Thupuak: Marian
Marian in a nu sung panin khuamulo
sa-in a suak hi lo hi. Ahi zongin kum khat a phak ciangin a khuamuhloh lam a nu
le pa in hong thei uh hi. Poland gam nisuahna lam, Radom khua tawh kigamlo
khuano khatah tengin lokho uh hi.
Marian’ pi kepna pan khangkhia ahih manin tua hangin Marian in a pi tungah lungdam mahmah hi. Bang hang hiam cihleh a pi tungtawnin Maria in Pasian’ Thukhamte thei hi. Marian in kum 9 a phak ciangin Warsaw khuapi saklam a om Laski Pilsinna Center ah sangkah hi. Hih mun in khuamu theilo mite sangkahna mun khat hi.
Marian’ pi kepna pan khangkhia ahih manin tua hangin Marian in a pi tungah lungdam mahmah hi. Bang hang hiam cihleh a pi tungtawnin Maria in Pasian’ Thukhamte thei hi. Marian in kum 9 a phak ciangin Warsaw khuapi saklam a om Laski Pilsinna Center ah sangkah hi. Hih mun in khuamu theilo mite sangkahna mun khat hi.
Lai Siangtho thu theihtel masakna
Marian in Tan 4 a man khitteh Roman
Catholic sang khat ah a sangkah zom hi. Tua muna a sangkahna panin Marian in
Lai Siangtho sung thute a theih masakna mun hong suak hi. Laski Center pan in
Thukham Sawm thu tawh kisai a theih thu le a pi in a gen Thukham Sawm a
kibatlohlam hong phawk khia a, Thupiak Nihna ah “milim bawl kei in” cih thupiak
om lo hi. Thupiak Sawmna khennih kisuahlam zong hong phawk hi. Marian in bang
mah pau lo-in Lai Siangtho sim toto-a, Mualtung Thuhilhna a sim khak takteh
thuman hong mu tel hi. “ Thukham le Kamsangte genkholhnate a phiat dingin hong
pai hi, ci-in hong ngaihsun kei un. Tuate a phiat dingin a hong pai hi lo-in,
amaute’ hilhna a kicingsak dingin a hong pai ka hi zaw hi” (Matt. 5: 17 , 18).
cih thu hong simkha hi.
“ Bang hangin Thukham Nam Nih om
thei hiam? bang hangin kibang lo hiam? ci-in Marian in a siate hong dong hi. A
sia pa in “ Pawlpi in Pasian in a thupiak thute kheltheihna nei hi” ci-in a sia
pa in dawng kik hi. Tua a kipan Marian in hih sangah sangkah nawn lo hi.
Protestant Lamah hong lunglut
Laski pan a sangkah a man khitteh
Marian in Anna tawh hong kiteng uh hi. A tenna gam uh Poland ah Catholic thuzui
a tam zawk hangin Anna in Protestant upna thei beh nuam hi. Ni khat Anna in
laidal neu khat hong mu kha hi. Tawmsuk in a et leh Lai Siangtho galsin theihna
khat hong mu hi. Lai Siangtho sin dingin Anna in zong a min va pia hi. Lai
Siangtho sinna a zawh khitteh Radom khua-a SDA pastor in zawhna lai certificate
pia-in SDA biakinn ah kikhawm dingin Anna hong zawn hi. Anna zong biakinn ah
hong kikhawm hi. A zak thute le SDA thu upna thuman a sakziate a innkuanpihte
kiangah pulaak zel hi.
Phawkthakna khat
Marian in SDA biakinn ah hong
kikhawm hi. Hih biakinn ah khuamu lo khat zong hong kikhawm hi. Pawlpi mite in
hih khuamu lo pa tutna ding pia, hopih cihte Marian in a muhteh lamdangsa
mahmah hi. Marian in Sabbath School thusinnate, biakpiaknate kihel in a zak
ngei loh thu tampi hong za thei hi. Kikhop man khitteh pawlpi mite in an ne
dingin Marian zawn uh hi. Marian in tua bangin a kikhopna panin Lai Siangtho
sinnopna lungsim hong nei hi. A kuanun hih biakinn ah va kikhawm zelzel uh hi.
Tawl khat khitteh Anna le Marian zong tui kiphum uh hi.
A Manpha mahmah:
Kum tampi sung Mariain in upa le
Sabbath School makaipi sem hi. Biakna kin mahmahin citakin, a thuhilh dingte,
lesson hilh dingte hoihtakin kigingkhol den hi. Hope Channel, TV pan in Pasian
thu kigennate tung panin zong hamphatna tampi ngah thei hi. Amah bek hi lo, mi
tampi in Hope Channel, TV tawh thugenna tungtawnin thuman hong thei uh hi.
Poland gam mi 96% , 39,000,000 Roman
Catholic upna zui uh hi. Italy gam mi hi lo, Pope masa pen pen in Pope John
Paul II hi-in amah pen Poland gammi hi. Poland gam panin Noble prize ngah khin
mi 17 om hi.
Tu quarter 13 Sabbath School sumpi
in Poland gam ah Hope Channel, TV tawh kigenna ah zat dingin kipuak ding hi.
MUC in Laibung khua thaka pawlpi huhna dingin kipuak ding hi.
