Dotna by Khup
Kathu dotna tawm:
Eipawlpi in "vantung kong tawh ong ki ap
ahih leh, lei aa i paih te van ah ki pai ding, lei aa isan te van ah kisang
ding ci i hih teh;"
Dotna: SDA sungah a omlo 1844 or 1860 ma in a
gamtat hoih mahmah Pasian thu a za khalo tampi a si om ding tua ten gupna angah
diam? Or kawlgam ah Pasian thu ongtunma ipu, ipa te gamtat hoih mahmah ten
angah diam?
Dawnna: Amau muh zahzah tawh gamtat hoih ten
ngah ding hi.
Ahih hang minih ki el mahmah uh akhat pa in
alungsim takpi tawh kilem nuam mahmah akhat pa kilem nuamvetlo hi leh, akilem
nuam pan ngah ding, a kilem nuamlo pan ngah lo ding. Anih un kilem nuam le uh
anih un ngah ding. Anih un kilem nuam kei le uh anih un ngahlo ding. Cihi.
Dawnna by Pr. Kai Dal
Gupna, hot khiatna pen Pasian, Topa Jesu Chris pan bek hi. Pawlpi thukhenna hilo hi. Thukham zate thukham zuihna(doer) tawh kikhen dinga, aza lo te apianpih lungtang piak (conscience) Rom. 2:13-16 ah kiciantak in khang tawntung ading in na gen hi.
Mi nih ki el kilemna lel in gupna pia theilo
hi. Christian nuntakna khenno khat a part of bek hi. Kilemna zong thuman thutak
tawh hiam kan kullai hi.
Vantung gam tawhtangte-keys, hell leh sihna
tawhtangte- pen Christ Jesus hi Mat. 16:16,19; Mang. 1:18.Messiah, Honpa hi
John4:24. Amahn in vantung kha an, kha tui hi. John 6:48,49; 4:9,11,14. Amah
hih tawhtang lo in bang mah kihih thei lo John15:5; Sawl. 4: 12.
Pawlpi lutang in Jesu Chris Ep. 5:23 hin thu
um mi kisawp siangna zong Amah leh akammal pan bek hi.v.26. Ama thukhen hi.
John 12:48. Leitung ah pawlpi hen,khah pen vantungah kiheb kikhah cih pen
Christ Jesu - nuntakna, thawh kikna, dikna puanpi etc pulakna gen hi, mimal
kisiansuahna pen amah hi cih pen san leh san lo lak hkia hizaw. Gupna khensatna
hilo hi.
Tua suangpi rock in Christ hi 1Cor. 10:4.
Amah um te hih suangpi tung ah kilam leh kilam loh gen hi Ep 2:20. Pawlpi in
athuthu in khensat leh Jesu Chris lutang sepna hi lo in kisang lo hi.
Tawhtangte pia cih pen Anuntakna pawlpi a ding apiakna gen hi. Eph 5:25 .
Tua hin thugen za a thumang pa pen suang
tungh a inn lam mipil na ci hi Mat.7: 24,25. Pawlpi pen gupna tangko in gupna pia, gumpa
hilo hi. Topa pumpi hin siang tho, mawh baang lo, Pasian pawlpi hi.
Pawlpi leh gupna
True church/ pawlpi man:---Pawlpi ekklesia
pen saptuam hi. Pawlpi tampi om tase leh nam nih in khen hi. Numei
siangtho-pawlpi man leh -zualzang Numei pawlpi man lo -cin Mang 12 leh 17 ah
kimu hi. Babylon doctrine dawn lo in paikhia pawlpi Mang18:1-6 in adik pawlpi
hi in Pasian thukham leh Jesuh teci panna( hilh kholhna kha nei Mang 19:10) pen
remnant abaang lai pawlpi man hi cih hong lak hi.
Rock suangpi tung bek a kiphut pawlpi
man:--Matt 16:18 ah " Hih suangpi tungah ka pawlpi ka lam ding hi"
cin Jesu gen suang pen Amahmah Pasian gen hi. 1 Cor 10:4 ah tua suanpi in
Christ hi. Tua khrist in Jesu, messiah, Immanuel hi. Mat. 16:16, John4:24. Tua
suang in Peter hilo, suang neu ahi mitung ah hilo.
Pawlpi din mun:-- piangsak Pasian thu,
tawntung lungdamna thu tangko, hilh, " channels of light" hi. Mang
14:6-12. Gupna neilo, piangsak lo, gupna khuavak puak sawn hi bek hi. Pawlpi
lutang in Christ bek hileh hell kong pawlpi man lo te in zo lo dinghi.Mang
16:18.
Nungzui Peter te, pawlpi in cikmah hun in
honpa, gumpa Jesuh Chris sang lianzaw, athukham thupiakte khelkhuan, phiat
khuan omlo hi. Eph 2:20; Matt 5:17. GC, Mission, Section ahih kei leh pawlpi
mahmah ngiat tawh kizomlo te gupna ngah lo ding, Zeisu in note kong thei ngei
kei hi acih dingte hi:--cih hilhna, tangkona in Jesu gumpa, honpa nawlkhin in
Jesuh nialna, thukham laihna namkhat hin. Pawlpi lang panna apostacy, babylon
zu hi.
Tua suang chief cornorstone Jesu min longal
hong honkhia dang leitung, van nuai ah om lo hi Sawl.4:11,12. Ih bukna suang
pi, Topa hi Psa 18:2 GC hilo hi. GC it ding, lang pan lo ding, ahih hang palai/
intercessor a koih lo ding. 1 John 1:9; 1 Tim 2:5 Jesuh Pasian khat bek Pasian
leh mite kikal ah palai khat bek om hi. Jesu tawh direct in kizom, leeng gui
hiang hipah in, " Kei lo in bangmah na hih thei kei uh hi" John 15:5.
Ih thunget teh GC min suang in ngen lo, pawlpi min suang in ngenlo hi hang, ih
bukna suangpi GC hi cin zong lasa lo hi hang.
Israel leh pawlpi:-- Kha lam Israel pen ci
leh sa Abraham suan hilo in kha lam tawh vunat na hi zaw hi. Rom. 2:28,29
lungtang vunatna hi. Deut 10:16 lungtang mongtep at in. Thumanna gen hi. Acts
7:51 ngawng khauh in, bil leh lungtang vun at lo in na pate uh bang in Kha
Siangtho nial cin hong tel lah hi. Pawlpi ah zong min khum bek ciang hilo in
pian thakna John 3:5-8, ci leh sa deihna nial a NISIM in ama singlamteh puakna
Luke 9:23, Kha Siang tho gah:- ki itna,lungnopna, kilemna, thuakzawhna,
migitna, dikna leh hoihna, upna, lungnemna, kidek kidaam siamna gah sakna Gal.
5: 22,23, Col 3:12-15. Mission kiphatsak pih nang koi ah om mawk? Nang leh
Pasian kizopna lungtang thupi pen hi. God looks the heart and obedience is
better than sacrifice hi cih vom sen ni.
Pr. Kai Dal
