin mihing in Kha Siangtho nasepte thei thei lo ding hi lo hi. Kha Siangtho
nasepzia i phawk nadingin mihing in kiniamkhiat kul hi. A kiniamkhiat mi in
Pasian in vanglian Pasian ahihna phawkin mihing in ciangtan nei ahihzia kithei-in
Ama’ lamlahna kisam tawntung ahihlam kitel ding hi.
Ellen G.
White in hih bangin pulaak hi: “Lai Siangtho in thuthuk hi-in mihing in a
telzawh ding hi lo hi. Hih in Kha Siangtho humopna tawh kigelh ahihlam a
kilatna ahi hi. Lai Siangtho bulpi Pasian kiang pan hong pai thu hi kei leh
mihing in telloh a nei kei ding hi. Pasian’ vangliatna mihing in telzo ding hi
leh Lai Siangtho in Pasian kiang pan hong pai lo kici thei ding hi.” Ellen G.
White, Education, 170.
Koi
bangin a kimu thei lo vangliatna neite in i nunzia hong huzaap hiam? Kimu thei
lo ahih hangin huzaap nei uh hi, cih phawk ding kisam hi lo hiam?
MONDAY
JAN. 9
NATE
A KIPIANSAKIN KHA SIANGTHO NASEP
Pasian
in hih leitungah a sep masak penpen in piansakna ahi hi. Lai Siangtho in Pasian
(Pian. 1:1) le Jesuh Khrih (Kol. 1: 16,
in
vantung le leitung a Piangsak Pa hi, ci-in hong hilh hi. Hi mah taleh Lai
Siangtho in, tua nate kipiansakna ah, Kha Siangtho zong a kihelzia hong hilh
hi.
Pian.
1: 2; Job 26: 13; 33: 4; Late 33: 6; 104: 29, 30 sim in. Piansakna-ah Kha
Siangtho nasep bang pulaak hiam? Koi bangin Pasian Kha Siangtho le nuntakna
kizom hiam?
____________________________________________________________________
_____________________________________________________________________
Pa
Pasian, Tapa cihte in nate piangsak hi, ci-in kipulaak a, amaute’ nasepna-ah
Kha Siangtho zong kihel hi (Isa. 64: 8; Kol. 1: 16, 17). Piansakna ah Kha
Siangtho min a kidawk loh hangin Kha Siangtho in mun khempeuh tuamcip hi. Kha
Siangtho in tui tungah huih bangin nung hi. Hebrew laimal ah ‘merahepeth’
hi-in, tua kammal mah Thkna. 32: 11 kimu thei hi. Muvanlai in a note hehpihin a
kha tawh a tuam bangin na khempeuh kipiansakna ah zong Kha Siangtho kihelin, na
khempeuh cingin kem hi. Late 104: 30 ah zong Kha Siangtho vangliatna tawh na
khempeuh kipiangsak hi, ci-in pulaak hi. Piansakna ah Kha Siangtho kihel mah
bangin na khempeuh bawlphatkikna ah zong kihel hi. Kha Siangtho in lungtang
thak le ngaihsutna thak hong guan hi.
Koi
bangin ngaihsutna thak le nunna thak kizom hiam? Koi bangin Sabbath in piansak
thu le piansakkikna nunna thak hong hilh hiam?
TUESDAY JAN.
10
KHA
SIANGTHO LEH BIAKBUK
“Kei a
ding mun siangtho khat amaute bawlsak in; tua ciangin amaute lakah ka teng ding
hi” (Pai. 25:8). Piansakna thu khitteh tatkhiatna thu Lai Siangtho ah thupi pen
hi. Mawhna tawh kidim leitung ah tatkhiatna thu om kei leh, piansakna thu in
bang mannei ding hiam? Mimawh ihih manin Piangsak Pa bek kisam i hi kei a,
Honpa zong i kisam hi. Leitung nate in hong tankhia thei lo hi. Honpa lo-in
lamet om lo hi.
Thuciam
Lui sunga biakbuk sung nasep khempeuh in Honpa kiang pan kingah mawhmaisakna
thu hong hilh hi. Tua biakpiaknate in Honpa pulaak khol hi. Tanglai Israel mite
in zong Honpa thu theikhol khin uh hi (Heb. 4:2). Biakbuk le biakpiaknate in
Jesuh le mawhmai-na dingin a hong sihna limcing hi. Biakinn lam dingin Pasian
in Moses a lah bangin Kha Siangtho in innlam dingin kitengkhiate makaihin
siamna pia hi.
Pai.
31: 1 -5 sim in. Koi bangin Pasian in Kha Siangtho in biakbuk a kilamna ah
kihel hiam?Koi bangin Pasian omna ding biakbuklamte huh hiam?
_____________________________________________________
_____________________________________________________________________
Kha
Siangtho in biakbuk kilamna-ah kihel hi. Biakbuk in mawhneite le Pasian a
kimuhna mun, Pasian le mawhneite kilemna mun ahi hi. Pasian in biakbuk lamzia
ding khempeuh Moses hilh hi. Tua biakbuk in vantung biakbuk tawh kibangin a
kilam ahi hi (Pai. 25: 9, 40).
Biakbuk
in Pasian in mawhnei mite a tatkhiatzia pulaak hi. Biakbuk in Pasian in a mite
tawh a tuamdiakin a omna mun ahi hi. Pasian’ sawl bang lianin kilam nadingin
Kha Siangtho in mite tungah siamna guan hi. Kha Siangtho in biakbuk kilam
zawhpih hi. Kha Siangtho in huh kei leh Pasian’ sawl bangin biakbuk kilam thei
lo ding hi.
Mihing
kihel lo-in Kha Siangtho in biakbuk lamh zo thei hi. Ahi zongin Kha Siangtho in
a piak siamna tawh mite’n zo thei uh hi. Vantung gam le Pasian’ min a than
nadingin koi bangin koi munah mite huhin thapia ding na hiam?
WEDNESDAY
JAN. 11
KHA
SIANGTHO IN JESUH A MINTHANGSAK
Thuciam
Thak in Kha Siangtho thu a pulaak bangin Thuciam
Lui in a
pulaak loh hangin Thuciam Lui in Kha Siangtho pulaak lo hi lo hi. A kigenkhol
Messiah Jesuh hong pai hun lai-in Kha Siangtho’ nasepna kilang semsem a, Kha
Siangtho in thu-um mite tungah siamna tuamtuam pia hi. Thuciam Thak sungah
thu-um mite lakah Kha Siangtho’ nasepziate pulaak hi. Kha Siangtho nasep Khrih
a pahtawi-na sangin lian zaw dang nasep om lo hi.
John
16: 13, 14; 15: 26 sim in. Jesuh in Kha Siangtho’ nasepna tawh kisai
bang pulaak hiam? Koi bangin Kha Siangtho’ nasep in Jesuh’ nasep tawh kizom
hiam?
_____________________________________________________
_____________________________________________________________________
Kha
Siangtho in Ama thu a pulaak hi lo-in Jesuh thu pulaak hi. Kha Siangtho in
tatkhiat nasem Jesuh sep’ thute pulaak hi. Jesuh nasep khempeuh ah Kha Siangtho
in a kilangkhia lo-in nasem hi. Kha Siangtho in “ ka vangliatna mu un. Ka thu
hong ngai un. Ka kiangah hong pai un” ci lo hi. Ahi zongin Khrih en un. Ama
vangliatna mu un. A gelh thute ngai un. Amah zuan un. Tua hi leh nunna na ngah
ding uh hi. Ama hong piak nopna le daihna na ngah ding uh hi,” ci-in Khrih thu
hong hilh hi. Kha Siangtho in thu-um mite le Khrih kikaal ah palaai hong sem
hi. Khrih tawh hong kinaisak hi. J.
I.
Packer, Keep in Step with the Spirit: Finding Fullness Our Walk with God,” p
57, 58.
Jesuh le
Ama nasep a tawisang lo nasep in Kha Siangtho tawh kipawl lo ahihzia kilang hi.
Nisimin Kha Siangtho kisam mahmah hi taleh Kha Siangtho in Jesuh dinmun luahlo
hi. Sihna pan suahtak theihna lampi in Jesuh Khrih bek mah hi. Khrih a
kilapsanna khempeuh in Kha Siangtho’ sepna hang ahi hi. Tua Khrih a um, a thu
zui mite Kha Siangtho nungzui kici lo zaw-in Khrih nungzui, Khristian hong kici
hi (Sawl. 11: 26). Graham A. Cole, He Who Gives Life, p. 284.
Bang
hangin sepna khempeuh ah sihna pan a tho Topa lapsang ding thupi hiam? Khrih in
ei aa dingin a hong sep khempeuh ngaihsun in. Na khempeuh Ama tungah i leiba
hi. Koi bangin Ama tungah na lungdamna pulaak ding na hiam? 2Thess. 1: 11, 12.
THURSDAY
JAN. 12
KHA
SIANGTHO LE KHRIH
Jesuh in
mihingin a hong pianna pen Kha Siangtho’ nasep ahi hi. Tatkhiat nasem dingin
Kha Siangtho in Jesuh sathau nilh hi (Luke 3: 21, 22). Jesuh sathau a kinilh
khit ciangin vangliatna tawh kidim Messiah a hihna tangtung hi. Khrih in a
nungzuite Kha Siangtho tawh kidim dingin thuhilh hi.
Jesuh in
ze-etna khempeuh a zawh nadingin Kha Siangtho in makaihin thaguan hi (Mark 1:
12; Matt. 4: 1; Luke 4: 1, 2, 14). Tua hi-in Jesuh in ze-etna a thuak khempeuh
hehpihin huh thei hi (Heb. 2: 18 le Heb. 4: 15, 16 enkak in). Jesuh in tatkhiat
nasep a zawh nadingin Kha Siangtho in vangliatna guan hi (Heb. 9: 14). Kha
Siangtho mah in sihna pan Jesuh thokiksak hi (1Pet. 3: 18). Khrih nasepna
khempeuh Kha Siangtho kihel lohna omlo hi.
Luke
24: 44 – 49; Gal. 5: 16 – 23; Eph. 4: 23, 24 sim in. Kha Siangtho nasep bang
pulaak uh hiam? Koi bangin Kha Siangtho in Jesuh a minthangsak hiam?
___________________________________________________________
_____________________________________________________________________
Hih
bangin Kha Siangtho in Jesuh a minthangsak hi:
Jesuh
uptaakcing, muantaakcing ahihna pulaak hi. Khrih le hotkhiat thu, Khrih i
theihtel nading le tatkhiat ngah nading kisam bang mah om lo-in hong hong hilh
hi. Nuntak tawntung i ngah nading a kisam thu khempeuh Lai Siangtho in hong
hilh hi. Tua thute upna tawh simin Topa tungah a ki-ap khempeuh in tua nunna
ngah ding hi.
Kha
Siangtho in mi khempeuh Jesuh kiang hong tunpih hi. Kha Siangtho in mihingte
sungah nasem hi. Kha Siangtho in thuman thutak theihtel theihna hong guan hi.
Tua bangin theihtelna in Jesuh Khrih muanna, Makai le Honpa in hong umsak hi.
Kha
Siangtho in i sungah Khrih’ nunzia hong neitheisak hi. Khrih lungsim hong guan
hi (Gal. 5: 22, 23). Kha Siangtho in Jesuh’sisan hangin mawhna zawhzawhna hong
guan a, Pasian’ thupiakte citakin hong zui theisak hi (Mang. 12: 11).
Khrih
nunzia hong neitheisak ahih manin itna, hehpihna le huaihamna khempeuh hong
zawhpih hi. Pasian in Ama nasem dingin numei, pasal, numei sep ding hong pia a,
midangte kiangah a deihhuai Khrih thu va gen dingin hong sawl hi.
Koi
bangin Khrih nunzia i neih ciang Pa Pasian min thangsak hiam?
FRIDAY
JAN. 13
NGAIHSUTBEH
DING: Kha Siangtho lo-in Topa tawh kizopna om thei
lo hi. Kimu thei lo hi mah taleh Kha Siangtho’ nasepna kimu hamtang hi. Mi khat
in Khrih umin a nunzia a kikhel leh tua in Kha Siangtho’ nasep ahi hi. “ Huih
kimu thei lo hi mah taleh huih in a nawk khak peuhpeuh kimu thei hi. Tua mah
bangin Kha Siangtho vangliatna le a sepnate kithei thei hi. Pasian Kha Siangtho
in a uk lungtang in nunna thak tawh a nungta mi ahi hi. Siatna, gitlohna
khempeuh beimang ding hi. Hehna, enna, kitotna cihte in itna, kiniamkhiatna,
nopna cihte tawh kidim ding hi. Dahna munah lungnopna in hong luahin a maitang
in vantung khuavak kilangsak ding hi. Ellen G. White, The Desire of Ages, 173.
Hihte in
a lamdang lametna kamciam hi-in, Kha Siangtho tawh kidim mite in tua bangin
nungta uh hi. Ahi zongin tua bangin thakhat thu-in a piang pah hi lo hi. Tha
khat thu-in i deih bang mi kisuak thei ziau lo hi. Upna tawh nungta-in,
hamsatnate kantan kul a, khialhna kisik kula, Topa tungah ki-ap kul hi. Kha
Siangtho bek in Khrih sungah nunna thak, mi thak hong suaksak thei hi. I nuntak
laiteng Khrih sungah mi thak i hih kul hi. Dawimangpa in i thanemna tuamtuamte
hangin a lungkia dingin hong deih tawntung hi. Tua bang hun ciangin Topa tungah
ki-ap kul hi. Mawhna in hong zol ciangin mawhnei mite aa dingin hong si Jesuh
phawk tawntung in. Mawhnei mi i hihlam kiphawk kul a, mawhnei mi in hehpihna
kisam tawntung hi. Jesuh in ei aa dingin hong si-in, hong hehpih hi.
KIKUP
DING DOTNATE:
1. Kha Siangtho nasepna khempeuh ah nunna kikhel hi. Kuamah in hong
theihpih, hong paakta kei zongin Topa na nasem veve hiam?
2. Koi bangin Kha Siangtho in Jesuh hong mitsuansak hiam? Bangci bangin
nang le nang kiliansak lo-in Jesuh bek liansak zaw ding na hiam? Bang hangin
tua bang hamsa hiam? Koi bangin kiliatsakna nial ding na hiam?
