General Conference ah Kipawlna pen Gupna Lampi Dingin Pasian in Seh Ngeilo

General Conference ah Kipawlna pen Gupna Lampi Dingin Pasian in Seh Ngeilo

Dotna:

Sawm ah khat vai pen PU ZO SIAM A genna tawh kizui in, S.D.A pawlpi pen sumpi a kizopna om kei leh ei thu a hici kitai pen Gupna ki ngahlo lawh di ai hiam? GC tawh i kizopkeh upna lampial cih 1 gen ven ah Hihthu 2 vaipen sia nonggen thei tam? Hun na ngah hunkhat ah a tuam vilvel in hongpia le cin lunggulh ing sia aw.

Thupatna:

Tu naidiakin hih atunga dotna apiangsak thuhilhna khat om hi. 2010 March in zong Kalemyo ah tua dan mah RB Tongluan:  Adventist Thukizakna[1]  panin “I PAWLPI ADVENTIST cih thulu tawh ongsuak ngei hi. Tua man in hihvai pen Zomi Adventists sungah a lunghihmawh huai thulianpi khat ongsuak hi.

RB Tongluan sunga agenna bang ah;

. . .  .ei zong Kalay circle, Tamu circle cih bangin I om ziazua leuleu hi. Kalay circle leader Pr Ngo Khaw Nang, Pr Vanlalchhawnna leh Tamu Circle leader Pr Khai Lian Mang cihte tawh a kizom lo, Adventist aki ci pong mawk, Kalaymyo leh Tamu huam sungah a om leh, atunga om bulpi khempeuh tawh zong aki zomlo hi a, Pasian in zong NOTE KONG THEI NGEIKEI HI(Matt 25:12) cih san lel ding hi.

Hidante in eimi SDA sunga gupna thu iteldan le pomdan omzia onglak ahigige hi -- Gupna thu LST gen telzo nailo maw, sangzolo zaw maw hiam khat hiding hi. Aihkeh, EGWhite laigelh bek muanglua maw? Aihkeh, I Bylaws le Working Policy muanglua maw? Aihkeh pawlpi muanglua maw? Aihkeh isiate in ipawlpi pomdan tello uh-a, ong hilhcian lo uh maw? Cih dotna tampi ka lungsim ah ong kigual deudau pah mawk hi -- Hihte hanga gupna thu abuaipih mahmah nilohlai hilehang kilawm hi.

Tua manin atunga dotna teng a huamthei pen dingin, LST le SDA-te dinmun diktak pulakna(EGW, SDA Believe. . . )cihte mah siksanin anuai-a bangin kong hawmsawn hi. Siksan laibute tawh kisai akicingin laimai nunung pen ah “Endnotes” in kiguang hi.

Gupna Ngahzia:

Lai Siangtho Bulphuha Dawnna:

Ataktakin gupna pen, sumpi le 10-a-1 piak man, GC tawh kizop man a kingah hilo hi. Tua dan ding hileh, Jesus in, John 14:6 ah “Kei ong suanglo in kuamah Pa kiang atung kei ding hi” cingeilo ding hi. Luke in zong Sawl 4:12 ah “Vannuai leitungah ama(Jesus) min simloh gupna ding mindang a om kei hi” cilo ding hi.

John 3:16 “For God so loved the world that He gave his only begotten Son, that whosoever believes in Him shall not perish, but have eternal life”

Jesus a umte gupna ngah ding cihna hi, bangci up cih pen ei khensat ding hilo-a, Gupna pia dingpa thukhensat ding ahi hi. Himun ah Jesus tawh o-in gupna ding lampi PS piak omlo cihna hi.

John 14:6 “Jesus said to him, “I am the way, and the truth, and the life, no one comes to the Father but through me”

Hih LST mun in, Pa kiang tun nading lampi pen Jesus tungtawn simloh, adang omlo cih kiciansak mahmah hi — “Kale circle leader Pr Ngo Khaw Nang,  Pr Vanlalchhawna, Tamu circle leader  Pr Khai Lian Mang cihte tawh a kizom lo.  . . “, cihna le Local Conference/mission, union, division, GC,  tua pan Jesus kiang kizuan hi, cihtheih nading idea khatzong omlo hi.  Vantung pai nadinga totding SDA lampi, RC lampi cihdante pawl zong vakiguang theilo hi—Jesus tawh direct-a kizopna bek hia, exclusive mahmah cih ong lak hi.

Sawltak 4:12 “And there is salvation in on one else, for there is no other name under heaven that has been given among men by which we must be saved” (NASB).

Hih LST mun in, Jesus min simloh, gupngah nadinga, muan le suan ding min dang omlo, ci hi. Leitung a gupna pia dinga kisawl agency, organization, pawlpi, le mimal khat mahmah zong Pasian in ap neilo cihna lak hi.Kale circle le Tamu circle, mission, union, SSD, GC cihte le Seventh-day Adventists min nangawn zong suangtheih hilo, cihna hi.

Romans 1:17 “. . . . The just shall live by faith”

Hih mun in gupngah nuamte adingin PS tungah upna le muanna le bek tawh nuntak ding hia, PS tungah na khempeuh nga ding cihna (context Habakuk 2:4 pan ) ahi hi.

Romans 4   Abraham ngah diktansakna pen Abraham le Pasian kikaal direct-a kizopna pan piang hizaw cihna hi.

Romans 5:6-12: “Much more than, having now been justified by His blood, we shall be saved from the wrath of God through Him”(9),”And now only this, but we also exult in God through our Lord Jesus  Christ, through whom we have now received the reconciliation. Therefore, just as through one man sin entered into the word, and death through sin and so death spread to all men because all sinned(11,12)

Gupna ong paizia leh ingahzia ah ettheih dingin mi 2 bek om hi—Khrist le Adam hi. Diktanna a hong luankhiatna le apia pen Christ hi-a,  mawhna kipatna  pen Adam hi, cihna hi---GC le Division, Union, Local Conference/mission—“Kale Cirlce ah Pr Ngo Khaw Nang, Pr Vanlalchhawna leh, Tamu Circle Pr Khai Lian Mang tawh kizomlote Pasian in note kong thei ngeikei cihsan lel ding hi”, cih gawpgawpte pawl ading siksan omlo hi.

Ephesians 2:8 “For by grace you have been saved through faith; and that not of yourselves, it is the gift of God; . . “

Mimal in Jesus a up mana hehpihna tawh Pasian piak hibeka, ei utthu-a ngah thei zong hilo hi. Tua mahbangin, ei utloh thu le deihsakloh mana midang ading akidalsak thei zong hilo cihna hi.—GC cihte in mimal gupna, deihsaklua-in zong va pia theilo, GC tawh kizoploh manin zong va daltan theilo hi--Pasian in tua bangdingin lampi khunglo hi.

Rev 5:9-10 “for You were slain, and purchased for God with Your blood men from every tribe and tongue and people and nation. You have made them to be a kingdom and priests to ou r God; and they will reign upon the earth.”

Tokhom maia Lasate sakna ah: “You” acih uh thahna thuak Jesus bek hi. Tuapa bek in asisan tawh ong lei, siampi ong suaksak, hi cina hi. Hih mun in zong GC, SSD, Union, le Local Conference/mission, Kale circle, Tamu circle  khatpeuh tawh kizoploh-in cihna ding idea ong guanlo hi.

Protestant Upna bulphuha Dawnna:

Catholic pawlpi in vangliatna, thuneihna adeihlaitak un, doctrine atuamtuam bawl tawmin zang uh hi. Atawpna ah Roman Catholic bek Pasian pawlpi hi, tua sunga omlote gupna ngahlo ding hi, cih tun uh hi. Gupna ngah nadingin Sacrament 7 neih loh phamawh ci uh hi. Tua sacrament-te pen siampite bek in piaktheih septheih ci selai uh hi. Siampi pa lungkimloin apiaklohte, sacrament angahlo suaka, ama adingin siampipa in gupna lampi ahonsaklo cih dinmun tung hi.---Siampite tungah citak, thumang ding deihna hi. Siampite lah Pope tungah citak ding nahito zel hi. Tuamanin RC tawh kizom hamtang ding, le pawlpi tungah citakin kizom ding cihna hi.—Tualo in gupna lampi a omlo suah uh hi.[2]

Tua thu LST atelsim theih uh ciangin Luther, Calvin, le reformer tampite in puahpha uh hi. Amau bulphuh deuh pen Roman, Galatians, Ephesians, Titus, cihte sung a Paul gelh gupngahzia  thute ahi hi—Upna hangbekin Pasian Hehpihna in Gupna ong pia cih thu(sola gratia), gupna adingin, PS le mimal kikaal ah Siampi Jesus simloh palai kuamah kisamlo hi, cihte ahi hi.

SDA Doctrine Bulphuha Dawnna: ³

Hih ibulphuh Seventh-day Adventist Believe . . . .icih laibu pen Seventh-day Adventists Believe: A Biblical Exposition of 28 Fundamental Doctrines hi.  1980 kum-a kikhen khia hi. Tuama, 1880-1888 dongin Diktanna thu(Justification by faith thu buaina lianpi om hi. 1920-30 gualin I pawlpi sung ah Gupna thu le Jesus Mihing maw Pasian (Christology le Sotereology) thu kinialna nasiatakin om hi. 1953 gualciangin Dr Warren Martin te dotna SDA siapite thudawnna hangin pawlsung pawlpua panin ipawlpi upna thugui tawh kisai kinialna om leu leu hi. 1970-80 sungin Dr Desmon Ford le biakbuk thu a genzia tawh kisai-in buaina lianpi khat ong om leuleu hi. Tua ziakin leitungbup makaipi teng, theologian teng kimuhkhopna panin ipawlpi dinmun etphatna leh pulakna ong bawlkik uh hi—tua thute pen laibu in ong bawlkhia uha, hih SDA Believe .  .  .  . icih pen ahi hi. Hihpen idinmun pulaakna nunung pen ahi hi. Hih tawh kituaklo hilhna khempeuh SDA upna hilo hi, cihna ahi hi.

“Seventh-day Adventists Believe . .  . .” , laimai 131 sunga gupna thu tawh kisai agenna mun khat enpak leng:

Midik suahna dan:

Justification: “Those who accept by faith that God has reconciled the world to Him-self in Christ and who submit to Him will receive from God the invaluable gift of Justification with its immediate fruit of peace with God(Romans 5:1). No longer the object of God’s wrath, justified believers have become the objects of God’s favor. With full access to the throne of God through Christ, they receive the power of the Holy Spirit to break down all the barriers or dividing walls of hostility which exists between Jew and gentile (see Eph 2:14-16)”.

Pasian in Jesus Khrish tungtawnin (mite) Amah tawh kilemkikna bawl hi cih upna tawh poma, Ama tung ah akipum apte in, amanphamahmah diktanna le agah lungsim khamunana ngah ding uh hi(Rom 5:1). Pasian hehna pen a maipha piakna in khuhnelh hi. Tua ciangin, Khrist tungtawnin Pasian tokhom zuan thei uh ahihmanin, Jew le Gentle kikal kidalna le kigalmuhna a om teng phukpai-in Khasiangtho vangliatna ngah uh hi( Eph 2:14-15 en in).

Comment:  Gup ngah nadingin Pasian piak mawhmaisakna, diktanna, ngah nadingin Jesus tungtawn simlo adang kuamah kihello ahihna teltakin ong lak hi. GC tawh kizop le zoploh hello hi.

Mawh Maisakna thu agenna: ⁴

1.       Mawhna pen thukham palsatna(1 John 3:4 KJV), a hoih thei napi seplohna(James 4:17 NIV), upna bulphuhlo gamtatna khempeuh(Rom 14:23), PS deihna theia, tuabanga tatlohna, pelhna le Adeihloh lama gamtatna, le Jesus uplohna(John 16:9) cihte ahi hi.

2.     Hih mawhna kici nam peuhmah a palsatte  a mawh uh hia, mawh nei mi ahi hi.

3.     Mawhna pen Lungsim le gamtatna pan: Mawhna pen gamtatna bulphuhin akigenden hangin Jesus in lungsim mawhna zong mawhna mah ci hi (Exo 20:13, 14).

4.     LST in mawhna bawlte mawh nei ci hi. (Rom 3:19)

5.     Mawhna kipatna pen Jesus in, lungsim pan hi ci hi(Prov 4:23; Matt 15:19).   (SDA Believe. . . 102, 103, 104)

Mawh Siansak nading Thu agenna:

6.     “Mimal thahatna le gamtat tawh ‘diknuntakna’ ngah nading hanciamna khempeuh a mawkna hi. Tapa in ong suahtaksak leh asuakta taktak an hi ding uh hi(John 8:36). Banghanghiam cih leh, “Kei tawhlo in bangmah nasem thei kei ding uh hi”(John 15:4, 5) Jesus in ci hi.

7.     Atunga  No. 1 pan 5 dong buaina pen sian sak nading in Pasian sehna lampi pen Jesus tungah upna tawh kizop ding bek ahi hi( SDA Believe. . .105)

Ngaihsut ding Dotna: GC tawh Kizop Kisam maw?

GC tawh kizomlo-in gupna kingah kenteh acite thugen ngaihsunin, SDA Upna Thuguilet tawh akituak hiam cih ngaih sun dih ni. Gupna ngah nadingin atunga No 1- 5 sunga om thute ah GC in septheih le huhthei anei hiam?

“SDA Believe . . .  “ sunga agen atunga thute enphapha lehang:

Mawhna pen thukham palsatna hi. Tua palsat pen muhtheih gamtatkhiatna le akimulo lungsima palsatna hi, Jesus in ci hi. GC in mimal lungsima akimu theilo, mawhnate a va sawpsiang thei hiam? Ahihkeh, vantung gam tungnuamte  min sazian piakna enrollment bawl nading munin Pasian in GC seh hiam?

Hilim hoihtakin en phapha in:

Hilhcianna:

1.       Hih lim pen atunga igensa “SDA Believe. . .” Laimai 102, 103 a thute bulphuhin, mimal gupngah nading ah, GC septheih om hiam, cih etna hi:  vei pan tak enlehang-- Khawk masa #- 1 ah nambat;  khawk #-2na ah Mawhna minte;  #-3na ah Mawhnanam -- muhthei le muhtheiloh ahihna;  #-4na ah tuate siansak nadingin GC in septhei nei maw neilo etna, # -5na ah GC kisam le samlo cih etna hi.

2.     Khawk  # -2 sunga om Mawhna khempeuh, pen khawk  #-3 zui-in, muhthei le muhtheihloh mawhna nam 2 hia,  khawk # -4 sunga GC siansak/septheih bangmah om lo  hi. Tuamanin, mi khat gupngah nadingin akisam, “Mawhmaisakna le Diktansakna(Forgiveness and Justification)  pen GC siansaktheih le piaktheih bangmah om kilkello hi. Tua aihmanin,  Khawk # -5 sunga a lah bangin, GC panmun ding bangmah omlo hi. Tua in, gupna ngah theih nadingin GC tawh kizop akisapna khatbeek om miahlo hi, cih pen “SDA Believe. . .”  in ong lahdan ahi hi.

       SDA Church Manual Bulphuha Dawnna

SDA in kipawlna le kipum khatna thupisak mahmah pawlpi khat ahi hi. Amau in, leitung bup zel dingin vanmi 3 Tangkona atangko dingin sawlna ngahin kingaihsun uh hi. Tuamanin, leitungbup nasep zelh nadingin  leitungbup kipawla sepkhop ding kisam hi cin um uh hi. Tua ading, leitung bup kipawlna(organization le administration) adingin thukhunpi ahi Church Manual le Working Policy nei uh hi. Tuate sung ah zong gupna pen GC tawh kizop mana kingah cih genna om ngeilo hi.

GC, Division, Union, Local Conference/mission cihte pen pawlpi kimakaih le nasepkhop nadinga kipawlkhopna le kimakaihna bek ahi hi.

Tua aihleh, GC le SDA Organization Bang Bawl Nading Ahia?

“the church is organized for missionary purpose”—by  EGWhite.

Seventh-day Adventist Church Manual Genna: ⁵

Purposes of Organization

“As our numbers increased, it was evident that without some form of organization there would be great confusion, and the work would not be carried forward successfully. To provide for the support of the ministry, for carrying the work in new fields, for protecting both the churches and the ministry from unworthy members, for holding church property, for the publication of the truth through the press, and for many other objects, organization was indispensable.”—TM 26. (Church Manual, 19^th ed. 2015, rev 2016, laimai 26.)

Kilomkhopna Ngiimnate

“Pawl mimal ong tam ciangin kilomkhopna nam khat om keileh, kibual zelzul dinga, nasep masuan mainawt theilo ding hi. Pawlpi nasepna panpih nading, gamthakte phut nading, akicianlo mite khutsung pan pawlpi nasepna le pawlpi hum nading, pawlpi’ neihsate kepcing nading, laikhetna tawh thuman hawmkhiat nading, le ngimna dangte, ading in kilomkhopna omloh aphamawh khin ahi hi” –TM 26 .

Pawlpi phutmasa pioneer icih-te in organization nei le’ng Catholic dan mahin Institutionalism tawh lampial kikding khalau uh hi. Tua manin 1860 kum in SDA kici tawm uha, 1863 in Sabbath Conference kicitawm-a khuatualdin pawlkhat kipawl in General Conference ong kicitawm pan uh hi. Pawlpi min neihkhit kum 3 zawh ciang kipawlna nei pan cihna hi. Doctrine ciangtan neile’ng tua bulphuh midangte khatpeuh danpiakna om dinga Creed ong suak leuleu ding cihzong khalau uh hi. Tua laitakin Pasian thu lungdamthu tangko nadingin kipawlkhop ding patau kei un cin EGWhite in hanthawn hi---kipawlkhopna(organize) pen Nasepkhiatna ah thahat zawk nading ngimna bulpi bek hia, gupna ading hilo hi.

EGWhite in, “The Church is the divine agency for the salvation of man” cih gelh beka, tua in lah, mimal gupna pia ding le khaktansak nading agency cihna hilo hi—gupna thu mihingte tungah atungsak dinga nasem agency(khutzat) ahiding cihna bek hi.

GC (SDA) Working Policy Genna: ⁶

   47 B ORGANIZATION AND ADMINISTRATION* B 05 Organizational and Operational Principles of Seventh-day Adventist Church Structure Organizational life and procedures in the Seventh-day Adventist Church are based upon the following principles: 1. The Seventh-day Adventist Church is a worldwide community of believers who confess Jesus Christ as Lord and Saviour and who are united in mission, purpose, and belief. The Church defines its internal governance as representative in form with executive responsibility and authority assigned to a variety of entities and institutions and their respective constituencies, boards, and officers through constitutions or articles of incorporation, bylaws, and operating policies and guidelines. 2. Each level of denominational organization has a defined membership, also known as a constituency. These constituency-based levels are: local church, local conference, union conference, and General Conference. (Local missions and union missions have several similarities to local and union conferences, however their operations are defined by General Conference and division policies rather than by a constitution and bylaws. Divisions are established as regional offices of the General Conference and are not considered as constituency-based organizations. Unions of churches, (see B 85) have been established in exceptional circumstances. However, this is not the standard pattern for denominational organization. Institutions may also be described as constituency-based but are not considered as a separate level of denominational organization.) Membership, held in only one constituency at a time, carries the privilege of participation in the deliberations and decision-making of that particular constituency. 3. Organizational status is granted to a constituency as a trust. Organizational status as a local church, local conference/mission, or union conference/mission is not self-generated, automatic, or perpetual.

        

Hih atunga GC Working Policy gente a tomin en leng:

1.       SDA kipawlna pen upna kibang, nasep ding ngimna kibang teng, kipumkhat nading le nasep khop nading kiuk/kimakaih(govermance) nading leitungbup kipawlna hi.

2.     Pawlpi kipawlna adawldawl ah pawlmi cih oma, tuate pen, amun-a om constituency kici hi. Constituency-based kipawlna dawlte pen: khuatual pawlpi(local church), local conference, union conference, le General Confernce ahi hi. (Local mission-te le union mission-te zong local le union conference-te tawh kibangdan mah hia, aihzongin, amau khuasak (operations) dan ding pen, amau constituency pan hilozaw-in, GC le Division in khun sak ding hi, ci hi. . . . constituency mun khat bek ah khatvei bek membership om ding hi. Tuate in amau omna constituency sunga nasep nading committee (decision-making) ah kihel theihna nei uh hi.

3.     Atunga teng en leng, ankampak meel(yellow) tawh highlight kipia laigual tengin kipawlna adawldawl ah kimakaihdan nam 2( conference le mission) om cih lak hi. Tualo meel danga kiciamteh laigual tengin kipawlna huam khat peuh sunga membership neihna in, pawlpi nasep nading ah khensat-piakna(decision-making) ahkiheltheihna nei hi cih hi. Tua pen church board committee, local le union meeting le committee-te ah me piathei, kiheltheihna neih naciang bek hia, gupna ading agenna omlo hi.

Tua aihmanin, GC tawh kizoplohin gupna omlo ding cih a gen kuakua ahizongin, LST gen gupngahzia thuman pan a lampial khin uh hizaw cin ka mu hi.

Sawm-a-Khat le Gupna:

Thupatna:

SDA te in sawma khat le sumpi dang tampi nei uh hi. LST Lui le Thak bulphuhin PS piak thuphate Apiapa tungah cihtakna tawh piakkikna hicin um uh hi. Tuate pen gupkhiatna ngah nading le GC tawh kizopna ahidingin Pasian in gelsak hi cin um uhhiam cih ingaih sun ding hi.

Kikupna: 10-a-1 le Sumpi vai:

Gupna ngah nadingin GC tawh kizop le zoploh in bangmah sailo ahihna LST hilhna le SDA Believe in ong lahna teltakin I en khin hi. Tu in “SDA Believe . . . “ pan Sumpi vai agenna I en leuleu ding hi. Hih vai pen “SDA Believe. . . . “ 21 na ah “Stewardship” cih thulu sungah kimu thei ha, anuaia bang ahi hi:

Seventh-day Adventists Believe . . .   No 21 na “Stewardship”  cih thulu sunga Pomzia Pulaknate anuaia bang ahi hi.  laimai 301⁷

Stewardship“

We are God’s stewards, entrusted by Him with time and opportunities, abilities and possessions, and the blessings of the earth and its resources. We are responsible to Him for their proper use. We acknowledge God’s ownership by faithful service to Him and our fellowmen and by returning tithes and giving offerings for the proclamation of His gospel and the support and growth of His church. Stewardship is a privilege given to us by God for nurture in love and the victory over selfishness and covetousness. The steward rejoices in the blessings that come to others as a result of his faithfulness(Gen 1:26-28;2:15; 1 Chron, 29:14;Hag 1:3-11; Mal 3:8-12; 1Cor 9:9-14; Matt 23:23; 2 Cor 8:1-15; Rom 15:26-27)”.

Zo lai in sim le’ng:

Eite pen hun, siamna, neihsa, zontheihna naak le leitung thupha tuamtuamte  tawh kisai-a Pasian adingin neihsa zeeksiam ding behbul thusapi dinmun ong ki-apte ihihi. Ama adingin, amuntek ah,  tua nate izatsiam ding ahi hi. Ahang in, Ama lungdamna thu tangko nading, tua nasep panpih nading le A pawlpi khansak nadingin, sawm-a-khat le sumpite citaka Amah ipiakkik ciangin Pasian pen nate a neipa hi cih ipomna ahi hi.  Thusapi hihna pen itna buphuh-a imihingpihte kepsiamna tawh angsung khualna le enna  lungsim beisak  nadinga Pasian ong gelsak hamphatna khat ahi hi. Cihtakna hanga gahkhia thuphate midangte tungah atun ciangin thusate lungkimin nuamsa uh  hi.—KKP

Sumpite pen Gupna ngah nadinga kisam cih sangin gupngahte PS tunga cihtakna in gen zaw hi.

SDA Church Manual genna:⁸   

     

·         Upna guipi a let laiteng, kikhop lohmanin, sumpi piaklohmanin  min phiatsak loding hi.

Members Not to Be Removed for Nonattendance—Church leaders should faithfully visit absentee members and encourage them to resume attendance and to enjoy the blessings of worship with the congregation.

When because of age, infirmity, or other unavoidable cause members find it impossible to attend worship services regularly, they should keep in contact with church leaders by letter or other means. However, as long as members are loyal to the doctrines of the Church, nonattendance shall not be considered sufficient cause for removal from membership.(SDA Church Manual, 19^th ed. 2015, rev 2016, p. 66)

·         Thuum mite in sawma-khat le sumpite tawh pawlpi nasepna panpih ding masuan nei uh hi. Ahihzongin, Sumpi piakloh manin Pawlmi hihna pan Phiatlo ding, ci’n Church Manual in siang takin, anuaia bangin thukhung hi. (SDA Church Manual, laimai 66).

 Members Not to Be Removed for Pecuniary Reasons—Though members should support the work of the Church to the extent they are able, they should never be removed because of their inability or failure to contribute financially to the Church.

Seventh-day Adventists Church Manual, 19^th ed. 2015, rev 2016.p 66.

Ellen G White Genzia⁹

   “It is true that there are real Christians in the Roman Catholic communion. Thousands in that church are serving God according to the best light they have. They are not allowed access to his Word, and therefore they do not discern the truth. They have never seen the contrast between a living heart-service and a round of mere forms and ceremonies. God looks with pitying tenderness upon these souls, educated as they are in a faith that is delusive and unsatisfying. He will cause rays of light to penetrate the dense darkness that surrounds them. He will reveal to them the truth, as it is in Jesus, and many will yet take their position with his people.” {GC.88, p. 565.2}

   Roman Catholic lak ah zong Christian taktak om uh hi. Tua pawlpi sunga mi tultampi-te in amau ngahsun khuavaak ah citakin Pasian nabia uh hi. Amaute in thuman le ahing lungsim sung biakna le hinna neilo bawltawm biakna ngeinate kilamdanna telcianzo ngeilo uh hi. Lungkimhuailo le khemsiamna tawh kidim upna bek tawh kipantahsa hih mite Pasian in hehpih huailua sahi. Amaute a umcih khuamial sahpi pailet dingin nizang bangin khuavaak in tan sak ding hi. Jesus neih thuman amaute lak dinga, tampi in Ama mite lam ah  ong pang ding uh hi.

Hih atunga laigual tawpna ah, Roman Catholic sunga mitampi in thuman muin, ong tel dinguha, adinmun lui uh khuamial pan khuavaak, thumanlo nusia in thuman pom ding uh hi, cihna hi. Tuaciangin, Pasian mite din nading, thuman mun ah ong ding ding uh hi, ci hi. SDA pawlpi tawh ong kizom ding uh hi, cih sangin thuman ong mu dinguha, Pasian mite dinna thuman ong dinpih ding uh hi, cihna hipi zaw hi. GC tawh ong kizom/ong kipawl ding uh hi, cih ngam nadingin kammal om lo hi.

Upna Lampial Cihte

SDA Pawlpi in Upna thuguilet kician nei uh hi. 1840-50 kimlai-in, thu 4 khawng bek nei uh hi--Sabbath dik pen kalkhat sunga ani 7 na, Sturday hi; Jesus ong kum baih tading hi;  Misite in khuaphawkna neilo uh hi; cih le Vantungah 1844 in Thukhenna kipan hi; cihte ahi hi. Tua pan kibehlap-a, 13, 27 khawng phato hi. Tuin, leitungbup SDA-te pomding Upna Thugui 28 nei uh hi.

 Tuate “SDA Believe. . . . “ sungah kiciantakin pulak uh hi.  SDA Theology Handbook (2000 ed., Commentary Series Vol 12) na sungah akicingin hilcianna om hi. Tu-a ineih thuguilet 28  a pom peuhmah SDA Upna zui uh ahi hi.

SDA Encyclopedia, p. 1324, “Seventh-day Adventists”  cih thulu nuai ah, “Ahang khat peuhziakin GC tawh kizomlo, upna kibangte SDA hilo cin kiniallo hi” ci zawlai hi. GC tawh kizomlo China gam ah SDA tampi om hi. Hihte Upna lampial kicilo hi.¹⁰

·       “SDA Believe . . . .” kici SDA te Upna Thugui 28 ciaptehna sungah sungah, “Gupna ngah theih nadingin SDA sunga kipawlna khat  teitei sungah om le kizop kisam hi” cih hilhna omlo hi.

·       A Handbook of SDA Theology(2000 ed) : SDA te Upna Thuguilet 28 teng hilhcianna sungah, “Doctrine of Salvation” thulu tawh Dr Cairus in hilhcianna gelh hi. Tua zong SDA te gupna thu pomzia pulakna ahi hi. Tua in zong gupna ngah nadingin Pawlpi le GC tawh kizop kul cih genna om lo hi. ¹¹

  ·       EGWhite , The Desire of Ages:  sungah EGWhite in hih bangin an gen hi.

“. . . Among the heathen are those who worship God ignorantly, those to whom the light is never brought by human instrumentality, yet they will not perish. Though ignorant of the written law of God, they have heard His voice speaking to them in nature, and have done the things that the law required. Their works are evidence that the Holy Spirit has touched their hearts, and they are recognized as the children of God.

 Dawibia lak ah theihlohpia Pasian abia om hi. Mihing puak khuavah avapuak ngeiloh hangin amaute kisiatna thuaklo ding uh hi. Amaute in Lai Siangtho sunga kigelh Pasian thukhun a theihngei loh uh hangin, nate tung panin thukhun nget Ama hopihna aw za uh hi. Kha Siangtho in a lungsim uh a lawnsa ahilamtak amaute gamtatnate in laka, Pasian tanutapate-in pom a hi uh hi. ¹²

Hih atunga dan hileh, koilai ah na GC, Division, Union, Local, Kale Circle, Tamu Circle cihte uh hihmite in theikha peuhmah ding. Tua banah, Sunday zang protestant le Roman Catholic sungah gupngah ding mitampi om lai hi ven.

Tua manin gupna pen azaipi hia, GC le SDA pawlpi sung bek ah om cih ciangtan theih hilo hi. Tua banga ciangtan upna pen Khuamial Hun lai-a Catholic te upna pom zia ahi hi.

·       Church Manual:  in zong SDA pen upna kipawlna bek hi ci hi. Gupna piak nading cingeilo hi. Khatvei vei ipawlpi muanglua in Jesus hunlai-a Laitheite le Pharisees te Pasian teltuam Abraham suan hihna kiphatsak pih le, RC in pawlpi amuanluat bang in SDA in zong pawlpi le Organization akhengval in muanglua kha ihidinghiam cih  in om den hi.

Kidop ding “SDA Church Manual”  in Vaikhak¹³

No Additional Tests of Fellowship—No minister, congregation, or conference has authority to establish tests of fellowship. This authority rests with the General Conference Session. Anyone seeking to apply tests other than those herein set forth does not, therefore, properly represent the Church. (See  1T 207.) Church Manual, 19^th ed., 2015, rev., 2016. P.  64.

Kua Siate ahia, pawlpi, ahihkeh conference khatpeuh ahizongin kuamah in pawlmi hih le hihloh nading thu khun bawl peuhmah lo ding hi. Tua bang a bawl ding pen General Conference Session bek hi. Tua bang thukhun a bawlsawm peuhmah pen Pawlpi aiawh hilo hi

·       SDA GC Bylaws And Working Policy ¹⁴

GC le kipawlna adawldawlte nasep pen Gupna pia ding hizenzen lo hi:

B 10 20 General Conference and Its Divisions—1. Divisions—To facilitate its worldwide activity, the General Conference has established regional offices, known as divisions of the General Conference, which have been assigned, by action of the General Conference Executive Committee at Annual Councils, general administrative and supervisory.

https://session.adventistfaith.org/uploaded_assets/397396

GC pen leitungbup pawlpi kipum khat nading, kipattah nading, le nasep nadingain, ama khutnuaia om kipawlnate a makaih ding bek hi. Gupna ngah nading hizenzen lo hi.

Thukhupna

1.       LST, EGW laigelhte, le “SDA Believe . . .” in gupna pen GC tawh kizop teitei lohin kingahlo ding hi, cih ngaihsut nading malkhat zong hello hi.

2.     SDA Church Manual le GC Working Policy in zong, mi khatpeuh gupna ngah nadingin SDA sung kipawlna adawldawl khatpeuh ah sumpi tawh kipawl lohin gupna kingah lo  dingin a genna omlo hi.

3.     LST le SDA te in gup ngah nadingin leitungbup SDA kipawlna adawldawlte tawh kizop lohin gupna omlo hi, ci ngeilo hinapi, deihkai thu tuamtuam hangin, kizop kisam hi aci siate pawlkhat UMM huam sung ah ong om mawk hi. Kuakua ahizongin, tua bang aci a omte in gupna thu le organization thu tawh kisai SDA Upna Thuguipi a telcianlo uh hizaw ding hi cin ka um hi.

4.     Gupna thuman tangko nadingin, GC tawh kizop thupi hi, cih pen SDA upna nei khempeuh saan thu ahi hi. Ahizongin tua kipawlna khat peuhpeuh tawh kizopna tungtawnin Pasian in gupna le paih nading thu khunglo hi, cih tel ding thupi hi.

5.     Northern Asia-Pacific Division sung ah division le GC tawh kizomlo Adventist tampitak China gam sungah om uh hi.

6.     SDA Upna Guipi Thu 28 tawh kituaklo, atunga ibuaipih, deihkai mimal Upna pombehte pawl pen SDA Upna pGuipi pan a Lampial taktakte hizaw uh hi.

7.     Tua manin, eite in zong Gupnathu ah LST hilhna khenga, GC tawh kizoplo-in, cih upna ineih teitei leh SDA hibilbel napi-in LST thuman upna pan alampialte mah ihi veve ding hi.

Endnotes:

1.       RB Tongluan: Adventit Thukizakna, Lom 1, Hawm 1, (Ponlon 9, Kalemyo: Ramnant Band, March 1, 2010), “Sv. I PAWLPI ADVENTIST” pan SDA Pawlpi, Kipawlna le gupna vai genna thu pan kila hi.

2.     https://en.wikipedia.org/wiki/Thomistic_sacramental_theology( 24/11/2016 Thurs nia sim)

3.     Ministerial Association General Conference of Seventh-day Adventists Seventh-day Adventists, Seventh-day Adventists, Seventh-day Adventists Believe: A Biblical Exposition of Fundamental Doctrines, 2^nd ed., (Old Columbia Pike, Silver Spring, MD: Pacific Publishing Association, 2005),  131 Sv. “The Life, Death, and Resurrection of Christ” cih thulu sunga, “Justification” thuluno pan hi.

4.     Seventh-day Advntist Believe . . .  . 102, 103-105. Sv “The Character of Sin”,le “Eradication of Sin”

5.     Seventh-day Adventists Church Manual (SDA Church Manual), 19^th ed., 2015, rev. 2016, laimai 26. Sv. Purpose of Oraganization”

6.     . GC SDA Working Policy. “Sv.  47 B ORGANIZATION AND ADMINISTRATION* B 05”

7.     Seventh-day Advntist Believe . . . . . No 21, p 301. “Sv. Stewardship”.

8.     SDA Church Manual, 66.

9.     E. G. White, The Great Controversy, 565:2.

10.  Seventh-day Adventist Encyclopedia. P. 1324. “Sv. Seventh-day Adventists” akicite kuate hiam?

11.     Handbook of Seventh-day Adventist Theology. 2000 ed.

12.   EGWhite, The Desire of Ages. 638. “Sv. The Least of My Brethre” (https://text.egwwritings.org/publication.php?pubtype=Book&bookCode=DA&pagenumber=638

13.   SDA Church Manual. 64.

14.   General Conference of SDA Working Policy. “Sv. 47 B 10  20 The General Conference and its Divisions” ((https://session.adventistfaith.org/uploaded_assets/397396)

---