Khenpi 11

Khenpi 11

    Zatna le Ngahna Etkikna

Thupatna:

Hih khawkpi sung ah zatna le ngahna i-en ding hi. MYUM/UMM in kum 10 vaal sunga Coference deihte a sukmit zawh nadinga  a hanciamna, a zatkhiat sum, thatang, le hun bei teng kihel ding hi. Tua teng a zatkhit uh ciangin a ngahkik uh muhtheih le muhmawh metna teng saikakna tawh kisai hi.

Tuateng I muh theih nadingin atunga khawkpi 10 sunga thuteng bulphuh in, khen 3 in khenin I en ding hi. 1. Biakna Lam Kumpi tunga khiatna 2. Ki-Ukna lam Kumpi tunga Khiatna, le 3. Thukhen Mang Zuma Khiatna pana MYUM in angahkik nate ahi uh hi.

Biakna Zum Pan Ngahna:

Hih in Religious Affairs Zum niam pen Yatkwet, Myone, Taing, le Ministry of Religious Affairs, Yangoon donga adawldawla MYUM//UMM in Conference deihte akhiatna uh teng ahi hi. MYUM President Pr Muller Kyaw in Sawbua-yeshin Ohsuh tung ah Conference-te pen upadi zui-in azizu sak nadingin 2004 kum in khia hi. Tua kum mahin Kalemyo-ne le Khazaing Religious Affairs ah khia leuleu uh hi. Tua panin Sagaing Division ah khiato leuleu uh hi. Tua ciangin Ministry of Religious Affairs ah khia leuleu uh hi.

Tua ciangin, Comference lamte in Religious Affairs uliante tungah phisiankikna lai gelh uha, MYUM khiatna teng thulehkik uh hi. Tua ciangin Kumpi Religious Affairs pan in MYUM deihna bangmah tung sak tuanlo uh hi.

Kumpi Kiukna Zum ah Khiatna:

2004 kum January kha akipan 2005 kum sung buppi MYUM in Yatkwet, Myone, Khazaing, Taing, le State Law and Order Restoration Council, Yangon dong ah Conference-te khiatoto uh hi. A paulap uh ah, Conference-te in Mission-te neihsa biakinn le sangteng zawhthawh thuin laksak, buluh, ahihmanin, veengsung gamdaihna nawngkai sak uh hi, cin khia uh hi. Tua ciangin Kumpi uliante in tua bang takpi a om le omloh va kantel uh hi. MYUM te gen bangin paulap ding tak a om loh ciangin bangmah thu piang zo tuan lo zel hi.

Thukhenzum ah Khiatna:

1.       SDA Min zatsak cin Pr Ngo Khaw Nang in tazalu sem in, Kalemyone Criminal Court ah Kai Za Dal le Kham Khen Pau khia hi. Kum 3 val a sawt ciangin, khensatna kipia a, Pr Ngo Khaw Nangin zo hi. Tua manin tazakhante thong ah kha 3 om hi.

2.     Pr Ngo Khaw Nang in Tazalu semin, Kai Za Dal, Kham Khen Pau, Thang Za Pau, Langh Khan Suan, Pau Khan Mang, Cin Suan Mung, Kham Zam Thang te in Mission neihsa buluh ci in Pohma 403 tawh khia hi. Kum 3 a sawt khit ciangin Myone Thukhen zum in, Tazakhan lamte zo sakin, aquital tawh khah hi.

3.     Pr Gin Do Pau, in Mi 8 in amau biakpiak kikhop laitak un va nawngkai sak cin, Pohmah 195 tawh nihvei khia hi. Tazazum in Tazakhan lamte zo sak hi.

4.     Pr Ngo Khaw Nang in Kai Za Dal, Kham Khen Pau le Thang Khan Dal(Chanthagyi) te in aminsiat nadingin, KNU organizer, sum nesim, makai dinga muanhuailo cin mindaisakna dingin gen hi cin Pohma 500 tawh thu bawl hi. Tazazi Zum in Tazakhan mithumte zo sak hi.

5.     Pr Min Lwin in Kaizadal pen SDA min zatloh nading Permanent Junction ngah nuam in Sagaing Division Civil Court ah khia hi. MYUM in thuzo uha, amau nget SDA min zatloh nading khamna order ngah uh hi.

6.     Pr. Ngo Khaw Nang in MMCC huang le KAS huang Mission neihsa hi cin, Conference Kai Za Dal in ong lak sak cin Kale Khazaing Tazama Zum ah khia hi. Khazaing ah zo uha, Taing ah lel uh hi. Tua ciangin atung lam akahtoh uh ciangin, zoto leuleu uh hi.

7.     MMCC huang pen Mission sum tawh kilei hia, Kaiza Dal le Ginno te kileina Sarchoh suphiat nadingin Pr Ngo Khawn Ngang in Tazalu sema, 2013 kum in thu bawl leuleu uh hi. Khazaing, Division ah zo uha, hiHigh Court dong ah zototo uh hi.

8.     Tua thu a zawh uh ciangin a leitang a luah thei nadingu n Zari ngetna thukhat Tazazi Zum ah khia leu leu uh hi. Tua ciangin Kai Za Dal min tawh MMCC huang pen kum 40 grant omsa ahihmanin Tazazi Zum in leitang piak nading khensatna pia lo uh hi.

Pages: 1 | 2  | 3 | 4 | 5 | 6 | 7 | 8  | 9  | 10  | 11 | 12 | 13 | 14 | 15 | 16 |  17 | 18 | 19 | 20 | 21 |  22 | 23 | 24 | 25 | 26 

Please click for more details Apiangsa thute in mailam ading thulamlak