Khenpi 7
Na Email Cih uh Kua Phuahtawm Ahia:
Pr Ngo Khaw Nang in Union Makaite akhak Email pen
ee
Thupatna:
MYUM sung ah hih igen hunsungin
zuauphuahna tampi om hi. Tuate lai ahizongin kambek tawh(oral) in kimu kiza hi.
Tua
zuauthu-te mah paulap-a sumlom angetna uh thu Pastor Kelly, Pr Chhawna, le Pr Kai Za Dal kadot cianga ong
gente kihel hi. Pr Min Lwin zi, Syama Khin Htwe zong, tamveipi ka kiho uh hangin, hihvai pen
apasal mindai thuakna thu hi-a, alungsim
na mahmah ahihna, le Pasian a apna thu simloh athudang ong genlo hi. Tua zuauphuahna in Pawlpi sum tein
100 lom lakkhiatsak hi. Tuate kua in sem-a, Pasian deihna le pawlpi deihna tawh
kituak/lo cih pen kan-a en ding UMM le MYUM administration alen makaite le EC
ahi hi.
Zuaulai tangthu:
HIh laipen Pr. Ngo Khaw Nang(Ngo Bem)
in Union makai pawlkhat tungah akhak email ahi hi. Pr Ngo Bem in hih email pen
Conference makai Pr Kai Za Dal kiangpan angah ciangin union uliante khaksawn
hi. Aemail sungah kigelhpen in "Kai Za Dal in amah le union
buppi phin hi, galkap thukhen zumah khia
aihmanin, a vaanpih kei uh le amauteng zong thongkiading hi cih paulap in union
ah sum ngen uha, union in 2015 kum kipatlamin Tein 100 pia uh hi, cih thu ahi
hi.
Hihthu akitheih khiat nadingin,
Haunu, Daw Khin Htwe, Pr Min Lwin zi le Pr Kelly Lyan(Sia Pauno) in Sia Kai Za
Dal phone tawh ahopihna panin Sia Kai Za Dal in athei pan ahi hi. A email copy
anget ciangin Pr Tuan Sian Pau poto sak uha, tua pan Sia Dal in ngah hi.
Hih thu akician dingin Pr Kelly P
Lyan, MYUM Secretary, ka dot ciangin, sum ngen pen Pr Ngo Bem hikei in Sia Saw
Htoo Glad hizaw ong ci hi. Ahizongin sumngetna tawh kizom email lai pen lah
Zolai in kigelh, Pr Ngo Bem tung pan ahihmanin, hihthu nih kikal atelhak
thukhat kiselsim tawh ong kibang hi.
Hihlai pen akigelhzawh kha tampi khit
ciangin kinung theihpan ahi hi. Akitheihkhiatna thu atom in anuai-a bang ahi
hi.
March 2015 in Union makai kikheel hi.
Tua sungah Pr Kelly P Lyan pen Secretary ahi hi. Kai Za Dal in atunga igen
email le Union officer-lui 3 te ban ah Pr Htoo Glad le Pr Ngo Khaw Nang-te galkap thukhen zum ah
khia ahihmanin vaan kul ding hi ci-in Pr. Ngo Khaw Nang in agen pen, atakpi mah
hiam cih theinuamin Kai Za Dal phone tawh adotna pan ong dawkkhia ahi hi. Kai
Za Dal in, “Galkap thukhen zum ah kuamah khia keng, hihvai theikha ke’ng. Email
zong Pr Ngo Khaw Nang tungah khakngei keng, thamlo-in email zong nei ke’ng,
zangh ngei ke’ng, Pasian le mihing mai ah kiciam ing” cin dawngkik-a, “email
copy a om leh munuam ing ong khak leu cin hoihding hi” acih ciangin Yangoon
panin, atunga igen email copy pen, Sia
Tuan Sian Pau puasakin, Kalemyo ah, U Kai Za Dal pia sak sawn uh hi. Tua email
lai copy pen anuai a bang hia, kaikhita etcianna azom ah atom in kongguang hi:
Email Lai photo copy:
Email Lai Kaikhita Velna(Analyse):
Hih email copy pen U Kai Za Dal tungpan ka ngahsawn ahi hi.
Alai sunga om thu le kammalte atung
lam panin beknih suahin, a banbanin, I vel suksuk ding hi.
Alai pen Khen 3 in kikhen hi—
1)
Atung
pen ah Pr Ngo Khaw Nang email address ahi hi.
2) Pr
Ngo Khaw Nang in union zuma om, Pr Kai Khan Khual(Sia Khual), Pr Nang Do
Dal(Dalpu), Pr Kelly Pauno, Sia Lam Cin, UMM a om Sia Thang Kang Lo, Sia Thang
Lian Khai, banah Pr Memory Tun le Pr Min Lwin-te address in akhak ahi hi.
3)
Hih
atunga teng nuai ah, Kaizadal in Ngobem akhak email dinga kiphuahsak email pen
ahi hi.
Email Copy bek 1 na:
Ngaihsut
dingah:
1.
Google Account ah
email account bawl ciangin email address ID khat pen username minpiak tuamtuam
tawh kibawl thei hiam?
2.
Original copy koi
bang hiam? Bek masa le anihna kikal ah avom akigitphei pen bang dan hiam?
Pr Kelly (Sia Pauno) tawh Kihonna:
Hih
kihona pen Khen in atunga email vai MYUM Secretary thak, Pr Kelly P. Lyan (Sia
Pauno) facebook chatting pan adotna ahi hi. Khatvei bek kiho-a man hiloin,
tampi vei kihona ahihmanin ani le hunte zong kibanglo uh hi.
10/28/2015 11:19AM
Khen: Hi, dam buang maw?
Topa hepihna tawh dam.
Khen: Aw, Case filing te vai
union leader thakte'n koi cih ding geelna nei cih hehpihna tawh nong hawm thei
diam? Pr Ngo Bem in Sia Kai Dal(email zang ngeilo le zang theilo penpen) email
dan ding khat a phuahtawm-a Union ah sum anget pen, ka ngaihsutsut ciang, tua
dan bel awi kei mawk veng aw! Hih pen khaa lam kiamsukna hin dah huai sa ing. A
mimal in zong laikhak na sawm ning cih ngaihsun ing, nong awi diam?
10/28/2015 3:07PM
10/29/2015 7:57AM
Khen: Aw lung dam Ei.
10/30/2015 3:52PM
Khen: Sia aw, ongtl khial
kenla, thukhat ong dong nuam ingh: Nunga Pr Ngo Bem vai kong dot pen, "Pr
Ngo Bem tungah lai(email) kikhak copy khat na ngah ingh. Tua sungah, Kaizadal
in Pr Ngo Bem tungah, "Ngaihsun khial kei oo, Inngua hahlo gamgua hah kei
ni, Inn le huangte cikmah in ong ap ngei kei ning" cih dana Pr Ngo Bem
challenge na lai dan khat kigelh in, tua angah cianga, Pr Ngo Bem in union ah
sum ngen, union in tein 100 pia, court vai ading cin, kiza. Tua thu a om ciang,
nang Kai Za Dal tungah phone tawh, Pr. Ngo Bem tungah email lai khak nahiam
ci-a dong. Kaizadal in, "ken tua bang thei ngei keng, . . . alai om ahih
leh mu nuam ing" a cih cianga, Pr Ngo Bem email lai copy pen Kaizadal
kikhakto hi cih thu kazak mana, tua thu aman le manloh tel nuama personal a ong
dong hizaw ingh, cih nong telsiam ding ong thum ingh.--Tua dan hi leh,
corruption sanglua ahihmanin, Adventist(MYUM) sung dahhuai lua ding aci hi zaw
ingh. Tua mana, Pr Ngo Bem zong mimal in lai khak nuam ingh ahong cih hizaw ing
ei. Pr Memory hun in zong court azat ding tua dan laizuau khat kibawl, Pr
Memory tun signature dan khat kithu, Kale Khazaing Tazamagyi zum ah နည္း ဥပေဒ/မိန္ ့ ၁၃(၁) ုုkici documentary
evidence a teen uh. Alai ah Kaidal pen MMCC huang lei dinga Union sawl hisak,
tualai pen UMM president tungah kikhak hisak, copy pen Tahan le Kale circle
pia. 1) Tua laiin UMM President pen kei hin, ken tua dan lai ngah ngeilo.2)
Copy apiak Cirlcle lah tualai in, Kale circle bek om, Tahan circle om
nailo(1999 kum alai ii date). Tua dan phuahtawm pen thukham palsalna ahihmanin
serious kasak man hi--ong na telsiam ou.
Sia Dal tawh September 5, 2016 Ni-a Kihona
Khen:
Cidih leng, nunga Ngo Bem email(fake)
copy union pan ong khak pen Pr Pauno(Kelly) mah hi mataw, na interview na khat kangaih leh tomlua in
ong bei vat, adang lah mu nawnlo in. Tua
ciang, phone tawh ong hopih pen Pr Kelly Pauno, le Sia Min Lwin zi zong kihel
dan ana?
Hi mah ei, sia dalpu zi
tawh zong
10:36AM
Khen:
Aw,(1) tua amau phone ong set le Pr Kelly ong
dot koi masa zaw? (2) Sum ngen pen Pr Ngo Bem dana nangkiang ah ong gen uh
aina? Pr Kelly in sum ngen pen Ngo Bem hikei Htoo Glad hi ong ci-a, clarify
nuam.
Khen:
Aw
Tua sum angahna uh "Senpi
ei" akicih uh pen tawh koi ci kizop aita?
Athu kizop dan.
Certified copy ngen le
uh cin kitel pah dinghi.ci. Ngen se loh uh. Koma ate sepna hi hong ci. Tua leh
ama (gobem) kiang pan na dong kikuh hia kacih leh asenpi ei hong ci cih hong
gena, ken zong bang mah lai omlo pi hong cimah lodia cin dawng kik ing
12sata lumta dg
Khen: OK,
Na Mangpha ou leh!
Chat Conversation End
Seen 11:07am
Ngaihsut
ding:
Hih union a sum
ngetna dinga azat uh paulap email lai pen lah, Pr Kai Dal in thei kha ngei keng
ci ahihmanin, amah tawh kisailo ong suak hi. Thamlo in Pr Kai Za Dal in hihthu
apianma le piankhit kum khat gual dong email zang ngeilo hi.
Atunga kakihona uh
ah, Pr Pauno in union ah sum ngen pen Pr Ngo Beam hikei in Pr Saw Htoo Glad
hizaw ci hi. Tua sum nget nading email khak pen lah Pr Ngo Beam hileuleu aih
manin union pan hih sum ngahkhiat nadingin a ngenpa le sum nget nading paulap
email khakpa kipawl uh ahihna kimuthei hi.
Tua ahihmanin
paulap-a kizang tua email pen phuahtawm zuaulai ahihna ong dawk hi. Tua email
sunga om kammal teng zong zuau thu vive ong suakpah hi. Pr Kai Za Dal email
address ding a kiphuahsak email address, kaidalconference@gmail.com zong zuauphuakpa in abawltawm sak hi cih ding simloh thudang
omtheilo hi—Pr Kai Za Dal in tuni dong hi email hongin zang thei-in ka um kei
hi--password kemlo dinga zong zang ngeilo hi.
Thamloin Kai Za Dal
in galkap zumah khia hi acih mite khatbek tunidong galkapten sam in thusit cih
zong a omlam kizanailo ahihmanin, zuau taktak ahihna muhlah ding hilo hi.
Pr. Sawm Sang Tawh kihona:
Hih kihona pen
September, 2016 sunga kahopihna hi. Athupian khit nunga kinungkupkikna hi
KKP: Cidih leng, C le M vai
union in sum tein 500 khat vei bek huh ngei cia, abei lah tein 7000 bang ci.
Tua hi leh tein 6,500 pen UMM sum pan sisak
maw le?
SS: he
union in hong huh division pan huhna tuam khat a om man hi
lai ei
KKP: Pawlpi mite tung pan adon
or pawlpi khat ciang ks 5000 seh acih aman mah maw le?
Aman leh bangzah ngah?
SS: man kenteh tua bang om
ngei kei
KK:Division in legal fund pia
ngei uh maw?
Aw.
SS:he
KK:SD in bangzah bang huh
ahia?
SS:a kician in na deih leh
memory hong dong ning.
KK:Aw,
Akiciana deih lua kai
cianga.
SS:sd pan sumpiak fun khat
om in tua pan myum in hong piak dan hi
KK:Katelloh pen SSD in zumthu
khawl mengmeng un acici zaw uh hi, la ci si-a, huh veve hiam ka cihna--
zum thu a ding ci a a
piak bel hi kei tua teh hih pen gulfan hun lai hi
KK:Legal Fund lopi fund dang
khat legal ah hei ahih leh, EC phalna kisam, tua hikei leh mismanangement suak
ve.
Hi ei, na na lam en ning
e. Aw. aman C do pih cihna aidia?
Khua sung va tai pak
ning ei hong kisawl khat om ki thu za zel ni
KK: OK
11:53AM
KK: Hi, pastor, dam buang maw?
SS:Damdam sam ing ei sia
Manlah keei nahia
SS:man lah khol keng e, man
lel ing
KK:Aw, UMM in a sum beizah
roughly in baingzah bei cih ko ci ithei thei tam? Sya Lam Cin in a gen nuam
dia?
1) Sakhangyi huang pen Pr
Ngo Bem zuak ahia midang? 2) Bangzah khawng uh ahia?
KK: UMM a bek ahi dia?
SS: He
KK:SSD huhna pan in bangzah kizanga, UMM a taktak bangzah bei cih
thei nuam sing ee, tua leh Sia Lam cin nang nadotsak
thei diam, ken dong leng thudang in ngaihsun kha leh kacihna.
Union in Tein 500 huhngei
ci, 2015 kipata Pr Ngo Bem email khak tungin Tein 100 huh leuleu ci, akigawm
union pan 600 bek hia, 7000 ii 10% zong cingzolo.
official in bel tetti
ding ngah hak in cin a huam pi in bel tul sagih bei ci ngel ve uh aw. Sia ko sun 12 thu nget hun hong cing zel ei
na pai ning ei
KK:Official te ci ding hi kei in, athu atheih
ding, le a thuman theih nading a ka deih hizaw. OK zong exam supervise kipan ding hita ing e,
kithuzakik ni ei. Sun pha.
3:32PM
KK:Pawlsung thupiang thumante
gen ngam kei lehang, RC thumanlohna, genkham hunciang gen ngam ding ihi
maw?--he he.. Ngaihsut ding--word for thought.
Thukhupna:
Tua ahihmanin, hih zuau phuahna hangin
union pan Tein 100 ngah uh ahih leh, hih zuaulai email man(cash value) pen Tein
100 cih ding ong suak hi. Union ulian thakte in hih thu pen zuauthu ahihna
theikhin tham ding danin kimu hi. Tua ahih leh teinza donga union a khem
zuauphuakte awiam mawk lel mah ding hiam?
Cash value in tuazah hia, khalam value
in en lehang kiamna lianpi ahi hi.
Pr Gulfan Jr in SSD president asep sungin
hih Thukhenzum vaia gamtatnate pen khamlo hi cih imu thei hi. Amahun sunga
huhnate union makaite le UMM makaite in Thukhenzum adingin nalehzat leuleu uh
ong suak hi.
Hihzaha uihnamkhinsa administration
pen, athakte in bangzah ciang apuah zo ding uh hiam cih pen amau leadership ah
challenge lian pen khat ahi cih angaih sung kha ding uh hiam, cih lunglut huai
dotna khat hi hi. SSD in union uliante
panmun pan ahepkhiat bek tawh corruption beita hiam cih ingaihsut ciangin
dotding tampi ong om hi. Ahizongin dotna a omphial zongin dawnna kingahkikzo
ngeilo hi.
Bangbang hitaleh, abeisa kum 10 le
tukikal sungin MYUM administration sung ah(kiteelna ah policy zatzia, mipite makaihzia,
le workerte makaihnate ah) zuauphuahna nasialua in ganhing si uih than gimnam
in kimlepam azelh bangzah dong ahi hi. MYUM kimakaihna sungah zuaukhemna pen
strategy lianpi khatin kizang hi cih pen atunga thute panin ong dawk khia hi.
Hihpen MYUM sunga administration alen
makaite khalam pukna lianpi ahi hi.
Pages: 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26
Pages: 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26
Please click for more details Apiangsa thute in mailam ading thulamlak
