SABBATH NITAK:
TU KAAL SUNG SIM DING: Sawl.
7: 51; Heb. 10: 24; Eph. 4: 25 – 5:21; 1Thess. 5: 19 – 21; Mark 3: 28, 29.
KAMNGAH: “Ni
khat ni ciangin Pasian in note hong tatkhiat taktak nading thu a ciantakin hong
lahna le Pasian’neihsa na hihna uh hong ciamtehna-in Kha Siangtho hong pia ahih
manin, tua Kha Siangtho na dahsak
kei un” Eph. 4: 30.
Kha Siangtho in i mawhna, i
ginatlohna hong musak hi. Jesuh Khrih le a hong piak mawhmai-na i ngah nadingin
i lungsim hong khel thei hi. Siatna khempeuh tungah a gualzo dingin vangliatna
hong guan thei hi. I nuntakzia in Jesuh kilangsak dingin hong huh thei hi. Tua
hi taleh Kha Siangtho a nial mi tampi om hi. Kha Siangtho in thatang hatna
zang-in hong khel lo hi.
Mihing in mawhna pen siatna-in mu
lo hi. Ahi zongin mawhna in sihna hong tun hi. Hong khem hi. Mawhna in Pasian
langpan hi; Ama sianthona le a hoihna deih lo hi. Pasian zia le tong nei Kha
Siangtho in mawhna kici khempeuh nial hi. Siatna, mawhna i sep khak ciangin
mawhna nusiat noplohna lungsim in Kha Siangtho dahsak hi. Kha Siangtho in hong
ompih kei leh mawhna i nial zo kei ding a, siatna sungah nuamsa-in kikhel thei
nawn lo dinmun hong tun ding hi. A kimaisak thei lo mawhna i cih in Kha
Siangtho gensiatna, dahsakna a hi hi (Matt. 21: 31, 32).
Tu kaal sungin Kha Siangtho nial,
dahsakna le a kimaisak thei lo mawhna cih thu i kikum ding hi.
SUNDAY MARCH
12
KHA SIANGTHO NIALNA
Sawl. 7: 51 sim in. Bang hong hilh
khol hiam? Koi bangin na phawk hiam?
__________________________________________________________
____________________________________________________________________
Lai Siangtho sungah Kha Siangtho
tungah mawhna le a dang mawhna nam tuamtuam kimu thei hi. A tam zaw mimal tawh
kisai mawhna hi. Mihon tawh kisai mawhna zong om hi (Sawl. 7: 51). Kham tawh
kibawl bawngno a bia Israelte mah bangin Stephen a mawhsak mi honpi in zong
thuman langpan uh hi (Pai. 33: 3). Tua bang mite in Kha Siangtho nial uh hi.
Bang hang hiam cihleh Kha Siangtho zangin Pasian in kamsangte tungtawnin a
pulaak thuman langpan uh hi. A tawpna ah Jesuh nial uh hi. Jesuh zui lo, Pasian
thu mang lo-in amau bawl tawm thute bek zui uh hi.
Pasian’ bawlsa Ama hang bekin a
nungta mihing in Kha Siangtho nial thei cih pen lamdang hi. A tawpna ah Pasian’
hehpihna zong a nial uh suak hi. Pasian in vanglian mahmah taleh Ama hatna
zangin thuzui ding kuamah mah hong bantangkaih lo hi. Pasian in mimal
khensatna, deihtelna thupisim hi.
Pasian in tua bangin thatang hatna
zangin Ama thu mang ding deih hi leh Eden huan sungah Adam le Eve zong si lo-in
tu ni dong mawhna om lo ding hi lo hiam? Pasian in a sia le a pha, thuman le
zuau, sihna le hinna khentel thei-in deihtelna hong pia hi. A manpha khentel
siamna a hong kipia khong ahi hi.
Mimal khat ciat in amau deihtelna
bangbangin a thuak ding ahi hi. Tua banah mi honpi khensatnate zong mi hon
mahin kituak ding hi. Khat le khat tungah thuman ding, Pasian’ kammal zui ding,
Jesuh tawh nungta khawm ding cihte kihanthot kul hi (Heb. 10: 24, 25). Pasian’
kamsangte a nial mi in Pasian’ kammal a nial hi-in, Kha Siangtho zong a nial hi
pah hi.
Nidang Israel mite mawhsak ding, a
mawhna uh kawk ding hamsa lo hi. Ahi zongin nang le kei in i deihtelna
tungtawnin i thuak gimna, mawhnate leh? Israel mite’ mawhna a kipholak mah
bangin nang le kei mawhna zong kipholak ding hi leh koi bangin na thuak diam?
Koi bangin mi khat in na hoih a it
ding le a sep ding na hanthawn diam? Tua bang dingin bang masuan na nei hiam?
MONDAY MARCH 13
KHA SIANGTHO DAHSAK: KHAWK MASA
Eph. 4: 30 sim in. Paul in thu-um
mite zuih pelmawh ding bang pulaak hiam? Bangci bangin Kha Siangtho dahsak kha
lo ding hong hilh hiam? Kha Siangtho dahsak cih in bang hiam?
__________________________________________________________________
___________________________________________________________________
Kha Siangtho in vanglian hatna bek
hi lo-in pumpi mal nei, ngaihsutna nei hi. Tua manin dah thei hi. Ahi zongin
koi bangin Kha Siangtho kidahsak hiam? I khialh leh i khialh lam Kha Siangtho
in hong phawksak a, mawhna hong telsak hi (John 16: 8). Mawh maisak, hong
siangsak Jesuh kiang hong paipih hi. Kha Siangtho in a siangtho dingin hong sam
hi. Kha Siangtho in mawhna hua hi. Pasian cih bang mangin, ngaihsutna, kampau a
kipan na khempeuh a siangtho-in i omteh Kha Siangtho lungdam hi Sianthona tawh
kituak lo na khempeuh in Kha Siangtho dahsak hi. Mawhna taisan ding khensat
lo-in mawhna sungah nopsaknate in Kha Siangtho dahsak hi. Tua in siatna lianpi
hi.
Paul in Eph. 4: 30 sunga a gen Kha
Siangtho dahsak nunzia in nunzia kikhelma, Khrih theihtelma le kikhel khit
nunzia pulaak hi. Khrih sungah nunna thak tawh a nungta mi in midangte tungah
lungduai-in, itna siksanin khat le khat kituaksiamin, Kha Siangtho tawh pum
khat suahna panin lungnopna ngah dingin Ama sungah cihtaknate zong pulaak hi
(Eph.
4:2, 3). Kha Siangtho tawh suakthak
kikin, lutang ahi Khrih nung a zui mi in Gentile mite nun bangin nungta nawn lo
ding a (Eph. 4: 17), a nunzia in Pasian lungkimsak hi (Eph. 4: 24 – 31).
I sungah siatna khat peuh i koih
leh kampau, gamtat panin kilang ding a, Kha Siangtho dah hi. Kha Siangtho
dahsak cih ciangin Ama hong sianthosak ding nial, nunzia a hong khel ding Ama
vangliatna sangin mawhna sungah om ding deihtel zawkna ahi hi.
Kha Siangtho in i nunzia ding
hong makaih tawntung hi. Eph. 4: 25 – 31 sim inla, Kha Siangtho a dahsak
gamtatnate gelh in. Bang hangin tua gamtatnate in Kha Siangtho dahsak hi ding
hiam?
TUESDAY MARCH
14
KHA SIANGTHO DAHSAK: KHEN
NIHNA
Pasian in Kha Siangtho a dahsak
gamtatna awlmawhlo in a om kei hi. Pasian in i gamtatna bangbang hong en
tawntung hi. Deihtelna, i nunzia cihte in Pasian sukha hi.
Eph. 4: 25 – 5:2 sim in. Bang sem
ding hong kihilh hiam? A hong kisawl bangin nungta lehang koi bangin i nunzia a
kilamdang diam? ___________________________________________________________
_____________________________________________________________________
Itna nei-in thuman thutak i gen
ciangin Kha Siangtho lungkim hi. Mawhna hangin hehin ahi zongin hehna ah khial
lo-a nasep hanciamin cimawh mite huhin, midangte phattuamna a piangsak thei
kampau-na, gamtatna, hehpihna nei-in, mite’ mawhna maisak cihte in Kha Siangtho
tawh kituak nunzia ahi hi.
Khristian ka hi, ci na pi Khrih
kimakaihsak lo, Ama itna sungah nungta lo-in, kikhelna a nei lo mi in Kha
Siangtho dahsak hi. Thuman Topa umin mawhmai ding ngen napi, thuman tawh kituak
lo-in nungta-in mawhna nuam a sa mi in Kha Siangtho dahsak hi. Gamtat zia le
tong hoih neihlohna in Kha Siangtho dahsak hi. Hotkhiatna thu tangko nasepna ah
gamtat zia le tong hoih nawlkhin theih hi lo hi. Pasian’ tapa tanu bangin
nungta-in Jesuh kilangsak nunzia in Pasian lungdamsak hi.
Eph. 4: 3, 4, 15, 16, 32 sim in.
Pawlpi sungah Kha Siangtho ompihzia bang pulaak hiam? Koi bangin Kha Siangtho
tawh kidim pawlpi in mite aa dingin bang pulaak hiam?
__________________________________________________________
_________________________________________________________________
Ephesus in pawlpi nasepzia, thu-um
mite pumkhat ding, Kha Siangtho tawh kipumkhat ding cihte hong hilh hi. Pasian
sungah a nungta mite in khat le khat kizopkip tawh nungta uh hi (Eph. 4: 32).
Pawl sungah khat le khat kizopzia ding “ kilemna in hong khihkhawmna
tungtawnin, tua Kha Siangtho a na kipumkhatna uh na letkip nadingun na theih
tawpun na hih un,” ci-in hong hilh hi (Eph. 4: 3). Pasian in pawl sungah khat
le khat kizopzia thupi takin ngaihsun hi. Bang hang hiam cihleh thu-um mi in
Kha Siangtho biakinnpi hi (1Kor. 3: 16, 17). Khrih pumpi ahi pawlpi sungah om
thu-um mite khat le khat kizopzia Kha Siangtho aa dingin zong thupi hi.
Thuman theihna kisam hi (Mang. 14:
6 – 12) Ahi zongin koi bangin mi tawh na kizopzia, cimawh, kuama thusimloh mite
tawh na kizopzia Pasian deihna tawh kituak mah a hiam? Kisittel in.
WEDNESDAY MARCH 15
KHA SIANGTHO NASEP MITSAK
1Thess. 5: 19 – 21 sim in. Koi
bangin Kha Siangtho kimitsak kha thei hiam?
___________________________________________________________________
___________________________________________________________________
“ Mitsak” cih kammal in meikuang
tawh kisai hi. Greek laimal ah Kha Siangtho pen meikuang bangin kimitsak kha
thei hi, cih phawk ding hong hilh hi (1Thess. 5: 29; Eph. 6: 16). Kha Siangtho
in mawhna hong theisak hi. Tua mawhna zawhna ding tha hong guan hi. Hihte nih
in sianthona tawh kizom hi.
Lai Siangtho tungtawnin Kha
Siangtho in a siangtho nunna hong hilh hi. Tua theihna tungtawnin Kha Siangtho
in i sungah om tengin nunzia hong khel hi. Kamsangte tungtawnin Kha Siangtho in
a pulaak thute i up le Kha Siangtho a mitsak nunzia tawh kipelh i hi hi
(1Thess. 5: 20). Paul thu-um mite Kha Siangtho thupiakte simmawl lo dingin hilh
hi. Ahi zongin Kha Siangtho nasep a hi lote sittel ding zong hong hilh hi
(1Thess. 5: 21). Pawlpi in Kha Siangtho kimakaihsak ding kisam hi. Kha Siangtho
mitsak loh ding zong kisam hi. Bang hang hiam cihleh Kha Siangtho bek in pawlpi
a susia thei zuau thuhilh, kamsangzuau le Kha Siangtho’ nasepna hong theitelsak
hi.
Kha a kici khempeuh a hoih hi lo
hi. Kha Siangtho makaihna tawh Lai Siangtho in eite pai nading lampi hong
vaksak hi (Late 119: 105). Thuman le zuau, kamsang man le kamsang zuau theihtel
nadingin Lai Siangtho tawh sittel kul hi. Khuamial sungah meivak in i pai
nading lampi hong musak hi. Tua bang mahin Lai Siangtho in zong Kha Siangtho
kimakaihsakzia ding hong hilh hi (Gal. 5: 25). Ei le ei i ki-ap ciangin Kha
Siangtho in thuman thutak le nunzia ding hong hilh hi.
Mi tampi in Lai Siangtho in Pasian’
kammal hi, ci-in um na pi, amau deih bangin Lai Siangtho pulaak uh hi. Tua bang
mi in Lai Siangtho thuneihna a nial hi-in, Kha Siangtho in tua mi sungah nasem
thei lo hi. Kha Siangtho a nei lo mi in Lai Siangtho thupi simlo, zahtak lo hi;
thuman nuntakpih ding khin lo hi. Tua bang ciangin thuman hong lak hong vaksak
khuavak a sumit ahi hi.
1Thess.4: 7, 8 sim in. A
siangtho-in nungta cih in bang hi ding hiam? Kisittel lecin bang ah siantho
ding kisam lai na hiam?
THURSDAY MARCH 16
KHA SIANGTHO GENSIA
Mark 3: 28, 29; Luke 12: 10; Matt.
12: 31, 32 sim in. Mawhna, Pasian gensiatna khempeuh kimaisak thei ahih leh, a
kimaisak thei lo mawhna in bang hi ding hiam?
__________________________________________________________
__________________________________________________________________
Kha Siangtho gensiat mawhna thu
kitelkhial mahmah hi. Mi kimkhat in hih a kimaisak thei lo mawhna cih pen Jesuh
in ngaihsutna khat nei hi ding hi, ci uh hi. Mawhna khat le khat kibang lo hi.
Tua bang mahin a dangte sangin guu a lian zaw om hi. Ahi zongin Pasian in
mawhna kici khempeuh kih hi. “A kimaisak thei lo mawhna” in bang mawhna hi ding
hiam?
A taktakin Pasian maisak loh ding
mawhna om lo hi. Ahi zongin i phawk ding thu in “ Kha Siangtho in i mawhna hong
phawksak hi. Kha Siangtho in mawhna hong maisak thei Khrih Honpa-in hong um sak
hi. Kha Siangtho gensiatna i cih in Jesuh hong hotkhiatna thu a nial dingin
khensat hi. Kha Siangtho’ hong hilh thute le Jesuh Khrih nial dingin a khentat
lungsim in Khrih le a hong hotkhiatna zong a nial hi pah hi.
Kha Siangtho gensia i cih in Jesuh
Khrih langpang, Khrih um lo dingin khensatna, i nunzia in Kha Siangtho langpan
ding khentatna a hi hi.Kampau hoih lo khat genkhiatna bek hi lo-in, up lo-in
lungsim khauh bekbakin Jesuh nialna in Kha Siangtho gensiatna ahi hi. A laimal
ah “a kimaisak thei lo mawhna” cih kammal om lo hi. I phawk ding thu in: Kha
Siangtho’ nasep in mawhna hong phawksak a, mawhna hong maisak Jesuh upnopna
lungsim hong guan hi. Ahi zongin Kha Siangtho’ hong thuhilhte za nuam lo-in,
nial den lehang Khrih le a nasep a nial hi pah ahih manin mawhmai nading lampi
om lo hi. Hotkhiat nasep a nial den mi in Kha Siangtho a nial hi-in, Kha
Siangtho a nial mi in mawhna thei lo ding a, mimawh ahih lam zong kitel lo ding
hi.
Jesuh a nial tawntung, Ama thugen a
um nuam lo mi in Kha Siangtho langpang hi. Mawhna tawh kidim nunna in Kha
Siangtho a nial a hi hi. Kha Siangtho tawh kidimin hotkhiatna thu, Khrih kitawh
kipawl thute in a huzaap sangin siatna namcin a teel zaw nunna in Kha Siangtho
dahsak ahi hi” Ellen G. White, Loma Linda Message, 156.
Pasian a langpan tawntung mihing in
Kha Siangtho a nial, Jesuh a nial, hotkhiat nasep a nial suakpah hi. Tua bang
mi in a lungkhuah mi, a mawhna kisik lo mi hi. A kisik lo mawhna mai lo ding
hi. Pasian in maisak zo lo, maisak nuam lo hi lo hi. Tua bang mi in Jesuh
tungtawnin mawhmai-na ngah lo ding hi. Mawhmai kei leh a tawntungin sihna hi
ding hi.
Koi bangin Pasian langpang lo, Kha
Siangtho langpanglo na hihlam na kithei hiam? 1John 5:3; Romans 8: 14
FRIDAY MARCH
17
NGAIHSUTBEH DING: Mi tampi in
“ka mawhna a mai takpi ding hiam” ci-in lunghimawh uh a, tua bang lunghem
laiteng Pasian sungah lungmuanna nei nai lo uh hi. Pasian a muang takpi uh
hileh tua bang lunghemna om lo hi. Tua bang lungsim a om laiteng Kha
Siangtho’makaihna kisam hi. Jesuh’ dikna le Ama siantho-na umin, muangin, Ama
hong thupiak bangin nungta-in, Khrih’ dikna hangin lungnopna le khamuanna na
nei thei hi.
Pasian in a maisak theih loh mawhna
i cih in mawhmai dingin Jesuh kiangah zuatnop lohna hi. Kammal khat, gamtatna
khat hangin mawhmai lo hi lo hi. Kha Siangtho dahsak i cih in thuman thutak za
napi, thei na pi zuihnoplohna lungsim ahi hi. .” Ellen G. White, The SDA Bible
Commentary, vol. 5., 1093.
“Kha Siangtho dahsak mawhna in
kuama telzawh loh thuthuk hi lo hi. Kha Siangtho dahsak mawhna in a tawntung in
mawh kisikkik ding nial tawntungna ahi hi” p. 1093.
KIKUP DING DOTNATE:
1. Mi khat
in “a kimaisak thei lo mawhna ka nei kha hiam? ci-in hong dong leh koi bangin
na dawng ding hiam? Lai Siangtho bang mun siksanin huh ding na hiam? Bang
hangin upna tawh hotkhiatna kingah hi, cih thu in lamet bei mi aa dingin thupi
mahmah hiam?
2. Kha
Siangtho’ makaihna a nial nunzia in Kha Siangtho mitsak hi. Na nunzia koi
dinmun in Kha Siangtho nasep dal hiam? Pasian’ hong makaihna nial kha a om
hiam? Koi bangin Ama hong makaih bangin nungta ding na hiam?
3. Khat
veivei i telzawh loh thute hangin i lunggim hi. Job in zong
tua bangin tuakkha hi. Bang hangin
hehna, thangpaihnate in Kha Siangtho nial hiam? Bang bang gimna tuak mah
taleng, koi bangin Pasian muang zaw-in, Ama tungah ki-ap zaw thei ding i hiam?
4. Pawl sung
buainate hangin mi kimkhat in lungmangin thuman panin lampial uh hi. Hihte in
bang khialhna nei hiam? Bang hangin Lai Siangtho tawh kituak lo hiam?
