Khenpi 2

Page 5

Asung Apua pan:  Mismanagement le          Admistrative Corruption ci uh

Thupatna

Union makaite vai akicing zaw ngah nadingin MYUM phualpi sunga omte tungah phone, Facebook chatting, le email pan ka dong hi. Union sunga sem le tualtel mi 16 le apualam pan mi honkhat tawh ka kiho hi. Tuate lakah Union officer 2, Yangoon MYUM zum sunga sem director pawlkhat, South East Local Mission ulian nih, Ayeyawadi Local Mission pan 2, le UMM pan worker pawlkhat, ban ah asawtnailo-a Union zum pan pension la siapi khat kihel hi. Pawlkhat in dawnkikna ong pialo uh hi. Pawl khat leuleu in kiteltakin ong gen ngamlo uh hi. Kawlgam sungah transparency (ပြင့္လင္းျမင္သာမူ) thupina le gensia lo-a, asia genna pen amanphatna kitelnailo le culture in kinei nailo hi. Tua manin  thupiangte ahibang liana pulak pen midangte gensiatna mawhna lianpi bangin kingaihsun lai ahihmanin thute akicingin galngah ding hamsa hi.

Hibang thute hangin kihopih mimal minte pulaak lo-in, amau gen thute, amau gen bang lian pawlkhat le pawlkhat atomin gensawn-in (direct / indirect ) kong gelh hi. Union sunga ka kihopih masakna zui-in, min tangin, “Union-1, 2 ,3” cih bangin min kipia hi.

Kadot Mi Pawlkhat-te Genna:

1.     Khen le MYUM Zumpi Sunga Atualtel Mi pawlkhat  Genna

Khen:                Zato vai ah union EC thukimna tawh kingen hilo maw leh?

Union1:        Presidentpa in EC le a Officers dangte bangmah kuppih ngiatlo-in, akhutzat ami khawite thu bek mang zaw. . .”  Zato vai   “. . .  tua vai zong action bangmah om vetlo, a unau uha kiphal pong mawk uh hi. . .2013 kim himah inteh.  Muller 2010 a pensen la hi ven, tua madeuhin zong kihoho uh e. . .(A unau uh, acih pen Pr Mullter Kyaw le Pr Memory Tun a hi hi.)

Khen:          Sia Kai Dal thukhen zum ah akhiat nadingun SSD in Legal Fund a pia ngei uh na? Tua dan zum vai approve na Union EC in anei ngei maw?

Union1:       Kei theihna ciangciang ah om lian kei. MYUM in kipia ngei cih ciang hi. SSD in bel reconcile ding in expense minimize un a cici zaw hi. Union in zong thu tawh kilai ding pu lui in sung ngei napin kikhensat lam om lian lo. UMM pan hih sak uh.

Khen:                Aw, Tein 7,000 bei acih phial zen uh ahimah dingin na um maw?

Union1:       Hi thei lua ding. A neng a tawngin kigawm leh val lai inteh. Sum tawkna-in a nei zong om lel uh. Nuam sa lel uh.

Khen:          Ci dih leng zum vaite UMM in ahihsak pen Pr Min Lwin hun hi ve? Pr Munna Paul in a support diam?

Union1:       Zom to in, amah zong kilem ding lam a kam pin gengen pong ee. Atakin zui kei.

Khen:                Pr. Memory tawh ki thusim mai hilo dia?

Union1:   Um lian keng in pheng pau-pau thei pawl hi zaw.

Khen:                 Pr Kap Lian bang acitam hih thu vai ah? Pr Rozama akhauh dia?

Union1:       Rozama zong kilem sak zo ning cici napi. Kua mah tawh kimu ngamlo pi. Zaknop ding beka pau pawl hi zel lel.

Khen:                Aw,

Union1:   Sia Kap in hong kinin support leng hoih ding.

Chat Conversation End

Union1:   Nung sawng lah ei thu lut lo. Pu lui in nuaizan ding bek-bek gen mawk.

Khen:          Aw, Tua tein 7,000 vaal lakah Union in legal fund apiak ngei bang zah bang hi ding ahia?

                  

  2015 March

Union-1:      Khat vei ki pia in 500 dan hi. Tu kum 2015 a kipan MYUM in len ding sum bei zong sik ding cih kikhen sat hi ven.

Khen:                Union EC lui maw, athakte ahia akhen sat?

Union1:    A luite hi pu lui lai hi. Jan kha ni 5 ni hi.

Khen:                Aw, a voted No na lotngah maw?

  

Union1:    Ngah lian het lo. Kum ki pat hin 2015. 3 or 4 kiim hi ngel ding.

Pupi bel a khauh pen hi aa Ne Win hun dan aa, a nung zuih ngeingai pong uh hi. A pai dan bel.

2.   Yangoon MYUM a nasem khat genna: Mismanagement dan hi, ci uh.

3.    Khen le Union Sunga Tualtel Kakihopih mi 2na: 

Hih pen union-ate kahopih mi 2na ahihmanin Union-2 in kong pulaak hi. Alan-pya Phaya lan, Yangon-a, SDA Zato lui, le a nasemte omna Kanbe huangvai, ban ah Thukhen Zum a dawldawla omlai Mission tazalu sepna vaite ah EC thukimna om le omloh ka dot ciangin:

Union-2 :  “. . . .nasepnate EC-khensatna (voted) minute omlo hi. Sum lom(amount) lianpi hi. EC  Minutes om le a cih uh le minutes bang zah deih na hi uh hiam, ci in force a a thoh hi . . .kei zong om ingh e. Htoo Glad te unau in ciltang ah man a deih sem sak cih tawh ki bang. EC ki zang thei mel lo tua hang hi”. .  . “ Hih thu a pian na bulpi pen Dr Paul Tanbaunaw US a pai in tampi tak President kiangah gen, tua in thu kinawh sak hat2 sa ingh”

Khen:      Zato vai nget akipat hun bang hun pawl ahia, na theikha maw?

Union-2:  “Kician in tel kei mai ingh Kawlgam news te ah suak zel2 hiven nidang in 2013-14    hiven a ni a kha tel keng”

Khen:      Union president thakpa UMM a om lai-in SSD ah kikhia ngei cih dan kaza-a aman mah maw?

Union-2:  “. . . . sum bel nget tawh hi kei. Court case khawl nuam a support loh uh teh a heh uh hi zaw....sia ngo.beam te. .. . . SSD ah bel hi kei union ciang ah hi”

Khen:      Nungin Pr Min Lwin tawh ka kiho leh, Thukhenzum a case filing pen amah zong a utlopipi danin gen veh aw. Tua vaite MYUM-EC ah kikupna le pass na a om tam na theikha maw?

Union-2: “Suak tuan kei a sum thoh pen big amount hin committee minutes om lo a a nuai a te gel sign sak in ken personal-in kha khat khit teh ong loh ning ci in tua loh nai lo in tua teng pen over used hi ci a mah a zii ki zu aih ciang a a nuai a te gel zong a sukha dan hi”

4.   MYUM Nasem khat genna: “SSD in Administrative corruption hi, ci uh”

5.    Union ah Kakihopih Mi -3 na:

Union-3 pen MYUM Departmental director khat hi: Ama genna ah, “SSD pan ong pai uh, MYUM-EC ong tutpih mah uhin, ong gen mah uh. Aihhang athu theihpih kei ung.  Ahaza om hin teh.”  Kuate pawl bang hiding ahia sia, ka cih leh, “ Dr. Htwe Lay-te lam pan khawng.. . . Hih thute pen, thuhoih hilo aihmanin kigenkhia nuamkhollo mai hi.”

6.   MYUM sungah group 3 bang pha uh, President a ut ciat uh hi—Tua group-te kikal kidekna(tension) hang zong hi.

7.    UMM senior sia khat genna:

“Officer-te pen Treasurer pan ong kahto vive uh hia, report piakzia theilo cih hilo napi, a sumzatna uh report a omsak theihloh uh pen thanemna lian mahmah khat hi.”

8.    Makaipipa pen sum bek lunglutin mu ing.

9.   Local Mission president khat genna: “a detail in theih pih kei mai ing” ci hi.

10.            Ulian khat in:  “thungetna ah phawk ding simloh sep theih nei keihang” ci hi.

11.  Union Zumpi Huang sunga om, Pr Memory mah thupi asa khat in:  “Avawh banga at uh hi, kici, . . . . Mawhna nei uh ahihleh pawlpi membership pan zong hepkhiat ding hilo dia, tuahileh siangtho pen ding hi,. . SSD pan ong pai nupi nu in tu tawma thupiang tawh akisem hi kei, sawt ta hi, ci-a ong zaksak simloh bangmah theihpih kei mawk ing.” (Pawlpi membership pan hepkhiat ding vai pen amimalte membership omna local church tawh kisai ding ahi hi)

12.Kachin gama worker khat in: “bangmah theihpih kei mai ung,” ci. Transparency omlo suakve, ka cih leh, “tua dan mah hi mailo dia” ci ziau.

13. Khen le MYUM Ulian khat Fb pan Kihona: (Union-ate kahopih mi 4na hi. English tawh hi in Zo pau in letkhia)

Hih kihona pen, khatvei bek hilo-a, 3 vei 4 vei vaal kihona pan, atoma kong guan ahi hi.

Khen: Hi, Pr! union sung thu za inga, kalung nuam hetlo. Bang ciang ahia? Tu’n, koi ah?

Na masuan dinguh union leader thakte in sehna ong neihsak diam? cih ka dot leh, “Pasian geel dandan hin teh, . . . omna lui mah ah om lai ung.. . Zing ah meeting tu ding uh hi ven. Koikoi ah kei adingin Pasian nasepna in ngaihsun ing”

Khen: Thukhen Zum thute new leader-te tungah handover na bawlsawm uh hiam, amau a zomto lai diam? ka cih leh, “Kua mah thu bawl ding adeih om kei. President thak in support ken teh, . . ke’n zong sawtpi-a ka nialkhitsa hi. . . .  Ko tua tawh kisai nawn kei ungh. . . .”

Khen: Tua dan hi leh, hih zum thu tawh kisai-in Pr Me le Pr Moe a extreme le active pen cihna ahi diam? Pr Me zong kalawm hia hopihnuam hiveng, kacih le, hihvai siapa in ong dawnglo hi.

Khen:  Zumvai le pawlpi vai dialogue om thei-in na um maw?  Union secretary in bangci a ngaihsut tam? ka cih leh, “ Pr Moe in against inteh, ahizongin negotiable person hi.

 Pr. Kelly in zong zum thu support kenteh”

Khen:  Tua le union ah Legal len ngei Pr Kenneth, Pr Khual, le Sia Mg Mg Myo Chan in bang ci ciang influence nei ngei-a, bangciang anei theilai tam ka cih leh, --“Dialogue nop leh Pr Kelly direct-in hopih lecin. . . . Ama lungsim tawng pan hizaw in teh . . . . Pr Khual pen queit, Mg Mg Myo Chan pen neutral”

   

Hih thu kadotna ahang pen, 2006 kum February kha-a UMM Trienial Session, Pyin Oo Lwin ah UMM/MYUM in Conference deih pawlpi 17 a disband khit uh ciangin, Mizoram, India pan Dr. Sangchia ong pai-in, Union leader-te kiangah aki disband-te mailam ah bang cih sawm nahiuh hiam ci-a, opinion pull lak nadinga agelhsakna lai khat ah, tualaitaka UMM Secretary Sia Khual(Pr. Kai Khan Khual) in pawlpi ah Mission member khat a omlaiteng biakinnte ka lak loh uh phamawh ding hi, ciha agelhna om ngei aihmanin, tua in bangciang huzap lai cih theinuam ka hi hi.

14.             UMM nasem senior khat genna: “MYUM Ulianpipa in pawlpite ah azin kawikawi ciangin letsong zong pia kawikawi. Ahizongin tuate pen receipt tawh report piakkikna om theilo tampi om inteh,”

15. Khen le MYUM Yangoon pastor Kihona:

Facebook video call pan kihona: (Saturday, June 13, 2015 nitak kihona)

Hihni in amah Insein ah kikhawm ahihna ong gen ka theih ciangin Insein vai kadot ahi hi.

Khen:           Hi pastor, nang tuni Insein ah vakikhawm ci leng, Pr Aye Han adamdam   hia?

Pastor:  “Dam mah”.

Khen:                 MYUM tawh bangciang ahia, kizomkik khin maw? 

Pastor:       “Tel lian ke’ng, tulam-in sumpi khawngbel puak sam aitam. Sawm-a khat bel puak nailo hin teh.”

                 

Khen:                  Nang hun khawng va zang theisam maw?

Pastor:       “Ke’n genkhollo-a kikhawm hi’n, genkhol leng bel, ong zangsak sam in um ing. . . he. . he.  Alungtai hun tawh kituak leh cihna ee. . .”

Insein vai: Tuma kum 20 vaal-a kipan Insein pawlpi pen union tawh kizomlo-in tang dina, tudong ahi hi. Union president, Ba Hla Thein, Sandy Dee, Tin Tun Shin, Muller Kyaw, le Memory Tun, hun union term 5 sung phial bang atuacih hangin union in disbandment piakna neilo thamloin kumpizum tunlo uh hi.    

1995 Union election ah Pr Aye Han(Ephraim) pen ADRA director pan pawlpino khat ahi Insein church pastor dingin koih uh hi. Tua akipan union tungah nuamlo ahihmanin, Insein pawlpi pen YAD le union tawh kizom lo-in tuam dinpih hi. Pensen alak khit ciangin zong a pensen union ah vathoh nawnlo; sawm-a khat zong puaknawnlo hi. Kei UMM president term kum 5 sungin (1997-2001) union in tamveipi Union EC ah In Sein vai kikupna oma, hanciamin, Insein pawlpi alakkik nop hangin union makaite in khauhsep ngamlo uh hi.    

2008 February, Sabbath ni kikhop manciangin Pr Aye Han inn ah kabanga, amah tawh kakiho uhlai-in, union makaite pen “Di luu di,  phaya-taya mah maloh be, . . . . . saga piou de, e-lauh be”(ဒီ လူ သည္ ဘုရား တရား မွ မ လုပ္ ဘဲ၊ . . . . . စ ကား ေျပာ တယ္၊ အဲ ေလာက္ ဘဲ) ong ci hi. Tualai-in union ah Pr Muller Kyaw, Pr Memory, Secretary;  Sia Dalpu, Treasurer ahi uh hi.     

2015 June kha-a hih kakihopih pastorpa va kikhop dongin Insein vai kiphisian siang nailo ahihna ong dawk hi.

16.    Pr Saw Me, Union president asep sungin, apanpih mahmah Zomi pastorzi khat tawh kakihona hi.  2015 beilam a kihona uh ahi hi. Hih lai sungah a   minseel dingin Sianu cihciang bek kipulaak hi. 

Khen:    M le C vai ah Sia Me khauh mahmah acih, ama lungsim ai tam, a tawwholh hatlua  ai  tam?

Sianu:   Thei lian kei mai e

6 hours ago

Sianu:    Tun u lian hi nawn lo hi ven tua ci khauh na ding om nawn ken cia

13 minutes ago

Khen:        Tu a athak ten zumlam vai mah zomto lai ci leng, akua ut pen ai tam?

Sianu:     Hi maw a khawl nai uh hi lo maw sia

Khen:     Khawl nailo uha, amaukam akizakna ah lah C tawh kilemkik theihna ding ka thungetna hi ci vive hi  ven.

Sianu:    Tua ka cih teh a Lui te a za kiat sak na uh pen sum zang lua Cte do do na a pawl sum uh bei bei ngei na hi kei pawli si hi lo ci uh a GC dong ah a khiat uh ciang a za kia zo pan hi ven.  A mau do nawn se dia a ki ai ve

A lui te Ctawh ki do do sum bei lya cih tawh sia saw me bang sum mawk zat a za kia sak uh hi ven

Union Zumpi Pualam Mission sunga Pawkkhatte Pulaakna:

1.       Pasian in ahai uh dimlet sata hin teh!

2.     Pasian in agamtat bangun thukkik ta hi.

3.     Thungetnate Topa in ong dawng hi.

4.     . . . . Amau zom ding list honkhat kem lai ingh.

5.     Kam tawh lah gen theihloh, a gamtat dan uh nuam mawh sak gige laitak, ahoih veh!

Apua lam pan mite pulaaknate ah athu omzia sangin a thupiangvat  azak uh cianga amau ngaihsut pakna apulakna uh tamzaw hi. Ih thulu adinga, zat theih ding thupaizia genna thumal tamlo  aihmanin comment piakna ka bawl kei hi.

Thukhupna

1.       Atunga kihonate an sim uh ciangin, mipi tunga kipulaklo asungthu pawlkhat an tel ding uh hi.

2.     Buaina hanga SSD in MYUM officer thumte action alakna pen “Mismanagement le Administrative corruption” cih kammal nih tawh pulaak uh hi. Hih kammalte pen SSD kammalzat azakna uh pan agenkik uh ahi hi. Akhiatna: “Mismanagement” pen nakhat peuh zatle-zeekna ah ngimnale geelna omsa bang zui-a zanglo, lehzat, zatloh nadingah zang, zangkhial, zeek-khial cihna hi. “Administrative corruption”:  cih pen kammal zaipi hia, zeekna le makaihna ah policy kikhungsa zuilo, thupisimlo, hehpihna neilo, khualna neilo, gamtatsia, thanghuaitat, thumanlo, zuautat, citaklo, khuttawi/golhguk zang cihnate le tampi huam ahi hi. Kammal hoihlo mahmah khat ahi hi.

3.     Kihona teng in buaina pen SDA Zato huang ngetna vai le Thukhen zum vai pan ahihlam ong dawksak hi.  Hih thulian nih tawh kisai vaite ah corruption omhi cihna ahi hi.

4.     Thukhen Zum ah Conference-te akhiatna uh hangin kyat Tein 7,000 vaal bei cih kiza-a, union in Ks tein 500 tawh khatvei tayavuanin panpih ngei hi. Tualo adangte pen UMM in sik uh cih ong suak hi. Kalaymyo Sanpya Clinic huang zuakna pen Tein 400 vaal khawng uh ci aihmanin tua zong sumlom zatnate ah kiheldingin up huai hi.

5.     Thukhenzum vai ah, Tein 7000 bei takpia, union in Tein 500 bek huh ngei ahileh, adang Tein 6500 pen UMM budget sungpan hiding ahi hi. Tua manin ei le ei ong kitusak thei uh hia, UMM sunga nasem Zomi-te sangin apilzaw mahmah uha, ong thuzawh mahmah uh hi, cih ding hi bilbel hi.

6.     Thukhen Zumvai adingin Pr Memory Tun in EC ah thu asun ngei hangin EC tawh phalna le khensatna omlo ci uh hi. Tua manin hih thukhenzum vai-a corruption in MYUM-EC member buppi lungsim zel nailo hi, ici thei ding hi.

7.     Thukhen Zum vai pen SSD in zong awi ngeilo-a, kilemtuah mengmeng dingin vaikhak zaw napi, union makaipipa in manglo cih dawk hi. Ama mimal hehna, thangpaihna le Conference ahua pawlkhat-te awi-amna hangin zomto veve hi, cih ding ong suak hi.  Hoih sakei phial taleh apau omlo ahihmanin, hizah dong atung ahihna zong kimu thei hi. Policy le financial policy tawh thamloin, khaavai tawh kituaklo cih pen, zanglo laia Saipi pai bangin kilang mahmah napi, alampialna agen kuamah omlo hi.

Hih in makai le nungzuite kikal omzia tawh kisai-in, en leng, Mission Statement le Policy sangin relationship thupisak zawkna culture khat MYUM sungah nasia mahmah hi cih alak ahi hi. Manlo cih thei napi, protest ngamlohna zong Administration corruption acih in ahuam ahi hi. Hih pen Kawlgam kiukzia culture in Mission sung kiukzia ahuzapna khat zong ahi hi—piakpeuh ne, sawlpeuh sem, dawngkik lo—cih culture ahi hi. Hihmun ah igam workers-te dinmun in pawlpi reform thei ding dinmun le lungsim neilo uh ahihna ong dawka adahhuai dinmun ahihlam onglak hi.

8.     Insein vai zong tudong mah hici omlai ahihna pastor-pa tung pan iza hi. Conference-te ado hangin Insein vaia apangpi Pr Aye Han do ngamlo uha, hici koih dap uh hi.

Hih Insein vaipen UMM conference sangin masa zaw hi. Ahihhangin Conference-te alehdo bangin dolo uh hi. Mizoram Conferene pan Pr Biakchawnna Kawlgam ong pai lai-in Conference lamte in zingannekpihna khat ah Insein vai zong kipulak hi. Yangon atun ciangin Union uliante kiangah Insein vai adot leh, “Pr Aye Han kihta ung ong ci” hi ci hi.

9.     Tua manin atunga mawhsakna kammal nihte(mismanagement and administrative corruption) pen hih zato vai le thukhenzum vai-a MYUM uliante nasepnate ah bulh ding ong suak hi.

Pages: 1 | 2  | 3 | 4 | 5 | 6 | 7 | 8  | 9  | 10  | 11 | 12 | 13 | 14 | 15 | 16 |  17 | 18 | 19 | 20 | 21 |  22 | 23 | 24 | 25 | 26 

Please click for more details Apiangsa thute in mailam ading thulamlak