KHEMBAWL NASEPNA, SIKHA HOPIH THEIHNA THU OMZIA
Hun
bei kuan ciangin sikha hopihna pen a pawl pawl in hong dawk zuazua ding hi. Thu
zui mite bawlsia dingin khem siamna vaang namthum zang ding hi. Kha hopihna in
Mang. 16:13,14 sunga agen pawl thum cih bang lel tawh zong hi lo lai in, gulpi,
acih ziau lel bang te in, mipawl dang khempeuh kai khawm in (agawm na tawh)
kipawl in nasem ding hi.
Kamsangpa
genna ah, kih huai kha namthum, gulpi (sikha hopihna), sapi (Pope), Kamsang
zuau (a puk protestant te) te kamsung pan pusuak ka mu hi, ci hi. Dawi gilote
khate in na lamdang bawl in, hong phial keei uh hi mai hi. A thupi pen khat
panin, Khris nihveina hong pai kik nading lim cingin a ki bat pih lim tawh hong
kilang lai ding hi. Hih khemna pan suahtak theih nading pen, Pasian kammal
Laisiangtho leh hilhkholhna thute kip tak a letna bek a om hi.
KHEMBAWL NA NA LAMDANGTE
“Uiphuk
bang kihhuai kha namthum, gulpi, sapi, kamsang zuau te kam pan pusuak ka mu hi.
Amaute in dawi gilo te khate ahi uh a, leitung bup kumpite kiangah pai in,
Pasian nilianpi ni a, galdo nading ah, amaute a kai khawm hi.” Mang. 16:13,14.
“Tua
hun ciangin Khris zuau leh kamsang zuau te hong piang ding a, lim leh
nalamdangte lak ding uh a, ahih theih leh, a teelsa te nangawn a khem ding uh
hi. Matt. 24:24.
“Amah
in na lamdang lian bawl ding a, mite muh in van pan leitung ah meikuang te kia
sak in, tua na lamdang te tawh leitung a teng mi khempeuh khem ding a sapi muh
in vangliat na lak in, nam sau tawh liam a ahing kik sapi, mi khempeuh abia sak
ding hi. Mang. 15:13,14.
“A
sawt lo in hong piang ding thu ka muhna ah, kawm kiu kek kek a ki ho na, zai
semsem in Satan vang hong khang in, ama kiang a kipia mi pawl khat te in na lam
dang hong bawl thei ding hi. Mite muh in van pan meikuang nangawn hong kia sak
thei ding uh hi. Tua bang a kiu kek kek a ki ho siamte in mit phial lak bang in
na lamdang te a bawl uh ciangin, Topa Zeisu Khris min pau lamh in bawl ding uh
hi. Mi tampi te in Pasian Tapa leitung a om lai a, a na lam dang bawl ngei zel
sate bang mah in a seh ding uh hi.” EW. 86, 87.
“America
a, Protestant te in tua sikha hopih theihna ah akhut zam masa pen ding uh hi.
Tua mah tawh Rome vang liatna len kop ding uh hi. Hih kha nam thum ki kopna in
a thu zawh na tawh, ih gam in Rome nung zui in mite in upna maan sikcip ding
hi.”
“A
hun zui a, tapidaw hih lel na pen in, sikha hopihna tawh kizom semsem ahih
manin, mite khemna thangsiahna zia siam semsem uh hi. Satan mahmah zong ahun
zui in ki khel toto hi. Amah in ataang vantungmi bangin hong ki lak ding hi.
Sikha hopih kusale (deligate) te tungtawn in, na lamdangte bawlin, cina te
damask in, akinial theilo na lamdangte bawl ding hi. Tua khate in Laisiangtho
sung thu, a um in kigen ding uh a, pawlpi zong a zahtak bangin kibawl ding uh
a, amau nasepte Pasian bawl takpi mah kisa kha ding hi.” GC 588.
Mite
mai ah, cinatna khempeuh a dam sak thei Zato Mangpi bangin kilang ding a, mi
tampi ten’ khuapite, a siatsak, a hawm suaksak dongin natna citeng, buaina
citeng tung sak zaw ding hi.” GC 589.
“Satan
in leidat te tawh zong nasem ding a, aki ging lo khate akaih khawp na ding ahi
hi. Amah in (Laboratories) datkhuai nate zong sin a, Pasian in akhuan apiakna
zahzah, ama vanglian na tawh a uk zawh theih nading in zangh hi.” GC 589.
“Satan
in na lamdangte bawlna tawh mite muh in van pan meikuangte kia sak dongin na
sem hi. Mang. 13:13. Tua bangin leitung a teng mite in adin’ mun uh len uh hi.”
GC 612.
“Alang
lam ah gupna thupha lah hilh, khate in lahna sem kawm uh ahih man in mi tampi
in ze-et pa lam ah lawp mah mah uh hi. Mihing bawl theih ngei lohte ahihi,
ci-in teci pang in a khempa in zo semsem a, atawpna ah, amah leh amah kidal zo
nawnlo in ki pumpiak ciang dong a tung ding uh hi. Tua alamdang vang liatna pan
asuak ta zo nawn kei uh hi.” DA 528.
“Tua
hun ciangin tapidaw leh tapidaw lo ki lamdan’na om nawnlo mai a, khentel hak
mahmah ta hi. Pawlpi mite in lawkite gamtat bangin gamta lel ta uh hi. Satan in
amaute pawlkhat ah gawm in, sikha hopihna ah ki pum khat sak hi. Pope pawlte,
na lamdang bawl peuh thupi asa phadiakte, pawlpi maan tehna hi ci a aki sak
theihpih zaw sem uh hi a, hih na lamdang bawlna in khem zo ta hi. Protestant te
in zong a thu maan muhsa sun sun te uh khahkhia mawk uh ahih ciangin, tua lakah
kipawl thei ta uh hi. Pope pawlte, Protestant te leh, lawki te in aki bang in
Pasian thuzui lim mah pua in, hih kipawlna ah mainawt in, leitung bup zo mang
ding uh a, sawt veipi a ki lam en kum tul man’na kingah ding hi, ci hon ding uh
hi.
“Sikha
hopihte zangin: Satan in mite thupha pia a, natnate dam sak pa, biakna zong a
thak upna hoih zaw pia bangin kilak a, ahih hangin a tatak in mite suksiatna
ding ngentang a sem niloh ahi zaw hi. Ama zolnate in mihon kisiatna ding vive
ahi zaw hi. Ki deekna omlo, ut peuh bawlna, ki totna, sisan luan’nate in zui
pah hi. Satan in gal kidona khawng nop asa hi a, mihing te lung ngol ding in
sosuah a, ama ukna sunga, om kha mite kheltatna leh sisan luan’na ah va mahmah
hi. Minam kikal a, gal kido ding khawng a ngimna pipen hi pen a, Pasian nilian
ni a galdo dingin mihing lungsimte a zawh theih nadingin, zongsangh khol sak
hi.” GC 588, 589.
“Tuahsiatna,
tuipi leh leitung pan, gamkang pan, khuapi kipei, gialpi kia pan, tui ciin pan,
pingpei pan, tuihualpi pan, zinlingpi te pan tawh mun citengah anam tuamtuam
nam tul bangin Satan in ama vangliatna zangin piangsak hi. Ankung minta khawng
phiat mai sak a, kialpi tung pah hi. Huih lak ah natna-gilote sawh in, khah a,
tul tampi pi in sih lawh uh hi. Hih bang siatnate hong ki nawh semsem ding a,
kibuai semsem ding hi. Mihingte leh ganhing te hong susia ding hi. Leitung in
thuum in, tau in, a vul cip ding hi. A kiphasak mihingte cimawh in a bah ding
uh hi. Leitung mahmah zong a sung aa tengte bawl in a nin ding hi. Bang hang
hiam cih leh, amau in thukham a palsat uh hi. A tawntung thuciam a kisia sak uh
hi.” Isa. 24:4,5, GC 589,590.
“Khemna
lian nunung ih mai ah kilang baih ta ding hi. Anti-Khris in na lamdang ih mai
ah bawl ta ding hi. Laisiangtho kammal bang linlian ih let kei leh amaan ding
mah tawh ki bang lua mawk ahih ciangin, atatak leh a zuau ih khentel thei kei
kha ding hi.” GC 593.
“A
sawt lo in Pasian nasemte leh asem lote kikal ah kidona piang ding hi. A sawt
lo in a kisingkhia thei khempeuh kisingkhia ta ding hi. A ki sing khia thei lo
het teng bek cian ding hi. Tua ciangin, dawi gilo te in kiim uum sa in, Satan
hong ki lang ding a, “Kei mah Pasian ka hihi,” hong ci ding hi. A teel sa te
teek teek mah zong a khem zawh leh khem dingin na lamdang namkim hong bawl ding
hi.
“ A
ki ze-et, aki zol Pasian mi muanhuaite in, amau vang liatna let mat Ex.
31:12-18 ah na ngah ding uh hi. Amaute in anungta kammal, “Kigelh hi” cih
kammal tung bek ah ding kip ding uh hi. Tua bang bek mah din’ mun muanhuai ahi
bek ding hi. Tua hun a, Pasian tawh kiciam aa, ciampel mite ah ahih leh, Pasian
neilo, lamet omlo ahi ta uh hi.” 9T 15,16 (3 TT 284, 215).
SATAN ZUAU SIAMNATE
“A kisia mi ih cih peuh mah te in,
Satan in khem theihna namkim tawh na lamdangte a bawl na nung a, gupna ngahna
ding thumaan itna neilo a, asang lote ahi hi. Tua bang mite Pasian khuan piaka
hong pai khemna zuau thu a um khate ahi uh hi.” 2 Thess. 2:9-11.
“Mihing asih khit teh a phawk thei
kha khat pusuak ci a upna leh Sunday sian’tho sak na ding thu tawh hih thu nih
zangin Satan in mite khem hi.” GC 588.
“Tua hun hong tung baih ding hi.
Eite in Jehovah khut ih len ten tan ding hi. Hih na lam dang bawl nate in,
Pasian mite khem a sawn paih nading deihna a, dawi gilo te bawl ahi hi.” EW.
60.
“Hih Sikha hopihna vai in, dawi upna
leh sikha zuau khemna ding kong vang zapi in hong aa, tua mah zangin dawi gilo
te in pawlpi sing zo thei pen hi.” GC 604.
“Tua sikha te kiang pan in thu ki za
ding a, Pasian in, leitung upadite zong vantung upadi mah bang a zuih ding hi
a, Sunday nialte zong aki khel uh kul ding hi va hilh un, hong ci hi, ci-in gen
ding uh hi. Amaute in leitung a gitloh luatna khawngte lungkham in kithum sak
ding uh a, biakna nasemte in a lung hih mawh bang keek mah in ki lung hi mawh
sak in, Sunday siangtho tak a a ki tan’ noplohna hang hi, ci-in ngawh ding uh
hi. Amaute’ teci pan’na asang nuam lote tungah heh mahmah ding uh hi.” GC 591.
“Pasian ah, belh lai hih na a bulpi
in, ki-itna neihna ahihi. Ahih hangin tua nangawn kiam semsem ding a, sia leh
pha, khen tel hak zo phial ding hi. Thukham sawmte bang zong thu sisa bang in
kihilh zaw ta ding hi. Bil thak a, mot gualnopna zui in, Laisiangtho pen upna
ngahna dingin zong nial sak zaw ta ding uh hi. Khris mahmah zong ni dang a
akinial ngeisa mah bang in kinial ding a, mite in tua khemna pen sittel selo
sawnsawn uh hi.” GC 558.
“Tuni nunung a kisiatna hun ih tung
ta hi. Mi kim khat, tampi khop mah in thu upna pan pialkhia in, dawi gilote
khemna asang ding uh hi. Na lai simte na thu zakte ki dawm in, Sikha hopihna
thu deuh deuh ah lawp kha kei in. Satan in mihing te a guuk mang theih nading
pang gige a, a va kihel khate peuh mah khim in khemna tawh ngah hi. Amah in tua
upna ava dawpte peuh mah a vangliatna tawh manpah lian in, zo zel hi.” MM 101,
102.
“Satan in leitung a khem zawh nading
asiam theih tawp, sawtpi a kipan akigin’ kholh niloh ahihi. Ama nasep kipatna
Eden huan a, Eve kiangah, “Na si takpi kei ding hi,” a cih phet a kipan in abul
a pan pah ahi ta hi. Na nek ni un, na mit uh hong kihong ding a, Pasian te bang
in sia leh pha, na khentel thei ding uh hi. Gen. 3:4,5. Sikha hopihna tawh,
amah in mite a khem theih na ding tawmtawm in, damdam in behlap toto ding hi. A
ngimna teng cin’ khin nailo a, ahih hangin hun bei petmah ding ciangin a cin’
khin ding hi. Kamsangpa genna ah: “Uiphuk bang kih huai khanam thum ka mu a,
amaute in dawi gilote kha hi uh a, na lamdangte bawl in galkido ding in ki khawm
sak hi,” ci hi. Mang. 16:13,14, GC 561, 562.
“Sawltak te in, tua kha zuau te pen,
laisiangtho thupiak a kigelh te tawh a ki leh bulh a, aki bawl hi, ci uh hi.”
GC 557.
“Tua hun mah in nuai lam pan zong
vangliatna tawh akisem ding hi. Pasian in hehpihna nasepna ah, aki-ap kusale te
azat mah bangin, Satan in zong ama ukna sunga kipia mite zangin nasem a, topa
tampi leh pasian tampi om ding hi. En un, hi lai ah Khris om hi, huai lai ah om
hi, a ci ki za ding hi. Satan koppih na tawh mite in, a sep ding uh a om bang
sem lo in, lampial uh, mun citeng ah kimu ding hi. Lim leh na lamdang te om
ding hi. Upna gil nei mite in ahih leh, tua hong pa tau sak nate aki dawk dan
te telsit set ding uh a, Pasian mite’n ahih leh, zawhna ngah veve ding uh hi.”
9 T 47.
“Tu hun a hong ki dawk zia te, hun
masa lai a asepna te sangin (khitmi) ki lawm zaw mah mah a, akhem dan te zong
nakpi in siam zaw ahih manin lauhuai zaw kan mahmah lai hi. A hun masa lai in
Khris leh Laisiangtho bang anial hi a, tu in tua tegel bang thukimpih mahmah
zaw leu leu hi. Laisiangtho pen, alungsim ki thaksak lopite deihna tawh akilem
thei dingin, kitei ding a; tua pen in alaibu thumaan gil pen anei nawnlo ding a
kibawl ahihi.” GC 578.
“Mi tampi in sikha hopihna pen
mihing nasepna hi lel, ci in sehsak phot ding a, ahih hangin kudai a ava sin
ciangin amau bawl theih loh na ahih teh, mihing bawl mawk hi lo Pasian vang
lian hi takpi hi, ci in um kha zel ding uh a, tua bang mite khemna thangah a
awk ahi zel ding uh hi.” GC 553.
Hun beina ding nai ta a, lawkite
vang liatna hong khang semsem ding a, lawkite’ Pasian vangliatna te hong dawk
ding a leitung khuapite ah amau kudai hong ki lak ding uh a, amau nasepna zia
ding, aki panpan ta ahong hi ding hi.” TM 117, 118.
“Tua bang in thumaan leh thukhial
kikal a, kidona lianpi hong om ding hi. Van pan in Khris nung zuite tungah
nuntakna thak leh khuavak thak hong kum lai tak in, nuai lam pan in zong Satan
thapiak nuntakna thak mah hong pokhia zel hi. Leitung na khempeuh haksa in, ki
thasan tek hi. Kum zalom khawk tampi sung gilo kumpi pa in, Zuau ngian siamna
tawh mihingte akhem ngitnget hi. Amah in ahoih vantung mi bangin kilak in,
mipite in tua khembawlna dawi gilo te kha thu upna ah a lawp khazel uh hi.” 1
Tim. 4:1, DA 257.
“Khuamial kumpipa in alungsim ngiansiamna
khempeuh mite khemna in zang a, siam thei tak in mite a din’ mun tek tawh
kituak in a zol hi. Mi teisa te lak ah, tua sikha hopihna tawh mai anawt zaw
lai, asang zaw pilna ngah ding in zol a, mi tampi a thang ah a awk uh hi. Tua
sikha te pil na pen, van pan hong kum suk hi lo in, leitung pilna ngaihsut tawm
ahi, dawite thu ahihi, ci-in Sawltak James in gen hi. James 3:15. Hih pen mi
khem siampipa in, a ngimnate a tangtun’ theih nading in hum cip phot hi. Gamlak
a Khris a ze-et laitak in, vantung mi vanglian pen bang a aki lah ngeisa mah
bangin, mihing te mai ah khuavak vantung mi bangin a deih huai thei penpen in
hong ki dawk ding hi. Amah in thu lian pipite gen in, mite “Rapture aki ci mite
kikhelna thute khawng thupi asa bangin mi up theih nading in hong zang ding hi.
Van sangpipi khawng a aki len theihna khawng, mi makai te in thupi a sakte uh
pahtak pih bawl ding a, amau pilna ah kisa thei in, a tawntung Pa pen sim mawh
sak ding hi.” GC 553, 554.
“Vantung ah mihing bawl theih loh
ding nate hong kilak ding a, tua pen dawi vangliatna tawh ki bawl na lamdang
hong hi ding hi. Dawi gilo te kha te leitung kumpi te kiang ah pai in, leitung
bu a ami khem nasep uh ahat theih nadingin, amaute Satan tawh kipawl dingin zol
in, vantung kumpipa langdo ding in a sem uh hi. Tua kusale te zangin, Ukpa te
leh amite uh, akibangin khemna thuakte ahi khawm uh hi. Mite thokhia in, amah
mah Khris in ki bawl in, leitung gumpa za-ah kikoih in, kibia sak ding hi.
Vantung pan a ahong kipia hi ci-in na lamdang pipi bawl in, cina te dam sak
ding uh a, ahih hang in a taktak in ci leng, Laisiangtho langdo a nasem te a hi
gige zaw uh hi.” GC 624.
“Lamdang nasa kei un, Satan mahmah
in zong khuavak vantung mi bangin hong ki bawl ding hi. Tua hi a, a pawlte laka
siate in zong, thumaan siate bang mah a, ahong ki bawl ding pen, thu lamdang hi
nawn lo hi. Amaute thaman pen a gamtatna bang tek uh, ngah ding uh ahi lel hi.”
2 Kor. 11:14,15.
“Tua ciangin migilote hong kilang
ding a, Topa in akam pana hong pusuak huu tawh amaute sumai mang ding a, hong
paina vantung in amaute a vat mai ding hi. Amah in Satan vang tawh lim leh na
lam dang ki bawlte nungah hong pai ding a gupna thumaan asang lo a, thu zuau
tawh khem theih a, ana omte a vek pi un, a kisia khin ding uh hi. Tua bang mah
in Pasian in tua khemna khauh amaute lak ah sawl a, thumaan umlo, thumaan lo a
nop asa thei, zuauthu um thei dingte, mawhsakna thuak nading ahihi.” 2 Thess.
2:18-12.
Khemna lakah a thupi pen khat in,
Satan amah mah Khris a, aki bawl na ahihi. Pawlpi in sau veipi a, alam et uh
Gumpa hong pai ding pen, amau mah mai man’na ding ahi ta zaw hi. Tu in mi
khempeuh bupipa in, Khris hong pai hi, ci-in amah mah hong ki lak ding hi.
Leitung mun tuamtuam ah, minthan’na tawh Satan hong ki lak ding a, Mangmuhna
sunga John in Pasian tapa amuh dan hong zil ding hi. Mang. 1:13-15.
Amah akiim uum vangliatna pen mihing
muh ngei tua kheng om lo hi. Zawhna tangkona huih lakah ging a, Khris hong pai
hi. Khris hong pai hi, kici hi. Mite bok in amai ah bia uh a, tua lai tak in
amah in akhut lamto in, Khris in leitung a omlai a, anung zuite thupha a piak
bang in, aom mite thupha pia ta zen hi. A awte nem in kulgin’ a ngaih hi. Gumpa
in, vantung thumaan hehpihna tawh apiakte mah bangin aw gin dan, awnem in,
kitel in, siang hi. Cinate dam sak a, Khris bawl ngeite mah bang sak in,
Sabbath pen Sunday tawh aki laih hi a, thupha zong ka piaksa hi, ci-in gen ding
hi. Ni sagih ni siangtho taka tang tentan a, khuavak leh thumaan tawh kong sawl
ka vantung mite thupiak ana manglote, kei ma min ahong dem, a hong gensia hi,
ki ci sak hi. Hih thu pen khemna zosiat a, a bul pen akhauh pen ahihi.” GC 624.
“Satan in gamteng la in, amah Khris
in ki bawl hi. Na khempeuh ahi lo lamlam in lak a, bulh kawi kawi in, ahih
theih khempeuh lumlet in, a teelsa te nangawn khem hi. Ei hun mahmah in tua
nasep ki pan zo a, zom toto lai ding a, innkuan bupbup in, khat vei lai a, thu
maan a lungkim sate nangawn tua khemna ah a upna sa uh bei in, khat vei lai a,
akop pih ngei sa uh a it uh a Topa uh a taan ding uh hi.” TM 411.
“Satan in a teel sa te teek mah khem
ding in hong kuan ding na thei hiam? Amah in Khris ka hi, ci ding a, cidamna
thupha mangpa taktak in hong ki bawl ding hi. Amah Pasian hi, ci-in aki up
theih na dingin, van pan meikuangte kiasak ding hi. Eite in Laisiangtho sung
thumaan tawh ih kidal ding hi. Sp. T.B. No. 6p.33.
“Satan in mihing bangin hong kilang
bek lo in, Zeisu Khris in hong kibawl ding hi. Tua ciangin thumaan nial mite in
amah topate Topa, kumpite Kumpi in sang ding uh hi.” 5 BC 1106.
KHEMNA DAL NADING
“Pasian vangliatna leh a thu kammal
om bang lian upna tawh aki keem te lo buang, hih khemna sungah kinil khin ding
hi. Mite in hih leitung thu sungah lusu ding uh a, Pasian hehna hong kibuak
khiat ciangin khang lo phing ding uh hi.” GC 562.
“Satan in na lamdangte abawl
ciangin, mite in amah Pasian asak khak nading uh ahun hong nai ta hi. Lim
kilakte, na lam dang kibawl in, ahih theih leh teelsate nangawn akhem nading a,
kiseh toto ahihi. Mite suahtak theih nading pen, tua nate akibawl ciangin
thumaan omsa tawh akilem hiam? sittelna bek ahihi. Hih leitung abei mateng’ hih
thu na taang ko den un,” MM 14,15.
“A hih hangin Pasian mite in lam
khial lo ding uh hi. Bang hang hiam cih leh hih Khris zuau hilh nate pen
Laisiangtho tawh ki bang lo ding hi. Sapi leh a milim biate tunga athupha piak
khawngte Laisiangtho in, Pasian hehna bang mah tawh kihel lo, kibuak hi, acih
pen hi zaw sop ta hi. Laisiangtho teltak a asittel, thumaan itna aneite bek mah
in, hih leitung bup khemna lianpi tawh a uk cip pa vang pan in a suakta ding uh
hi. GC 625.
SIKHA HOPIHNA PAN KIKEPNA
“Hih sikha hopihna in thu azawh zia,
alauhuai zia a tel thei mi tawm bek mah om hi. Amaute in aki phal lo mun ah
ding ngam uh a, hih vanglian susia pa in amaute deihna teng huam in zo hi. Ama
lam lahna bangin khat vei peuh mah akaih zawh nading hanciam in uk gawp hi.
Amaute hanta bek tawh, hih zolna a bilthak, alusu sak thu zawh theih hi lo hi.
Kha te awkna ding a, nau awih banga ki awi thangsiahna panin, upna tawh thunget
hangin Pasian in vangliatn tawh ahuh ding lo ngal zawh theihna lampi dang omlo
hi.” GC 558.
“Kha hopihna pan kidal nadingin,
Pasian kammal maan takin thei a amun maan ah bulh thei ding kisam hi. Pasian
kammal in tel takin thei a amun maan ah bulh thei ding kisam hi. Pasian kammal
in tel tak in lak a, thumaan sik kual khaute sikkawi aki bulh bang ahihi. Amau
ut bang a zuih loh nading un kitel takin lak hi. Hih kisiatna lak panin tua
thumaan in ahum ding hi.” IT 344, 345 (1 TT 119, 120).
