Ireland Gam pan
Thupuak: Elizabeth le Mercha
“Ka min Elizabeth hi. Unau kua ka
pha uh a, pasal nei masa penpen ka hi hi. Ka pasal tawh kiten zawh kha thum
khitteh kikhen ka hih manun a kamsia khat ka hi hi. Ka pasal in hong vua vua
ahih manin a kikhen ka hi uh a, ka pa kiang ka gen hangin hih thu tel thei lo
hi. Kei bek bek hong mawhsakin, mi ginalo khat bangin hong ngaihsun hi.
1980 kumin tumging tuamtuam a tum
kipawlna khat ah ka lut a, taamngai ka tum hi. Tua kum mahin ka vek un USA ka
pai uh hi. USA ka om sungun mawtaw tawh tai 20,000 bang ka zin uh a, ni 71
sungin 63 vei bang tumging ka tum uh hi. Hih ka khualzinna panun Mercha tawh ka
kithei kha hi. Amah zong taamngai tum khat mah hi-in, ka kikholhna uh hong
sawtin ka kiteng uh hi.
Kum khat khitteh nau ka nei uh hi.
Mercha tawh nuntakkhop ka sa hi. Ahi zong in Elizabeth in inn a va ciah sialin
a kapsa-in a pasal kiang hong zuan kik den hi. A pasal Mercha in lamdangsa-in
bang hangin kap na hiam, ci-in dong hi. Elizabeth in a nu le pa kiang a hawh
sialin, nawlkhin tuak kha den hi. Tua hi-in biakna kici peuhmah awlmawhlo
dingin ngaihsun hi. Ahi zongin Elizabeth in am nu le pa omzia le Mercha’ nu le
pa omzia a etkak ciangin Mercha’ nu le pa in nuamsa, lungnuam, mi it uh ahih
manin lamdangsa hi. Tua hun laitakin Mercha in SDA a suah nai loh hangin Mercha
nu le pa in Elizabeth hoihtak hopih in it uh hi. Mercha’ pa in Romania gam ah
Adventist pawlpi makai khat hi-in, buai-na tuamtuam lemtuahin Romania gam mun
tuamtuam ah zin kawikawi hi.
Khat veivei Mercha’ nu le pa in
Elizabeth inn ah va hawh zel uh hi. Elizabeth innkuan in Pasian i it nak leh
Sabbath tawlnga kei taleng, Pasian in hong it veve hi, ci-in Sabbath awlmawh lo
uh hi. Mercha’ nu le pa in bel Saturday ni-in bang mah sem lo uh hi. Amau
innkuan nopsa mahmah uh hi. Hih bang hun sungin Mercha in Sabbath thu hong kan
khia hi. Mercha in orchestra kici tumging tum kipawlna ah kihel in Saturday
ni-in tumging tumin pai den ahih manin Sabbath tawlnga thei lo hi. Tua bang
teng tawh ni khat Mercha in cycle a tuanna ah tuahsia hi. Mawtaw khat in a nung
panin nakpi takin phu-khaa ahih manin a cycle huih lakah pi 20 bang kilawn to
hi. Pasian in sihna ding panin honkhia hi. A violin bel zat theih ding hi nawn
lo hi. Mercha in a tuahsiatna hangin liamna tampi nei hi. Pasian in a si ding
dinmun panin a hotkhiatna hangin Mercha in a beisa-in a nunzia ngaihsun kik in,
2007 ciangin tui kiphum hi.Elizabeth in tuiphum ding khensat nai lo hi.
Catholic biakna sungah lungnopna ngah kisa lo ahih manin 2014 kumin pastor Mark
Finley leh Dr. Michael Hasel in Pasian thuhilhna-a Elizabeth zong nitak sial
thungai den hi. Ahi zongin tui kiphum ding khensat thei nai lo hi. A kigen
thute hoihsa, man sa mahmah hi. 2016 kum February kha sungin tui kiphum hi.
Elizabeth in Mercha’ nu le pa gamtat
zia le tong hoih a muh ciangin SDA pawlpi sungah tui kiphum ding hong khensat
ahi hi.
I gamtat zia le tong in thuhilhna
lian penpen ahi hi.
Irish mite bup 90% in Roman Catholic
biakna zui uh hi. Ahi zongin 30% bek kikhawm uh hi. Tu quarter 13th
Sabbath School sumpi in Irish gamah biakinn lam nadingin kipuak ding hi.
MUC in Laibung khuathak a pawlpi
huhna dingin kipuak ding hi.
