Pastor Reidar Olsen
Kum simin Noble prize piakna mun
Olso City Hall panin a gamla lo mun khat ah Bethel SDA biakinn khat om hi. Hih
biakinn in Norway gam aa dingin a masa penpen biakinn hi.
John Gottlieb Matteson in USA ah a om sungin SDA thuman hong thei a, Norway le Denmark gamte ah hong pai-in SDA thuman a tangko na tungtawnin hih gamte ah SDA thuman a zui mi hong om thei hi.
John Gottlieb Matteson in USA ah a om sungin SDA thuman hong thei a, Norway le Denmark gamte ah hong pai-in SDA thuman a tangko na tungtawnin hih gamte ah SDA thuman a zui mi hong om thei hi.
Matteson in inn mun khat va lei hi.
Hih mun ah biakinn khat kilam ding cih pen Ellen G. White a nuntak lai-in a
mangmuhna sungah Pasian in pulaak khin hi. Ellen G. White zong a dam lai-in hih
biakinn ah kikhawm ngei a, tua hun lai-a kizang pulpit tu dongin kizang lai hi.
Hih biakinn pen 1879 kum in kilam hi. Hun khat
lai-in laikhetna in zong kizang ngei hi. A nuai innkhante clinic, cinate
kilahna in kizang ngei hi. Tu-in hih mun panin tai 39 a gamlatna mun ah
laikhetna innpi khat kinei hi.
Kimlepam
ah nasepna
Bethel
SDA pawlpi in laihawm tuamtuam tawh nasep banah kimlepaam nasep hoih tampi sem
uh hi. Oslo khuapi panin radio FM tawh thugenna zong om hi. Nisim in mi 2000
val bangin thungai den hi. Radio tawh thugenna banah Sabbath nisimin Sabbath
School le biakpiakna, cihte TV ah kisuak sak hi. Sabbath niteh kikhawm dingin
Friday nisimin pastor Olsen in TV tungtawnin mi zawn den hi. Linn Helene
Stoelen in nek le dawn tawh kisai siamna nei hi-in, pawlpi mite tungah
anhuanzia tawh kisai thuhilhna zong neihpih zelzel hi. Bethel SDA pawlpi in sep
ding nam nga geel uh hi. Tuate lakah anhuanzia training, thusinna zong kihel
hi. Mi tampi in hih anhuanna traning ah kihel uh hi. Pawlpi mite in a lawm le
gualte tungah phone, email, facebook cihte zangin mi zawn ciat uh hi. Khangno,
uham, mi nam tuamtuam kihel uh hi.
Mun
Kicing lo
Bethel
SDA pawlpi in lawptakin a nasepna tungtawnin mun tuamtuam Europe, Latin
America, South-east Asia cih gamte pan hong peem mite in hamphatna tampi ngah
uh hi. Olso university sangnaupangte in hih pawlpi nasepna ah kihel uh hi. Mi
tampi kihel ahih manin mun kicing nawn lo hi. 1879 kum a kipanin kizang
laikhetna zong puahphat kul hi. Kikhopna, thusinna cihte-a kizang ding hall
lianpi khat zong kisam uh hi.
Tu
quarter 13 Sabbath School sumpi in Bethel SDA pawlpi nasep nadingin kipuak ding
hi. MUC in Laibung khua thak a pawlpi huhna dingin kipuak ding hi.
