Khenpi 4

Page 7

        Zato le Nasemte Omna Huang Ngetna

                                   

Thupatna:

Zato vai pen union uliante kikhawlsakna ah emergency cause in mitampi in atel uh hangin, Conference-te thukhenzum ah khia-a, sumlom zatna le zuauthu phuahnate pen kuamahin hih union buaina sung ah ngaihsun khalo phial ding uh hi. Ahizongin hitegel pen khen theih hilo ahihna, Khenpi 2 sunga Khen le Union-1 kihona ah akicingin kidawk khin hi.

Conference-te adona uh hanga, sum le zuauthu azatkhop uhciangin, kumpi zum ah meeltheih nei ongsuak uha, High Court dongah apanpih thei ding thukhenmang (galkap bumuh level ), Tayalotdaw sitni, le kumpi ulian thunei pawlkhat ong neita uh hi. Zumlut dingin Saw Htoo Glae le anaupa Kyaw Htoo Lin hoihtakin ong khutzat thei uh hi. Tuateng in leihang sakin, kumpi zum maingap uha, Zatopi nget ding zong baihlam sato pah uh hi. Union EC kuppihlo –in amaulungsim phutna zui-in ong semto uh hi.

SDA Zatopi le Zato Nasemte omna Kanbe Huang:

Hih zato pen 1947 kum leitungbup 13^th Sabbath School sumpi tawh kilamin, Priminister U Nu in hong hi. American Zatopi ci-a minthang ahi hi. Tawlangyi Kumpi ong kaha, gamdang mi teng akiciahsak ciangin, a len ding omlo ahihmani, 1965 tung ah ap uh hi. Kumpi in Mit, Bil, Nak,le Gawl lamteng kepna Zatopi mahin zang hi.  1988 khita kipan galkap in la hi. Hunkhat ciangin, Max Myanmar Conpany khutsung ah tung  hi. Pr Memory Tun in hih zato angetkik laitakin Max Myanmar khutsunga om ahi hi.   

   

Ministry of Health tung le Max Myanmar tung pan ngetkikna lai bawl uha, tadensa sungah zong suaksak uh hi. Tua ading amapangpi dingin Pawlpi upa(elder) kici  U Kyaw Lin Htoo  zang uh hi.  Tua ngetkikna thu sangpi mah natung khin hi. Ministry of Health in ong piakkik kei leh thukhenzum ah thu kabawl ding uh hi, cin zaksakna lai suaksak uh hi(Apendix –F).

Kanbe-a zato nasemte quarter:  SDA zatopi omlai-a workerte omna Kanbe huang pen 1965 in kumpi in laksak hi. Tua zong ngenin ngahkik napi MYUM tungah apna omlo ci uh hi(Hih thu atelcian in kithei lo-a kantel laiding).

Hih zato ngetkik nadingin sum le pai pen Pr. Memory in ama sum zang dingin gen ci uh hi. Ahizongin MYUM Treasurer tung panin asawtlo-a lohkik dingin sumlompi la hi, ci uh hi.  A sumlom thoh akithei pen Ks tein 500 ta thumvei thoh hi, ci hi(agawm in Ks Tein 1,500) ahi hi. Tua sumte pen EC phalna omlo-a, enforce in, Treasurer le secretary letmat thusakin, athoh ahi hi. (Apendix—G  ah simbeh in).

Hih atunga No 1 le 2 ngetkikna ah Elder 1 အသင္း လူႀကီး ၁ acih uh U Kyaw Lin Htoo mapangpi in a zat uh ahi hi. Nyipitaw a vuangyi zum dong alut thei ding mimuan pen in aneih uh ahi hi. Amah pen 2008 kuma Galkap Thauhlangyi Bogyi kineihpa nau hi-a, apa pen Police lamah Yemoe ciang tawh pensen ahi hi. Kumpi zum khat peuh ah thuklut ding akisap cianga MYUM president khutzat-te hi uh hi. Hihte tawh akipawlkhawm laiteng MYUM worker sungah kuamah apaungam omlo zah ahihi.

MYUM Health Center:  Kamayuat, Tukha Mat-taing kimah MYUM in huang khat nei hi. Tua vai zong buaina om ci hi. Union in akipatlamin hih huang ah Urban ministry dingin English hilhna sangno khat hong ngei hi. Hunkhat khit ciangin Health Center project cih khat tawh khel uh hi. Tua adingin Dr. Htwe Lay makai in seh uh hi. Amah pen kumpi sungah MBBS ahi hi. MYUM in USA a SDA University zatopi khatah further study kum 2 sinbeh sak hi. Tuakhitin Myanmar Union Adventist Seminary(MUAS) Clinic,  Myaungmya ah sem hi. Tua panin MYUM ah Health Ministry Director sem ahi hi. Health Centre-a asepnate Presidentpa khutzatpa in a vasai den ciangin nuam salo, lungkimlo ahihmanin, a gengen hangin, thulutlo den hi, ci uh hi. Tua manin, hihbang thumanlo tawh kisawh nuamkeng ci’n, khiatna lai le nasepkhawlna lai agelh khit ciangin a nasep tawpsan hi, ci uh hi. SSD in bel tawplo dingin gen uh, ci hi. 

Thukhupna

Hihte in MYUM kelluphumteng pholak ong suak hi. Thamloin, MUAS pan sia Paul Tanbaunaw-te pawl in zong MYUM sunga thanghuai tatna teng alungkimlohna uh union tunglam zum ah laikhia uh hi, cih kiza hi. Hih pen MYUM administrative corruption le mismanagement vaia thupiangte tawh kisai action lakna ding emergency causes ahi hi.

Zato ngetna ah EC thukimna le khensatna zui-a tavuan kiguan ahihlian loh hangin, kumpi zum aphu dingin Elder 1 acih uh U Kyaw Htoo Lin zang uh hi. Tua zato pen 1988 pan galkap in zanga, hunk hat ciangin Max-Myanmar Company in zang hi. Galkapte tung pan bangci ngah uh cih ithei kei hi.

Max Myanmar tungah ngetna bawl uha, Ministry of Health tungah zong ngen uh hi.  Hih nasepna adingin zong sum honkhat zang uha, President in ma sum tawh asi ding danin ging hi. 

Pages: 1 | 2  | 3 | 4 | 5 | 6 | 7 | 8  | 9  | 10  | 11 | 12 | 13 | 14 | 15 | 16 |  17 | 18 | 19 | 20 | 21 |  22 | 23 | 24 | 25 | 26 

Please click for more details Apiangsa thute in mailam ading thulamlak