“Mi a it thei lungsim”
Ireland gam pan Thupuak: Theda
Kei pen tagah innkuan panin ka khangkhia hi. Ka nu in kum tampi
sung Pasian’na sem hi. Kum 18 ka phak ciangin inn pan ka paikhia hi. Lawm le
gual, kikholhpih khat khit khat ka laih hi. Nuamsa-in zu tawh kidiah khangno
khat ka suak hi. Ni khat nangawn zu dawn lo-in ka om thei kei hi. Tua pi mah
zato khat ah nurse semin ka om hi. Ka kikhel nadingin ka nu in kum 10 val bang
thu hong ngetsak tawntung hi.
Kum 30 ka cin ciangin khuk natna ka ngah hi. Koi mah pai thei lo,
cim ka hih manin ka nu in laisim ding hong pia hi. Laisim bel nuam ka sa hi.
Tua bangin ka laisimte lakah “ Vantungmite’ thu” cih laibu khat ka sim kha hi.
Tua laibu sungah “ ni khat, nai khat, tawl khat sung beek nangawnin vantung Pa
tungah a ki-ap lo mi lauhuai hi” ci-in ka sim kha hi. Ama vantungmite in eite
hong cing hong kem tawntung uh hi. Amau kepna sungah a om mi in bang bang
lauhuai a tuahkhak hangin patauh kisam lo, muanhuai hi” ci-in ka sim hi.
Nitak khat ka lupna tungah tu-in ka thangpaai mahmah hi. Zu dawn
pen hoih ka sa kei hi. Ahi zongin a ngawl zo kei hi. Bangci bangin ngawl zo
ding ka hiam, ci-in ka ngaihsun hi. Tua leh thakhat thu-in khensatna khat ka
nei hi. Ka zu thawl khempeuh dailenbuk sungah ka paikhia hi. Ka kikholhpih zu
dawnte tawh ka kikhawl nawn kei hi. Ka omna khua panin khua dang khat ah ka
teng a, biakinn zuanin ka kikhawm hi.
Ahi zongin a sawt lo khatteh zu ka dawn kik hi. Ahi zongin Pasian
in hong sam kik hi. Zu dawn ngei nawn lo dingin pastor kiangah ka pulaak hi.
Tun ngawl kei leng cihmahin ngawl zo nawn lo ding cih ka thei hi.
Ka nasepna pan ni 7 sung nasep tawlnga dingin nasep kuanlo-in inn
ah ka om hi. A masa ni thum sung tawntung Pasian tungah ka ki-ap, zu ngawl
zawhna ding thu ka ngen hi. Tui a kipan singgah tui cihte ka dawn hi. Singgah
cihte ka ne hi. Ka pumpi sungah om zu khempeuh paikhia mangkhin hi. US
panin thugensia khat in thugenna hong nei a, thungai-in tui ka kiphum hi.
Cidamna thu ka lunglut mahmah hi. Dublin khuapi saklamah Cuisle
center ah Tuesday le Thursday sialin nasemin ka om hi. Zingsang khat hih center
ah nektheih khat tawi-in ka pai hi. Papi khat, sam hiat lo, ahi tiltel khat
cycle tuangin hong pai hi. Ken zong “ dam maw, pu. Bang hong huh ding ka hiam”
ci-in ka hopih hi. “ Ka si tehnuam ing” ci-in hong dawng hi. “Ka nek ding khat
hong pia in. A nek ding mehtui suanglumsakin, ka pia hi. Hih mipa pen thudik mahmah
khat hi, ci-in ka thei hi. Pasian zahin ka ngaihsun hi. Hih pa in vun cancer
nei, a gim mahmah khat hi. A puan ka laihsak hi. Biakinn ah paipihin, thu ka
ngen khawm uh hi. Khukdin thei, thungen thei lo hi. “ Ka thuak thu tampi om,
biakna makai khat in hong bawlsia ahih manin palik zum ah khia ding ka khensat
hi,” ci-in hong gen hi. Ka nihun thu ka ngen khawm uh hi. Kha guk sung tua
bangin biakinn ah hong kikhawmin thu ka ngen khawm uh hi. Ni khat a inn ah ka
pai hi. A inn pen siangtho mahmah hi. Inn sungteng ah Jesus lim veve kisuang
hi. “ Hihte enkawmin thu ka ngen hi,’ ci-in hong gen hi. Tua bangin ka om
laitak ka lungsim ah Cuisle Center ah va pai in ci-in hong sawl khat om hi,
ci-in hong gen hi. A pai ngei lohna mun ahih manin lampi theilo-in hong pai hi.
A lungsim ah a suak khia bangbangin hong pai pai hi. Mun khat a tunteh kileh
kik ding cih hong ngaihsunin inn khat kileh kikin, tua bangin Cuisle Center
hong tung thei hi.
Hih papi pa in zatep kidek nuam ahih manin zatek kidekna ah ka pai
sak hi. Amah zong tawl khat sung kideek zong napi, zatep kikin, biakinn pai
ding maizum hi. A inn ah va hawhin kikhawm ding ka zol hi. Amah zong biakinn
kikhawm ding lunggulh ahih manin hong kikhawm kik hi.
Pasian in mi kim khat lungsim ah mi it theihna lungsim guan
hi. Hih Cuisle center ah kimlepaam panin lunggim, dongtuak mite in nuamsa
mahmah uh hi. Ireland gam in tuikulh khat hi. Hih gamah gul khat zong om
lo hi. Bui, sacia, tum, sazuk cihte zong om lo hi. Tu quarter leitungbup
Sabbath School sumpi in Dublin khuapi ah SDA biakinn lamna dingin kipuak ding
hi.
MUC in Laibung Khuathaka pawlpi huhna dingin kipuak ding hi. Mai Sabbath ah Mission news sim ding numei khat seh in.
Mission News Cover and Background
